Вәһј
18 Бундан сонра мән әлиндә бөјүк сәлаһијјәт олан башга бир мәләјин ҝөјдән ендијини ҝөрдүм. Онун ҹалалындан бүтүн јер үзү ишыгланды. 2 О, ҝур сәслә бәјан етди: «Јыхылды! Бөјүк Бабил јыхылды!+ О, ҹинләрин мәскәнинә, һәр ҹүр мурдар руһун*, һәр ҹүр напак вә мәнфур гушун јувасына чеврилди!+ 3 Чүнки бүтүн халглар онун әхлагсызлыг шәһвәтинин шәрабынын гурбаны олду.+ Дүнјанын падшаһлары онунла зина етдиләр,+ дүнјанын таҹирләри онун абырсызлыгла сүрдүјү дәбдәбәли јашајышы сајәсиндә варландылар».
4 Мән ҝөјдән ҝәлән башга бир сәс ешитдим: «Еј халгым,+ ондан чыхын ки, онун ҝүнаһларына шәрик олмајасыныз вә онун башына ҝәләҹәк бәлалар сизин башыныза ҝәлмәсин.+ 5 Чүнки онун ҝүнаһлары галагланыб ҝөјә чатыб.+ Аллаһ онун һагсызлыгларыны јадына салды.+ 6 Гој башгаларына нә едибсә,+ әвәзини икигат алсын, бәли, әмәлләри икигат башына гајытсын.+ Гој шәрабы гарышдырдығы ҹамда+ онун үчүн икигат артыг гарышдырылсын.+ 7 Она өзүнү уҹалтдығы гәдәр, абырсыз, дәбдәбәли јашајышы бојда әзаб, дәрд верин. Чүнки о, үрәјиндә дејир: “Мән тахтда отурмуш бир мәликәјәм, дул галмамышам, һеч вахт да дәрд билмәјәҹәјәм”.+ 8 Буна ҝөрә дә бүтүн бәлалар, өлүм, дәрд вә гытлыг бир ҝүн ичиндә онун башына ҝәләҹәк вә о, одда јаныб күл олаҹаг,+ чүнки она һөкм кәсмиш Јеһова Аллаһ гүдрәтлидир.+
9 Онунла зина етмиш вә абырсыз дәбдәбә ичиндә јашамыш дүнја падшаһлары, о јанаркән чыхан түстүјә бахыб онун үчүн ағлајаҹаг вә кәдәрдән башларына дөјәҹәкләр. 10 Онлар онун чәкдији әзабдан горхараг гырагда дајаныб дејәҹәкләр: “Һејиф, һејиф сәндән, еј бөјүк шәһәр,+ еј гүдрәтли Бабил! Чүнки һөкмүн бир ан ичиндә ҝәлди”.
11 Һәмчинин дүнјанын таҹирләри дә ағлашыр, онун үчүн јас тутурлар, чүнки артыг малларыны алан јохдур. 12 Онларда олан гызылы, ҝүмүшү, даш-гашы, мирвариләри, зәриф кәтаны, ипәји, бәнөвшәји вә ал-гырмызы гумашы, әтирли ағаҹдан, ширмајыдан, һәр ҹүр гијмәтли ағаҹдан, мисдән, дәмирдән, мәрмәрдән дүзәлдилмиш маллары, 13 дарчыны, һили, бухуру, әтирли јағы, күндүрү, шәрабы, зејтун јағыны, әла уну, буғданы, мал-гараны, гојун-гузуну, атлары, арабалары, гуллары вә инсанлары алан јохдур. 14 Бәли, үрәјинин арзуладығы дадлы мејвәләр әлиндән чыхды, ләзиз тәамлар вә дәбдәбәли шејләр јоха чыхды вә даһа һеч вахт тапылмајаҹаг.
15 Бу маллары алыб-сатан вә Бөјүк Бабилин сајәсиндә варланан таҹирләр онун чәкдији әзабдан горхараг гырагда дураҹаг. Онлар јас тутуб ағлашаҹаг 16 вә белә дејәҹәкләр: “Һејиф, һејиф сәндән, зәриф кәтана, бәнөвшәји вә ал-гырмызы гумаша бүрүнмүш, тәмтәраг ичиндә гызыл, даш-гаш вә мирвариләрлә бәзәнмиш+ бөјүк шәһәр! 17 Чүнки бу бојда сәрвәт бир ан ичиндә мәһв едилди!”
Бүтүн ҝәми капитанлары, дәниз сәјаһәтчиләри, дәнизчиләр, доланышығы дәниздән чыхан бүтүн адамлар гырагда дуруб, 18 о јанаркән галхан түстүјә бахыб гышгырырдылар: “Бу бөјүк шәһәрин тајы-бәрабәри вармы?” 19 Онлар башларына тоз-торпаг төкүр, ағлашыб шивән гопарараг дејирдиләр: “Һејиф, һејиф сәндән, еј бөјүк шәһәр! Бир ан ичиндә мәһв олдун!+ Ахы сәнин тәмтәраглы јашајышын сајәсиндә дәниздә ҝәмиси олан һәр кәс варланмышды”.
20 Еј ҝөјләр+, мүгәддәсләр+, һәвариләр вә пејғәмбәрләр, шадланын! Чүнки Аллаһ сиздән өтрү она һөкм кәсди».+
21 Онда бир ҝүҹлү мәләк бөјүк дәјирман дашына охшар бир дашы галдырыб дәнизә атды вә деди: «Бөјүк шәһәр Бабил дә бу ҹүр сүрәтлә јыхылаҹаг вә даһа һеч вахт тапылмајаҹаг.+ 22 Сәндә даһа чәнҝ чалыб-охујанларын, неј, кәрәнај чаланларын вә диҝәр мусигичиләрин сәси ешидилмәјәҹәк. Артыг сәндә сәнәткар тапылмајаҹаг вә дәјирман дашынын сәси ешидилмәјәҹәк. 23 Сәндә бир даһа чыраг јанмајаҹаг, бәј-ҝәлин сәси ешидилмәјәҹәк. Ахы сәнин таҹирләрин дүнјанын нүфузлу адамлары иди вә сән өз ҹиндарлығынла+ бүтүн халглары јолдан чыхартмышдын. 24 Бәли, бу шәһәрдә пејғәмбәрләрин, мүгәддәсләрин+ вә јер үзүндә гәтлә јетирилмишләрин һамысынын ганы тапылыб».+