Зәбур
Дирижора. Давудун мәзмуру.
13 Аһ Јеһова, нә вахтадәк мәни унудаҹагсан? Әбәдиликми?
Нә вахтадәк мәнә нәзәр салмајаҹагсан*?
2 Нә вахтадәк ҹаным бу әзаба дөзәҹәк,
Ҝүнбәҝүн бу дәрди гәлбимдә дашыјаҹағам?
Нә вахтадәк дүшмән мәнә үстүн ҝәләҹәк?
3 Һалыма бах, еј Аллаһым Јеһова, мәнә һај вер.
Ҝөзүмә нур вер ки, өлүм јухусуна далмајым
4 Вә дүшмәним: «Ону үстәләдим!» — демәсин,
Рәгибләрим јыхылмағымы ҝөрүб севинмәсин.
5 Сәнин мәһәббәтинә ҝүвәнирәм,
Үрәјим вердијин гуртулушдан шадланаҹаг.
6 Јеһованын шәнинә нәғмә дејәрәм, јахшылығыны мәндән әсирҝәмәјиб.