Јагуб
5 Еј варлылар, башыныза ҝәләҹәк бәлалардан өтрү ағлајыб фәған един.+ 2 Вар-дөвләтиниз чүрүјүб, пал-палтарынызы ҝүвә јејиб.+ 3 Гызылыныз, ҝүмүшүнүз пас атыб; бу пас сизин әлејһинизә шаһидлик едәҹәк вә әтинизи јејәҹәк. Јығдығыныз ахырзаманда аловтәк олаҹаг.+ 4 Бахын, тарлаларынызы бичәнләрә вермәдијиниз зәһмәт һаггы фәрјад едир, бичинчиләрин имдад һарајы ҝөјдәки ордулар Аллаһы Јеһованын гулағына чатыб.+ 5 Сиз дүнјада тәмтәрагла јашајыб кеф чәкмисиниз. Сиз үрәјинизи гәтл ҝүнү үчүн бәсләјиб көкәлтмисиниз.+ 6 Сиз салеһи мәһкум едиб өлдүрдүнүз. Билин, о, сизә гаршыдыр!
7 Беләликлә, гардашлар, Ағамызын һүзуру* вахтына гәдәр сәбирли олун.+ Әкинчи илк вә сон јағышлары аланаҹан торпагдан ҝөтүрәҹәји гијмәтли мәһсулу сәбирлә ҝөзләјир.+ 8 Сиз дә сәбирли олун.+ Гој үрәјиниз мәтин олсун, ахы Ағамызын һүзуру јахындыр.+
9 Гардашлар, бир-бириниздән ҝилејләнмәјин, јохса мәһкум оларсыныз.+ Будур, Һаким гапыда дуруб. 10 Гардашлар, пислијә гатлашмагда+ вә сәбирли олмагда+ Јеһованын адындан данышмыш пејғәмбәрләрдән нүмунә ҝөтүрүн.+ 11 Будур, биз ахырадәк дөзәнләри хошбәхт сајырыг.+ Сиз Әјјубун дөзүмү һаггында ешитмисиниз+ вә Јеһовадан ҝәлән нәтиҹәни ҝөрмүсүнүз.+ Јеһова чох меһрибан* вә мәрһәмәтлидир.+
12 Гардашлар, илк нөвбәдә анд ичмәји тәрҝидин. Нә ҝөјә, нә јерә, нә дә башга бир шејә анд ичмәјин. Гој «бәли»низ бәли, «хејр» сөзүнүз хејр олсун+ ки, мәһкум едилмәјәсиниз.
13 Аранызда кимсә чәтинликләрлә үзләширми? Гој дурмадан дуа етсин.+ Кефи көкдүрмү? Гој тәрәннүм нәғмәләри охусун.+ 14 Аранызда нахош олан вармы? Гој јығынҹағын ағсаггалларыны чағырсын.+ Онлар Јеһованын ады илә онун башына јағ сүртүб онун үчүн дуа едәрләр.+ 15 Иманла едилән дуа нахош* оланы сағалдаҹаг вә Јеһова ону ајаға галдыраҹаг. Әҝәр ҝүнаһ ишләјибсә, тәгсири бағышланаҹаг.
16 Буна ҝөрә дә бир-биринизин гаршысында ҝүнаһларынызы етираф един+ вә сағалмаг үчүн бир-бириниздән өтрү дуа един. Салеһин һәрарәтли дуасынын бөјүк тәсири вар.+ 17 Илјас да бизим кими ади* бир инсан иди. Анҹаг о, дуада хаһиш етди ки, јағыш јағмасын вә һәмин әразидә үч ил алты ај јағыш јағмады.+ 18 Сонра јенә дуа етди вә ҝөјдән јағыш јағды, торпаг бар верди.+
19 Гардашларым, сизләрдән кимсә һәгигәт јолуну азарса вә диҝәри ону ҝери гајтарарса, 20 билин ки, ҝүнаһкары сәһв јолдан гајтаран+ ону өлүмдән гуртармыш олур вә чох ҝүнаһлары өртүр.+