ҺАКИМЛӘР

1 Јушәнин өлүмүндән сонра+ исраиллиләр Јеһовадан сорушдулар:+ «Биздән кәнаниләрлә дөјүшмәјә биринҹи ким ҝедәҹәк?» 2 Јеһова ҹаваб верди: «Јәһуда.+ Мәмләкәти она тәслим едәҹәјәм». 3 Онда Јәһуда гардашы Шәмуна деди: «Ҝәл бирликдә мәним пајыма дүшән торпаға+ ҝедиб кәнаниләрлә дөјүшәк. Сонра мән сәнинлә сәнин пајына дүшән торпаға ҝедәрәм». Беләликлә, Шәмун онунла ҝетди.

4 Јәһуда гәбиләси дөјүшә чыхды. Јеһова кәнаниләрлә фәризиләри онларын әлинә верди.+ Онлар Бәзәгдә 10 000 нәфәри мәғлуб етдиләр. 5 Бәзәгдә Әдуни-Бәзәги тапыб онунла дөјүшдүләр вә кәнаниләрлә фәризиләри мәғлуб етдиләр.+ 6 Әдуни-Бәзәг гачмаға үз тутду. Анҹаг онлар тәгиб едиб ону јахаладылар, әлләринин вә ајагларынын баш бармагларыны кәсдиләр. 7 Әдуни-Бәзәг деди: «Мәним масамын алтында баш бармаглары кәсилмиш јетмиш падшаһ чөрәк гырынтылары дәнләјирди. Аллаһ еләдикләрими өз башыма ҝәтирди». Сонра ону Јерусәлимә+ ҝәтирдиләр вә о, орада өлдү.

8 Јәһудалылар һәмчинин Јерусәлимә һүҹум едиб+ ораны зәбт етдиләр. Әһалини гылынҹдан кечирдиләр, шәһәрә исә од вуруб јандырдылар. 9 Бундан сонра дағлыг бөлҝәдә, Неҝевдә вә Шәфлада+ јашајан кәнаниләрлә дөјүшмәк үчүн ашағы ендиләр. 10 Јәһудалылар Һәбрунда (Һәбрунун әввәлки ады Кирјат-Арба иди) јашајан кәнаниләрин үстүнә јүрүш етдиләр, Шишајы, Әхиманы вә Талмајы өлдүрдүләр.+

11 Онлар орадан Дәбир сакинләринин үстүнә јүрүш етдиләр.+ (Дәбирин әввәлки ады Кирјат-Сәфр иди.)+ 12 Онда Калиб+ деди: «Ким Кирјат-Сәфри әлә кечириб ораны аларса, гызым Ахшаны она верәҹәјәм».+ 13 Калибин кичик гардашы Гәназын+ оғлу Үсниил+ ораны зәбт етди, Калиб дә гызы Ахшаны она верди. 14 Ахша ҝәлин көчәркән әрини сөвг етди ки, онун атасындан торпаг саһәси истәсин. Гыз улагдан дүшәндә* Калиб ондан сорушду: «Нә истәјирсән?» 15 Гыз деди: «Мәнә һәдијјә вер, чүнки мәнә ҹәнубда* гураг јер вермисән, инди Гуллот-Маими* дә вер». Беләҹә, Калиб Јухары Гуллоту вә Ашағы Гуллоту она верди.

16 Мусанын гајынатасынын+ нәслиндән олан гәниләр+ јәһудалыларла бирликдә хурма ағаҹлары шәһәриндән+ чыхыб Араддан+ ҹәнубда јерләшән Јәһуда сәһрасына ҝәлдиләр. Онлар орада халгын арасында мәскунлашдылар.+ 17 Јәһуда гардашы Шәмунла бирликдә јүрүш едиб Сәфатда јашајан кәнаниләрин үстүнә ҝетди. Онлар шәһәри јерлә јексан едиб+ адыны Һорма*+ гојдулар. 18 Сонра Јәһуда Гәззәни+ бүтүн әразисилә, Ашкелону+ бүтүн әразисилә вә Екрону+ бүтүн әразисилә бир јердә зәбт етди. 19 Јеһова Јәһудаја дајаг олурду. Одур ки, онлар дағлыг бөлҝәни әлә кечирә билдиләр. Анҹаг аран әһалисини гова билмәдиләр, чүнки онларын дәрјазлы ҹәнҝ арабалары вар иди.+ 20 Мусанын вәд етдији кими, Һәбруну Калибә вердиләр.+ Калиб дә Анагын үч оғлуну+ орадан говду.

21 Бинјамин исә Јерусәлимдә јашајан јәбусиләри говмады. Бу сәбәбдән, јәбусиләр бу ҝүнә гәдәр Јерусәлимдә бинјаминлиләрлә бирликдә јашајырлар.+

22 Бу арада Јусиф өвладлары+ Бејтелин үстүнә јүрүш етдиләр. Јеһова онларла иди.+ 23 Јусиф өвладлары Бејтелә кәшфијјата ҝетдиләр. (Шәһәрин әввәлки ады Луз иди.)+ 24 Онлар шәһәрдән чыхыб ҝәлән бир киши илә растлашдылар вә она дедиләр: «Шәһәрә ҝедән јолу бизә ҝөстәр. Биз дә сәнә рәһм едәрик». 25 Киши шәһәрә ҝедән јолу онлара ҝөстәрди. Онлар шәһәри гылынҹдан кечиртдиләр, кишини исә аиләси илә бирликдә бурахдылар.+ 26 О, һетләрин дијарына ҝетди, орада шәһәр салыб адыны Луз гојду. Бу ҝүнә гәдәр шәһәр белә адланыр.

27 Мәнәссә Бејт-Шәәнин вә әтраф шәһәрләрин, Танагын+ вә әтраф шәһәрләрин, Дорун вә әтраф шәһәрләрин, Јивламын вә әтраф шәһәрләрин, Меҝиддонун вә әтраф шәһәрләрин әһалисини мәғлуб едә билмәди.+ Кәнаниләр орада галыб јашадылар. 28 Исраиллиләр гүввәтләнәндә кәнаниләри көләлијә салдылар,+ амма торпагларыны тамамилә әлә кечирмәдиләр.+

29 Әфраим дә Ҹәзәрдә јашајан кәнаниләри говмады. Кәнаниләр Ҹәзәрдә онларын арасында јашады.+

30 Зәбулун Гитрон вә Наһалул+ әһалисини говмады. Кәнаниләр онларын арасында јашадылар вә көлә ишиндә ишләдиләр.+

31 Ашир Акко, Сидон+, Ахлаб, Әхзиб+, Һелба, Афиг+ вә Рәһуб+ әһалисини говмады. 32 Аширлиләр мәмләкәтдә јашајан кәнаниләрин арасында јашадылар, чүнки онлары говмадылар.

33 Нифталы Бејт-Шәмс вә Бејт-Әнат әһалисини говмады.+ Нифталылар мәмләкәтдә јашајан кәнаниләрин арасында јашадылар.+ Бејт-Шәмс вә Бејт-Әнат сакинләри онлар үчүн көлә кими ишләдиләр.

34 Амориләр данлылары дағлыг бөлҝәјә сыхышдырыб арана бурахмадылар.+ 35 Амориләр Һарәс дағында, Ајалон+ вә Шалбимдә+ галыб јашадылар. Амма Јусиф өвладларынын голу гүввәтләнәндә амориләри көләлијә салдылар. 36 Амориләрин әразиси Әгрәб јохушундан+ башлајырды; һәмчинин Селадан башлајыб дағлыг бөлҝәјә доғру узанырды.

2 Јеһованын мәләји+ Ҝилгалдан+ Буһимә ҝәлиб деди: «Мән сизи Мисирдән чыхартдым, ата-бабаларыныза анд ичиб сөз вердијим дијара ҝәтирдим.+ Үстәлик, дедим: “Сизинлә кәсдијим әһди һеч вахт позмајаҹағам.+ 2 Сиз дә бу торпағын сакинләри илә әһд бағламајын,+ онларын гурбанҝаһларыны дармадағын един”.+ Анҹаг сиз сөзүмү гулагардына вурдунуз.+ Нијә белә етдиниз? 3 Буна ҝөрә дә дејирәм: “Онлары өнүнүздән говмајаҹағам,+ онлар сизин үчүн тор,+ аллаһлары исә тәлә олаҹаг”».+

4 Јеһованын мәләји бу сөзләри исраиллиләрә дејәндә халгын арасында шивән гопду. 5 Буна ҝөрә дә о јери Буһим* адландырдылар. Халг орада Јеһоваја гурбан ҝәтирди.

6 Јушә халгы јола салды. Һәр кәс өз торпаг пајыны тутмаг үчүн ирсинә ҝетди.+ 7 Халг Јушәнин дөврүндә, еләҹә дә Јушәдән сонра галан вә Јеһованын Исраил үчүн етдији мөһтәшәм ишләри ҝөрән ағсаггалларын дөврүндә Јеһоваја ибадәт етди.+ 8 Јеһованын гулу Нун оғлу Јушә јүз он јашында вәфат етди.+ 9 Ону ирс алдығы торпагда, Әфраим дағлыг бөлҝәсиндәки Тимнат-Һарәсдә,+ Ҹааш дағындан шималда дәфн етдиләр.+ 10 Бүтүн о нәсил өлүб әҹдадларына говушду*. Онлардан сонра Јеһованы танымајан, Онун Исраил үчүн етдији ишләрдән бихәбәр олан јени нәсил пејда олду.

11 Исраиллиләр Јеһованын бәјәнмәдији пис ишләр ҝөрмәјә вә Бааллара ситајиш етмәјә башладылар.+ 12 Бунунла да Јеһованы, онлары Мисирдән чыхаран аталарынын Аллаһыны атыб+ башга аллаһлары, әтраф халгларын аллаһларыны тутдулар,+ онлара сәҹдә едиб Јеһованы тәһгир етдиләр.+ 13 Онлар Јеһованы атдылар, Баал вә Әштурәт бүтләринә ситајиш етдиләр.+ 14 Онда Јеһованын исраиллиләрә гәзәби күкрәди, онлары таланчыларын басгынына мәруз гојду.+ Онлары әтрафдакы јағылара верди*+ вә халг дүшмәнләрин гаршысында аҹиз галды.+ 15 Һара ҝедирдиләрсә, Јеһованын әли онлара гаршы галхырды. Јеһова неҹә демишди вә Јеһова неҹә анд ичмишди,+ елә дә едирди, онларын башына бәлалар ҝәтирирди.+ Халг зүлм чәкирди.+ 16 Буна ҝөрә Јеһова һакимләр ҝөндәрирди. Онлар да халгы басгынчыларын әлиндән гуртарырды.+

17 Анҹаг халг һакимләрә дә гулаг асмырды. Башга аллаһлара ситајиш едәрәк Аллаһа хәјанәт едирди. Исраиллиләр Јеһованын әмрләринә табе олан әҹдадларынын+ јолундан тез сапдылар, ата-бабаларына охшамадылар. 18 Јеһова онлара һакимләр ҝөндәрирди.+ Јеһова һакимләрин һәр биринә дајаг олур, онларын дөврүндә халгы дүшмәнләрдән гуртарырды. Чүнки зүлмкарларын вә залым ганичәнләрин әлиндән халгын етдији фәрјад+ әршә галханда Јеһованын онлара јазығы ҝәлирди*.+

19 Амма елә ки һаким өлүрдү, халг башга аллаһлара үз тутуб онлара ситајиш едәрәк аталарындан да бешбетәр давранырды.+ Онлар өз әмәлләриндән вә инадларындан әл чәкмирдиләр. 20 Ахырда Јеһованын Исраилә гәзәби аловланды+ вә О деди: «Мадам ки бу халг ата-бабалары илә бағладығым әһди позду,+ Мәним итаәтимдән чыхды,+ 21 Мән дә Јушәнин өлүмүндән сонра галан халгларын һеч бирини онларын өнүндән говмајаҹағам.+ 22 Бунунла Исраили сынагдан кечирәҹәјәм, ҝөрүм онлар аталары кими, Јеһованын јолу илә ҝедәҹәкләр, ја јох».+ 23 Беләликлә, Јеһова бу халглары дәрһал говмајыб сахлады, онлары Јушәјә тәслим етмәди.

3 Кәнандакы мүһарибәләри ҝөрмәјән исраиллиләри сынагдан кечирмәк үчүн+ Јеһованын сахладығы халглар бунлардыр 2 (бу, она ҝөрә иди ки, Исраилин мүһарибә ҝөрмәмиш сонракы нәсилләри мүһарибә ҝөрсүн): 3 беш Филишт+ һакими, бүтүн кәнаниләр, сидонлулар+ вә Баал-Һәрмун дағындан та Ләбу-Һәмәсә+ гәдәр Ливан дағында+ јашајан һивиләр+. 4 Јеһова бу халглары сахлады ки, исраиллиләри сынасын, Муса васитәсилә ата-бабаларына вердији әмрләрә риајәт едиб-етмәјәҹәкләрини өјрәнсин.+ 5 Беләликлә, исраиллиләр кәнаниләрин, һетләрин, амориләрин, фәризиләрин, һивиләрин вә јәбусиләрин арасында јашајырдылар.+ 6 Онлар бу халглара гыз вериб, онлардан гыз алырдылар. Ахырда исраиллиләр онларын аллаһларына ибадәт етмәјә башладылар.+

7 Исраиллиләр Јеһованын бәјәнмәдији пис ишләр ҝөрүрдүләр. Онлар өзләринин Аллаһы Јеһованы унутдулар, Бааллара+ вә Ашера бүтләринә*+ ибадәт етдиләр. 8 Онда Јеһова Исраилә гәзәбләнди вә онлары Икичајарасы* падшаһы Кушан-Ришәтајимә тәслим етди. Исраиллиләр сәккиз ил Кушан-Ришәтајимә хидмәт етдиләр. 9 Халг Јеһовадан имдад диләјиб көмәк истәјәндә+ Јеһова онлара хиласкар јетирди,+ Калибин кичик гардашы Гәназын оғлу Үсниили+ исраиллиләри хилас етмәјә ҝөндәрди. 10 Јеһованын руһу Үсниилин үзәринә енди+ вә о, Исраилин һакими олду. Үсниил Икичајарасы падшаһы Кушан-Ришәтајимлә дөјүшә чыханда Јеһова падшаһы онун әлинә верди вә о, Кушан-Ришәтајимин үзәриндә гәләбә газанды. 11 Бундан сонра өлкә гырх ил динҹ јашады. Сонра Гәназ оғлу Үсниил вәфат етди.

