Вәһј
19 Бундан сонра мән ҝөјдә бөјүк бир издиһамын сәсинә охшар бир ҝур сәс ешитдим. Сәс белә дејирди: «Јаһа* алгыш един!+ Гуртулуш, шан вә гүдрәт Аллаһымыза мәхсусдур! 2 Чүнки Онун һөкмләри доғру вә әдаләтлидир.+ Ахы О, бүтүн дүнјаны өз әхлагсызлығы илә позмуш бөјүк фаһишәјә һөкм кәсди, әлләри Онун гулларынын ганына булашмыш бу фаһишәдән гисас алды».+ 3 Сәс тәкрар етди: «Јаһа алгыш един!+ Шәһәрин түстүсү әбәдијјәт боју ҝөјә галхаҹаг!»+
4 Ијирми дөрд ағсаггал+ вә дөрд мәхлуг+ тахтда отурмуш Аллаһын гаршысында диз чөкүб сәҹдә етдиләр вә дедиләр: «Амин! Јаһа алгыш един!»+
5 Тахтдан бир сәс ҝәлди: «Еј Аллаһымызын гуллары,+ Ондан горхан кичикләр вә бөјүкләр,+ Она алгыш един!»
6 Сонра бөјүк бир издиһамын, ҝур суларын, ҝүҹлү ҝөј ҝурултусунун сәсинә охшар бир сәс ешитдим. Сәс дејирди: «Јаһа алгыш един!+ Чүнки Гүдрәт Саһиби,+ Аллаһымыз Јеһова падшаһлыг етмәјә башлады!+ 7 Бир јердә севинәк, шадланаг вә Ону уҹалдаг, чүнки Гузунун тој ҝүнүдүр, ҝәлин дә һазырлашыб. 8 Ҝәлинә зәриф кәтандан бичилмиш тәмиз, парлаг либас ҝејинмәјә изин верилди. Зәриф кәтан мүгәддәсләрин салеһ әмәлләрини билдирир».+
9 Мәләк мәнә деди: «Јаз! Гузунун тој зијафәтинә+ дәвәт аланлар хошбәхтдирләр». Сонра о әлавә етди: «Бунлар Аллаһын доғру сөзләридир». 10 Онда мән она сәҹдә етмәк үчүн ајагларына јыхылдым. Лакин о, мәнә деди: «Дајан! Буну етмә!+ Мән садәҹә сәнин кими вә Иса һаггында шәһадәт верән гардашларын кими бир гулам.+ Аллаһа сәҹдә гыл,+ чүнки Иса һаггында шәһадәт пејғәмбәрликләрин мәғзидир».+
11 Сонра мән ачылмыш ҝөјү ҝөрдүм вә будур: бир ағ ат.+ Атын белиндә отуран Садиг+ вә Һәгиги+ адланыр. О, әдаләтлә һөкм едир вә дөјүшүр.+ 12 Онун ҝөзләри алов сачыр,+ башында чохлу таҹ вар. Онун үзәриндә өзүндән башга һеч кимә мәлум олмајан бир ад јазылыб. 13 О, үстү ганлы* либас ҝејиниб, она «Аллаһын сөзү+» ады верилиб. 14 Сәмави гошунлар ағ атларын белиндә онун архасынҹа ҝәлирләр. Онларын әјниндә ағ, зәриф кәтандан тәмиз либас вар. 15 Онун ағзындан халглары вурмаг үчүн узун, ити гылынҹ+ чыхыр. О, халглара дәмир чомагла чобанлыг едәҹәк.+ Үстәлик, о, Гадир Аллаһын шиддәтли гәзәбинин үзүмсыханында үзүм тапдалајыр.+ 16 Онун либасынын үстүндә, буду өртән јердә «падшаһлар Падшаһы вә ағалар Ағасы» ады јазылмышдыр.+
17 Сонра мән ҝүнәшин ортасында дурмуш бир мәләк ҝөрдүм. О, ҝөј үзү илә учан бүтүн гушлара ҝур сәслә деди: «Бураја учун, Аллаһын бөјүк зијафәтинә топлашын!+ 18 Падшаһларын, сәркәрдәләрин, гүдрәтлиләрин+, атларын вә атлыларын әтини — истәр азад, истәр гул, истәр кичик, истәр бөјүк олсун — һамысынын әтини јејин».+
19 Мән ҝөрдүм ки, вәһши һејван вә дүнја падшаһлары илә гошунлары атын белиндә отуранла вә онун гошунлары илә вурушмаг үчүн бир јерә топлашыб.+ 20 Вәһши һејван јахаланды. Онун габағында әламәтләр ҝөстәриб үзәриндә вәһши һејванын+ нишаны оланлары вә онун сурәтинә ситајиш едәнләри+ јолдан чыхаран јаланчы пејғәмбәр+ дә онунла бирликдә тутулду. Онларын икиси дә күкүрдлә јанан аловлу ҝөлә дири-дири атылды.+ 21 Галанларыны исә атын белиндә отуран ағзындан чыхан узун гылынҹла өлдүрдү.+ Бүтүн гушлар онларын әтини јејиб дојдулар.+