Зәбур
Дирижора. Давудун мәзмуру.
139 Еј Јеһова, мәни јохламысан, јахшы таныјырсан.
2 Отурушуму-дурушуму билирсән,
Фикирләрими узагдан охујурсан.
3 Јол ҝедәндә, јатанда мәнә бахырсан,
Бүтүн јолларымдан аҝаһсан.
4 Сөз ағзымдан чыхмамыш
Нә дејәҹәјими билирсән, еј Јеһова.
5 Архадан, өндән мәни горујурсан,
Әлин үзәримдәдир.
6 Ағлым бу шејләри сығышдыра билмир,
Буну дәрк едә билмирәм.
7 Һара ҝедим ки, руһун орада олмасын?
Һарада ҝизләним ки, мәни ҝөрә билмәјәсән?
8 Әҝәр ҝөјләрә чыхсам, Сән орадасан,
Јерими Мәзарда* салсам, орада да мәни тапарсан.
9 Сүбһ шәфәгинин ганадларыны тахыб
Јашамаг үчүн ән узаг дәнизә учсам,
10 Һәтта орада әлин мәнә јол ҝөстәрәр,
Сағ әлин мәни тутар.
11 «Гаранлыг мәни ҝизләдәр», — десәм,
Онда әтрафымда ҝеҹә бәјаз олар.
12 Зүлмәт гаранлыг белә, Сәнин үчүн гаранлыг дејил,
Ҝеҹә ҝүндүз кими ишыглыдыр,
Гаранлыг ишыгла ејнидир Сәнин үчүн.
14 Шүкүр Сәнә! Нә һејрәтли, нә еҹазкар јарадылмышам!
Ишләрин һејрәтамиздир,
Буну ҝөзәл билирәм.
16 Ҝөзләрин рүшејмими ҝөрмүшдү.
Һәлә һеч бири јох икән
Бәдәнимин бүтүн һиссәләри, онларын әмәлә ҝәләҹәји ҝүнләр
Сәнин китабында јазылмышды.
17 Фикирләрин мәним үчүн чох дәјәрлидир,
Илаһи, онларын сајы-һесабы јохдур.
18 Сајмаг истәсәм, гум дәнәләриндән чохдур.
Јухудан ојананда јенә фикримдә Сәнсән*.
19 Еј Аллаһ, каш писләри гырајдын,
Онда зоракылар мәндән узаг оларды.
20 Онлар Сәнин барәндә пис-пис данышырлар,
Сәнә дүшмәндирләр, адына күфр едирләр.
21 Еј Јеһова, Сәнә нифрәт едәнләрә неҹә нифрәт етмәјим?
Сәнә гаршы чыханлардан неҹә икраһ етмәјим?
22 Бүтүн нифрәтимлә онлара нифрәт едирәм,
Онлар мәним гаты дүшмәнимдир.
23 Худаја, мәни јохла, гәлбими өјрән,
Мәни имтаһан ет, нараһат дүшүнҹәләрими бил,
24 Ҝөр мәндә пис мејил вармы.
Әбәдијјәт јолунда мәнә бәләдчи ол!