12 Исраиллиләр јенә дә Јеһованын бәјәнмәдији пис ишләр ҝөрмәјә башладылар.+ Јеһованын изни илә Муаб+ падшаһы Әҹлун исраиллиләрин үзәриндә ағалыг етмәјә башлады, чүнки халг Јеһованын бәјәнмәдији пис ишләр ҝөрүрдү. 13 О, әмуниләрлә+ әмалигәләри+ дә исраиллиләрә гаршы галдырды. Онлар Исраилә һүҹум едиб хурма ағаҹлары шәһәрини+ алдылар. 14 Исраиллиләр он сәккиз ил Муаб падшаһы Әҹлуна гуллуг етдиләр.+ 15 Сонра исраиллиләр Јеһоваја дад еләдиләр+ вә Јеһова онлары гуртармаг үчүн+ бинјаминли+ Гираһын оғлу солахај+ Әһуду+ ҝөндәрди. Бир дәфә исраиллиләр Әһудла Муаб падшаһы Әҹлуна хәраҹ ҝөндәрирдиләр. 16 Әһуд бир гулаҹ* узунлуғунда икиағызлы хәнҹәр дүзәлдиб палтарынын алтындан сағ будуна бағлады. 17 О, хәраҹы Муаб падшаһы Әҹлунун һүзуруна ҝәтирди. Әҹлун шишман адам иди.

18 Әһуд хәраҹы тәгдим едиб гуртарандан сонра хәраҹы ҝәтирәнләри јола салды. 19 Анҹаг өзү Ҝилгалдакы+ ојма бүтләрин* јанындан ҝери гајыдыб падшаһа деди: «Еј падшаһ, сәнә ҝизли сөзүм вар». О деди: «Сакит!» Буну ешидәндә бүтүн гуллугчулар бајыра чыхдылар. 20 Падшаһ үст мәртәбәдәки сәрин отагда тәк отурмушду. Әһуд она јахынлашыб деди: «Аллаһдан сәнә сөз ҝәтирмишәм». Әҹлун тахтдан галхды. 21 Әһуд сол әлини атыб сағ будундан хәнҹәри чәкди вә онун гарнына сохду. 22 Хәнҹәр гәбзәгарышыг онун гарнына ҝирди. Пиј тијәни өртдү, чүнки Әһуд хәнҹәри онун гарнындан чыхартмады. Онун нәҹиси төкүлдү. 23 Әһуд архасынҹа јухары отағын гапыларыны өртүб гыфыллады вә ејвандан* чыхыб ҝетди. 24 О ҝедәндән сонра хидмәтчиләри ҝәлиб ҝөрдүләр ки, јухары отағын гапылары гыфыллыдыр. Онлар дедиләр: «Јәгин падшаһ ичәри отагда ајагјолуна ҝедиб». 25 Онлар чох ҝөзләдиләр, ахырда нараһат олмаға башладылар. Ҝөрәндә ки, падшаһ гапыны ачмыр, ачар ҝөтүрүб гапылары ачдылар вә ҝөрдүләр ки, падшаһын ҹәсәди јерә сәрилиб.

26 Онлар орада ләнҝимәкдә икән Әһуд артыг гачыб ојма бүтләрин*+ јанындан кечмиш вә сағ-саламат Сејраһа чатмышды. 27 Әһуд ораја, Әфраим дағлыг бөлҝәсинә+ чатанда шејпур чалды.+ Исраиллиләр онун башчылығы алтында дағлардан ендиләр. 28 Әһуд онлара деди: «Ардымҹа ҝәлин! Јеһова дүшмәниниз муабиләри сизә тәслим едиб». Исраиллиләр онун ардынҹа ҝетдиләр вә Иордан чајынын кечидләрини тутдулар ки, муабиләр гача билмәсинләр. Онлар кимсәни чајы кечмәјә гојмадылар. 29 Онда исраиллиләр 10 000 муабини гырдылар.+ Өзү дә онларын һәр бири ҝүҹлү иҝид иди, амма һеч бири гачыб гуртула билмәди.+ 30 О ҝүн Муаб Исраилә бојун әјди. Өлкә сәксән ил динҹ јашады.+

31 Әһуддан сонра чомагла+ 600 филиштлини*+ өлдүрән Әнат оғлу Шамгар+ һаким олду. О да Исраили хилас етди.

4 Әһудун вәфатындан сонра исраиллиләр јенә дә Јеһованын бәјәнмәдији пис ишләр ҝөрмәјә башладылар.+ 2 Јеһова да онлары Һәзурда һөкмранлыг едән Кәнан падшаһы Јавинә тәслим етди.+ Онун ордусунун башчысы Сисар иди. О, Һарошет-Гуимдә+ јашајырды. 3 Јавинин 900 дәрјазлы ҹәнҝ арабасы вар иди.+ О, дүз ијирми ил исраиллиләрә ган уддурду.+ Ахырда исраиллиләр Јеһоваја фәрјад етмәјә башладылар.+

4 О вахт Исраилдә Ләфдутун арвады пејғәмбәр Дәбурә+ һакимлик едирди. 5 О, Әфраим дағлыг бөлҝәсиндә, Рама+ илә Бејтел+ арасында, Дәбурәнин хурма ағаҹлары алтында отурурду. Исраиллиләр Аллаһын һөкмләрини өјрәнмәк үчүн онун јанына ҝәлирдиләр. 6 Дәбурә хәбәр ҝөндәриб Әбнам оғлу Бәрәги+ Гәдәс-Нифталыдан+ чағыртдырды вә она деди: «Исраилин Аллаһы Јеһова белә бујурур: “Галх, Табур дағына јүрүш ет. Өзүнлә Нифталы вә Зәбулундан 10 000 нәфәр ҝөтүр. 7 Мән Јавинин ордусунун башчысы Сисары ҹәнҝ арабалары вә гошунлары илә бирҝә Гишон чајына+ — сәнин јанына ҝәтириб сәнә тәслим едәҹәјәм”».+

8 Бәрәг она деди: «Сән мәнимлә ҝетсән, ҝедәрәм, әҝәр ҝетмәсән, ҝетмәјәҹәјәм». 9 Дәбурә деди: «Ҝетмәјинә ҝедәрәм. Амма бил ки, бу јүрүшдән шөһрәт сәнә ҝәлмәјәҹәк. Чүнки Јеһова Сисары гадын әлинә верәҹәк».+ Дәбурә галхыб Бәрәглә Гәдәсә+ ҝетди. 10 Бәрәг Зәбулун вә Нифталыны Гәдәсә һајлады.+ Онун ардынҹа 10 000 адам ҝетди. Дәбурә дә онунла ҝетди.

11 О заманлар гәни Һабир диҝәр гәниләрдән+, јәни Мусанын гајынатасы Һубабын+ өвладларындан ајрылыб Гәдәсдә, Сәнаннимдәки бөјүк ағаҹын јахынлығында чадыр салмышды.

12 Сисара хәбәр чатды ки, Әбнам оғлу Бәрәг Табур дағына галхыб.+ 13 Сисар бүтүн ҹәнҝ арабаларыны — 900 дәрјазлы арабасыны вә бүтүн гошунларыны дәрһал Һарошет-Гуимдән Гишон чајына топлады.+ 14 Дәбурә Бәрәгә деди: «Галх, чүнки бу ҝүн Јеһованын Сисары сәнә тәслим едәҹәји ҝүндүр. Бил, Јеһова сәнин өнүндә ҝедир». Бәрәг 10 000 нәфәрлә Табур дағындан енди. 15 Јеһова Сисары, онун бүтүн ҹәнҝ арабаларыны вә ордусуну чашгынлыға салыб+ Бәрәгин гылынҹына верди. Сисар исә арабасындан дүшүб гачмаға үз гојду. 16 Бәрәг ҹәнҝ арабаларыны вә гошунлары Һарошет-Гуимәдәк тәгиб етди. Беләҹә, Сисарын бүтүн ордусу гылынҹдан кечирилди, бир нәфәр дә сағ галмады.+

17 Сисар исә гачыб гәни Һабирин арвады+ Јаилин+ чадырына ҝәлди, чүнки Һәзур падшаһы Јавинлә+ гәни Һабирин еви арасында сүлһ вар иди. 18 Јаил Сисарын гаршысына чыхыб деди: «Бујур, ағам, ҝәл ичәри. Горхма». О, чадыра ҝирди. Гадын онун үстүнү јорғанла өртдү. 19 Сонра Сисар гадындан хаһиш еләди: «Сусузлугдан јанырам, мәнә бир ичим су вер». Гадын сүд тулуғуну ачыб она верди+ вә јенидән үстүнү өртдү. 20 Сисар она деди: «Чадырын ағзында дур. Кимсә ҝәлиб сорушса ки, бурада адам вар, ја јох, дејәрсән јохдур».

21 Сисар чох јорулдуғундан дәрин јухуја ҝетди. Һабирин арвады Јаил әлинә чадыр мыхы вә тохмаг ҝөтүрүб сакитҹә она јахынлашды, мыхы ҝиҹҝаһына елә зәрблә вурду ки, мых онун башыны дәлиб јерә ҝирди вә о өлдү.+

22 Бәрәг Сисары тәгиб едә-едә ора ҝәлиб чыхды. Јаил онун габағына чыхыб деди: «Ҝәл ахтардығын адамы сәнә ҝөстәрим». Бәрәг онунла ичәри ҝирәндә ҝөрдү ки, Сисар өлүб, ҝиҹҝаһында мых јерә сәрилиб.

23 Беләликлә, о ҝүн Аллаһ Кәнан падшаһы Јавини исраиллиләрә табе етди.+ 24 Исраиллиләрин голу ҝет-ҝедә Кәнан падшаһы Јавинә гаршы гүввәтләнди,+ ахырда онлар Кәнан падшаһы Јавини мәһв етдиләр.+

5 О ҝүн Дәбурә+ Әбнамын оғлу Бәрәглә+ бирҝә бу нәғмәни охуду:+

 3 Сиз, еј падшаһлар, ешидин, еј һакимләр, гулаг верин!

Јеһованы нәғмәләрдә тәрәннүм едәҹәјәм,

Исраилин Аллаһы Јеһованы+ мәдһ едәҹәјәм.+

Алгыш един Јеһоваја!

Онда Јеһованын халгы дарвазалара ахышды.

12 Ојан, еј Дәбурә+, ојан!

Ојан, ојан, нәғмә оху!+

Галх, еј Бәрәг!+ Әсирләрини апар, еј Әбнам оғлу!

Ону пај-пијада дәрәјә ҝөндәрдиләр.+

Рубән бөлүкләри гәрарсызлыг ичиндә иди.

Рубән бөлүкләри гәрарсызлыг ичиндә иди.

Онлара гәнимәт ҝүмүш дүшмәди.+

Еј ҹаным, сән гүдрәтлини әзиб тапдаладын!

25 Сисар су истәди, о, сүд верди,

Нәфис бајрам касасында она гајмаг верди.+

Нијә атларынын ајаг таппылтысы ҝәлмир?”+

Бундан сонра өлкә гырх ил динҹ јашады.+

6 Исраиллиләр јенә дә Јеһованын бәјәнмәдији пис ишләр ҝөрдүләр.+ Буна ҝөрә дә Јеһова онлары једди ил Мәдјәнә табе етди.+ 2 Мәдјән Исраилин үзәриндә ағалыг едирди.+ Исраиллиләр мәдјәниләрин әлиндән дағларда, мағараларда, әлчатмаз јерләрдә өзләри үчүн сығынаҹаглар* дүзәлдирдиләр.+ 3 Елә ки исраиллиләр әкин әкирдиләр, мәдјәниләр, әмалигәләр+ вә шәрглиләр+ онлара һүҹум едирди. 4 Онлар Исраил торпағына ҝириб дүшәрҝә салыр, Гәззәјә гәдәр өлкәнин бүтүн мәһсулуну мәһв едирдиләр. Исраилдә әрзаг гојмурдулар, өлкәдә мал-гара, гојун-гузу, улаг галмырды.+ 5 Чүнки онлар өз һејванлары вә чадырлары илә ҝәлирди, сајлары чәјирткә кими чох олурду.+ Адамларын вә дәвәләрин сајы-һесабы олмурду.+ Онлар ҝәлиб өлкәни виран гојурдулар. 6 Исраил мәдјәниләрин уҹбатындан чох јохсуллашды. Онда халг Јеһовадан имдад диләмәјә башлады.+

7 Исраил Мәдјәнин әлиндән Јеһоваја дад едәндә+ 8 Јеһова исраиллиләрә пејғәмбәр ҝөндәрди. О, халга деди: «Исраилин Аллаһы Јеһова белә дејир: “Мән сизи Мисирдән, көләлик мәмләкәтиндән чыхартдым.+ 9 Сизи мисирлиләрин вә бүтүн зүлмкарларын әлиндән гуртардым. Онлары габағыныздан говуб торпагларыны сизә вердим.+ 10 Сизә дедим: “Мән Аллаһыныз Јеһовајам.+ Торпағында јашадығыныз амориләрин аллаһларындан горхмајын”.+ Сиз исә Мәнә гулаг асмадыныз”».+

11 Бир ҝүн Јеһованын мәләји ҝәлиб+ Өфрада, бөјүк ағаҹын алтында отурду. Бу ағаҹ әбусәрли+ Јуәшин иди. Һәмин вахт Јуәшин оғлу Ҹәдун+ үзүм сыхылан јердә буғда дөјүрдү ки, сонра ону мәдјәниләрдән ҝизләтсин. 12 Јеһованын мәләји она ҝөрүнүб деди: «Јеһова сәнинләдир,+ еј иҝид!» 13 Ҹәдун она деди: «Ај ағам, әҝәр Јеһова бизимләдирсә, онда нијә биз бу ҝүнә дүшмүшүк?+ Ата-бабаларымызын “Јеһова бизи Мисирдән чыхартды”+ дејиб данышдығы о мөһтәшәм ишләр һаны?+ Инди Јеһова бизи атыб,+ галмышыг мәдјәниләрин әлиндә». 14 Јеһова она бахыб деди: «Ҝүҹүнү топла, ҝет. Сәни Мән ҝөндәрирәм. Исраили Мәдјәнин әлиндән гуртараҹагсан».+ 15 Ҹәдун ҹаваб верди: «Еј Јеһова, ахы мән Исраили неҹә гуртарым? Мәним тајфам Мәнәссәдә бапбалаҹадыр, өзү дә атамын евиндә ән кичик мәнәм». 16 Јеһова она деди: «Мән сәнинлә олаҹағам,+ сән мәдјәниләри елә әзәҹәксән ки, елә бил, гаршында бир адам вар».

17 Ҹәдун деди: «Әҝәр Сәнин ҝөзүндә лүтф тапмышамса, мәнә бир әламәт ҝөстәр, билим ки, мәнимлә данышан Сәнсән. 18 Риҹа едирәм, мән бәхшиш ҝәтириб Сәнә тәгдим едәнә гәдәр бурадан ҝетмә».+ О деди: «Сән гајыдана кими бурада ҝөзләјәҹәјәм». 19 Ҹәдун ҝедиб бир оғлаг кәсди вә бир ефа* ундан мајасыз чөрәк биширди.+ О, әти сәбәтә гојду, сујуну исә габа төкдү. Сонра бунлары һәмин бөјүк ағаҹын алтына ҝәтириб онун үчүн хөрәк чәкди.

