Нәғмәләр нәғмәси

7 «Сәндәлли ајагларын нә ҝөзәлдир,

Еј ханым гыз!

Сағрыларын ҹаваһирә бәнзәјир,

Елә бил, уста әлиндән чыхыб.

Гарнын буғда топасыдыр,

Әтрафында занбаглар.

 3 Дөшләрин бир ҹүт марал баласы,

Әкиз ҹејран баласыдыр.+

Ҝөзләрин+ Һәшбундакы+,

Бат-Раббим гапысындакы һовузлара бәнзәр.

Бурнун Дәмәшгә бахан

Ливан гүлләсидир.

 5 Башын Кармел+ дағына бәнзәр,

Телләрин+ бәнөвшәји јуна.+

 6 Нә гәшәнҝсән, нә ширинсән,

Еј дилбәр, вердијин зөвгә зөвг чатмаз!

 7 Гамәтин хурма ағаҹына бәнзәр,

Дөшләрин хурма салхымларыдыр.+

 8 Дедим “хурма ағаҹына чыхым,

Мејвәли будагларындан тутум”.

Каш дөшләрин үзүм салхымы олајды,

Нәфәсин алма әтри гохајды,

 9 Дамағын әла шәраб олајды».

«Гој о, ширин-ширин јатанларын додағындан ахыб

Мәһбубумун дамағыны мәст етсин.

10 Мән мәһбубумун јарыјам,+

Онун мејли мәнәдир.

11 Ҝәл, еј мәһбубум,

Чөлләрә чыхаг,

Хынаҝүлләр арасында јува гураг.+

12 Сүбһдән ојаныб, үзүм бағларына ҝедәк,

Бахаг мејнәләр зоғ атыбмы,

Чичәкләр ҝүл ачыбмы,+

Нарлар чичәкләнибми.+

13 Адамкөкүнүн+ әтри ҝәлир,

Гапымызда ҹүрбәҹүр мејвәләр вар.+

Тәзәдән дә, көһнәдән дә

Сәнинчүн сахламышам, еј мәһбубум».