Зәбур
Бинјаминли Кушун сөзләриндән өтрү Давудун Јеһоваја охудуғу гәмли нәғмә.
7 Еј Аллаһым Јеһова, Сәнә сығынмышам,
Тәгибчиләрдән мәни гору, хилас ет,
2 Јохса аслантәк мәни парчалајаҹаглар,
Сүрүјүб апараҹаглар, гуртаран олмајаҹаг.
3 Еј Јеһова, гәбаһәт иш тутмушамса,
Һагсызлыг етмишәмсә,
4 Јахшылыға јаманлыг етмишәмсә,
Наһаг јерә дүшмәними сојмушамса*,
5 Гој дүшмән ҹанымы тәгиб етсин, тутсун,
Мәни* јерә вуруб тапдаласын,
Шәрәфими јерә сохсун. (Селаһ)
6 Гәзәбинлә галх, еј Јеһова,
Дүшмәнләримин һиддәтинин габағыны кәс,
Мәнә ҝөрә галх, тәләб ет, әдаләт бәргәрар олсун.
7 Гој халглар дөврәндә топлашсын,
Сән дә уҹалардан онлара һөкм ет.
8 Јеһовадыр халглара һөкм чыхаран.
Салеһлијим әсасында, еј Јеһова,
Паклығым әсасында мәни мүһакимә ет.
9 Нә олар, шәр адамларын пислијинә сон гој,
Салеһ адамы исә һифз ет.
Адил Аллаһ үрәкләри, ән дәрин дујғулары сынајар.
10 Аллаһдыр, үрәјидүз адамларын хиласкарыдыр мәним галханым.
11 Худавәнд адил һакимдир,
Бәјан едир һәр ҝүн һөкмләрини.
12 Инсан пис јолундан дөнмәзсә, О, гылынҹыны итиләр,
Каманыны чәкиб нишан алар.
13 Өлүм силаһларыны һазырлар,
Алов сачан охларыны дүзәлдәр.
14 Бах, бири бәтниндә пислик дашыјыр,
О, фитнәјә һамилә галыб, јалан доғар.
15 Бир гују газды, газдыгҹа газды,
Амма газдығы гујуја өзү дүшәҹәк,
16 Гурдуғу фитнә өз башына ҝәләҹәк,
Зоракылығы өзүнә гајыдаҹаг.
17 Әдаләтинә ҝөрә Јеһоваја алгыш едәҹәјәм,
Һагг-Таала Јеһованын адыны нәғмәләрдә тәрәннүм едәҹәјәм.