1 Салнамәләр
24 Һарун өвладларынын бөлүкләри бунлар иди: Һарунун оғуллары — Надаб, Абиһу,+ Әлјазар вә Исамар.+ 2 Лакин Надабла Абиһу оғул саһиби олмадан аталарындан әввәл өлдүләр.+ Әлјазар+ вә Исамар исә каһин кими хидмәт едирди. 3 Давуд Әлјазар өвладларындан Садыгла+ вә Исамар өвладларындан Әхимәликлә бирҝә Һарун өвладларыны ҝөрәҹәкләри ишә ҝөрә бөлүкләрә ајырды. 4 Әлјазар өвладлары арасында Исамар өвладларындан чох башчы олдуғу үчүн онлары белә бөлдүләр: Әлјазар өвладларындан нәсил башчысы он алты нәфәр, Исамар өвладларындан нәсил башчысы сәккиз нәфәр.
5 Сонра онлар бу ики дәстәни пүшклә бөлдүләр.+ Чүнки һәм Әлјазар өвладлары, һәм Исамар өвладлары арасындан мүгәддәс мәканда вә Аллаһын һүзурунда хидмәт едән рәһбәрләр вар иди. 6 Лавили катиб Нәснаил оғлу Шәмај падшаһын, әјанларын, каһин Садығын+, Әбјатар+ оғлу Әхимәликин+ вә каһинләрлә лавилиләрин нәсил башчыларынын өнүндә онларын адыны гејд етди. Бир нәсил Әлјазар өвладларындан, бир нәсил Исамар өвладларындан сечилди.
7 Пүшкүн нәтиҹәси белә олду: биринҹи Јәһујариб, икинҹи Јадај, 8 үчүнҹү Һарим, дөрдүнҹү Сәурим, 9 бешинҹи Мәлкијјә, алтынҹы Мијәмин, 10 једдинҹи Һәггуз, сәккизинҹи Әбијја+, 11 доггузунҹу Јешу, онунҹу Сәкәнја, 12 он биринҹи Әлјасиб, он икинҹи Јагим, 13 он үчүнҹү Һуффа, он дөрдүнҹү Јишбаб, 14 он бешинҹи Билҝаһ, он алтынҹы Иммир, 15 он једдинҹи Хәзир, он сәккизинҹи Һәбзис, 16 он доггузунҹу Фәтһи, ијирминҹи Һизгијал, 17 ијирми биринҹи Јакин, ијирми икинҹи Гамул, 18 ијирми үчүнҹү Дәлај, ијирми дөрдүнҹү Мәази.
19 Онлар Исраилин Аллаһы Јеһованын әҹдадлары Һаруна әмр етдији кими, Һарунун вердији тапшырыға ујғун олараг, бу сыра илә Јеһованын евинә ҝедиб өз вәзифәләрини јеринә јетирмәли идиләр+.
20 Диҝәр лавилиләр: Имран+ өвладларындан Шубаил+, Шубаил оғулларындан Јәһдијјә, 21 Рәһабја+ нәслиндән, Рәһабја оғулларындан башчы Ишја, 22 Исһар өвладларындан Сәламут+, Сәламут өвладларындан Јаһәс, 23 Һәбрун өвладларындан башчы Әрјаһ+, икинҹи Әмаријјә, үчүнҹү Јаһәзил, дөрдүнҹү Јәгмәм. 24 Үззиил өвладларындан Микә, Микә оғулларындан Самир. 25 Ишја Микәнин гардашы иди. Ишја өвладларындан Зәкәријјә.
26 Мерар+ оғуллары: Мәһли вә Муши. Јәзијјә өвладларындан Бәно. 27 Мерар өвладларындан, Јәзијјә өвладларындан Бәно, Шоһам, Зәггур вә Ибри. 28 Мәһли оғулларындан Әлјазар. Әлјазарын оғуллары олмајыб.+ 29 Киш нәслиндән, Киш оғулларындан Јарәһмиил. 30 Муши оғуллары: Мәһли, Әдәр вә Әримут.
Нәсилләринә ҝөрә Лави өвладлары бунлар иди. 31 Онлар да гардашлары Һарун өвладлары кими, Давуд падшаһын, Садығын, Әхимәликин вә каһинләрлә лавилиләрин нәсил башчыларынын өнүндә пүшк атдылар.+ Бөјүк гардашын нәсилләри илә кичик гардашын нәсилләри бир тутулду.