Колослулара
4 Еј ағалар, гулларынызла һагг-әдаләтлә, инсафла давранын, јадыныздан чыхармајын ки, ҝөјдә сизин дә Ағаныз вар.+
2 Даима дуа един,+ дуаја лагејд јанашмајын, шүкранла дуа един.+ 3 Һәмчинин биздән өтрү дә дуа един+ ки, Аллаһ Өз сөзүнүн тәблиғи үчүн бизә гапы ачсын вә биз Мәсиһ һаггындакы мүгәддәс сирри бәјан едә биләк. Мән бу сиррә ҝөрә һәбсдәјәм.+ 4 Бәли, дуа един ки, ону лазым олдуғу кими, ајдын шәкилдә бәјан едә билим.
5 Кәнар адамлара гаршы мүдрик давранын вә вахтынызын гәдрини билин.+ 6 Гој сөзләриниз һәмишә дузлу,+ үрәкачан олсун. Онда һәр кәсә неҹә ҹаваб вермәји биләҹәксиниз.+
7 Мәним барәмдә һәр шеји сизә әзиз гардашым, мәнимлә бирликдә Ағаја гуллуг едән, онун садиг хидмәтчиси олан достум Тихик+ данышаҹаг. 8 Ону јаныныза ҝөндәрирәм ки, сизә һал-әһвалымыз барәдә данышсын вә тәсәлли версин. 9 Сизләрдән олан вәфалы вә әзиз гардашым Онисими+ дә она гошуб јаныныза ҝөндәрирәм. Онлар бурада баш верәнләри сизә данышаҹаглар.
10 Мәнимлә бирҝә дустаг олан јолдашым Аристарх+ сизә салам сөјләјир. Барнәбанын гоһуму* Марк+ (сизә дејилмишди ки, о, јаныныза ҝәлсә, ону меһрибанлыгла гаршылајасыныз),+ 11 һәмчинин Јуст ләгәбли Јушә дә сизә салам ҝөндәрир. Бунлар сүннәт едилмишләрдәндир. Бу гардашлар Аллаһын Падшаһлығы уғрунда мәнимлә бирликдә чалышан вә мәнә дајаг олан јеҝанә әмәкдашларымдыр. 12 Мәсиһ Исанын гулу вә сизләрдән олан Епафрас+ да сизә салам дејир. О, сиздән өтрү даима ҹидд-ҹәһдлә дуа едир ки, сиз сонда јеткин инсанлар кими мөһкәм дурасыныз вә Аллаһын ирадәсилә бағлы һәр шејә там әмин оласыныз. 13 Онун сиздән, һәмчинин Лаодикијада вә Һиераполисдә оланлардан өтрү неҹә ҹан јандырдығына өзүм шаһидәм.
14 Севимли һәким гардашымыз Лука+ вә Димас+ да сизә салам дејирләр. 15 Лаодикијадакы гардашлара, һәмчинин Нимфаја вә бу баҹынын евиндә јығышанлара саламларымы чатдырын.+ 16 Бу мәктуб сиздә охунандан сонра елә един ки, о, лаодикијалыларын јығынҹағында да охунсун.+ Лаодикијаја ҝөндәрдијим мәктубу да сиз охујун. 17 Һәмчинин Архипә+ бу сөзләри чатдырын: «Ағанын давамчысы кими сәнә һәвалә олунан хидмәтә ҹидди јанаш, ону иҹра ет».
18 Мән Булус бу саламы сизә өз әлимлә јазырам.+ Мәним буховларымы+ һәмишә јадынызда сахлајын. Аллаһын лүтфү сизә јар олсун.