10 Сүлејманын мәсәлләри.+
Ағыллы оғул атасыны севиндирәр,+
Ахмаг оғул исә анасына дәрд олар.
2 Һарам јолла јығылан хәзинә хејир ҝәтирмәз,
Салеһлик исә өлүмдән гуртарар.+
3 Јеһова салеһи аҹ гојмаз,+
Амма писләрин арзусуну ҝөзүндә гојар.
4 Тәнбәл әлләр саһибини јохсуллуға салар,+
Чалышган әлләрсә сәрвәт ҝәтирәр.+
5 Ағыллы оғул јајда мәһсул јығар,
Бичин вахты јатан оғулса рүсвајчыдыр.+
6 Салеһ адам ҹамаатын рәғбәтини газанар,+
Шәр адамын дили гәддарлығы өрт-басдыр едәр.
7 Салеһ алгышла хатырланар,+
Шәр адамынса ады ит-бат олар.+
8 Мүдрик үрәк саһиби нәсиһәти гәбул едәр,+
Сәфеһ-сәфеһ данышан ајаглар алтда галар.+
9 Камиллик јолу илә јеријән динҹ јашајар,+
Әјри јоллары тутан ифша олар.+
10 Һијлә илә ҝөз вуран әзаб ҝәтирәр,+
Сәфеһ-сәфеһ данышан ајаглар алтда галар.+
11 Салеһин дили һәјат чешмәсидир,+
Шәр адамын дили гәддарлығы өрт-басдыр едәр.+
12 Нифрәт нифаг салар,
Амма мәһәббәт бүтүн ҝүнаһлары өртәр.+
13 Бәсирәтли адамын дилиндән һикмәт төкүләр,+
Амма ганмазын күрәји көтәк јејәр.+
14 Ағыллы адам билији горујуб сахлар,+
Амма сәфеһин дили өлүм ахтарар.+
15 Варлы адамын сәрвәти онун үчүн галалы шәһәрдир,
Јохсуллуг касыбы јыхар.+
16 Салеһин әмәлләри һәјата апарар,
Шәр адамынса газанҹы ҝүнаһа апарар.+
17 Тәрбијәјә бағланан һәјата јол ачар,
Тәнбеһә мәһәл гојмајан башгаларыны јолдан чыхарар.
18 Кинини ҝизләдән јалан данышар,+
Ифтиралар јајан ағылсыздыр.
19 Сөз чох олан јердә хәта әскик олмаз,+
Дилини сахлајан исә ағыллы иш ҝөрүр.+
20 Салеһ адамын дили саф ҝүмүшдүр,+
Шәр адамын үрәји исә һеч нәјә дәјмәз.
21 Салеһ адамын дили чохларыны бәсләјәр,+
Ахмағы ағылсызлығы мәһв едәр.+
22 Јеһованын вердији бәрәкәтдир инсана сәрвәт ҝәтирән.+
О, бу бәрәкәтә кәдәр гатмаз.
23 Ахмаг адам үчүн абырсызлыг әјләнҹәдир,
Бәсирәтли адама исә һикмәт хасдыр.+
24 Шәр адамын горхдуғу шеј башына ҝәләр,
Салеһ адам исә мурадына јетишәр.+
25 Туфан ҝәлиб кечәндә шәр адам јох олар,+
Салеһ адам исә әбәди дуран бүнөврәјә бәнзәр.+
26 Дишләр үчүн сиркә, ҝөзләр үчүн түстү неҹәдирсә,
Тәнбәл дә она иш бујуран үчүн еләдир.
27 Јеһовадан горхмаг өмрү узадар,+
Амма шәр адамларын өмрү гысалар.+
28 Салеһләрин үмиди севинҹ ҝәтирәр,+
Амма шәр адамларын үмиди пуча чыхар.+
29 Јеһованын јолу камилләр үчүн галадыр,+
Бәдәмәл үчүнсә мәһвдир.+
30 Салеһи һеч нә јыхмаз,+
Амма шәр адамлар јер үзүндә галмаз.+
31 Салеһин дилиндән һикмәт сүзүләр,
Әјри дил исә кәсиләр.
32 Салеһин дили нәјин хош олдуғуну билир,
Амма шәр адамын дилиндән фитнә төкүлүр.