1 Ишмуил
13 Талут падшаһ оланда...* јашы вар иди.+ О, ики ил иди ки, Исраилин падшаһы иди. 2 Талут Исраилдән 3000 адам сечди. Онларын ики мини Миһмашда вә Бејтелин дағлыг бөлҝәсиндә Талутла бирликдә иди. Мин нәфәри исә Бинјаминдәки Ҝибаһда+ Јонатанла+ иди. Галан адамлары Талут өз чадырларына ҝөндәрди. 3 Јонатан филиштлиләрин Ҝибадакы+ кешикчи дәстәсини дармадағын етди.+ Бу хәбәр филиштлиләрә чатды. Талут бүтүн өлкәдә шејпур чалыб+ ҹар чәкдирди: «Гој ибраниләр ешитсин!» 4 Бүтүн Исраил бу хәбәри ешитди: «Талут филиштлиләрин кешикчи дәстәсини дармадағын едиб. Инди филиштлиләрин Исраилә нифрәти артыб». Беләликлә, Талута гошулмаг үчүн халгы Ҝилгала+ топладылар.
5 Филиштлиләр дә Исраиллә дөјүшмәк үчүн бир јерә топлашды. Онларын 30 000 ҹәнҝ арабасы, 6000 сүвариси, дәниз гуму гәдәр гошунлары вар иди.+ Онлар Бејт-Авендән+ шәргдә, Миһмашда ордуҝаһ гурдулар. 6 Исраиллиләр ҝөрдүләр ки, ишләри фәнадыр, чүнки онлар сыхышдырылырды. Халг мағараларда, ојугларда, гајаларда, зирзәмиләрдә, һовузларда ҝизләнди.+ 7 Һәтта ибраниләрин бир гисми Иорданы кечиб Ҹад вә Ҝилад торпағына ҝетди.+ Лакин Талут һәлә дә Ҝилгалда иди, јанындакыларын һамысы горхудан әсирди. 8 О, једди ҝүн, Ишмуилин гојдуғу вахта гәдәр ҝөзләди. Амма Ишмуил ҝәлиб чыхмырды. Талутун јанындакы адамлар дағылышмаға башлады. 9 Ахырда Талут деди: «Јандырма гурбаныны вә үнсијјәт гурбанларыны бура ҝәтирин». О, јандырма гурбаныны тәгдим етди.+
10 Талут јандырма гурбаныны тәзәҹә тәгдим едиб гуртармышды ки, Ишмуил ҝәлди. Талут онун гаршысына чыхыб саламлады. 11 Ишмуил деди: «Сән нә етдин?» Талут ҹаваб вериб деди: «Ҝөрдүм ки, ҹамаат дағылышыр,+ сән дә дедијин вахтда ҝәлмирсән, бир тәрәфдән дә филиштлиләр Миһмашда топланыб,+ 12 өз-өзүмә фикирләшдим: “Инди филиштлиләр Ҝилгала ениб үстүмә ҝәләҹәкләр. Амма мән һәлә Јеһованын разылығыны алмамышам”. Буна ҝөрә дә мәҹбур олуб јандырма гурбаныны тәгдим етдим».
13 Ишмуил Талута деди: «Ахмаглыг етдин. Аллаһын Јеһованын сәнә вердији әмрә табе олмадын.+ Әҝәр табе олсајдын, Јеһова сәнин тахтыны Исраилдә һәмишәлик мөһкәмләндирәрди. 14 Амма инди сәнин сүлалән давам етмәјәҹәк.+ Јеһова Өз көнлүнә јатан адам тапаҹаг.+ Јеһова ону халгына башчы гојаҹаг,+ чүнки сән Јеһованын әмринә табе олмадын».+
15 Ишмуил Ҝилгалдан чыхыб Бинјаминдәки Ҝибаһа ҝетди. Талут јанындакы адамлары сајды. Онларын сајы 600 нәфәр иди.+ 16 Талут, оғлу Јонатан вә онларын јанындакылар Бинјаминдәки Ҝибада+ галырдылар. Филиштлиләрин ордуҝаһы Миһмашда иди.+ 17 Филиштлиләрин дүшәрҝәсиндән үч дәстә чыхыб гарәтчилик едирди. Бир дәстә Өфра јолуна, Шуал торпағына сары ҝедирди. 18 О бири дәстә Бејт-Һурун+ јолуна, үчүнҹү дәстә исә Сәбуим вадиси илә үзбәүз сәрһәдә ҝедән јола, сәһраја тәрәф ҝедирди.
19 Бүтүн Исраил мәмләкәтиндә бир нәфәр дә олсун дәмирчи јох иди. Чүнки филиштлиләр дејирди: «Гој ибраниләр гылынҹ, низә дүзәлтмәсинләр». 20 Исраиллиләр ҝаваһын, тоха, балта, ораг итиләмәк үчүн филиштлиләрин јанына ҝедирдиләр. 21 Ҝаваһын, тоха, јаба вә балта итиләмәјин, дәјәнәк бизини бәркитмәјин гијмәти бир пим* иди. 22 Дөјүш вахты Талутла Јонатанын јанындакы адамлардан һеч биринин әлиндә гылынҹ, низә јох иди.+ Тәкҹә Талутла оғлу Јонатанын силаһы вар иди.
23 Филиштлиләрин кешикчи дәстәси Миһмаш кечидинә чыхды.+