Зәбур
Давудун мәзмуру.
110 Јеһова ағама деди:
«Дүшмәнләрини кәтил кими ајағынын алтына гојанадәк
Сағымда отур».
2 Јеһова сәнин гүдрәт әсаны Сиондан узадаҹаг,
«Ҝет, дүшмәнләринин арасында һакимијјәт сүр», — дејәҹәк.
3 Сән ордуларыны топладығын ҝүн халгын һазыр дураҹаг,
Сүбһ шәфәгиндән доған шеһә бәнзәр бир јығын ҝәнҹ
Ҝөзгамашдырыҹы мүгәддәслик ичиндә јанына ҝәләҹәк.
4 Јеһова анд ичиб, гәрарыны дәјишмәз.
«Сән Мәликсадиг тимсаллы
Әбәди каһинсән».
5 Јеһова сәнин сағ тәрәфиндә олаҹаг,
Гәзәб ҝүнүндә падшаһлары гырыб-төкәҹәк.
6 Халглара чыхардығы һөкмүнү иҹра едәҹәк,
Јери ҹәсәдләрлә долдураҹаг.
Уҹсуз-буҹагсыз дијарын* башчысыны әзәҹәк.
7 Јол үстүндәки чешмәдән су ичәҹәк,
Буна ҝөрә башыны дик тутаҹаг.