2 Падшаһлар
11 Әһәзјанын анасы Әтәлја+ оғлунун өлдүјүнү+ ҝөрәндә галхыб бүтүн шаһ нәслини гырды.+ 2 Анҹаг Јәһурам падшаһын гызы, Әһәзјанын баҹысы Јәһусәба өлүм һөкмү верилмиш шаһзадәләрин ичиндән Әһәзјанын оғлу Јуәси+ хәлвәтҹә гачыртды вә ону дајәси илә бирҝә ичәридәки јатаг отағында сахлады. Јуәси Әтәлјадан ҝизләтдиләр вә о сағ галды. 3 О, алты ил дајәсинин јанында Јеһованын мәбәдиндә ҝизләнди. Бүтүн бу вахт әрзиндә Әтәлја өлкәдә һөкмранлыг едирди.
4 Једдинҹи илдә Јәһјадај карјалы мүһафизәчиләрин вә сарај кешикчиләринин јүзбашыларыны+ чағыртдырыб онлары Јеһованын евиндә өз јанына топлады. Јеһованын евиндә онларла сазиш бағлајыб онлара анд ичдирди. Сонра шаһзадәни онлара ҝөстәриб+ 5 тапшырыг верди: «Белә едәҹәксиниз: үчдә бириниз шәнбә ҝүнү нөвбәтчи олуб сарајы горујаҹаг,+ 6 үчдә бириниз Тәмәл дарвазасынын јанында олаҹаг, үчдә бириниз дә сарај кешикчиләринин архасындакы дарвазада дураҹаг. Нөвбә илә сарајын кешијини чәкәҹәксиниз. 7 Шәнбә ҝүнү нөвбәдә олмајан ики бөлүјүнүз падшаһы горумаг үчүн Јеһованын евинин кешијини чәкәҹәк. 8 Һәр кәс әлиндә силаһ падшаһы әһатәјә алсын. Сәфләринизә ҝирән өлдүрүлсүн. Падшаһ һара ҝетсә, онун јанында олун».
9 Јүзбашылар+ һәр шеји каһин Јәһјадајын дедији кими етдиләр. Һәр бири шәнбә ҝүнү нөвбәдә олан вә нөвбәдә олмајан адамларыны ҝөтүрдү вә каһин Јәһјадајын јанына ҝәлди.+ 10 Каһин јүзбашылара Давуд падшаһын Јеһованын евиндәки низәләрини вә дәјирми галханларыны пајлады. 11 Сарај кешикчиләри+ әлләриндә силаһ сарајын сағ тәрәфиндән сол тәрәфинә гәдәр һәр јанда, гурбанҝаһын+ јанында, мәбәдин јанында, падшаһын дөврәсиндә өз јерләрини тутдулар. 12 Јәһјадај шаһзадәни+ бајыра чыхарды, таҹы вә Шәһадәти*+ онун башына гојду. Ону падшаһлыға мәсһ етдиләр. Әл чалыб: «Јашасын падшаһ!» — дедиләр.+
13 Әтәлја гачан адамларын ајаг сәсини ешидәндә дәрһал Јеһованын евиндәки ҹамаатын јанына ҝәлди.+ 14 Ҝөрдү ки, адәтә ујғун олараг, падшаһ сүтунун јанында дуруб,+ башчылар вә кәрәнајчылар+ падшаһын јанындадыр. Өлкәнин бүтүн халгы севиниб кәрәнај чалырды. Онда Әтәлја јахасыны ҹырыб чығырды: «Хәјанәт! Хәјанәт!» 15 Каһин Јәһјадај гошуна башчылыг едән јүзбашылара+ әмр етди: «Ону сәфләрин арасындан чыхарын. Ким онун далынҹа ҝетсә, гылынҹдан кечирин!» Чүнки каһин демишди: «Ону Јеһованын евиндә өлдүрмәјин». 16 Әтәлјаны тутдулар вә атларын сараја+ ҝирдији јерә ҝәтириб өлдүрдүләр.
17 Јәһјадај Јеһова илә падшаһ вә халг арасында әһд кәсди+ ки, онлар бундан сонра да Јеһованын халгы олсунлар. О һәмчинин падшаһла халг арасында да әһд бағлады.+ 18 Бундан сонра бүтүн өлкә ҹамааты Баал бүтханасына ҝетди. Онун гурбанҝаһларыны дағытдылар,+ бүтләрини парча-парча етдиләр+ вә Баал каһини Маттаны гурбанҝаһларын гаршысында өлдүрдүләр.+
Каһин Јеһованын евинә нәзарәтчиләр тәјин етди.+ 19 Јеһованын евиндән чыхан падшаһы мүшајиәт етмәк үчүн каһин јүзбашылары+, карјалы мүһафизәчиләри, сарај кешикчиләрини+ вә бүтүн өлкә ҹамаатыны топлады. Онлар сарај кешикчиләринин дарвазасы јолу илә сараја ҝәлдиләр. Јуәс падшаһ тахтына отурду.+ 20 Өлкәнин бүтүн халгы севиниб-шадланырды. Шәһәрдә динҹлик бәргәрар олду, чүнки Әтәлјаны сарајда гылынҹдан кечириб өлдүрмүшдүләр.