Әјјуб

 3 Мәҝәр зүлм етмәјин,

Өз зәһмәтинин бәһрәсинә+ хор бахмағын,

Писләрин мәсләһәтини бәјәнмәјин Сәнә хејри вар?

 4 Мәҝәр Сәнин ҝөзүн инсан ҝөзүдүр?

Ја Сән фани инсан кими бахырсан?

 5 Ҝүнләрин фани инсанын ҝүнләри,

Илләрин бәшәрин илләридир ки,+

 6 Мәндә сәһв ахтарырсан?

Мәндә ҝүнаһ арајырсан?+

 7 Өзүн дә билирсән ки, тәгсирсизәм.+

Амма ким мәни Сәнин әлиндән гуртара биләр!+

 8 Сәнин әлләрин јаратды мәни, вүҹудума гурулуш верди,+

Инди дә мәни мәһв едирсән.

 9 Унутма, мәни палчыгдан дүзәлтмисән,+

Инди исә мәни торпаға гајтарырсан.+

10 Мәҝәр мәни сүд кими төкүб,

Пендир кими бәркитмәдин?

11 Әти вә дәрини әјнимә ҝејиндирдин,

Мәни сүмүкләрлә, вәтәрләрлә тохудун.+

12 Мәнә һәјат вердин, хејирхаһлыг ҝөстәрдин,

Гајғынла руһуму* горудун.+

14 Ҝүнаһ етмишдимсә, ҝөрәрдин,+

Тәгсиримдән кечмәздин.

Тәгсирим олмаса да, башымы дикәлдә билмәрәм.+

Рүсвајчылыг, дәрд-бәла мәни чулғајыб.+

16 Башымы дикәлдәндә мәни аслан кими овлајырсан,+

Јенә дә мәнә гаршы ҝүҹүнү ҝөстәрирсән.

17 Әлејһимә јени шаһидләр чыхарырсан,

Мәнә гаршы гәзәбини артырырсан.

Әзабымын үстүнә әзаб ҝәлир.

19 Каш дүнјаја ҝәлмәз олајдым,

Бәтндән бирбаша гәбрә көчүрүләјдим”.

20 Мәҝәр өмрүмә чох галыб?+ Гој мәни раһат бурахсын,

Гој ҝөзләрини үстүмдән чәксин, бир азҹа үзүм ҝүлсүн+

21 Көчүб ҝетмәздән әввәл ҝедәр-ҝәлмәзә,+

Гаты гаранлыг дијарына,+

22 Зил гаранлыг,

Гаты зүлмәт, гармагарышыглыг дијарына.

Орада ишыг да гаранлыгдыр».