1 Салнамәләр

27 Падшаһын ордусунда гуллуг едән Исраил бөлүкләринә нәсил башчылары, минбашылар, јүзбашылар+ вә бу бөлүкләрә хидмәт едән забитләр дахил иди.+ Илин һәр ајында бир бөлүк нөвбә чәкирди. Бөлүкләрин һәр бириндә 24 000 адам вар иди. Бөлүкләр бунлар иди:

2 Илин биринҹи ајында хидмәт едән биринҹи бөлүјә Зәбдиил оғлу Јәшубәм+ башчылыг едирди. Онун бөлүјүндә 24 000 адам вар иди. 3 О, Фарәс+ өвладларындан иди вә биринҹи ај хидмәт етмәјә тәјин олунан бөлүјүн бүтүн башчыларынын бөјүјү иди. 4 Икинҹи ај хидмәт едән бөлүјүн башчысы әхуһили+ Додај+ иди. Бөлүјә Миглот рәһбәрлик едирди. Онун бөлүјүндә 24 000 адам вар иди. 5 Үчүнҹү ај хидмәт едән бөлүјә бөјүк каһин Јәһјадајын+ оғлу Бәнаји+ башчылыг едирди. Онун бөлүјүндә 24 000 адам вар иди. 6 Бәнаји отуз иҝиддән бири иди вә онларын башчысы иди. Онун бөлүјүнә оғлу Амизабад башчылыг едирди. 7 Дөрдүнҹү ај хидмәт едән бөлүјә Јуабын гардашы Асаил+ башчылыг едирди. Ондан сонра оғлу Зәбәдја ҝәлирди. Онун бөлүјүндә 24 000 адам вар иди. 8 Бешинҹи ај хидмәт едән бөлүјә изрәһјалы Шамһут башчылыг едирди. Онун бөлүјүндә 24 000 адам вар иди. 9 Алтынҹы ај хидмәт едән бөлүјә тәгуһлу+ Игәш оғлу Ираһ+ башчылыг едирди. Онун бөлүјүндә 24 000 адам вар иди. 10 Једдинҹи ај хидмәт едән бөлүјә әфраимлиләрдән фәлунлу Һәләз+ башчылыг едирди. Онун бөлүјүндә 24 000 адам вар иди. 11 Сәккизинҹи ај хидмәт едән бөлүјә зараһлылардан+ һушаһлы Сиббикај+ башчылыг едирди. Онун бөлүјүндә 24 000 адам вар иди. 12 Доггузунҹу ај хидмәт едән бөлүјә бинјаминлиләрдән әнатутлу+ Әбусәр+ башчылыг едирди. Онун бөлүјүндә 24 000 адам вар иди. 13 Онунҹу ај хидмәт едән бөлүјә зараһлылардан+ нәтуфаһлы Мәһарај+ башчылыг едирди. Онун бөлүјүндә 24 000 адам вар иди. 14 Он биринҹи ај хидмәт едән бөлүјә әфраимлиләрдән фирәтунлу Бәнаји+ башчылыг едирди. Онун бөлүјүндә 24 000 адам вар иди. 15 Он икинҹи ај хидмәт едән бөлүјә Үсниил нәслиндән нәтуфаһлы Һәлдај башчылыг едирди. Онун бөлүјүндә 24 000 адам вар иди.

16 Исраил гәбиләләринин рәһбәрләри бунлар иди: рубәнлиләрдән Зәкри оғлу Әлјәзәр, шәмунлулардан Мәкаһ оғлу Шәфәтај, 17 Лави өвладларындан Гамуил оғлу Һәшбијјә, Һарун өвладларындан Садыг, 18 Јәһуда өвладларындан Давудун гардашы Әлиһу+, Јәсакир өвладларындан Микајыл оғлу Омри, 19 Зәбулун өвладларындан Әбдија оғлу Исмаја, Нифталы өвладларындан Әзриил оғлу Әримут, 20 әфраимлиләрдән Әзази оғлу Һушә, Мәнәссә гәбиләсинин јарысындан Фәдај оғлу Јуил, 21 Мәнәссә гәбиләсинин Ҝиладдакы јарысындан Зәкәријјә оғлу Идду, Бинјамин өвладларындан Абнур+ оғлу Јәсиил, 22 Дан өвладларындан Јәраһим оғлу Әзарил. Бунлар Исраил гәбиләләринин әмирләри иди.

23 Давуд ијирми вә бундан ашағы јашда оланлары сајмады. Чүнки Јеһова вәд етмишди ки, исраиллиләрин сајыны ҝөјдәки улдузлар гәдәр чохалдаҹаг.+ 24 Сәрја оғлу Јуаб исраиллиләри сајмаға башлады, амма ахыра гәдәр сајмады. Аллаһын Исраилә гәзәби тутду+ вә бу сај Давуд падшаһын тарихи китабына дахил едилмәди.

25 Падшаһ хәзинәсинә+ Адаил оғлу Әзмут нәзарәт едирди. Үзијјә оғлу Јонатан диҝәр бөлҝәләрдәки, шәһәрләрдәки, кәндләрдәки вә галалардакы анбарлара нәзарәт едирди. 26 Торпағы әкиб-беҹәрән әкинчиләрин нәзарәтчиси Кәлуб оғлу Изри иди. 27 Үзүмлүкләрә рамалы Шимај, шәраб үчүн јығылан үзүм мәһсулуна исә шәфәмли Зәбди нәзарәт едирди. 28 Шәфладакы+ зејтунлуглара вә әнҹир ағаҹларына+ ҹәдәрли Баалһәнан, јағ анбарларына Јуәш нәзарәт едирди. 29 Шаронда+ отарылан мал-гараја шаронлу Шитрај, дәрәдәки мал-гараја исә Адлај оғлу Шафат нәзарәт едирди. 30 Дәвәләрә исмајыллы Обил, ешшәкләрә мәрунутлу Јәһдијјә, 31 гојун-кечијә һәҹәри Јәзиз нәзарәт едирди. Давуд падшаһын әмлакына нәзарәт едән адамлар бунлар иди.

32 Давудун гардашы оғлу Јонатан+ ағыллы адам иди, о, мәсләһәтчи вә катиб иди. Һәкмин оғлу Јәһјил падшаһ оғулларынын+ ләләси иди. 33 Әхтуфил+ падшаһын мәсләһәтчиси иди. Арклы Хушај+ падшаһын досту иди. 34 Әхтуфилдән сонра падшаһын мәсләһәтчиси Бәнаји+ оғлу Јәһјадај вә Әбјатар+ олду. Падшаһын орду башчысы Јуаб+ иди.