Ромалылара
6 Онда нә дејәк? Лүтф чохалсын дејә, ҝүнаһ ишләмәјә давам едәк? 2 Әсла! Биз ҝүнаһ үчүн өлмүшүксә,+ артыг ҝүнаһ ичиндә неҹә јашаја биләрик?+ 3 Мәҝәр билмирсиниз ки, Мәсиһ Иса илә вәһдәтдә олмаг үчүн вәфтиз* едилән бизләр+ онун өлүмүнә шәрик олмаг үчүн дә вәфтиз едилмишик?+ 4 Демәли, биз онун өлүмүнә шәрик едән вәфтиз+ васитәсилә онунла бирликдә дәфн едилдик ки, Атанын әзәмәти илә дирилән Мәсиһ кими, биз дә јени һәјата башлајаг.+ 5 Әҝәр онун өлүмүнә бәнзәр бир өлүмдә онунла бирләшмишиксә,+ мүтләг онун дирилмәсинә бәнзәр бир дирилмәдә+ дә онунла бирләшәҹәјик. 6 Бир шеји јахшы билирик: көһнә шәхсијјәтимиз онунла бирликдә дирәјә мыхланыб+ ки, ҝүнаһлы бәдәнимиз үзәримиздә ағалыг етмәсин+ вә артыг ҝүнаһын гулу олмајаг.+ 7 Чүнки өлмүш адам ҝүнаһдан азаддыр.
8 Әҝәр Мәсиһлә өлмүшүксә, инанырыг ки, онунла бирликдә јашајаҹағыг. 9 Ахы билирик ки, Мәсиһ дирилмишдир+ вә бир даһа өлмәјәҹәк,+ өлүм артыг онун үзәриндә ағалыг етмир. 10 О, өз өлүмү илә ҝүнаһы бирдәфәлик арадан ҝөтүрдү,+ инди исә һәјатыны Аллаһ үчүн јашајыр. 11 Сиз дә өзүнүзү ҝүнаһ үчүн өлмүш сајын вә Мәсиһ Иса васитәсилә+ Аллаһ үчүн јашајын.
12 Буна ҝөрә дә гојмајын ки, ҝүнаһ фани бәдәниниздә һөкмранлыг етсин+ вә сиз бәдәнинизин истәкләринә табе оласыныз. 13 Һәмчинин бәдәнинизи һагсызлыг силаһы кими ҝүнаһа тәгдим етмәјин, өзүнүзү өлүмдән һәјата гајытмыш инсанлар кими, бәдәнинизи дә салеһлик силаһы кими Аллаһа тәгдим един.+ 14 Ҝүнаһ сизин үзәриниздә ағалыг етмәмәлидир, ахы сиз ганунун јох,+ лүтфүн табелијиндәсиниз.+
15 Бундан һансы нәтиҹә һасил олур? Ганунун табелијиндә јох, лүтфүн табелијиндә олдуғумуз үчүн ҝүнаһ ишләмәлијик?+ Әсла! 16 Мәҝәр билмирсиниз ки, кимә гул кими табе олурсунузса, онун гулу олурсунуз? Кимин әмри илә отуруб-дурурсунузса, онун гулусунуз:+ ја өлүмә апаран ҝүнаһын,+ ја да салеһлик ҝәтирән итаәткарлығын гулу олурсунуз. 17 Аллаһа шүкүрләр олсун ки, вахтилә ҝүнаһын гулу олан сизләр, алдығыныз тәлимә үрәкдән итаәт етдиниз. 18 Бәли, сиз ҝүнаһын әсарәтиндән гуртулуб+ салеһлијин гулу олдунуз.+ 19 Ҝүнаһлы тәбиәтинизин зәифлијинә ҝөрә сизинлә садә дилдә данышырам: неҹә ки сиз вахтилә ганунсуз ишләр ҝөрмәк үчүн бәдәнинизин үзвләрини ганунсузлуғун вә натәмизлијин гулу едирдиниз, инди дә мүгәддәс олмаг үчүн бәдәнинизин үзвләрини салеһлијин гулу един.+ 20 Чүнки сиз ҝүнаһын гулу оланда салеһлијә табе дејилдиниз.
21 О заман бәһрәниз нә иди? Инди сизә хәҹаләт ҝәтирән шејләр. О ишләрин ахыры өлүмдүр.+ 22 Анҹаг инди сиз ҝүнаһын әсарәтиндән гуртулуб Аллаһын гуллары олдуғунуз үчүн мүгәддәслик бәһрәси ҝәтирирсиниз+ вә сонда әбәди һәјата говушаҹагсыныз.+ 23 Чүнки ҝүнаһын өдәдији һагг өлүмдүр,+ Аллаһын вердији әнам исә Ағамыз Мәсиһ Иса сајәсиндә+ әбәди һәјатдыр.+