20 Аллаһын мәләји она деди: «Әти вә мајасыз чөрәји ҝөтүр, орадакы бөјүк дашын үстүнә гој, әтин сујуну да ора төк». Ҹәдун белә дә етди. 21 Јеһованын мәләји әлиндәки әсаны узадыб уҹуну әтлә мајасыз чөрәјә тохундурду, дашдан алов чыхыб әтлә чөрәји удду.+ Сонра Јеһованын мәләји гејб олду. 22 Ҹәдун анлады ки, бу, Јеһованын мәләји иди.+

О деди: «Аман, ја Күлли-Ихтијар Јеһова! Мән Сәнин мәләјинин үзүнү ҝөрдүм, еј Јеһова!»+ 23 Јеһова исә она деди: «Сакит ол*. Горхма,+ өлмәјәҹәксән». 24 Ҹәдун орада Јеһованын адына гурбанҝаһ дүзәлтди вә о, бу ҝүнәдәк Јеһова-Салам*+ адланыр. Гурбанҝаһ инди дә әбусәрлиләрин Өфра әразисиндәдир.

25 Һәмин ҝеҹә Јеһова она деди: «Дур, атана мәхсус олан ҹаван буғаны, једдииллик икинҹи ҹаван буғаны ҝөтүр. Атана мәхсус олан Баал гурбанҝаһыны дағыт вә онун јанындакы Ашера бүтүнү кәс.+ 26 Бу истеһкамын башында дашлары дүзүб Аллаһын Јеһоваја бир гурбанҝаһ тик. Икинҹи ҹаван буғаны ҝөтүр, доғрадығын Ашера бүтүнүн одунҹаглары үстүндә јандырма гурбаны олараг тәгдим ет». 27 Ҹәдун нөкәрләриндән он нәфәр ҝөтүрүб Јеһованын бујруғуну иҹра етди. Амма атасынын ев әһлиндән вә шәһәр сакинләриндән чох горхдуғу үчүн бу иши ҝүндүз јох, ҝеҹә еләди.

28 Шәһәр сакинләри сүбһ тездән галханда ҝөрдүләр ки, кимсә Баалын гурбанҝаһыны дағыдыб, јанындакы Ашера бүтүнү кәсиб вә икинҹи буғаны тәзәҹә тикилмиш гурбанҝаһын үстүндә гурбан ҝәтириб. 29 Адамлар бир-бириндән: «Буну ким едиб?» — дејә сорушмаға башлады. Арашдырыб өјрәндиләр ки, буну Јуәшин оғлу Ҹәдун едиб. 30 Шәһәр әһли Јуәшә деди: «Оғлуну бураја ҝәтир, ону өлдүрәҹәјик. Чүнки о, Баалын гурбанҝаһыны дағыдыб, јанындакы Ашера бүтүнү дә кәсиб». 31 Онда Јуәш+ онун үстүнә шешәләнәнләрә деди: «Баалы сиз мүдафиә едәҹәксиниз? Сиз ону хилас едәҹәксиниз? Ким ону мүдафиә еләсә, бу сәһәр өлдүрүләҹәк.+ Әҝәр о, аллаһдырса, гој өзү-өзүнү мүдафиә еләсин,+ ахы онун гурбанҝаһыны дағыдыблар». 32 Атасы о ҝүн Ҹәдунун адыны дәјишиб Јәруббаал* гојараг деди: «Гој Баал өзү өз мүдафиәсинә галхсын, ахы онун гурбанҝаһыны дағыдыблар».

33 Бу арада бүтүн мәдјәниләр+, әмалигәләр+ вә шәрглиләр гүввәләрини бирләшдирдиләр+ вә чајы кечиб Јизраил дәрәсиндә дүшәрҝә салдылар. 34 Јеһованын руһу Ҹәдуну бүрүдү.+ О шејпур чалыб+ әбусәрлиләри+ башына топлады. 35 Ҹәдун бүтүн Мәнәссәјә гасидләр ҝөндәрди, онлар да онун јанына ҝәлди. О һәмчинин Аширә, Зәбулуна вә Нифталыја гасидләр ҝөндәрди, онлар да она гошулдулар.

36 Сонра Ҹәдун Аллаһа деди: «Вәд етдијин кими, Исраили мәним әлимлә гуртараҹагсанса,+ 37 мәнә әламәт вер. Мән хырмана тәзә гырхылмыш јун сәрәҹәјәм. Әҝәр шеһ анҹаг јуну исладарса, һәндәвәриндәки торпаг исә гуру галарса, биләҹәјәм ки, вәд етдијин кими, Исраили мәним әлимлә гуртараҹагсан». 38 Белә дә олду. Ертәси ҝүн Ҹәдун тездән галхыб јуну сыхды. Јундан бир ири каса гәдәри су чыхды. 39 Лакин Ҹәдун Аллаһа деди: «Мәнә аҹығын тутмасын, изин версән, бир хаһиш дә едәрәм. Иҹазә вер, бу иши јунла бир дә сынајым. Гој инди шеһ һәндәвәрдәки торпағы ислатсын, јун исә гуру галсын». 40 Аллаһ о ҝеҹә елә дә етди. Бүтүн торпағы шеһ өртдү, анҹаг јун гуру галды.

7 Јәруббаал, јәни Ҹәдун+ вә онун адамлары ертәдән дуруб Харуд чешмәсинин јанында дүшәрҝә салдылар. Мәдјәниләрин дүшәрҝәси ондан шималда, Мөһрә тәпәсинин јанында, дәрәдә иди. 2 Јеһова Ҹәдуна деди: «Сәнин адамларынын сајы һәддән артыг чохдур. Мәдјәни онлара тәслим етмәјәҹәјәм,+ јохса Исраил өјүнүб дејәҹәк ки, “мән өзүм өзүмү хилас етдим”.+ 3 Ҹамаата белә де: “Ким горхудан әсирсә, евинә гајытсын”».+ Ҹәдун бу сөзләрлә онлары сынады. Онда 22 000 нәфәр евә гајытды. Онунла 10 000 адам галды.

4 Јеһова бир дә Ҹәдуна деди: «Јенә дә адамларын чохдур. Онлары су кәнарына ендир. Орада онлары јохлајаҹағам. “Бу, сәнинлә ҝедәҹәк” дедијим адам сәнинлә ҝетсин, “бу, ҝетмәјәҹәк” дедијим адам исә ҝетмәсин». 5 Ҹәдун адамлары су кәнарына ендирди.

Јеһова Ҹәдуна бујурду: «Сују ит кими дили илә ичәнләри диз чөкәрәк ичәнләрдән ајыр». 6 Әлини ағзына апарыб сују дили илә ичәнләрин сајы 300 нәфәр олду. Галанлары исә сују диз чөкәрәк ичди.

7 Јеһова Ҹәдуна деди: «Сују овҹундан ичән бу 300 нәфәрлә сизи хилас едәҹәјәм вә мәдјәниләри сәнә тәслим едәҹәјәм.+ Галанларыны исә евләринә ҝөндәр». 8 Ҹәдун бүтүн исраиллиләри евләринә ҝөндәриб ҹәми 300 нәфәри сахлады. Онлар о бириләринин азугә вә шејпурларыны ҝөтүрдүләр. Мәдјәниләрин дүшәрҝәси Ҹәдунун дүшәрҝәсиндән ашағыда, дәрәдә иди.+

9 О ҝеҹә Јеһова Ҹәдуна деди: «Галх, дүшмән ордуҝаһына һүҹум ет, онлары сәнә тәслим етмишәм.+ 10 Јох әҝәр һүҹум етмәјә горхурсанса, дур, нөкәрин Фүрајла бирликдә ордуҝаһа ен. 11 Онларын сөһбәтинә гулаг ас. Онда һүҹум етмәјә ҹәсарәт тапаҹагсан». Ҹәдун нөкәри Фүрајла бирликдә ордуҝаһын кәнарына енди.

12 Мәдјәниләр, әмалигәләр вә бүтүн шәрглиләр+ чәјирткә сүрүсү кими дәрәни өртмүшдүләр, дәвәләри дәниз гуму гәдәр чох иди, сајы-һесабы јох иди.+ 13 Ҹәдун ора ҝәләндә бир киши јолдашына јухусуну данышырды: «Јухуда ҝөрдүм ки, бир ҝирдә арпа чөрәји дијирләнә-дијирләнә мәдјәниләрин ордуҝаһына ҝирди. О, чадырлардан биринә елә зәрблә дәјди ки, чадыр дағылды.+ Чөрәк чадыры алт-үст етди вә чадыр јерлә јексан олду». 14 Онда јолдашы деди: «Бу, исраилли Јуәшин оғлу Ҹәдунун гылынҹыдыр ки вар.+ Аллаһ Мәдјәни вә бүтүн ордуҝаһы она тәслим едиб».+

15 Ҹәдун јухуну вә јозумуну ешидән кими+ Аллаһа сәҹдә гылды вә Исраил дүшәрҝәсинә гајыдыб деди: «Галхын, Јеһова мәдјәниләрин ордуҝаһыны сизә вериб». 16 Сонра 300 нәфәри үч дәстәјә бөлдү, һәр биринә шејпур вә күп верди.+ Күпләрин ичиндә мәшәл вар иди. 17 Ҹәдун онлара деди: «Ҝөзүнүз мәндә олсун, мән нә етсәм, сиз дә елә един. Ордуҝаһын кәнарына чатанда нә етсәм, сиз дә елә един. 18 Мән јанымдакыларла бирҝә шејпур чаланда сиз дә ордуҝаһын әтрафында шејпур чалын вә: “Јеһова уғрунда! Ҹәдун уғрунда!” — дејә һајгырын.

19 Ҹәдун 100 нәфәрлик дәстә илә икинҹи ҝеҹә нөвбәсинин* башланғыҹында, кешикчиләр дәјишәндән дәрһал сонра ордуҝаһын кәнарына ҝәлди. Онлар шејпурлары чалдылар+ вә әлләриндәки су күпләрини сындырдылар.+ 20 Үч дәстәнин үчү дә шејпур чалыб күпләри сындырды. Онлар сол әлләриндә мәшәл, сағ әлләриндә исә шејпур тутараг: «Јеһованын гылынҹы! Ҹәдунун гылынҹы!» — дејә һајгырырдылар. 21 Бүтүн бу вахт әрзиндә ордуҝаһын әтрафында һәрә өз јериндә дурмушду. Бүтүн орду һај-күјлә гачмаға үз тутду.+ 22 Һәмин 300 нәфәр шејпурларыны чалмагда икән Јеһова ордуҝаһда һамынын гылынҹыны бир-биринә гаршы галдырды.+ Дүшмән ордусу Бејт-Шиттаһа гәдәр, Зәрраја тәрәф, Таббат јахынлығындакы Абил-Мәһла+ сәрһәдинә гәдәр гачды.

23 Нифталыдан, Аширдән вә бүтүн Мәнәссәдән исраиллиләр бир јерә топланыб+ Мәдјәни тәгиб етдиләр. 24 Ҹәдун бүтүн Әфраим дағлыг бөлҝәсинә гасидләр ҝөндәриб деди: «Мәдјәнин гаршысыны кәсмәк үчүн ашағы енин, Бејт-Бараһа гәдәр Иорданын вә голларынын кечидләрини тутун». Беләҹә, бүтүн әфраимлиләр бир јерә топландылар вә Бејт-Бараһа гәдәр Иорданын вә голларынын кечидләрини тутдулар. 25 Онлар Мәдјәнин ики һакимини, Өрәб вә Зәәби тутдулар, Өрәби сонралар Өрәб дашы адланан дашын јанында, Зәәби исә Зәәб үзүмсыханында өлдүрдүләр.+ Онлар Мәдјәни тәгиб етдиләр.+ Өрәблә Зәәбин башыны Иордан бөлҝәсинә, Ҹәдуна ҝәтирдиләр.

8 Әфраимлиләр Ҹәдуна дедиләр: «Нијә белә етдин? Нијә Мәдјәнлә дөјүшә ҝедәндә бизи чағырмадын?»+ Әфраимлиләр онунла далашдылар.+ 2 Ҹәдун онлара деди: «Сизин еләдијинизин јанында мәним еләдијим нәдир ки? Мәҝәр Әфраимин башаг етдији үзүм+ Әбусәрин+ јығдығы мәһсулдан јахшы дејил? 3 Аллаһ Мәдјән һакимләри Өрәблә Зәәби сизә тәслим етди.+ Сизин етдијинизин јанында мәним етдијим нәдир ки?» Ҹәдунун бу сөзләриндән сонра онлар сакитләшдиләр.

4 Сонра Ҹәдун Иордан чајынын јанына ҝәлиб о таја кечди. Ҹәдун да, онунла олан 300 нәфәр дә чох јорулмушду. Буна бахмајараг, онлар дүшмәни тәгиб едирдиләр. 5 О, Суггут сакинләриндән хаһиш етди: «Мән Мәдјән падшаһлары Зәба илә Салмуну тәгиб едирәм. Адамларым ҝүҹдән дүшүб, онлара чөрәк верин». 6 Суггут әјанлары ҹаваб вердиләр: «Мәҝәр Зәба илә Салмун сәнин әлиндәдир ки, ордуна чөрәк верәк?» 7 Онда Ҹәдун деди: «Инди ки белә олду, јахшы. Гој Јеһова Зәба илә Салмуну мәнә тәслим етсин, сизи чөл тиканыјла, кол-косла дөјәҹәјәм».+ 8 Ҹәдун јолуна давам едиб Фәнуилә ҝәлди вә онлардан да ејни хаһиши еләди. Фәнуил ҹамааты да суггутлулар кими ҹаваб верди. 9 Ҹәдун Фәнуил ҹамаатына деди: «Сағ-саламат гајыдыб ҝәләндә сизин галанызы дармадағын едәҹәјәм».+

10 Зәба вә Салмун тәхминән 15 000 нәфәрлик гошунла Карҝарда идиләр. Шәрглиләрин ордусундан галан елә онлар иди.+ Чүнки 120 000 әли гылынҹлы мәһв едилмишди. 11 Ҹәдун Нубадан вә Јогбәһәдән+ шәргдә јерләшән көчәриләрин јолу илә ҝетди вә ҝөзләмәдикләри һалда, гәфилдән дүшмән дүшәрҝәсинә һүҹум етди. 12 Зәба вә Салмун гачды. Ҹәдун бу ики Мәдјән падшаһыны тәгиб едиб јахалады. Бүтүн дүшәрҝәнин ҹанына вәлвәлә дүшдү.

