Зәбур

92 Нә јахшыдыр Сәнә һәмд етмәк, еј Јеһова,

Нә јахшыдыр адыны нәғмәдә тәрәннүм етмәк, еј Һагг-Таала!

 2 Сәһәрләр мәһәббәтиндән,

Ҝеҹәләр сәдагәтиндән данышмаг,

 3 Сетарын, он телли аләтин,

Чәнҝин авазы алтында.

 4 Әмәлләринлә мәни севиндирдин, еј Јеһова,

Әлләринин ишиндән ҹуша ҝәлирәм.

 6 Надан адам бунлары билмәз,

Сәфеһин ағлы буну кәсмәз:

 7 Писләрин алаг оту кими битмәси,

Бәдәмәлләрин чичәкләнмәси

Онлары әбәдилик мәһвә апарыр.

 9 Бах! Еј Јеһова, мүзәффәр нәзәрлә дүшмәнләринә бах,

Ҝөр онлар неҹә јох олаҹаг,

Бәдәмәлләрин һамысы пәрән-пәрән дүшәҹәк.

10 Мәни исә чөл өкүзүтәк ҝүҹлү едәрсән.

Бәдәнимә тәзә јағ сүртәрәм.

11 Ҝөзүм мүзәффәр нәзәрлә дүшмәнләрә бахар,

Гулағым үстүмә ҝәлән писләрин мәғлубијјәтини ешидәр.

12 Салеһләр хурма ағаҹытәк чичәкләнәҹәк,

Ливандакы сидр ағаҹытәк уҹа олаҹаг.

13 Онлар Јеһованын евиндә әкилиб,

Аллаһымызын һәјәтиндә чичәк ачыр.

14 Сачлары ағаранда да бар верәҹәкләр,

Сапсағлам, тәравәтли олаҹаглар.

15 Бәјан едәҹәкләр ки, Јеһова доғрудур.