Ромалылара
3 Белә исә, јәһуди олмағын һансы үстүнлүјү, јахуд сүннәтин һансы фајдасы вар? 2 Һәр ҹәһәтдән бөјүк үстүнлүјү вә фајдасы вар. Әввәла, она ҝөрә ки, јәһудиләрә Аллаһын мүгәддәс сөзләри әманәт едилмишдир.+ 3 Бәс бу, неҹә олур? Ахы бәзи јәһудиләр иман етмәдиләр. Онда елә чыхыр ки, даһа Аллаһа етибар етмәк олмаз? 4 Әсла! Һәр кәс јаланчы чыхса+ да, Аллаһ доғрудур.+ Неҹә ки јазылыб: «Одур ки, Сәнин сөзләрин һагдыр вә Сән мәһкәмәдә гәләбә газанаҹагсан».+ 5 Бәс бизим һагсызлығымыз Аллаһын доғрулуғуну тәсдиг едирсә, онда нә дејәк? Мәҝәр Аллаһ гәзәбини јағдыранда әдаләтсизлик едир? (Буну бир инсан кими дејирәм.) 6 Әсла! Аллаһ әдаләтсиз олса, дүнјаны неҹә мүһакимә едә биләр?+
7 Бир дә ки әҝәр мәним јаланым Аллаһын һәгигәтини даһа ајдын бүрузә вериб Она шәрәф ҝәтирирсә, онда мән нијә ҝүнаһкар кими мүһакимә олунмалыјам? 8 Нә үчүн белә демәјәк: «Ҝәлин пислик едәк ки, ахыры јахшы олсун»? Бәзиләри бизә шәр атыр ки, ҝуја биз белә дејирик. О адамлара кәсилән һөкм әдаләтлидир.+
9 Белә исә, нә дејәк? Бизим нәдә исә үстүнлүјүмүз вармы? Хејр! Јухарыда дедијимиз кими, һамы: јәһудиләр дә, јунанлар да ҝүнаһын әсарәти алтындадыр.+ 10 Неҹә ки јазылыб: «Бир нәфәр дә олсун салеһ адам јохдур.+ 11 Дәрк едән, Аллаһы ахтаран бир кимсә јохдур. 12 Һамы јолуну азыб, һеч кимдән бир хејир ҝәлмир. Бир нәфәр дә олсун јахшылыг едән јохдур».+ 13 «Боғазлары ачыг гәбирдир, дилләриндә доғру сөз јохдур».+ «Ағызларында ҝүрзә зәһәри вар».+ 14 «Онлар аҹыдилдирләр, ағызлары ләнәтлә долудур».+ 15 «Ајаглары ган төкмәјә тәләсир».+ 16 «Јолларында анҹаг виранәлик, дәрд-бәла вар, 17 онлар сүлһ јолуну танымырлар».+ 18 «Аллаһ горхусу билмирләр».+
19 Билдијимиз кими, Ганунда дејилән һәр шеј Ганунун табелијиндә оланлара үнванланыр. Белә ки, һәр дил сусдурулсун, бүтүн дүнја Аллаһын гаршысында тәгсиркар чыхсын.+ 20 Буна ҝөрә дә Ганунун тәләбләрини иҹра едән һеч бир адам Аллаһын гаршысында салеһ билинмәјәҹәк,+ чүнки ганун ҝүнаһын нә олдуғуну там ачыглајыр.+
21 Лакин инди ајдын олду ки, гануна риајәт етмәдән дә Аллаһын нәзәриндә салеһ сајылмаг мүмкүндүр.+ Бу барәдә Төвратда* вә Пејғәмбәрләрин китабында да дејилир.+ 22 Бәли, Иса Мәсиһә иман ҝәтирмәклә һәр кәс Аллаһын нәзәриндә салеһ сајыла биләр. Чүнки инсанлар арасында һеч бир фәрг јохдур.+ 23 Һамы ҝүнаһ ишләјиб, һеч кәс Аллаһын ҹалалыны әкс етдирә билмир.+ 24 Лакин онлар Мәсиһ Исанын өдәдији фидјә васитәсилә+ гуртулуб салеһ сајылырлар.+ Бу, Аллаһын Өз лүтфү сајәсиндә вердији бир әнамдыр.+ 25 Аллаһ Оғлуну гурбан верди ки, онун ахыдылмыш ганына+ ҝәтирилән иман сајәсиндә инсанлары Өзү илә барышдырсын.+ Аллаһ буну Өз әдаләтини нүмајиш етдирмәк үчүн етди, чүнки Аллаһ сәбир ҝөстәриб кечмишдә ишләнмиш ҝүнаһлары бағышлајырды. 26 Бу, һәм дә онун үчүн иди ки, Исаја иман ҝәтирән адамы салеһ+ сајаркән бу дөврдә дә Өз әдаләтини нүмајиш етдирсин.+
27 Беләликлә, өјүнмәјә әсасымыз вармы? Јохдур! Һансы гануна әсасән јохдур? Әмәлләрин иҹрасыны тәләб едән гануна ҝөрә?+ Хејр, иман тәләб едән гануна ҝөрә. 28 Биз белә гәнаәтә ҝәлдик ки, инсан ганунун тәләб етдији әмәлләрдән асылы олмајараг, имана әсасән салеһ сајылыр.+ 29 Мәҝәр Аллаһ јалныз јәһудиләрин Аллаһыдыр?+ Мәҝәр О, диҝәр халгларын да Аллаһы дејил?+ Бәли, диҝәр халгларын да Аллаһыдыр.+ 30 Әлбәттә, Аллаһ тәкдир+ вә О, сүннәтлиләри имана әсасән,+ сүннәтсизләри иманлары сајәсиндә+ салеһ сајаҹаг. 31 Онда елә чыхыр ки, биз иманымызла гануну ләғв едирик? Әсла! Әксинә, биз гануну тәсдиг едирик.+