13 Јуәш оғлу Ҹәдун дөјүшдән Һарәсә галхан јолла гајытды. 14 Јолда суггутлу бир ҹаваны јахалајыб сорғу-суала чәкди. Ҹаван оғлан да Суггутдакы јетмиш једди әјанын вә ағсаггалын адыны јазыб она верди. 15 Ҹәдун Суггут әһалисинин јанына ҝедиб деди: «Бу да Зәба илә Салмун. Бунлара ҝөрә сиз мәни әлә салыб дејирдиниз: “Мәҝәр Зәба илә Салмун сәнин әлиндәдир ки, тагәтдән дүшмүш адамларына чөрәк верәк?”»+ 16 Ҹәдун Суггутун ағсаггалларыны чөл тиканы вә кол-косла дөјүб дәрсләрини верди.+ 17 Һәмчинин Фәнуил галасыны дағытды+ вә шәһәрин әһалисини гырды.

18 Ҹәдун Зәба илә Салмундан сорушду: «Табурда өлдүрдүјүнүз адамлар неҹә адамлар иди? Онлар ҹаваб вердиләр: «Һамысы сәнин кими иди, шаһзадәјә охшајырды». 19 Онда о деди: «Онлар мәним анабир гардашларым иди. Јеһоваја анд олсун, әҝәр онларын ҹанына гыјмасајдыныз, сизи өлдүрмәздим». 20 Ҹәдун илки Јатирә деди: «Галх онлары өлдүр». Анҹаг оғлан һәлә ҝәнҹ иди, буна ҝөрә дә горхуб гылынҹыны чәкмәди. 21 Зәба илә Салмун деди: «Кишисәнсә, дур өзүн бизи өлдүр». Ҹәдун да дуруб Зәба илә Салмуну өлдүрдү+ вә дәвәләрин бојнундакы ајпаралары чыхарыб ҝөтүрдү.

22 Исраиллиләр Ҹәдуна дедиләр: «Сән, оғлун, нәвән бизә һөкмранлыг един. Чүнки сән бизи Мәдјәнин әлиндән гуртардын».+ 23 Амма Ҹәдун онлара деди: «Нә мән, нә дә оғлум сизә һөкмранлыг етмәјәҹәјик, сизә Јеһова һөкмранлыг едәҹәк».+ 24 Сонра Ҹәдун деди: «Сиздән тәкҹә бир хаһишим вар. Гој һәр кәс пајына дүшән гәнимәтдән мәнә бир бурун сырғасы версин. (Ахы исмајыллылар+ гызыл бурун сырғалары тахырдылар.) 25 Онлар: «Әлбәттә ки, верәрик», — дејиб јерә бир палтар сәрдиләр вә һәр кәс гәнимәтиндән бир сырға ҝөтүрүб ора атды. 26 Ајпара, пиләк, Мәдјән падшаһларынын ҝејиндији бәнөвшәји јун либаслар вә дәвәләрин бојун зәнҹирләрини+ чыхмаг шәрти илә, онун топладығы гызыл бурун сырғаларынын чәкиси 1700 шекел* олду.

27 Ҹәдун һәмин гызылдан бир дөшлүк дүзәлтди+ вә ону өз шәһәри Өфрада+ гојду. Бүтүн Исраил Аллаһа хәјанәт едиб Ҹәдунун дүзәлтдији дөшлүјә ибадәт етмәјә башлады.+ Бу, Ҹәдуна вә онун күлфәтинә тәлә олду.+

28 Беләликлә, Мәдјән+ исраиллиләрә бојун әјди, бир дә онлара мејдан охумады. Өлкә Ҹәдунун дөврүндә гырх ил динҹ јашады.+

29 Јуәш оғлу Јәруббаал+ евинә гајыдыб орада галды.

30 Ҹәдунун јетмиш оғлу вар иди, чүнки арвадлары чох иди. 31 Онун Сиһамдакы ҹаријәсиндән дә бир оғлу олду вә адыны Әбумәлик+ гојду. 32 Јуәш оғлу Ҹәдун узун өмүр сүрүб вәфат етди. Ону әбусәрлиләрин Өфра әразисиндә, атасы Јуәшин гәбриндә дәфн етдиләр.+

33 Ҹәдун вәфат едән кими исраиллиләр јенә дә Аллаһа хәјанәт едиб Бааллара ситајиш етмәјә башладылар+ вә Баал-Бәрити өзләринә аллаһ етдиләр.+ 34 Исраиллиләр өзләринин Аллаһы Јеһованы, онлары әтрафдакы халгларын әлиндән хилас едән Аллаһы јада салмадылар.+ 35 Онлар Јәруббаалын, јәни Ҹәдунун Исраилә етдији јахшылығын мүгабилиндә онун күлфәтинә хејирхаһлыг ҝөстәрмәдиләр.+

9 Јәруббаалын оғлу Әбумәлик+ Сиһама, дајыларынын јанына ҝетди. Онлара вә ана бабасынын гоһум-әгрәбасына деди: 2 «Сиһамын бөјүкләринә* белә дејин: “Сизин үчүн һансы јахшыдыр? Јәруббаалын јетмиш оғлу+ сизә рәһбәрлик етсин, јохса бир нәфәр? Һәм дә унутмајын ки, әтим, ганым сизләрдәндир”».

3 Дајылары онун бу сөзләрини Сиһамын бөјүкләринә чатдырдылар. Онлар да: «О, өзүмүзүнкүдүр», — дејиб Әбумәликә мејил салдылар. 4 Баал-Бәритин+ евиндән она јетмиш ҝүмүш вердиләр. Әбумәлик о пула авара, дәләдуз адамлары тутуб ардынҹа апарды. 5 Сонра Әбумәлик Өфраја+, атасы Јәруббаалын евинә ҝедиб онун оғулларыны, јетмиш гардашыны бир дашын үстүндә гәтлә јетирди.+ Тәкҹә Јәруббаалын кичик оғлу Јутәм сағ галды, чүнки о гачыб ҝизләнмишди.

6 Сонра бүтүн Сиһам бөјүкләри вә бүтүн Бејт-Милоһ Сиһамда бөјүк ағаҹын јахынлығындакы сүтунун јанында топлашыб Әбумәлики падшаһ етдиләр.+

7 Бу хәбәр ҝедиб Јутәмә чатды. О, Гәризим дағынын+ башына чыхыб уҹадан онлара деди: «Еј Сиһам бөјүкләри, мәни динләјин, Аллаһ да сизи динләјәр.

8 Ҝүнләрин бир ҝүнү ағаҹлар топлашыб өзләринә падшаһ сечмәк истәдиләр. Онлар ҝедиб зејтун ағаҹына дедиләр: “Падшаһымыз ол”.+ 9 Зејтун ағаҹы исә онлара ҹаваб верди: “Һеч рәвадырмы ки, Аллаһы вә инсаны шәрәфләндирән јағымы гојум, ҝедим башга ағаҹларын үстүндә јелләним?” 10 Онда ағаҹлар әнҹир ағаҹына дедиләр: “Ҝәл падшаһымыз ол”. 11 Лакин әнҹир ағаҹы онлара деди: «Һеч мән шипширин, дадлы мејвәләрими гојуб башга ағаҹларын үстүндә јелләнәрәм?” 12 Сонра ағаҹлар үзүм мејнәсинә дедиләр: “Ҝәл падшаһымыз ол”. 13 Мејнә онлара деди: «Аллаһын, инсанларын үрәјини шад едән тәзә шәрабымы гојуб, ағаҹларын үстүндә јелләнәҹәјәм?” 14 Ахырда ағаҹлар тикан колуна дедиләр: “Ҝәл падшаһымыз ол”.+ 15 Тикан колу онлара деди: “Әҝәр сиз, доғрудан да, мәни падшаһлыға мәсһ еләмәк истәјирсинизсә, онда ҝәлин көлҝәмә сығынын. Әкс һалда, гој мәндән алов чыхыб Ливанын сидр ағаҹларыны јандырыб күл етсин”.

16 Инди дејин, Әбумәлики падшаһ етмәклә сиз доғру, шәрәфли иш ҝөрмүсүнүз?+ Јәруббаала, онун күлфәтинә јахшылыг етмисиниз? Онунла әдаләтлә давранмысыныз? 17 Атам сиздән өтрү вурушду,+ сизи мәдјәниләрин әлиндән гуртармаг үчүн өлүмлә үз-үзә дурду.+ 18 Амма сиз атамын күлфәтинә гаршы чыхдыныз, онун јетмиш оғлуну бир дашын үстүндә гәтлә јетирдиниз.+ Гарабашынын оғлу Әбумәлики,+ өзүнүзүнкүдүр дејә, Сиһамын бөјүкләри үзәриндә падшаһ еләдиниз. 19 Әҝәр Јәруббаала вә онун күлфәтинә гаршы доғру, шәрәфли иш ҝөрмүсүнүзсә, онда гој Әбумәлик сизи шад етсин, сиз дә ону. 20 Јох әҝәр белә дејилсә, гој Әбумәликдән алов чыхыб Сиһам вә Бејт-Милоһ бөјүкләрини јандырыб күл етсин,+ Сиһам вә Бејт-Милоһ бөјүкләриндән дә алов чыхыб Әбумәлики јандырыб күл етсин”».+

21 Сонра Јутәм+ гачыб арадан чыхды вә Биирә ҝәлди. Гардашы Әбумәликин горхусундан орада јашады.

22 Әбумәлик үч ил Исраил үзәриндә һөкмранлыг етди. 23 Сонра Аллаһ Әбумәликлә Сиһамын бөјүкләри арасында нифаг салды вә онлар Әбумәликә хәјанәт етдиләр. 24 Бу она ҝөрә иди ки, Јәруббаалын јетмиш оғлуна едилән зүлм јердә галмасын вә онларын ганынын гисасы гардаш гатили Әбумәликдән вә гардаш ганы ахытмагда она көмәк едән Сиһамын бөјүкләриндән алынсын.+ 25 Сиһамын бөјүкләри дағларын башында адамлар гојуб она пусгу гурдулар. Бу адамлар јолдан ҝәлиб кечәнләри гарәт едирдиләр. Әһвалат Әбумәликин гулағына чатды.

26 Сонра Әбәдин оғлу Ҹәил гардашлары илә бирҝә Сиһама ҝәлди,+ Сиһамын бөјүкләри үмидләрини она бағладылар. 27 Онлар бағлара ҝетдиләр, үзүм јығыб тапдаладылар. Сонра шәнлик гурдулар, аллаһларынын евинә ҝедиб+ јејиб-ичдиләр вә Әбумәликә ләнәт охудулар. 28 Әбәдин оғлу Ҹәил деди: «Јәруббаалын+ оғлу Әбумәлик кимдир, Сиһамын дарғасы Зәбул кимдир ки, биз онлара гуллуг едәк? Онларданса, Сиһамын атасы Һамурун өвладларына гуллуг едәк. Нә үчүн Әбумәликә гуллуг еләмәлијик? 29 Каш бу халг мәним итаәтимдә олајды, онда Әбумәлики нә говардым!» Сонра о, Әбумәликә мејдан охуду: «Ордуну топла, дөјүшә чых».

30 Шәһәрин дарғасы Зәбул Әбәд оғлу Ҹәилин сөзләрини ешитди вә бәрк гәзәбләнди. 31 О, хәлвәтдән Әбумәликә гасидләр ҝөндәриб деди: «Әбәд оғлу Ҹәил гардашлары илә бирҝә Сиһамдадыр. Онлар шәһәри сәнә гаршы галдырырлар. 32 Адамларыны ҝөтүр ҝеҹәјлә ҝәл, чөлдә пусгу гур. 33 Сүбһ тездән, ҝүнәш доғар-доғмаз галхыб шәһәрә һүҹум елә. Ҹәил адамлары илә сәнин гаршына чыханда ону мәғлуб етмәјинҹә әл чәкмә».

34 Әбумәлик өз адамлары илә ҝеҹә икән галхды вә дөрд дәстәјә бөлүнүб Сиһамын әтрафында пусгу гурду. 35 Әбәд оғлу Ҹәил чыхыб шәһәр дарвазасынын ағзына ҝәләндә Әбумәлик өз адамлары илә пусгудан чыхды. 36 Ҹәил онлары ҝөрүб Зәбула деди: «Дағларын тәпәсиндән адамлар енир». Зәбул ҹаваб верди: «Јох, дағларын көлҝәсидир, сәнә елә ҝәлир».

37 Бир гәдәр сонра Ҹәил деди: «Бах, мәркәз тәрәфдән адамлар енир. Бир дәстә дә Меннимдәки бөјүк ағаҹ тәрәфдән ҝәлир». 38 Зәбул она деди: «“Әбумәлик кимдир ки, биз она гуллуг едәк?” — дејиб јекә-јекә данышан сән дејилдин?+ Бунлар гарасынҹа данышдығын һәмин адамлардыр. Инди чых мејдана, дөјүш онларла».

39 Ҹәил Сиһамын бөјүкләринин габағында ҝедиб Әбумәликлә дөјүшдү. 40 Ҹәил Әбумәликин габағындан гачды, Әбумәлик ону говду. Јер та шәһәр дарвазасынын ағзына гәдәр мејитләрлә долду.

41 Әбумәлик Арумаһда галды. Зәбул+ Ҹәиллә гардашларыны Сиһамдан говду. 42 Ертәси ҝүн халг шәһәрдән чыхыб саһәләрә ҝетди. Буну Әбумәликә хәбәр вердиләр. 43 О, адамларыны үч дәстәјә бөлүб чөлдә пусгу гурду. Ҹамаат шәһәрдән чыханда һүҹум едиб онлары гырды. 44 Әбумәлик дәстәләри илә ирәли ҝедәрәк шәһәр дарвазасынын ағзында мөвге тутду. Бу арада, ики дәстә һүҹум едиб чөлдәки ҹамааты гырды. 45 Әбумәлик бүтүн ҝүнү вурушуб шәһәри тутду. Әһалини гырды, шәһәри јерлә јексан едиб+ јеринә дуз сәпди.

46 Сиһам галасынын бөјүкләри буну ешидәндә дәрһал Ил-Бәрит+ евинин зирзәмисинә ҝирдиләр. 47 Әбумәликә хәбәр вердиләр ки, Сиһам галасынын бүтүн бөјүкләри бир јерә топлашыб. 48 О, дәрһал бүтүн адамлары илә бирҝә Сәлмун дағына галхды. Балтаны әлинә алыб ағаҹдан бир будаг кәсди вә чијнинә гојду. Әбумәлик јанындакылара деди: «Мән нә едирәмсә, сиз дә ону един. Ҹәлд олун!» 49 Һамысы будаг кәсиб Әбумәликин ардынҹа ҝетди. Будаглары зирзәминин әтрафына дүзүб, зирзәмини одладылар. Беләликлә, Сиһам галасынын да бүтүн адамлары өлдү, өләнләрин сајы кишили-гадынлы мин нәфәрә гәдәр иди.

