Әшија

32 Будур, падшаһ+ салеһлик уғрунда һөкмранлыг едәҹәк,+

Рәһбәрләр әдаләт уғрунда башчылыг едәҹәк.

 2 Һәр бири күләкдән далдаланаҹаг,

Лејсандан сығынаҹаг,

Сусуз дијарда ахар чајлар,+

Истидән говрулан дијарда нәһәнҝ гаја көлҝәси кими олаҹаг.

 3 О заман ҝөрән ҝөзләр даһа бағланмајаҹаг,

Ешидән гулаглар динләјәҹәк.

 4 Чылғын гәлбләр билијә мејил салаҹаг,

Пәлтәк дилләр апајдын данышаҹаг.+

 5 Даһа ахмаға сәхавәт саһиби,

Алчаг адама алиҹәнаб демәјәҹәкләр.

 6 Ахмаг адам сәфеһ-сәфеһ данышар,

Үрәјиндә фитнә-фәсад гурар,+

Иши-ҝүҹү кафирлик*, Јеһоваја гаршы күфр данышмагдыр,

Аҹ адамы јемәксиз,

Сусајаны сусуз гојмагдыр.

 7 Алчаг адамын јоллары мәкрлидир;+

О, рәзиллији тәрифләјир,

Јаланларла мәзлумун һәјатыны мәһв едир,+

Бахмајараг, јазыг һәгигәти данышыр.

 8 Сәхавәтли инсанынса нијјәтләри нәҹибдир,

Онун амалы һәр ан сәхавәт ҝөстәрмәкдир.

10 Бир илин үстүндән бир аз өтәҹәк, гајғы чәкмәјән сизләр тәлаша дүшәҹәксиниз,

Чүнки үзүм јығымы мөвсүмү битәҹәк, амма мәһсул олмајаҹаг.+

Лүт сојунун,

Белинизә чул бағлајын.+

12 Ҝөзәл тарлалардан, мәһсулдар мејнәләрдән өтрү

Ағы дејиб синә дөјүн.

13 Халгымын торпағыны,

Вахтилә шәнлик сәдалары илә чағлајан евләри,

О шад-хүррәм шәһәри тикан, кол-кос басаҹаг.+

14 Гала бүрҹләри бомбош,

Һајлы-күјлү шәһәр сакинсиздир.+

Офел+, ҝөзәтчи гүлләси әбәди бијабана дөнүб,

Чөл ешшәјинин ојлағына,

Сүрү отлағына чеврилиб.+

15 Үстүмүзә јухарыдан руһ јағмајынҹа,+

Сәһра мејвә бағына дөнмәјинҹә,

Бағ мешәтәк олмајынҹа белә олаҹаг.+

16 Онда сәһралыгда әдаләт мәскән салаҹаг,

Мејвә бағында салеһлик јува гураҹаг.+

17 Әсил салеһлик сүлһ ҝәтирәҹәк,+

Әсил салеһлијин бәһрәси даими динҹлик, әмин-аманлыг олаҹаг.+

18 Мәним халгым динҹлик һөкм сүрән јурдларда,

Тәһлүкәсиз јерләрдә, сакит мәканларда јашајаҹаг.+

19 Мешәни исә долу дүзәнҝаһа чевирәҹәк,

Шәһәр јерлә јексан олаҹаг.

20 Еј бүтүн сулар кәнарында тохум сәпәнләр,

Өкүзү, ешшәји сәрбәст бураханлар, нә бәхтијарсыныз!»+