Зәбур

 2 Шәр адамын ҝизли фитнәләриндән,

Бәдәмәл адамларын издиһамындан мәни һифз ет.

 3 Онлар дилләрини гылынҹ кими итиләјир,

Аҹы сөзләрини ох кими һәдәфә тушлајырлар,

 4 Мәсуму хәлвәт јердән вурмаг истәјирләр.

Онлар гәфилдән вурур, һеч горхмурлар.

 5 Пис нијјәтләриндән бәрк-бәрк јапышыблар,

Тәләләрини ҝизлиндә гојмаг барәдә мәсләһәтләширләр.

 6 Ҝүндә бир һагсызлыг иҹад едирләр,

Хәлвәтдән мәкрли фәндләр гурурлар,

Үрәкдәки дүшүнҹәләри сирлидир.

 7 Лакин Аллаһ онлара ох атаҹаг,

Гәфилдән јараланаҹаглар.

 8 Өз дилләри онлары јыхаҹаг,

Бахан башыны булајаҹаг.

 9 Онда бүтүн инсанлар горхаҹаг,

Аллаһын нә етдијиндән данышаҹаг,

Онун ишләрини дәрк едәҹәкләр.

10 Салеһ инсанын севинҹи Јеһова олаҹаг, Она сығынаҹаг,

Үрәјидүз адамлар Онунла фәхр едәҹәк.