Нәғмәләр нәғмәси
8 «Каш анамын дөшүндән сүд әммиш
Гардашым олајдын!
Чөлдә раст ҝәләндә сәни тутуб өпәрдим,+
Кимсә мәни гынамазды.
Сәнә әдвалы шәраб сүзәрдим,
Нар ширәси ичирәрдим.
3 Сол әли башымын алтында оларды,
Сағ әли мәни гуҹаглајарды.+
4 Сизи анд верирәм, еј Јерусәлим гызлары,
Гәлбимдә мәһәббәт ајылтмајын, ојатмајын өзү ојанмајынҹа».+
5 «Јарынын голуна ҝириб
Сәһрадан ҝәлән кимдир белә?»
«Алма ағаҹынын алтында јатмышдын, ојатдым сәни.
Анан о јердә санҹы чәкмишди,
Орада ағры чәкиб сәни доғмушду.
6 Мәни үрәјинин башында,
Голунда мөһүр ејлә.
Чүн мәһәббәт өлүм гәдәр ҝүҹлүдүр,+
Сәдагәт Мәзар* кими дөнмәздир.
Алову алышыб-јаныр; Јаһын* аловудур.+
Мәһәббәти алмаг үчүн инсан бүтүн евини версә дә,
Јенә бир һеч сајылар*».
8 «Балаҹа баҹымыз вар,+
Һәлә дөшләри чыхмајыб.
Она елчи ҝәләндә,
Баҹымызла нә едәк?»
9 «О, дивар олсајды,
Үстүндә ҝүмүшдән гала дишләри тикәрдик.
Гапы олсајды,
Сидр тири илә бағлајардыг».
10 «Мән диварам,
Дөшләрим гала бүрҹүдүр.
Одур ки, мән онунчүн
Гәлби раһат бир гызам.
11 Сүлејманын Баал-Һәмунда үзүм бағы вар иди.+
О, бағы бағбанлара әманәт етмишди.
Бағын мејвәси үчүн һәрәси она мин ҝүмүш верирди.
12 Мәнимсә бағым өз ихтијарымдадыр.
Еј Сүлејман, мин ҝүмүш сәнә чатыр,
Ики јүз ҝүмүш мејвә јетишдирәнләрә».
13 «Еј бағларда јашајан,+
Достлар сәсини ешидир.
Гој мән дә дујум».+