1 Ишмуил
15 Сонра Ишмуил Талута деди: «Јеһова мәни ҝөндәрмишди ки, сәни халгы Исраил үзәриндә падшаһ кими мәсһ едим.+ Инди Јеһованын сөзүнү динлә.+ 2 Ордулар Аллаһы Јеһова белә дејир: “Исраил Мисирдән чыханда јолда онлара мүгавимәт ҝөстәрдикләри үчүн әмалигәләрлә һагг-һесаб чәкәҹәјәм.+ 3 Инди галх, әмалигәләри гыр,+ һәр шејләрини мәһв ет.+ Һеч кимә рәһм етмә: кишијә, гадына, ушаға, чағаја бахмајыб һамысыны өлдүр.+ Гојунлары, дәвәләри, ешшәкләри гыр”».+ 4 Талут ҹамааты чағырыб Тәлајимдә сајды: 200 000 пијада әсҝәр диҝәр гәбиләләрдән, 10 000 адам да Јәһудадан топланды.+
5 Талут ҝедиб әмалигәләрин шәһәри јахынлығында, вадинин јанында пусгу гурду. 6 О, гәниләрә+ деди: «Әмалигәләрдән ајрылын ки, сизи онларла бир јердә мәһв етмәјим.+ Чүнки Исраил халгы Мисирдән чыханда сиз онлара хејирхаһлыг етмишдиниз».+ Гәниләр Әмаликдән ајрылдылар. 7 Бундан сонра Талут Һәвиләдән+ тутмуш Мисирин јахынлығында олан Шура+ гәдәр әмалигәләри гырды.+ 8 Талут Әмалик падшаһы Агагы дири-дири тутду,+ галан ҹамааты исә гылынҹдан кечирди.+ 9 Талутла адамлары Агагы сағ сахладылар. Мал-гаранын, гојун-гузунун ичиндән јахшыларына, көк һејванлара, гочлара вә бүтүн јахшы шејләрә һејифләри ҝәлди.+ Амма бәјәнмәдикләри, лазымсыз шејләри мәһв етдиләр.
10 Ишмуилә Јеһованын сөзү назил олду: 11 «Талуту падшаһ гојдуғума пешманам, о, Мәним јолумдан дөнүб, сөзләримә әмәл етмир».+ Бу, Ишмуилә чох пис тәсир етди. О, бүтүн ҝеҹәни Јеһоваја фәрјад етди.+ 12 Сәһәр дуруб Талутун ҝөрүшүнә ҝедәндә она дедиләр: «Талут Кармелә+ ҝедиб, орада өзү үчүн абидә гојуб,+ сонра да чыхыб Ҝилгала ҝедиб». 13 Ишмуил Талутун јанына ҝәлиб чыханда о деди: «Еј Јеһованын мүбарәк бәндәси. Мән Јеһованын сөзүнү јеринә јетирдим». 14 Амма Ишмуил деди: «Бәс гулағыма ҝәлән бу гојун мәләшмәси, бу инәк бөјүртүсү нәдир белә?»+ 15 Талут деди: «Бунлары әмалигәләрдән ҝәтирибләр, чүнки гојунларын, мал-гаранын јахшыларына халгын һејифи ҝәлди, онлары сәнин Аллаһын Јеһоваја гурбан ҝәтирмәк үчүн сахлады, лакин галанларыны мәһв етмишик». 16 Онда Ишмуил Талута деди: «Дајан, Јеһованын өтән ҝеҹә мәнә дедикләрини сәнә сөјләјәҹәјәм».+ Талут: «Сөјлә», — деди.
17 Ишмуил сөзүнә давам етди: «Исраил гәбиләләринин башчысы тәјин олунанда, Јеһова сәни Исраилин падшаһы кими мәсһ едәндә+ мәҝәр өзүнү кичик сајан сән дејилдин?+ 18 Сонра Јеһова сәнә тапшырды: “Ҝет о ҝүнаһкар әмалигәләри мәһв ет.+ Онларла дөјүшүб һамысыны гыр”.+ 19 Бәс нә үчүн Јеһоваја итаәт етмәдин? Сән һәрисликлә гәнимәтин үстүнә ҹумдун!+ Јеһованын нәзәриндә пис иш тутдун!»
