Зәбур

65 Еј Аллаһ, Сионда Сәни мәдһләр ҝөзләјир,

Сәнә дедијимиз нәзирләри јеринә јетирәҹәјик.

 3 Ҝүнаһларым мәни үстәләди.

Лакин Сән тәгсирләримизи әфв едирсән.

 4 Һәјәтиндә јашамаг үчүн сечдијин,

Өзүнә јахынлашдырдығын инсан нә хошбәхтдир.

Евинин, мүгәддәс мәбәдинин

Немәтләри илә дојарыг.

 5 Мөһтәшәм, һагг ишләринлә бизә һај верәрсән,

Еј ниҹатымызын Аллаһы,

Дүнјанын һүдудларында,

Узагларда, дәнизин о тајында јашајанларын ҝүвәнҹисән!

 6 Ҝүҹүнлә дағлары бәркитмисән,

Гүдрәтинә гуршанмысан.

 7 Уғулдајан дәнизләри,

Ҝурулдајан далғалары, чахнашан халглары рам едирсән.

 8 Ҝөстәрдијин әламәтләр дүнјанын уҹгарларында јашајанлары ләрзәјә салар;

Ҝүндоғандан ҝүнбатана кими һәр кәсә шәнлик верәрсән.

 9 Сән Јерә гајғы ҝөстәрирсән,

Ону наз-немәтлә долдурурсан.

Еј Аллаһ, чајларын ҝурсулудур,

Инсанын чөрәјини Сән јетирирсән.

Бәли, Јери бу ҹүр гурмусан.

10 Торпағын шырымларыны сулајыр, шумуну һамарлајырсан,

Ҝур јағышларла торпағы јумшалдыр, ҹүҹәртиләринә бәрәкәт верирсән.

11 Кәрамәтинлә илин башына таҹ гојурсан,

Ләпирләрин наз-немәтлә ашыб-дашыр.

12 Чөл-чәмәндән бәрәкәт ахыр,

Тәпәләр шәнлик дону ҝејиниб.

13 Сүрүләр отлаглара јајылыб,

Дүзләрә башдан-баша тахылдан халы салыныб.