Нәғмәләр нәғмәси

2 «Мән саһилбоју дүзләрдә битән ади зәфәран ҝүлүјәм,

Дәрәләрин занбағыјам».+

 2 «Гызлар ичиндә севҝилим

Тиканлар ичиндә занбаға бәнзәр».

 3 «Оғланлар арасында мәһбубум

Мешә ағаҹлары арасындакы алма ағаҹына бәнзәр.

Көлҝәсиндә отурмаг мәнә һәзз верир,

Мејвәси дамағымда шириндир.

 4 О, мәни зијафәт евинә* ҝәтирди,

Мәһәббәти үзәримдә бајраг олду.

 5 Мән ешг хәстәсијәм,

Кишмишли көкә верин гүввәтләним,+

Алма верин ҹана ҝәлим.

 6 Сол әли башымын алтындадыр,

Сағ әли мәни гуҹаглајыр.+

 7 Еј Јерусәлим гызлары, сизи анд верирәм

Ҹејранлара,+ чөлләрдәки мараллара,

Будур өзү, дағлары аша-аша,

Тәпәләри атыла-дүшә ҝәлир.

Будур, диварын архасында дуруб,

Пәнҹәрәдән бојланыр,

Шәбәкәдән ичәри бахыр.

“Севҝилим, дур,

Ҝөзәлим, ҝәл чыхаг ҝедәк.

12 Јурдумуз чичәк ачды,+

Будама вахты јетишди,+

Гумруларын тәранәси ешидилир.+

13 Әнҹир ағаҹы јеләнҹири+ ҝәтириб,

Үзүм чичәкләјиб әтир сачыр.

14 Ај јалчын гајаларда,

Гаја ојугларында ҝизләнән ҝөјәрчиним.+

Гој ҝөрүм ҹамалыны, динләјим сәсини,+

Сәсин мәлаһәтли, гамәтин ҝөзәлдир”».+

15 «Түлкүләри тутун, о бала түлкүләри,

Үзүм бағымызы корлајырлар,

Мејнәләр чичәкләјиб».

17 Ахшам сәрини дүшмәмиш, көлҝәләр итмәмиш гајыт,

Јубанма, еј мәһбубум;

Ҹејран кими,+ ҹаван марал+ кими ајрылыг дағларыны* ашыб ҝәл.