50 Әбумәлик Тәбәзә ҝетди, шәһәрә гаршы ордуҝаһ гуруб ораны алды. 51 Шәһәрин ортасында мөһкәм гүллә вар иди. Бүтүн шәһәр ҹамааты, гадынлар, кишиләр вә шәһәрин бөјүкләри ораја гачды. Онлар гапыны бағлајыб гүлләнин башына чыхдылар. 52 Әбумәлик ҝәлиб гүлләјә һүҹум етди. О, гүлләјә од вурмаг үчүн гапыја јахынлашды. 53 Бу вахт бир гадын Әбумәликин үстүнә дәјирман дашы туллајыб онун кәлләсини сындырды.+ 54 Әбумәлик тез силаһдарыны чағырыб деди: «Гылынҹыны чәк, мәни өлдүр. Гој демәсинләр “ону арвад өлдүрдү”». Силаһдар гылынҹы она саплады вә Әбумәлик өлдү.

55 Исраиллиләр Әбумәликин өлдүјүнү ҝөрәндә дағылышыб евләринә ҝетдиләр. 56 Беләҹә, Аллаһ Әбумәликә јетмиш гардашыны гәтлә јетирәрәк атасына етдији пислијин әвәзини верди.+ 57 Аллаһ һәмчинин сиһамлыларын да пислијини өз башларына ҝәтирди. Беләликлә, Јәруббаал+ оғлу Јутәмин гарғышы+ онлары тутду.

10 Әбумәликин өлүмүндән сонра Исраили хилас етмәк үчүн Јәсакир гәбиләсиндән олан Додај оғлу Фуәһин оғлу Тоһла адлы бир адам мејдана чыхды.+ О, Әфраим дағлыг бөлҝәсиндә јерләшән Самирдә јашајырды. 2 Тоһла ијирми үч ил Исраилдә һаким олду вә сонра вәфат етди. Ону Самирдә дәфн етдиләр.

3 Ондан сонра ҝиладлы Јаир мејдана чыхыб ијирми ики ил Исраилдә һаким олду. 4 Онун отуз улаға минән отуз оғлу вар иди. Оғулларынын отуз шәһәри вар иди. Бу шәһәрләр Ҝиладда јерләшир вә инди дә Һаввут-Јаир+ адланыр. 5 Јаир өлдү. Ону Гамонда дәфн етдиләр.

6 Исраиллиләр јенә дә Јеһованын бәјәнмәдији пис ишләр ҝөрмәјә башладылар.+ Онлар Бааллара+, Әштурәт бүтләринә, Арам, Сидон, Муаб аллаһларына,+ һәмчинин әмуниләрин вә филиштлиләрин аллаһларына ибадәт етдиләр.+ Онлар Јеһованы атдылар, Она гуллуг етмәдиләр. 7 Онда Јеһованын исраиллиләрә гәзәби күкрәди, онлары филиштлиләрә вә әмуниләрә тәслим етди.+ 8 Бу халглар һәмин илдән башлајараг, исраиллиләрә зүлм едиб ган уддурдулар, дүз он сәккиз ил Иорданын о тајында, амориләрин торпағы Ҝиладда онлара ҝөз вериб ишыг вермәдиләр. 9 Үстәлик, әмуниләр Иорданы кечиб Јәһуда, Бинјамин вә Әфраим гәбиләләрилә дә вурушурдулар. Исраил зүлм ичиндә иди. 10 Онда халг Јеһовадан имдад диләјиб+ деди: «Сәнә гаршы ҝүнаһ етмишик. Сәни, Аллаһымызы атыб, Бааллара гуллуг етмишик».+

11 Јеһова исә исраиллиләрә деди: «Мәҝәр мисирлиләр+, амориләр+, әмуниләр, филиштлиләр+, 12 сидонлулар, әмалигәләр вә мәдјәниләр сизә әзаб верәндә Мән сизи онларын әлиндән гуртармадым? Мәнә фәрјад едәндә сизи онлардан хилас етдим. 13 Амма сиз Мәни атыб башга аллаһлары тутдунуз.+ Буна ҝөрә дә сизи даһа хилас етмәјәҹәјәм.+ 14 Ҝедин, сечдијиниз аллаһларын әтәјиндән јапышын.+ Гој дар ҝүнүнүздә онлар сизи гуртарсын».+ 15 Исраиллиләр исә Јеһоваја јалвардылар: «Ҝүнаһ етмишик. Бизә нә истәјирсән ет. Амма бизи дарда гојма, амандыр, бизи хилас ет». 16 Онлар јад аллаһлары тулладылар вә Јеһоваја гуллуг етмәјә башладылар.+ Артыг Аллаһ Исраилин әзабыны ҝөтүрә билмәди.+

17 Бир ҝүн әмуниләр+ топлашыб Ҝиладда дүшәрҝә салдылар. Исраиллиләр дә јығышыб Миспаһда ордуҝаһ гурдулар. 18 Ҝиладын ҹамааты вә башчылары бир-биринә деди: «Әмуниләрлә дөјүшә ким башчылыг едәҹәк?+ Һәмин адам бүтүн Ҝилад әһалиси үзәриндә һаким олаҹаг».

11 Ҝиладлы Ифтаһ+ ҹәсур вә иҝид адам иди. О, фаһишә гадынын оғлу иди, атасынын ады да Ҝилад иди. 2 Ҝиладын арвадындан да оғуллары олду. Онлар бөјүјәндә Ифтаһа: «Атамызын евиндә сәнә мирас дүшмүр, сән башга гадынын оғлусан», — дејиб ону говдулар. 3 Ифтаһ гардашларындан гачыб Тубда мәскән салды. Бош-бикар адамлар да башына јығылыб онун ардынҹа ҝетдиләр.

4 Бир мүддәт сонра әмуниләр исраиллиләрлә дөјүшә чыхды.+ 5 Әмуниләр исраиллиләрлә дөјүшәндә Ҝилад ағсаггаллары Ифтаһы гајтарыб ҝәтирмәк үчүн јубанмадан Туба ҝетдиләр. 6 Онлар Ифтаһа дедиләр: «Ҝәл бизим сәркәрдәмиз ол, ҝедиб әмуниләрлә дөјүшәк». 7 Ифтаһ Ҝилад ағсаггалларына деди: «Мәнә нифрәт едиб атамын евиндән гован сиз дејилдиниз?+ Бәс инди нијә дара дүшәндә мәним јаныма ҝәлдиниз?» 8 Ҝилад ағсаггаллары Ифтаһа дедиләр: «Дүздүр, амма инди сәнин јанына ҝәлмишик. Әҝәр бизимлә ҝедиб әмуниләрлә дөјүшсән, бүтүн Ҝилад әһалиси үзәриндә башчы олаҹагсан».+ 9 Ифтаһ Ҝилад ағсаггалларына ҹаваб верди: «Әҝәр мәни әмуниләрлә дөјүшмәк үчүн ҝери гајтарырсынызса, Јеһова онлары мәнә тәслим етсә, мән сизин башчыныз олаҹағам!» 10 Ҝилад ағсаггаллары деди: «Гој Јеһова арамызда шаһид олсун ки, сәнин дедијин кими едәҹәјик». 11 Ифтаһ Ҝилад ағсаггаллары илә ҝетди. Халг ону өзүнә башчы вә сәркәрдә тәјин етди. Ифтаһ Миспаһда Јеһованын өнүндә бүтүн сөзләрини тәкрар етди.+

12 Сонра Ифтаһ әмуниләрин+ падшаһына гасидләр ҝөндәриб деди: «Мәнә нә вермисиниз ки, ала билмирсиниз? Нијә өлкәмә басгын еләмисиниз?» 13 Әмун падшаһы Ифтаһын гасидләринә белә ҹаваб верди: «Исраил Мисирдән чыханда Әрнундан+ башлајыб Јәббуга, та Иордана гәдәр торпагларымы алмышды.+ Инди онлары хошлугла гајтар». 14 Ифтаһ гасидләрини јенидән Әмун падшаһынын јанына ҝөндәриб 15 деди:

«Ифтаһ белә дејир: “Исраил нә Муабын+, нә дә Әмунун+ торпағыны тутмајыб. 16 Исраил Мисирдән чыханда сәһра илә Гырмызы дәнизә+ ҝәлмиш вә Гәдисә+ ҝетмишди. 17 Сонра Әдум+ падшаһына гасидләр ҝөндәриб хаһиш етмишди: “Изин вер, өлкәндән кечәк”. Әдум падшаһы рүсхәт вермәмишди. Халг Муаб+ падшаһына да мүраҹиәт еләмишди, амма о да разылашмамышды. Буна ҝөрә дә Исраил Гәдисдә+ галмышды. 18 Онлар сәһра илә ҝедәндә Әдум вә Муаб торпагларындан јан кечмишдиләр.+ Муабын шәрг тәрәфи илә ҝедиб Әрнун бөлҝәсиндә дүшәрҝә салмышдылар.+ Онлар Муабын сәрһәдини кечмәмишдиләр,+ чүнки Әрнун Муабын сәрһәди иди.

19 Сонра Исраил Һәшбунда һөкмранлыг едән амори падшаһы Сиһуна гасидләр ҝөндәриб демишди: “Изин вер, сәнин мәмләкәтиндән кечиб өз торпағымыза ҝедәк”.+ 20 Сиһун Исраилә етибар етмәјиб өз торпағындан кечмәјә иҹазә вермәмишди. О, бүтүн адамларыны топлајыб Јаһасда дүшәрҝә салмыш вә Исраиллә дөјүшмүшдү.+ 21 Онда Исраилин Аллаһы Јеһова Сиһуну вә онун адамларыны Исраилин әлинә вермишди вә исраиллиләр онлары мәғлуб етмишдиләр. Исраил орада јашајан амориләрин торпағыны тутмушду.+ 22 Беләликлә, онлар Әрнундан Јәббуга гәдәр вә сәһрадан Иордана гәдәр амориләрин бүтүн торпағыны зәбт етмишдиләр.+

23 Амориләри исраиллиләрин өнүндән Исраилин Аллаһы Јеһова говмушду.+ Инди сән ҝәлиб бу торпаға саһиб чыхмаг истәјирсән? 24 Мәҝәр сән өз аллаһын Кәмушун+ сәнә вердији торпаглары тутмурсан? Биз дә Аллаһымыз Јеһованын өнүмүздән говдуғу халгларын торпағыны мүлк едәҹәјик.+ 25 Мәҝәр сән Муаб падшаһы Сәфур оғлу Балагдан+ артыгсан? Һеч о, Исраиллә чәкишди, јахуд онунла вурушду? 26 Исраил үч јүз илдир ки Һәшбунда, Аруирдә вә онларын әтрафындакы шәһәрләрдә,+ Әрнун боју шәһәрләрдә јашајыр. Нијә бу вахта гәдәр онлары говмаг ағлыныза ҝәлмәјиб?+ 27 Мән сәнә пислик еләмәмишәм. Амма үстүмә ҝәлмәклә сән сәһв еләмисән. Гој Һакимимиз Јеһова+ исраиллиләрлә әмуниләр арасында һаким олсун”».

28 Амма Әмун падшаһы Ифтаһын сөзләрини веҹинә алмады.

29 Јеһованын руһу Ифтаһын үзәринә енди.+ О, Ҝиладдан вә Мәнәссәдән кечиб Ҝиладдакы Миспиһә ҝәлди.+ Орадан Әмун торпагларына доғру ирәлиләди.

30 Сонра Ифтаһ Јеһоваја нәзир едиб+ деди: «Әҝәр әмуниләри мәнә тәслим етсән, 31 онда әмуниләрлә дөјүшдән сағ-саламат гајыданда мәни гаршыламаг үчүн евимин гапысындан илк чыхан Сәнин олаҹаг, еј Јеһова.+ Ону јандырма гурбаны кими тәгдим едәҹәјәм».+

32 Ифтаһ әмуниләрлә дөјүшә ҝетди вә Јеһова онлары она тәслим етди. 33 О, Аруирдән та Миннитә вә Абил-Кәрамимә гәдәр онлары гырды, ијирми шәһәри дармадағын етди. Беләҹә, әмуниләр исраиллиләрә бојун әјдиләр.

34 Ифтаһ Миспаһа+, евинә гајытды. Гызы әлиндә гавал ојнаја-ојнаја онун габағына чыхды. О, Ифтаһын јеҝанә өвлады иди. Ондан башга нә оғлу, нә гызы вар иди. 35 Гызыны ҝөрәндә Ифтаһ јахасыны ҹырыб деди: «Вај, гызым! Белими гырдын. Өз әлимлә баламы евдән дидәрҝин салдым. Амма Јеһоваја нәзир етмишәм, сөзүмдән дөнә билмәрәм».+

36 Гыз атасына деди: «Ата, сән Јеһоваја нәзир етмисән, нәзирини јеринә јетир.+ Ахы Јеһова дүшмәнләрин әмуниләрдән гисасыны алды». 37 Сонра атасына белә деди: «Амма бир истәјим вар. Мәни ики ајлыг бурах, гој дағлара ҝедим, рәфигәләримлә бирҝә бакирә галаҹағыма ҝөрә ағлајым».

38 Атасы: «Ҝет», — дејиб ону ики ајлыг бурахды. Гыз рәфигәләрилә дағлара ҝедиб бакирә галаҹағына ҝөрә ағлады. 39 Ики ајдан сонра атасынын јанына гајытды. Атасы да онунла бағлы вердији нәзири јеринә јетирди.+ Она һеч вахт киши әли дәјмәди. Исраилдә белә бир адәт јаранды: 40 исраилли гызлар илдә дөрд ҝүн ҝедиб Ифтаһын гызыны вәсф едирдиләр.

12 Әфраимлиләр топлашыб чајы кечдиләр вә Сафона* ҝедиб Ифтаһа дедиләр: «Нијә чајы кечиб әмуниләрлә дөјүшә ҝедәндә бизи чағырмадын?+ Буна ҝөрә сәни дә, евини дә јандыраҹағыг». 2 Ифтаһ онлара деди: «Мәним вә ҹамаатымын әмуниләрлә бәрк чәкишмәси варды. Сизи көмәјә чағырдым, сиз исә јериниздән тәрпәнмәдиниз. 3 Ҝөрәндә ки, сиздән сәс чыхмыр, һәјатымы тәһлүкәјә атыб әмуниләрин үстүнә ҝетдим.+ Јеһова да онлары мәнә тәслим етди. Нә үчүн инди дуруб үстүмә даваја ҝәлмисиниз?»

