Һәбгуг
3 Һәбгуг пејғәмбәрин гәмли нәғмә кими сөјләдији дуа.
2 Еј Јеһова, Сәнин барәндә ешитдим.
Еј Јеһова, ҝөрдүјүн ишләр мәни һејрәтә салыб.
Вәдә јетишәндә* онлары дирчәлт!
Вәдә јетишәндә онлары бәлли ет!
Нә олар, мүсибәт заманы мәрһәмәтини хатырла.+
Ҝөјләр Онун әзәмәтинә бүрүнүб,+
Јер Она уҹалан мәдһләрлә долудур.
4 О, шәфәгтәк парлајырды.+
Әлиндән гоша шүа чыхырды,
Ҝүҹү дә орада ҝизләниб.
5 Өнүндә азар ҝедирди,+
Архасынҹа шиддәтли гыздырма ҝәлирди.
6 О дурду, јери ләрзәјә салды.+
Бахышы илә халглары сарсытды.+
Әбәди дағлар дағылды,
Әзәли тәпәләр диз чөкдү.+
Онун јоллары та гәдимдән беләдир.
7 Кушан чадырларында тәлаш ҝөрдүм.
Мәдјән дијарындакы чадырларын парчалары титрәјир.+
8 Еј Јеһова, Сән чајлара,
Чајларамы һирсләнмисән?
Јохса дәнизә гәзәбин тутуб?+
9 Каманы чыхарыб һазырладын.
Чомаглар* андла тәјин олунду*. (Селаһ)
Јер үзүнү чајларла бөлдүн.
10 Сәни ҝөрәндә дағлары санҹы тутду.+
Лејсан сулар төкүлдү.
Дәринликдәки сулар уғулдады,+
Әлләрини јухары галдырды.
11 Ҝүнәшлә ај уҹа мәскәнләриндә дајанды.+
Охларын ишыг кими учурду.+
Низән шимшәк кими бәрг вурурду.
12 Дүнјаны һирслә ҝәзиб-долашдын.
Халглары гәзәблә әзиб тапдаладын.
13 Сән Өз халгынын хиласы үчүн, мәсһ етдијини гуртармаг үчүн чыхдын.
Шәрин евиндә башчыны вурдун.
Ев тәмәлдән дамадәк учду. (Селаһ)
14 Мәни пәрән-пәрән етмәк үчүн туфантәк үстүмә ҝәлән әсҝәрләрин башыны
Өз силаһлары илә вуруб дешдин.
Онлар мәзлуму хәлвәт јердә удаҹагларына шадланырдылар.
15 Сән дәнизи, күкрәјән әнҝин сулары
Атларынла јарыб кечдин.
16 Мән буну ешидәндә ҹаныма вәлвәлә дүшдү,
Додагларым әсди.
Сүмүкләрим чүрүмәјә башлады,+
Ајагларым титрәди.
Лакин мән үстүмүзә һүҹум чәкән халгын мүсибәт ҝүнүнү
Сакитҹә ҝөзләјәҹәјәм.+
17 Әнҹир чичәк ачмаса да,
Мејнәләрдә бар олмаса да,
Зејтун ағаҹы бәһәрсиз галса да,
Тарлалар мәһсул вермәсә дә,
Ағылдан гојун-гузу јох олса да,
Төвләләрдә мал-гара галмаса да,
18 Јенә дә севинҹим Јеһова олаҹаг,
Фәрәһим мәни хилас едән Аллаһ олаҹаг!+
19 Күлли-Ихтијар Јеһова мәним гүввәтимдир,+
Ајагларымы марал ајағытәк едәр,
Мәни зирвәләрдә ҝәздирәр.+
Дирижора. Симли аләтләримдә.