Титуса

2 Сән исә һәмишә сағлам тәлимә ујғун сөзләр даныш.+ 2 Гој јашлы кишиләр һәр шејдә һәдд билсинләр, ҹидди, сағламдүшүнҹәли, иманда, мәһәббәтдә вә дөзүмдә мөһкәм олсунлар. 3 Ејнилә дә ағбирчәкләр мөминләрә јарашан тәрздә даврансынлар. Онлар бөһтанчы вә шәраб дүшкүнү олмамалы, јахшы шејләр өјрәтмәлидирләр. 4 Гој онлар ҹаван ҝәлинләрә әрләрини вә ушагларыны севмәји, 5 ағыллы-камаллы, исмәтли, ишли-ҝүҹлү, хејирхаһ олмағы, һәмчинин әрләринә табе олмағы ашыласынлар+ ки, Аллаһын сөзү бәднам едилмәсин.

6 Ејнилә дә ҹаванлары сағламдүшүнҹәли олмаға тәшвиг ет,+ 7 өзүн јахшы ишләр ҝөрәрәк һәр саһәдә онлара нүмунә ол. Там ҹиддијјәтлә пак шејләри өјрәт*,+ 8 данышығын тәмиз олсун, һеч ким сөзләриндә нөгсан тапмасын,+ әлејһдарлар әлејһимизә демәјә бир сөз тапмајыб утансынлар.+ 9 Гој гуллар һәр саһәдә ағаларына табе олсунлар+ вә онлары разы салсынлар, сөз гајтармасынлар, 10 онлардан оғурлуг етмәсинләр,+ әксинә, там етибара лајиг олдугларыны ҝөстәриб һәр саһәдә Хиласкарымыз Аллаһын тәлимини бәзәсинләр.+

11 Чүнки Аллаһын лүтфү ашкар олараг һәр ҹүр инсана хилас ҝәтирди.+ 12 Бу лүтф бизә аллаһсызлығы вә бу дүнјаја хас истәкләри рәдд едиб+ бу зәманәдә сағлам дүшүнҹә илә, салеһлик вә мөминликлә һәјат сүрмәји өјрәдир.+ 13 Улу Аллаһын вә Хиласкарымыз Мәсиһ Исанын шанлы зүһуруну вә ҝөзәл үмидимизин ҝерчәкләшәҹәјини+ ҝөзләдијимиз вахтда биз белә јашамалыјыг. 14 Мәсиһ өзүнү уғрумузда фәда етди+ ки, бизи һәр ҹүр ганунсузлугдан азад едиб+ тәмизләјәрәк биздән өз әмлакы олан вә јахшы ишләрә ҹан атан бир халг тәшкил етсин.+

15 Бундан сонра да там ихтијарла бу шејләри даныш, нәсиһәт вер*, тәнбеһ ет.+ Гој һеч кәс сәнә јухарыдан ашағы бахмасын.