1 Тимутијә
1 Хиласкарымыз Аллаһын вә үмидимиз Мәсиһ Исанын+ әмри илә Мәсиһ Исанын һәвариси олан Булусдан 2 иман јолунда доғма балам олан+ Тимутијә*+ мәктуб.
Атамыз Аллаһдан вә Ағамыз Мәсиһ Исадан ҝәлән лүтф, мәрһәмәт вә сүлһ сәнә јар олсун.
3 Мән Македонијаја ҝетмәјә һазырлашаркән сәни Ефесдә галмаға тәшвиг етдијим кими, инди дә тәшвиг едирәм ки, орада галыб бәзиләринә јад тәлимләри өјрәтмәји, 4 ујдурма рәвајәтләрә+ вә нәсил шәҹәрәләринә баш гошмағы гадаған едәсән.+ Бунлар вахт итирмәкдән башга бир шеј дејил, анҹаг фәрзијјәләр доғурур. Белә шејләрин иманы мөһкәмләндирмәк үчүн Аллаһын вердији шејләрлә һеч бир әлагәси јохдур. 5 Бу ҝөстәришин мәгсәди одур ки, һамымызда сидги-үрәкдән ҝәлән, тәмиз виҹдандан вә ријасыз имандан доған+ мәһәббәт олсун.+ 6 Бәзиләри бунлардан узаглашыб бош-бош сөһбәтләрә баш гошмушлар.+ 7 Онларын көнлүндән ганун мүәллими олмаг+ кечир, анҹаг нә өз дедикләриндән, нә дә исрарла иддиа етдикләри шејләрдән башлары чыхмыр.
8 Биз билирик ки, дүзҝүн тәтбиг едиләрсә, Ганун јахшыдыр. 9 Ахы Ганун салеһ адамлар үчүн јох, ганунсуз,+ аси, аллаһсыз, ҝүнаһкар, сәдагәтсиз, мүгәддәс шејләри һеч јеринә гојан адамлар үчүн, гатилләр, о ҹүмләдән ата-ана гатилләри, 10 әхлагсыз, кишибаз, инсан оғрулары, јаланчы, анды позан* вә сағлам тәлимә+ зидд ҝедән ишләрлә мәшғул олан адамлар үчүн верилиб. 11 Бу сағлам тәлим хошбәхт Аллаһын мәнә әманәт етдији шанлы мүждәсинә мүвафигдир.+
12 Мәнә ҝүҹ верән Ағамыз Мәсиһ Исаја миннәтдарам, чүнки о, мәни садиг биләрәк мәнә хидмәт һәвалә едиб.+ 13 Һәрчәнд әввәлләр мән күфр данышыр, Аллаһын халгыны тәгиб едирдим вә чох азғын адам идим.+ Бүтүн бунлара бахмајараг, мәнә мәрһәмәт ҝөстәрилди, чүнки мән ҹаһил вә имансыз олдуғум үчүн белә һәрәкәт едирдим. 14 Анҹаг мән иманла вә Мәсиһ Исадан дујдуғум мәһәббәтлә јанашы, Рәббин лүтфүнү дә бол-бол даддым. 15 Бу сөзләр доғру вә там етимада лајигдир: Мәсиһ Иса бу дүнјаја ҝүнаһлы адамлары хилас етмәк үчүн ҝәлди.+ О ҝүнаһ саһибләриндән ән бетәри дә мәнәм.+ 16 Буна бахмајараг, мәнә мәрһәмәт ҝөстәрилди ки, Мәсиһ Иса мәним, ән бетәр ҝүнаһкарын үзәриндә бүтүн сәбрини нүмајиш етдирсин вә мән әбәди һәјата говушмаг үчүн+ она иман ҝәтирәҹәк адамлара өрнәк олум.
17 Гој иззәт вә шәрәф сонсузадәк әбәдијјәт Һөкмдарынын,+ өлмәз+, ҝөзәҝөрүнмәз+ вә тәк олан Аллаһын+ олсун! Амин.
18 Оғлум, Тимути, сәнә бу ҝөстәриши сәнин барәндә едилән пејғәмбәрликләрә ујғун олараг верирәм. Белә ки, онларын сајәсиндә шанлы мүбаризәни давам етдирәсән,+ 19 иманыны вә тәмиз виҹданыны+ горујасан. Бәзиләри өз виҹданыны тапдамыш вә иманлары ҝәми кими гәзаја уғрамышдыр. 20 Һименеј+ вә Александр да беләләриндәндир. Онлары Шејтана тәслим етдим+ ки, бу ҹәзадан ибрәт ҝөтүрүб күфр етмәји тәрҝитсинләр.