4 Ифтаһ бүтүн ҝиладлылары+ топлајыб әфраимлиләрлә дөјүшдү вә онлары мәғлуб етди. Чүнки әфраимлиләр: «Сиз, еј Әфраимлә Мәнәссә торпағында јашајан ҝиладлылар, сиз Әфраим гачгынларысыныз», — дејирдиләр. 5 Ҝиладлылар Әфраимин габағында Иордан чајынын кечидләрини кәсдиләр.+ Гачмаг истәјән әфраимли ҝәлиб: «Гојун кечим», — дејәндә, ондан: «Әфраимлисән?» — дејә сорушурдулар. О да: «Јох!» — дејәндә, 6 она: «Шибболет де ҝөрәк», — дејирдиләр. О исә сөзү дүз дејә билмәјиб: «Сибболет», — дејирди. Онда ону тутуб Иорданын кечидләриндә өлдүрүрдүләр. О вахт 42 000 әфраимли гырылды.

7 Ҝиладлы Ифтаһ алты ил Исраилдә һакимлик етди. Сонра Ифтаһ вәфат етди вә ону Ҝиладда, өз шәһәриндә дәфн етдиләр.

8 Ондан сонра бејтләһмли Ибзан Исраилдә һакимлик етди.+ 9 Онун отуз оғлу вә отуз гызы варды. О, гызларыны тајфасындан кәнара әрә вериб ҝөндәрди вә оғланларыны евләндирмәк үчүн отуз гыз ҝәтирди. О, Исраилдә једди ил һакимлик етди. 10 Ибзан вәфат етди вә Бејтләһмдә дәфн олунду.

11 Ондан сонра зәбулунлу Илун он ил Исраилдә һаким олду. 12 Сонра зәбулунлу Илун вәфат етди вә ону Зәбулун торпағында, Ајалонда дәфн етдиләр.

13 Ондан сонра фирәтунлу Һиллал оғлу Әбдун Исраилдә һаким олду. 14 Онун јетмиш улаға минән гырх оғлу вә отуз нәвәси варды. О, Исраилдә сәккиз ил һакимлик етди. 15 Сонра фирәтунлу Һиллал оғлу Әбдун вәфат етди вә ону әмалигәләрин+ дағында, Әфраим торпағындакы Фирәтунда дәфн етдиләр.

13 Исраиллиләр јенә дә Јеһованын өнүндә пис ишләр ҝөрдүләр.+ Јеһова да онлары гырх ил филиштлиләрә табе етди.+

2 О вахт Дан+ гәбиләсиндән Мәнуһ+ адлы сораһлы+ бир киши варды. Онун арвады сонсуз иди, ушағы олмурду.+ 3 Бир дәфә Јеһованын мәләји гадына ҝөрүнүб деди: «Сән сонсузсан, ушағын олмур. Анҹаг инди һамилә галыб бир оғул доғаҹагсан.+ 4 Мәбада дилинә шәраб, башга кефләндириҹи ички,+ нә дә һарам бир шеј вурасан.+ 5 Сән һамилә галыб бир оғул доғаҹагсан. Онун башына үлҝүҹ дәјмәмәлидир.+ Чүнки ушаг дүнјаја ҝәләндән Аллаһын нәзириси олаҹаг вә Исраили филиштлиләрдән гуртараҹаг».+

6 Гадын ҝедиб әринә деди: «Јаныма бир Аллаһ адамы ҝәлмишди. О, Аллаһын мәләјинә охшајырды, ҝөркәминдән әзәмәт јағырды. Мән онун һарадан ҝәлдијини сорушмадым, о да мәнә адыны демәди.+ 7 Тәкҹә буну деди: “Һамилә галыб оғул доғаҹагсан. Мәбада шәраб вә ја башга кефләндириҹи ички ичәсән, дилинә һарам бир шеј вурасан. Чүнки ушаг дүнјаја ҝәләндән та өләнәдәк Аллаһын нәзириси олаҹаг”».

8 Мәнуһ Аллаһа јалварыб деди: «Јеһова, нә олар, гој ҝөндәрдијин Аллаһ адамы јенә ҝәлсин вә бизә баша салсын ки, ушағы неҹә тәрбијә етмәлијик». 9 Аллаһ Мәнуһу ешитди, Аллаһын мәләји јенә гадынын јанына ҝәлди. Гадын бајырда отурмушду, әри Мәнуһ онунла дејилди. 10 Гадын тез әринин јанына гачыб деди: «Оҝүнкү адам јенә ҝәлиб».+

11 Мәнуһ арвады илә ҝәлиб һәмин адама деди: «Арвадымла данышан сән идин?» О: «Мән идим», — дејә ҹаваб верди. 12 Мәнуһ она деди: «Тәки дедикләрин чин олсун! Бәс ушаг һансы јолун јолчусу олаҹаг, нә ишин саһиби олаҹаг?»+ 13 Јеһованын мәләји Мәнуһа деди: «Гој арвадын она сөјләдијим шејләрдән узаг дурсун.+ 14 Мејнә мәһсулларындан һеч нә јемәсин, нә шәраб, нә башга кефләндириҹи ички ичмәсин,+ дилинә һеч бир һарам шеј вурмасын.+ Она бујурдуғум һәр шеји јеринә јетирсин».

15 Мәнуһ Јеһованын мәләјинә деди: «Риҹа едирәм, ајаг сахла, гој сәнин үчүн оғлаг кәсәк».+ 16 Јеһованын мәләји Мәнуһа ҹаваб верди: «Лап галсам да, јемәк јемәјәҹәјәм. Јох әҝәр Јеһоваја јандырма гурбаны тәгдим етмәк истәјирсәнсә, онда бујур, елә». Мәнуһ билмирди ки, гаршысындакы Јеһованын мәләјидир. 17 О, Јеһованын мәләјиндән сорушду: «Сәнин адын нәдир?+ Адыны сөјлә ки, дедикләрин јеринә јетәндә сәнә алгыш охујаг». 18 Лакин Јеһованын мәләји она деди: «Адымы нә едирсән? Адым харигүладәдир».

19 Сонра Мәнуһ бир оғлаг вә тахыл тәгдимәси ҝөтүрүб, дашын үстүндә Јеһоваја тәгдим етди. Мәнуһла арвады дуруб бахаркән О, гәрибә бир шеј етди. 20 Гурбанҝаһдан алов чыхыб ҝөјә галханда Јеһованын мәләји Мәнуһла арвадынын ҝөзү габағында аловун ичиндә ҝөјә галхды. Онларын икиси дә үзүстә јерә дөшәнди. 21 Јеһованын мәләји даһа Мәнуһла арвадына ҝөрүнмәди. Онда Мәнуһ баша дүшдү ки, сән демә, бу, Јеһованын мәләји имиш.+ 22 О, арвадына деди: «Биз Аллаһы ҝөрмүшүк, һөкмән өләҹәјик».+ 23 Арвады исә она деди: «Јеһова бизи өлдүрмәк истәсәјди, биздән јандырма гурбаныны, тахыл тәгдимәсини гәбул етмәзди.+ О, бүтүн бунлары бизә ҝөстәрмәзди, бу шејләри бизә демәзди».

24 Вахт-вәдә јетишди, гадынын бир оғлу олду вә адыны Шимшон+ гојду. Ушаг бөјүјүр, Јеһова ону сахлајырды. 25 Бир мүддәт сонра Сораһ илә Әштул+ арасында, Маһане-Данда+ Јеһованын руһу онун үзәринә енди*.+

14 Шимшон Тимнаһа ҝетди. Орада бир филиштли гыз ҝөрдү. 2 О, ата-анасынын јанына гајыдыб деди: «Ҝөзүм Тимнаһда бир филиштли гызы тутуб, ону мәнә алын». 3 Ата-анасы деди: «Мәҝәр гоһумларымызын арасындан, елимиздән бир гыз тапа билмәдин+ ки, ҝедиб сүннәтсиз филиштлиләрдән гыз алырсан?» Лакин Шимшон исрар едиб атасына деди: «Ону мәнә ал. О, әсил мәнә лазым олан адамдыр». 4 Шимшонун ата-анасы баша дүшмүрдү ки, бу иш Јеһовадандыр, чүнки О, филиштлиләри ҹәзаландырмаг үчүн мәгам ҝөзләјирди. Һәмин вахт Исраил филиштлиләрин табелијиндә иди.+

5 Бир ҝүн Шимшон ата-анасы илә Тимнаһа ҝетди. Тимнаһын үзүм бағларынын јахынлығында ҝөрдү ки, бир шир нәрилдәјәрәк онун үстүнә ҝәлир. 6 Јеһованын руһу она ҝүҹ верди+ вә о, јалын әллә шири оғлаг кими шаггалајыб ики јерә бөлдү. Амма валидејнләринә бу барәдә һеч нә демәди. 7 Сонра ҝедиб гызла данышды. Гыз һәлә дә Шимшонун ҝөзүндә мүнасиб иди.+

8 Бир мүддәт сонра гызы өз евинә ҝәтирмәк үчүн Шимшон ора ҝедирди.+ О, јолуну дәјишиб ширин лешинә бахмаға ҝетди. Лешдә ары сүрүсү вә бал вар иди. 9 О, балы сыјырыб овуҹуна алды вә јејә-јејә ата-анасынын јанына ҝәлди. Балдан онлара јемәјә верди. Амма балы ширин лешиндән јығдығыны демәди.

10 Шимшонун атасы гызы ҝөрмәјә ҝетди. О өзү исә орада зијафәт гурду, чүнки, адәтән, ҹаванлар белә едирдиләр. 11 Шимшон ҝәләндә она отуз нәфәр сағдыш-солдыш гошдулар. 12 Онда Шимшон онлара деди: «Ҝәлин сизә бир тапмаҹа дејим. Әҝәр зијафәтин једди ҝүнү әрзиндә тапмаҹанын ачмасыны тапыб мәнә десәниз, сизә отуз кәтан палтар вә отуз дәст либас верәҹәјәм. 13 Јох әҝәр тапмасаныз, сиз мәнә отуз кәтан палтар вә отуз дәст либас верәҹәксиниз». Онлар дедиләр: «Бујур, тапмаҹаны де». 14 Шимшон онлара деди:

Онлар үч ҝүн тапмаҹанын ҹавабыны тапа билмәдиләр. 15 Дөрдүнҹү ҝүн Шимшонун арвадына дедиләр: «Бир фәндлә әриндән тапмаҹанын ҹавабыны бизим үчүн өјрән.+ Јохса сәни дә, атанын евини дә јандыраҹағыг. Бизи бура сојмаг үчүн чағырмысыныз?» 16 Гыз Шимшонун гаршысында ағлајыб деди: «Сән мәни севмирсән, мәндән зәһлән ҝедир.+ Мәним халгыма тапмаҹа сөјләмисән, амма ҹавабыны мәнә демирсән». Шимшон она ҹаваб верди: «Һеч ата-анама демәмишәм, сәнә дејәҹәјәм?» 17 Гыз зијафәтин једдинҹи ҝүнүнә гәдәр ағлајыб ҝөзүнүн јашыны төкдү. Нәһајәт једдинҹи ҝүн Шимшон ҹавабы она деди, чүнки гыз онун ҹаныны боғаза јығмышды. Гыз да ҝедиб тапмаҹанын ҹавабыны өз халгына сөјләди.+ 18 Једдинҹи ҝүн ҝүнәш батмаздан әввәл* шәһәрин кишиләри она дедиләр:

Шимшон ҹаваб верди:

19 Онда Јеһованын руһу Шимшона ҝүҹ верди.+ О, Ашкелона+ ҝетди вә оранын ҹамаатындан отуз нәфәри өлдүрүб палтарларыны ҝөтүрдү. Либаслары апарыб тапмаҹанын ҹавабыны тапанлара верди.+ Сонра һирсли-һирсли чыхыб атасынын евинә ҝетди.

20 Шимшонун арвадыны+ онун сағдыш-солдышларындан биринә вердиләр.+

15 Бир мүддәт сонра, буғда бичини мөвсүмүндә Шимшон бир оғлаг ҝөтүрүб арвадыны ҝөрмәјә ҝетди. О деди: «Арвадымын јанына, ҝәрдәјә ҝирмәк истәјирәм». Лакин гајынатасы ону ичәри бурахмајыб 2 деди: «Елә билдим, гыздан зәһлән ҝедир,+ буна ҝөрә ону сәнин сағдышына вердим.+ Бах, кичик баҹысы ондан да гәшәнҝдир. Онун јеринә буну ал». 3 Онда Шимшон деди: «Инди филиштлиләрин башына бир ојун ачым ки! Даһа мәни һеч ким ҝүнаһландыра билмәз!»

4 Шимшон ҝедиб 300 түлкү тутду вә мәшәлләр ҝөтүрдү. Түлкүләри ҹүт-ҹүт гујруг-гујруға бағлајыб гујругларын арасына мәшәл гојду. 5 Сонра мәшәлләри одлајыб түлкүләри филиштлиләрин зәмиләринә бурахды. Беләҹә, дәрзләри, зәмиләри, үзүмлүкләри вә зејтун бағларыны јандырды.

6 Филиштлиләр: «Буну ким еләјиб?» — дејә сорушдулар. Дедиләр: «Буну тимнаһлынын күрәкәни Шимшон едиб, чүнки о, Шимшонун арвадыны ҝөтүрүб сағдышына вериб».+ Филиштлиләр ҝедиб гызы вә атасыны јандырдылар.+ 7 Шимшон онлара деди: «Инди ки белә еләдиниз, сиздән интигам алмамыш үрәјим сакитләшмәјәҹәк».+ 8 О аман вермәдән онлары гырыб бир-бир јерә сәрди. Сонра ениб Етам гајасындакы ојугда галды.

9 Бундан сонра филиштлиләр ҝәлиб Јәһудада дүшәрҝә салдылар вә Леһидә+ сојғунчулуг еләмәјә башладылар. 10 Јәһудалылар дедиләр: «Биздән нә истәјирсиниз?» Онлар: «Биз ҝәлмишик ки, Шимшону тутаг вә бизә етдијини она едәк», — дедиләр. 11 Онда 3000 јәһудалы Етам гајасындакы ојуға ҝедиб Шимшона деди: «Мәҝәр билмирсән ки, филиштлиләр үстүмүздә ағалыг еләјир?+ Бу нә ишдир башымыза ҝәтирмисән?» Шимшон онлара деди: «Онларын мәнә етдикләрини өз башларына ҝәтирдим». 12 Јәһудалылар она дедиләр: «Биз ҝәлмишик сәни тутуб филиштлиләрә верәк». Онда Шимшон деди: «Анд ичин ки, мәнә һеч нә етмәјәҹәксиниз». 13 Онлар дедиләр: «Јох, сәнә һеч нә етмәјәҹәјик, тәкҹә әл-голуну бағлајыб филиштлиләрә верәҹәјик».

