Јагуб
2 Гардашлар, әҝәр сиз ајры-сечкилик едирсинизсә, демәк олармы ки, шанлы Ағамыз Иса Мәсиһин гојдуғу имана риајәт едирсиниз?+ 2 Ахы јығынҹағыныза бармагларына гызыл үзүкләр тахмыш, ҝөзәл либас ҝејинмиш бир адам, ејни заманда әјниндә чиркли палтар олан јохсул бир адам ҝирәндә 3 сиз ҝөзәл либаслыны хош үзлә гаршылајыб, она: «Бујур, кеч јухары баша», јохсула исә: «Сән ајаг үстә дур», јахуд: «Кеч, кәтилимин јанында, јердә отур»,+ — дејирсинизсә, 4 мәҝәр бир-биринизи тәбәгәләрә ајырыб,+ әјри һөкмләр чыхаран һакимләр олмурсунуз?+
5 Әзиз гардашларым, бир гулаг асын. Мәҝәр Аллаһ дүнјанын ҝөзүндә јохсул оланлары иманда зәнҝин олуб+ Ону севәнләрә вәд етдији Падшаһлығын вариси олмаг үчүн сечмәјиб?+ 6 Сиз исә јохсулу алчалдырсыныз. Мәҝәр сизә зүлм едән, сизи дартыб мәһкәмәләрә апаран варлылар дејил?+ 7 Мәҝәр дашыдығыныз о шәрәфли ады тәһгир едәнләр варлылар дејил? 8 Әҝәр сиз Мүгәддәс Јазыларда ганунларын шаһы олан «башгасыны өзүнү севдијин кими сев»+ ганунуну иҹра едирсинизсә, чох јахшы иш ҝөрүрсүнүз. 9 Јох әҝәр ајры-сечкилик едирсинизсә,+ ҝүнаһ ишләјирсиниз вә ганун сизи бир ҹинајәткар кими иттиһам едир.+
10 Әҝәр кимсә бүтүн Гануна риајәт едиб, тәкҹә бир тәләби позурса, белә адам бүтүн ганунлары позмуш олур.+ 11 Чүнки «зина етмә»+ дејән һәмчинин «гәтл етмә»+ дејиб. Буна ҝөрә дә әҝәр сән зина етмир, лакин гәтл төрәдирсәнсә, демәли, гануну позурсан. 12 Азад халгын гануну+ илә мүһакимә едиләҹәк адамлар кими данышын вә һәрәкәт един. 13 Мәрһәмәт ҝөстәрмәјәнә рәһмсиз һөкм чыхарылаҹаг.+ Мәрһәмәт һөкм үзәриндә зәфәр чалыр.
14 Гардашлар, әҝәр кимсә дејир ки, иманы вар, анҹаг онун јахшы әмәлләри јохдурса, бунун нә фајдасы?+ Мәҝәр белә иман ону хилас едә биләр?+ 15 Әҝәр бир гардашын, јахуд баҹынын ҝејинмәјә палтары вә ҝүндәлик јемәји јохдурса 16 вә сизләрдән бири онлара: «Сағ-саламат ҝедин, исинин вә гарнынызы дојдурун», — дејир, амма мөһтаҹ олдуглары зәрури шејләри вермирсә, бунун нә фајдасы?+ 17 Ејнилә, иман да әмәлсиз өлүдүр.+
18 Анҹаг кимсә дејә биләр: «Сәнин иманын вар, мәним дә әмәлим. Сән мәнә өз иманыны әмәлсиз ҝөстәр, мән исә сәнә иманымы әмәлдә ҝөстәрим». 19 Аллаһын тәк олдуғуна инанырсан? Әҹәб едирсән! Ҹинләр дә инаныр вә горхуларындан тир-тир әсирләр.+ 20 Еј дүшүнҹәсиз инсан, мәҝәр билмирсән ки, әмәлсиз иман фајдасыздыр? 21 Мәҝәр атамыз Ибраһим оғлу Исһагы гурбанҝаһын үзәриндә тәгдим едәндән сонра әмәлләри сајәсиндә салеһ билинмәди?+ 22 Ҝөрүрсән, онун иманы әмәлләрлә мүшајиәт едилирди вә әмәлләрлә дә тамамланды.+ 23 Беләҹә, Мүгәддәс Јазылардакы: «Ибраһим Јеһоваја иман ҝәтирди вә буна ҝөрә салеһ сајылды»+ сөзләри јеринә јетди вә она «Јеһованын досту» дејилди.+
24 Ҝөрүндүјү кими, инсан әмәлләри илә салеһ билинир, анҹаг иманла дејил. 25 Мәҝәр фаһишә Раһаб да елчиләри гонагпәрвәрликлә гаршылајыб башга јолла өтүрәндән сонра әмәлләри сајәсиндә салеһ билинмәди? + 26 Бәли, руһсуз* бәдән өлү олдуғу кими,+ әмәлсиз иман да өлүдүр.+