Әјјуб

 4 Бу сөзләри кимә дејирсән?

Кимдән тәб алыб бунлары дејирсән?

 5 Өлүмүн дустаглары тир-тир титрәјир.

Онлар дәниздән, дәниздәки мәхлуглардан ашағыдадыр.

 6 Аллаһын гаршысында Мәзар* чылпагдыр,+

Гара торпаг* ачыгдыр.

 7 О, шимал сәмасыны бошлуғун үзәринә сәриб,+

Јери һечликдә асыб.

 8 Сулары булудларына бүкүр ки,+

Булудлар ағырлыгдан јыртылмасын.

 9 Булудлары тахтынын үзәринә јајараг+

Ону ҝөздән ҝизләдир.

10 Суларын сәтһиндә үфүг ҹызыр,+

Ишыгла гаранлыг арасында сәрһәд гојур.

11 Ҝөјүн сүтунлары силкәләнир,

Онун сәсиндән донуб галыр.

12 О, гүввәтилә дәнизи чалхалајыр,+

Дәниз әждаһасыны* һикмәтилә парча-парча едир.+

13 Нәфәсилә* ҝөјү ајдын едир,

Онун әли сүрүнән иланы әзир.

14 Бүтүн бунлар Онун ишләринин бир зәррәсидир,+

Онун һаггында ешитдијимиз зәиф бир пычылтыдыр!