Онлар ики тәзә кәндир ҝөтүрүб ону сарыдылар вә гајадан чыхартдылар. 14 Шимшону Леһијә ҝәтирәндә филиштлиләр ону ҝөрүб шадлыгларындан гыј чәкдиләр. Онда Јеһованын руһу Шимшона ҝүҹ верди+ вә голларындакы кәндирләр јанмыш кәтан ип кими олду, әлләринин бухову ачылды.+ 15 О, тәзә өлмүш бир ешшәјин чәнә сүмүјүнү тапды. Сүмүјү әлинә алыб мин нәфәри гырды.+ 16 Сонра Шимшон деди:

«Ешшәјин чәнә сүмүјү илә бир галаг, ики галаг!

Ешшәјин чәнә сүмүјү илә мин нәфәри гырдым».+

17 Шимшон буну дејиб гуртарандан сонра сүмүјү туллады вә һәмин јери Рамат-Леһи*+ адландырды. 18 Сонра о, бәрк сусады вә Јеһованы чағырыб деди: «Сән гулуна мөһтәшәм бир гәләбә вердин. Инди сусузлугдан өлүб сүннәтсизләрин әлинә дүшәҹәјәм?» 19 Аллаһ Леһидә ојуг јарды вә орадан су чыхды.+ Шимшон ичди, өзүнә ҝәлиб ҹанланды. Буна ҝөрә дә о јерин адыны Ејн-Һаггур* гојду. О, бу ҝүнәдәк Леһидәдир.

20 Шимшон филиштлиләрин дөврүндә ијирми ил Исраилин һакими олду.+

16 Бир ҝүн Шимшон Гәззәјә ҝетди. Орада бир фаһишә ҝөрүб онун евинә ҝирди. 2 Гәззәлиләрә хәбәр чатды ки, Шимшон бурададыр. Онлар мүһасирә гуруб бүтүн ҝеҹәни шәһәр дарвазасында онун үчүн пусгуда дурдулар. «Дан јери сөкүләндә ону өлдүрәрик» дејиб бүтүн ҝеҹәни сәссиз-сәмирсиз ҝөзләдиләр.

3 Шимшон ҝеҹә јарысынаҹан јатды. Сонра дурду, шәһәр дарвазасынын гапыларындан јапышыб дарвазаны јан дирәкләр вә ҹәфтә гарышыг чыхартды, чијнинә гојуб Һәбруна бахан дағын башына апарды.

4 Бир мүддәт сонра Шимшон Сорег вадисиндә јашајан Дилалә адлы бир гыза ашиг олду.+ 5 Филишт һакимләри гызын јанына ҝәлиб дедиләр: «Шимшонун гылығына ҝир, өјрән ҝөр онда бу ҝүҹ һарадандыр.+ Биз ону неҹә үстәләјә биләрик, нә илә сарыјыб тута биләрик. Бунун мүгабилиндә һәрәмиз сәнә 1100 ҝүмүш верәҹәјик».

6 Дилалә Шимшона деди: «Сәндәки бу бөјүк ҝүҹ һарадандыр? Сәни нә илә сарыјыб тутмаг олар?» 7 Шимшон она деди: «Мәни каман јајы дүзәлдилән једди тәзә, јаш иплә сарысалар, ҝүҹдән дүшүб ади адам кими оларам». 8 Филишт һакимләри каман јајы дүзәлдилән једди тәзә, јаш ип ҝәтирдиләр. Гыз онларла Шимшону сарыды. 9 Онлар ичәри отагда пусгуда дурмушдулар. Гыз Шимшону һајлады: «Шимшон, филиштлиләр үстүнә ҝәлир!» Шимшон голларындакы ипләри алов гарсамыш кәтан саптәк асанлыгла гырды.+ Онун ҝүҹүнүн сирри билинмәди.

10 Дилалә Шимшона деди: «Сән мәни алдатдын, јалан сөјләдин. Нә олар, де, сәни нә илә сарымаг олар?» 11 Шимшон гыза деди: «Әҝәр мәни һеч вахт ишләнмәмиш, тәзә кәндирлә сарысалар, ҝүҹдән дүшүб ади адам кими оларам». 12 Дилалә тәзә кәндир ҝөтүрүб ону сарыды, сонра чағырды: «Филиштлиләр үстүнә ҝәлир, Шимшон!» (Ичәри отагда адамлар пусгуда дурмушду.) Шимшон голларындакы кәндири саптәк гырды.+

13 Дилалә јенә Шимшона деди: «Сән елә һеј мәни алдадырсан, мәнә дүзүнү демирсән.+ Де, сәни нә илә сарымаг олар?» Шимшон она деди: «Једди һөрүјүмү тохуҹу дәзҝаһынын әриш ипи илә һөрсән, ҝүҹүмү итирәрәм». 14 Гыз онун һөрүкләрини тохуҹу дәзҝаһынын дарағы илә јығыб гышгырды: «Шимшон, филиштлиләр үстүнә ҝәлир!» Шимшон јухудан дуруб дарағы вә әриш ипини сачындан ачды.

15 Гыз Шимшона деди: «Үрәјини мәнә ачмаја-ачмаја неҹә дејә биләрсән ки, мәни севирсән?+ Үчүнҹү дәфәдир ки, мәнә јалан данышырсан, ҝүҹүнүн һарадан олдуғуну мәнә демирсән».+ 16 О, һәр ҝүн о гәдәр зыр-зыр едиб онун баш-бејнини апарды ки, ахырда Шимшонун ҹаны боғазына јығылды+ 17 вә сиррини она ачды: «Мән анаданҝәлмә Аллаһын нәзирисијәм. Индијә гәдәр башыма үлҝүҹ дәјмәјиб.+ Әҝәр сачларымы гырхсалар, гүввәми итирәрәм, ҝүҹдән дүшүб ади адам кими оларам».

18 Дилалә ҝөрәндә ки, Шимшон үрәјини она ачды, дәрһал Филишт һакимләрини чағыртдырыб+ деди: «Ҝәлин, бу дәфә о, үрәјини мәнә ачды». Филишт һакимләри пулу ҝөтүрүб онун јанына ҝәлдиләр. 19 Гыз Шимшону дизинин үстүндә јатыртды, сонра адамыны чағырыб онун једди һөрүјүнү кәсдирди. Бундан сонра гыз Шимшона үстүн ҝәлмәјә башлады, чүнки о, ҝет-ҝедә ҝүҹүнү итирирди. 20 Гыз: «Филиштлиләр үстүнә ҝәлир, Шимшон!» — дејә ону сәсләди. Шимшон јухудан ојаныб: «Јенә әввәлкитәк сычрајыб чыхарам!»+ — дејә фикирләшди. Амма о билмирди ки, Јеһова артыг ону тәрк едиб. 21 Филиштлиләр ону тутуб ҝөзләрини чыхартдылар, Гәззәјә ҝәтирдиләр вә мис гандалларла гандалладылар. Шимшон зинданда дәјирман дашы һәрләдирди. 22 Онун гырхылмыш сачы исә узанырды.+

23 Филишт һакимләри аллаһлары Дагона+ гурбанлар кәсиб бајрам етмәк үчүн бир јерә топлашдылар. Онлар дејирдиләр: «Аллаһымыз дүшмәнимизи, Шимшону бизә тәслим етди!» 24 Ҹамаат ону ҝөрәндә өзләринин аллаһыны мәдһ едиб деди: «Аллаһымыз өлкәмизи талан едән,+ бизи гырыб-чатан дүшмәнимизи бизә тәслим етди».+

25 Һамынын кефи көк иди. Онлар дедиләр: «Шимшону ҝәтирин бизи әјләндирсин». Шимшону зиндандан чыхарыб ҝәтирдиләр. Ону сүтунларын арасында дајандырдылар. 26 Шимшон онун әлиндән тутан ушаға деди: «Гој еви сахлајан сүтунлара тохунум, онлара сөјкәним». 27 Ев кишиләрлә, гадынларла долу иди. Бүтүн Филишт һакимләри ора топлашмышды. Дамдан үч минә јахын адам Шимшона тамаша едиб әјләнирди.

28 Шимшон+ Јеһоваја јалварыб деди: «Еј Күлли-Ихтијар Јеһова, мәни јадына сал. Пәрвәрдиҝара, мәнә анҹаг бу дәфәлик гүввәт вер,+ гој филиштлиләрдән һеч олмаса бир ҝөзүмүн һејфини чыхым».+

29 Сонра Шимшон әлләрини еви сахлајан ики орта сүтуна дирәди, сағ әлини биринә, сол әлини о биринә сөјкәди. 30 Шимшон: «Гој мән дә филиштлиләрлә бир јердә өлүм!» — дејиб вар ҝүҹү илә сүтунлары итәләди. Ев орада олан һакимләрин вә ҹамаатын үстүнә учду.+ Беләликлә, Шимшон өләндә сағлығында өлдүрдүјүндән даһа чох адам мәһв етди.+

31 Шимшонун гардашлары вә атасынын бүтүн ев әһли ҝәлиб онун мејитини апарды. Ону ҝәтириб Сораһла+ Әштул арасында, атасы Мәнуһун+ гәбриндә дәфн етдиләр. Шимшон Исраилдә ијирми ил һакимлик етди.+

17 Әфраим дағлыг бөлҝәсиндә+ Микә адлы бир адам јашајырды. 2 О, анасына деди: «Јадындадыр, сәндән 1100 ҝүмүш оғурламышдылар, сән дә мәним јанымда оғруну ләнәтләмишдин? Ҝүмүшләри мән ҝөтүрмүшдүм, онлар мәндәдир». Онда анасы деди: «Гој Јеһова оғлума јар олсун!» 3 Микә 1100 ҝүмүшү анасына верди, анасы да деди: «Мән бунлары оғлумдан өтрү Јеһоваја һәср едиб бүтләр дүзәлтдирәҹәјәм.+ Инди бунлары өзүнә гајтарырам».

4 Микә ҝүмүшләри анасына гајтарандан сонра анасы 200 ҝүмүш ҝөтүрүб симҝәрә верди. О, ојма вә төкмә бүт дүзәлтди. Бүтләри Микәнин евинә гојдулар. 5 Микәнин бүтханасы вар иди. О, дөшлүк+ вә ев бүтләри*+ дүзәлтдирди вә оғланларындан бирини өзү үчүн каһин гојду.+ 6 О ҝүнләрдә Исраилдә падшаһ јох иди.+ Һәр кәс өз билдијини едирди.+

7 Јәһуда Бејтләһминдә+, јәһудалы бир аиләдә мүвәггәти олараг бир ҹаван лавили+ јашајырды. 8 О, Јәһуда Бејтләһминдән чыхыб јашамаг үчүн јер ахтармаға ҝетди. Ҝәзә-ҝәзә ҝәлиб Әфраим дағлыг бөлҝәсинә, Микәнин евинә чыхды.+ 9 Микә ондан сорушду: «Һарадан ҝәлирсән?» О: «Јәһуда Бејтләһминдән ҝәлирәм. Мән лавилијәм, јашамаға јер ахтарырам», — деди. 10 Микә деди: «Мәним јанымда гал. Мәнә нәсиһәтчи* вә каһин ол. Сәнә бир дәст палтар, јемәк вә илдә он ҝүмүш верәрәм». Лавили онунла галды. 11 Беләликлә, лавили Микәнин евиндә галмаға разылашды вә она оғул кими олду. 12 Микә лавилини өзү үчүн каһин гојду+ вә о, Микәнин евиндә јашады. 13 Микә деди: «Инди билирәм ки, Јеһова мәнә јар олаҹаг, чүнки лавили мәним каһиним олду».

18 О ҝүнләрдә Исраилдә падшаһ јох иди.+ Дан гәбиләси+ өзүнә ирс ахтарырды. Чүнки онлар о вахта гәдәр Исраил гәбиләләри арасында ирс алмамышдылар.+

2 Данлылар өз араларындан, Сораһ вә Әштулдан+ беш ҹәсур адам сечиб кәшфијјата, өлкәни ҝөздән кечирмәјә ҝөндәрдиләр. Онлара тапшырдылар: «Ҝедин, өлкәни диггәтлә ҝөздән кечирин». Кәшфијјатчылар Әфраим дағлыг бөлҝәсинә, Микәнин евинә ҝәлдиләр+ вә орада ҝеҹәләдиләр. 3 Онлар Микәнин евинин јахынлығында оланда ҝәнҹ лавилинин сәсини таныдылар вә онун јанына ҝәлиб сорушдулар: «Сәни бураја ким ҝәтириб? Бурада нә едирсән? Нә ишин вар бурада?» 4 О ҹаваб верди: «Микә мәним үчүн буну-буну едиб. О, мәни муздла тутуб ки, она каһинлик едим».+ 5 Онда онлар дедиләр: «Хаһиш едирик, Аллаһдан јолумузун уғурлу олуб-олмајаҹағыны соруш». 6 Каһин онлара деди: «Саламат ҝедин, јолунуз боју Јеһованын нәзәри үстүнүздә олаҹаг».

7 Бу беш нәфәр јолуна давам едиб Лајишә+ ҝәлди. Онлар ҝөрдүләр ки, буранын ҹамааты сидонлулар кими асудә вә архајын јашајыр. Онлар динҹ вә гајғысыз адамларды,+ өлкәјә дәјиб-долашан бир истилачы јох иди. Онлар сидонлулардан узагда јашајырдылар вә һеч кимлә әлагәләри јох иди.

8 Кәшфијјатчылар өз сојдашларынын* јанына, Сораһ вә Әштула+ гајыданда сојдашлары сорушдулар: «Нә өјрәнә билдиниз?» 9 Онлар ҹаваб вердиләр: «Онларын торпағыны ҝөрдүк, чох ҝөзәлдир. Галхын, онларын үстүнә ҝедәк. Нә дурмусунуз, тез олун, ҝедәк онларын торпағыны алаг. 10 Ора ҝәләндә гајғысыз бир халг+ вә уҹсуз-буҹагсыз бир торпаг ҝөрәҹәксиниз. Аллаһ ораны сизә вериб. Орада дүнјанын бүтүн наз-немәти вар».+

11 Онда Дан гәбиләсиндән 600 нәфәр адам силаһланыб Сораһ вә Әштулдан+ јола дүшдү. 12 Онлар Јәһудаја галхыб Кирјат-Јаримин+ јахынлығында дүшәрҝә салдылар. Буна ҝөрә дә о јер индијәдәк Маһане-Дан*+ адланыр вә Кирјат-Јаримдән гәрбдә јерләшир. 13 Онлар орадан Әфраим дағлыг бөлҝәсинә, Микәнин евинә ҝетдиләр.+

14 Сонра Лајишә кәшфијјата ҝетмиш беш нәфәр+ сојдашларына деди: «Хәбәриниз вар ки, бу евләрдә дөшлүк, ев бүтләри, һәмчинин башга бүтләр вар?+ Инди ҝөрүн нә едирсиниз». 15 Онлар орада дајаныб Микәнин евинин јанында јашајан ҹаван лавилинин+ евинә ҝирдиләр вә ондан һал-әһвал тутдулар. 16 Әли силаһлы 600 данлы киши+ исә дарвазанын ағзында дурмушду. 17 Кәшфијјата ҝетмиш беш нәфәр+ дөшлүјү+, ев бүтләрини+ вә о бири бүтләри+ ҝөтүрмәк үчүн евә ҝирди. (Каһин+ әли силаһлы 600 нәфәрлә бирҝә дарвазанын ағзында иди.) 18 Онлар Микәнин евинә ҝириб ојма бүтү, дөшлүјү, ев бүтләрини вә төкмә бүтү ҝөтүрдүләр. Онда каһин сорушду: «Нә едирсиниз?» 19 Онлар дедиләр: «Сус, сәсини чыхартма. Бизимлә ҝәл, бизә нәсиһәтчи вә каһин ол. Сәнинчүн бир адама каһинлик етмәк јахшыдыр,+ јохса Исраилин бүтөв бир гәбиләсинә, бүтөв бир нәслинә?»+ 20 Бу сөзләр каһинин үрәјиндән олду. О, дөшлүјү, ев бүтләрини вә ојма бүтү+ ҝөтүрүб онларла ҝетди.

21 Онлар ушагларыны, мал-гараны вә ҝәрәкли әшјаларыны габагларына салыб јола дүшдүләр. 22 Микәнин евиндән тәзәҹә араланмышдылар ки, Микәнин гонум-гоншулары ҝәлиб онлары һаглады. 23 Онлар данлы кишиләри сәсләдиләр. Данлылар дөнүб Микәдән сорушдулар: «Нә олуб? Нә јығышыб ҝәлмисиниз?» 24 Микә деди: «Сиз мәним бүтләрими, каһиними ҝөтүрүб апармысыныз. Бәс мәнә нә галды? Һәлә бир сорушурсунуз ки, нә олуб?» 25 Данлы кишиләр она дедиләр: «Чығыр-бағыр салма! Јохса бу дәлиганлы адамлар үстүнүзә ҹумуб сәни дә, ев әһлини дә мәһв едәрләр». 26 Данлылар јолларына давам етдиләр. Микә дә онларын ондан ҝүҹлү олдуғуну ҝөрүб евинә гајытды.

27 Данлылар Микәнин дүзәлтдији шејләри вә каһини ҝөтүрүб Лајишә,+ динҹ вә гајғысыз јашајан халгын үстүнә ҝетдиләр.+ Онлары гылынҹдан кечириб шәһәрә од вурдулар. 28 Онларын дадына јетишән олмады, чүнки шәһәр Сидондан аралыда иди вә сакинләринин һеч кәслә әлагәси јох иди. Бу шәһәр Бејт-Рәһуб+ јахынлығындакы дәрәдә јерләширди. Данлылар шәһәри бәрпа едиб орада мәскунлашдылар. 29 Онлар шәһәрин адыны дәјишиб өз әҹдадларынын, Исраил оғлу Данын+ шәрәфинә Дан гојдулар.+ Шәһәрин көһнә ады исә Лајиш иди.+ 30 Сонра данлылар ојма бүтү+ орада өзләри үчүн гојдулар. Муса оғлу Һирсәмин+ оғлу Јонатан+ вә онун оғуллары өлкә әһалиси сүрҝүн едиләнә гәдәр Дан гәбиләсинә каһинлик етдиләр. 31 Аллаһын евинин Шилода+ олдуғу бүтүн вахт әрзиндә Микәнин дүзәлтдији ојма бүт орада галды.

19 Исраилдә падшаһ олмајан дөврдә+ Әфраим дағлыг бөлҝәсинин+ уҹгар јериндә бир лавили јашајырды. О, Јәһуда Бејтләһминдән+ бир ҹаријә алды. 2 Ҹаријә она садиг дејилди вә ону атыб Јәһуда Бејтләһминә, атасынын евинә ҝетди. Дөрд ај орада галды. 3 Лавили киши ҹаријәни дилә тутуб ҝери гајтармаг үчүн нөкәрини вә бир ҹүт улаг ҝөтүрүб онун далынҹа ҝетди. Ҹаријә ону атасынын евинә ҝәтирди. Атасы кишини ҝүләрүзлә гаршылады. 4 Гајынатасы — ҝәнҹ гадынын атасы ону бурахмајыб үч ҝүн гонаг сахлады. Онлар јејиб-ичирдиләр вә о, орада галырды.

5 Онлар дөрдүнҹү ҝүн сәһәр тездән дуруб ҝетмәк истәјәндә гадынын атасы күрәкәнинә деди: «Бир лоғма чөрәк је ки, ҝүҹүн олсун. Сонра ҝедәрсиниз». 6 Онлар отуруб бир јердә јејиб-ичдиләр. Гадынын атасы күрәкәнинә деди: «Нә олар, бу ҝеҹә дә гал, үрәјин шадлансын». 7 Киши дуруб ҝетмәк истәјәндә гајынатасы јалвар-јахар етди вә о, һәмин ҝеҹәни дә орада галды.

8 Лавили бешинҹи ҝүн сүбһ тездән дуруб јола дүшмәк истәјәндә гајынатасы хаһиш еләди: «Бир лоғма чөрәк је, тагәтин олсун». Онлар ҝүн ҝүнортадан кечәнәҹән орада јубандылар вә јејиб-ичдиләр. 9 Киши ҹаријәси вә нөкәри илә бирҝә дуруб ҝетмәк истәјәндә гајынатасы, ҝәнҹ гадынын атасы деди: «Бах, артыг үзү ахшама ҝедир. Бу ҝеҹәни дә гал. Ҝүн әјилир. Ҝеҹәни бурада гал, гој үрәјин шадлансын. Сәһәр тездән дуруб евинә јола дүшәрсән». 10 Анҹаг киши ҝеҹәни галмаг истәмәди, дуруб јола дүзәлди. Ҝәлиб Јәбуса, јәни Јерусәлимә+ чыхды. Онун ики паланлы улағы вар иди, ҹаријәси вә нөкәри дә онунла иди.

11 Онлар Јәбуса чатачатда артыг гаш гаралырды. Нөкәр ағасындан сорушду: «Галыб јәбусиләрин шәһәриндә ҝеҹәләјәк?» 12 Ағасы исә она деди: «Јох, исраилли олмајан јаделлиләрин шәһәриндә галмајаҹағыг. Ҝибаһа+ ҝедәҹәјик». 13 Сонра әлавә етди: «Ҝәлин чалышаг оралара чатаг. Ја Ҝибаһда, ја да Рамада+ ҝеҹәләјәк». 14 Беләликлә, онлар јолларына давам етдиләр. Ҝүн гүруба енәндә бинјаминлиләрин Ҝибаһ шәһәринә чатдылар.

15 Онлар орада ајаг сахладылар, ҝеҹәләмәк үчүн Ҝибаһа ҝирдиләр. Ҝедиб шәһәр мејданында отурдулар, амма һеч ким онлары евинә дәвәт етмәди.+ 16 Ахшам бир гоҹа киши тарлада ишини гуртарыб евинә гајыдырды. О, Әфраим дағлыг бөлҝәсиндән+ иди вә бир мүддәт иди ки, Ҝибаһда јашајырды. Анҹаг бу шәһәрин сакинләри бинјаминлиләр иди.+ 17 Гоҹа ҝөрдү ки, шәһәр мејданында јолчу отуруб. Јахынлашыб сорушду: «Һарадан ҝәлиб һара ҝедирсән?» 18 Киши ҹаваб верди: «Јәһуда Бејтләһминдән ҝәлирик. Јолумуз Әфраим дағлыг бөлҝәсинин уҹгар јеринәдир. Мән ораданам. Јәһуда Бејтләһминә ҝетмишдим,+ инди Јеһованын евинә ҝедирәм*. Амма бир нәфәр јохдур ки, мәни ҝеҹәләмәјә евинә апарсын. 19 Улагларымызын саманы да вар, јеми дә.+ Өзүм, ҹаријәм вә нөкәрим үчүн чөрәк+ дә вар, шәраб да. Һеч нәјә еһтијаҹымыз јохдур». 20 Гоҹа она деди: «Бу нә сөздүр! Бүтүн еһтијаҹларын мәним бојнума. Рәва билмәрәм ки, сән мејданда ҝеҹәләјәсән». 21 Беләҹә, ону евинә ҝәтирди. Улагларына јем верди, сонра онлар ајагларыны јудулар вә јејиб-ичдиләр.

22 Онлар евдә динҹәләндә шәһәрин јарамаз адамлары еви әһатәјә алыб гапыны сындырмаға башладылар. Онлар евин саһиби олан гоҹа кишијә дејирдиләр: «Евинә ҝәлән кишини чыхарт онунла јахынлыг едәк».+ 23 Ев јијәси бајыра чыхыб онлара деди: «Јох, гардашларым, јалварырам, бу ҹүр пислији етмәјин. Бу киши евимдә гонагдыр. Белә алчаглыға јол вермәјин. 24 Мәним бир бакирә гызым, кишинин дә ҹаријәси вар. Гојун онлары ҝәтирим, бу биабырчылығы онларла един, онларла үрәјиниз истәјәни един.+ Амма киши илә ишиниз олмасын».

25 Анҹаг кишиләр она гулаг асмаг истәмәдиләр. Онда лавили киши ҹаријәсинин+ голундан тутуб бајыра, онларын јанына чыхартды. Онлар гадыны зорладылар вә бүтүн ҝеҹәни сәһәрә гәдәр онун башына ојун ҝәтирдиләр. Дан јери сөкүләндә ону бурахдылар. 26 Гадын сәһәр тездән ҝәлиб ағасы галан евин гапысынын кандарында јерә сәрилди вә һава ишыглашанаҹан орада галды. 27 Ағасы сәһәр дурду вә јола дүшмәк үчүн гапыны ачанда ҝөрдү ки, ҹаријәси әлләри кандарда гапынын ағзына сәрилиб. 28 О, гадына деди: «Дур, ҝедәк». Анҹаг ондан сәс чыхмады. Киши ону галдырыб улағын белинә гојду вә евинә јолланды.

29 Евә чатанда бир бычаг ҝөтүрүб ҹаријәнин ҹәсәдини он ики һиссәјә бөлдү вә Исраилин һәр бөлҝәсинә бир һиссә ҝөндәрди. 30 Буну ҝөрән һәр кәс дејирди: «Исраил Мисирдән чыхандан бу ҝүнә гәдәр белә бир иш нә олуб, нә дә ҝөрүнүб. Бу барәдә дүшүнүн, мәсләһәтләшиб+ бир гәрар верин».

20 Бүтүн исраиллиләр Дандан+ тутмуш Биир-Сәбаја кими һәр јердән, еләҹә дә Ҝилад торпағындан+ Миспаһа ҝәлдиләр. Һамы бир нәфәр кими Јеһованын һүзурунда топлашды.+ 2 Халгын, Исраилин бүтүн гәбиләләринин башчылары Аллаһын халгынын јығынҹағында өз јерләрини тутду. Орада 400 000 әли гылынҹлы пијада дөјүшчү вар иди.+

3 Бинјаминлиләр ешитдиләр ки, исраиллиләр Миспаһа јығышыб.

Исраиллиләр дедиләр: «Данышын ҝөрәк бу дәһшәтли һадисә неҹә баш вериб».+ 4 Лавили киши,+ өлән гадынын әри ҹаваб верди: «Мән ҹаријәмлә ҝеҹәләмәк үчүн Бинјаминин Ҝибаһ шәһәринә ҝәлдим.+ 5 Ҝибаһ сакинләри* мәнә пислик етмәк нијјәтилә ҝеҹәјарысы галдығым еви әһатәјә алдылар. Онлар мәни өлдүрмәк истәјирдиләр, амма ҹаријәми зорладылар вә о өлдү.+ 6 Мән ҹаријәмин ҹәсәдини ҝөтүрүб доғрадым вә һиссәләрини Исраилин һәр јеринә ҝөндәрдим.+ Чүнки Исраилдә биабырчылыг вә алчаглыг едилиб. 7 Инди, еј Исраил әһли, дејин ҝөрәк нә мәсләһәт ҝөрүрсүнүз».+

8 Һамы бир нәфәр кими галхыб деди: «Һеч ким евинә, чадырына гајытмајаҹаг. 9 Белә едәҹәјик: пүшк атыб+ Ҝибаһын үстүнә ҝедәҹәјик. 10 Ордуја азугә тәдарүк етмәк үчүн Исраилин бүтүн гәбиләләринин һәр јүз нәфәрдән онуну, һәр мин нәфәрдән јүзүнү, һәр он мин нәфәрдән минини сечәҹәјик. Галанлары Исраилдә төрәдилмиш биабырчылыға ҝөрә Бинјаминин Ҝибаһ шәһәринә һүҹум едәҹәк». 11 Беләликлә, бүтүн исраиллиләр бир нәфәр кими Ҝибаһа гаршы бирләшди.

12 Исраил гәбиләләри Бинјаминин һәр јеринә адамлар ҝөндәриб деди: «Бу нә мәнфур ишдир сиздән чыхыб? 13 Ҝибаһдакы о алчаглары+ верин өлдүрәк, Исраилдә пислијин көкүнү кәсәк».+ Амма бинјаминлиләр исраилли сојдашларына мәһәл гојмадылар.

14 Бинјаминлиләр исраиллиләрлә дөјүшмәк үчүн бүтүн шәһәрләрдән ахышыб Ҝибаһа ҝәлдиләр. 15 Һәмин ҝүн Бинјаминин шәһәрләриндән 26 000 әли гылынҹлы адам топланды. Үстәлик, Ҝибаһын өзүндән дә 700 сечмә адам варды. 16 Ордуда 700 сечмә солахај адам вар иди. Онларын һәр бири сапанддан атдығы дашла түкү белә, вура билирди вә һәдәфи боша чыхмырды.

17 Бинјаминлиләри чыхмаг шәртилә, исраиллиләрдән 400 000 әли гылынҹлы адам топланды.+ Онларын һамысы маһир дөјүшчү иди. 18 Онлар Аллаһа мүраҹиәт етмәк үчүн+ Бејтелә ҝәлдиләр. Исраиллиләр сорушду: «Бинјаминлиләрлә дөјүшмәјә габагда ким ҝетсин?» Јеһова деди: «Јәһуда гәбиләси».

19 Исраиллиләр сәһәр тездән галхыб Ҝибаһын гаршысында ордуҝаһ гурдулар.

20 Исраиллиләр бинјаминлиләрлә дөјүшмәјә галхдылар вә Ҝибаһда дүзүлдүләр. 21 Һәмин ҝүн бинјаминлиләр Ҝибаһдан чыхыб 22 000 исраиллини тәләф етдиләр. 22 Амма Исраил ордусу һүнәр ҝөстәриб биринҹи дәфә олдуғу кими, јенә дә һәмин јердә дүзүлдү. 23 Исраиллиләр Бејтелә ