Һизгијал
19 «Исраил рәһбәрләри үчүн мәрсијә 2 оху:
“Сизин ананыз ким иди? Ширләр арасында диши шир.
Ҹаван ширләр арасында узанар, балаларыны бәсләјәрди.
3 О, балаларындан бирини бәсләјиб бөјүтдү. Бала ҹаван, ҝүҹлү бир аслан олду.+
Шикарыны парчаламағы өјрәнди.
Һәтта адамлары да јемәјә башлады.
4 Онун сәс-сорағы халгларын гулағына чатанда гују газыб ону тутдулар,
Ону гармаглајыб Мисирә апардылар.+
5 Ана шир ҝөзләди, ҝөзләди, ҝөрәндә ки, баласынын гајытмағына үмид јохдур,
Башга баласыны ҝүҹлү аслан кими јетишдириб үзә чыхарды.
6 О да ширләр арасында ҝәзмәјә башлады.
Бәли, ҹаван, ҝүҹлү аслан олмуш бу бала да шикарыны парчаламағы өјрәнди вә адамлары јемәјә башлады.+
7 О, онларын галалары арасында ҝәзишир, шәһәрләрини виранә гојурду.
Кимсәсиз галмыш өлкә онун нәрилтисиндән ләрзәјә ҝәлирди.+
8 Буна ҝөрә әтраф халглар ону тора салмаг үчүн үстүнә һүҹум чәкди.
Шир онларын һазырладығы гујуја дүшдү.
9 Ону гармаглајыб гәфәсә салдылар вә Бабил һөкмдарынын јанына ҝәтирдиләр.
Орада ону гапалы сахладылар ки, бир дә Исраил дағларында сәдасы ешидилмәсин.
10 Сизин ананыз су кәнарында әкилмиш, ганынызда олан мејнә+ кими иди*.
Бол су ичдијиндән бәһәрли, голлу-будаглы олду.
11 Онун будаглары елә мөһкәм иди ки, онлардан һөкмдар әсасы дүзәлтмәк оларды.
О бөјүјүб башга ағаҹлардан һүндүр олду.
Боју илә, сых јарпаглары илә диггәти ҹәлб етмәјә башлады.
12 Амма ону гәзәблә көкүндән чыхарыб+ јерә атдылар.
Сәмум јели барыны гурудуб гахаҹа дөндәрди.
Мөһкәм будаглары гопарылыб гуруду,+ од дүшүб онлары јандырды.+
13 Инди о, сәһрада,
Сусуз, гураг јердә әкилиб.+
14 Алов будагларындан јајылыб зоғларыны, мејвәләрини мәһв етди,
Һөкмдар әсасы олмаг үчүн бир дәнә дә олсун мөһкәм будағы галмады.+
Бу, мәрсијәдир, ҝәләҹәкдә дилләрдә долашаҹаг мәрсијә”».