20 Амма Талут Ишмуилә деди: «Ахы мән Јеһоваја итаәт етдим, Јеһованын мәнә бујурдуғу иши ҝөрмәјә ҝетдим, Әмалик падшаһы Агагы ҝәтирдим, әмалигәләри гырдым.+ 21 Амма халг гәнимәтин ичиндән гојун вә мал-гараны, мәһв едилмәли шејләрин јахшыларыны сахлады ки, Ҝилгалда сәнин Аллаһын Јеһоваја гурбан ҝәтирсин».+
22 Ишмуил деди: «Мәҝәр Јеһоваја гурбандан чох Онун сөзүнә итаәт етмәк хош дејил?+ Буну бил, Јеһоваја итаәт етмәк гурбандан, гулаг асмаг гочларын пијиндән+ јахшыдыр.+ 23 Чүнки асилик+ фалчылыға+, тәкәббүр исә сеһрбазлыға вә бүтпәрәстлијә бәрабәрдир. Инди ки сән Јеһованын сөзүнү рәдд еләдин,+ О да сәни падшаһ кими рәдд етди».+
24 Талут Ишмуилә деди: «Ҝүнаһ етдим. Јеһованын әмрини вә сәнин сөзүнү јерә вурдум, халгдан горхдуғум үчүн онларын дедијини етдим. 25 Јалварырам, ҝүнаһымы бағышла, мәнимлә бирҝә гајыт, гој Јеһоваја сәҹдә едим».+ 26 Ишмуил исә деди: «Јох, сәнинлә гајытмајаҹағам, чүнки сән Јеһованын сөзүнү рәдд етмисән. Јеһова да сәни рәдд едиб, сән даһа Исраилин үзәриндә падшаһ олмајаҹагсан».+ 27 Ишмуил дөнүб ҝетмәк истәјәндә Талут онун ҹүббәсинин әтәјиндән јапышды. Ҹүббәнин әтәји ҹырылды. 28 Онда Ишмуил она деди: «Бу ҝүн Јеһова Исраил үзәриндә һакимијјәти сәнин әлиндән алды. Ону сојдашларындан биринә, сәндән јахшысына верәҹәк.+ 29 Исраилин Алиси+ јалан данышмаз,+ фикриндән дөнмәз. Чүнки О, адам дејил ки, фикриндән дөнсүн».+
30 Онда Талут деди: «Ҝүнаһ еләмишәм. Амма јалварырам, халгын ағсаггалларынын, Исраилин гаршысында мәни һөрмәтдән салма. Мәнимлә гајыт, гој Аллаһын Јеһоваја сәҹдә гылым».+ 31 Ишмуил Талутун ардынҹа ҝетди вә Талут Јеһоваја сәҹдә гылды. 32 Сонра Ишмуил деди: «Әмалик падшаһы Агагы бура ҝәтирин». Агаг көнүлсүз-көнүлсүз* онун јанына ҝәлди, чүнки өлүм горхусунун артыг өтүшдүјүнү фикирләширди. 33 Ишмуил деди: «Гылынҹын гадынлары неҹә өвладсыз гојурдуса, гој инди сәнин анан еләҹә ағлар галсын». Ишмуил буну дејиб Ҝилгалда Јеһованын өнүндә Агагы доғрады.+
34 Ишмуил Рамаја гајытды, Талут исә Ҝибаһа, евинә ҝетди. 35 Ишмуил өләнә кими даһа Талуту ҝөрмәди. Ишмуил Талутдан өтрү дәрд чәкирди.+ Јеһова Талуту Исраилә падшаһ гојдуғуна пешман олмушду.+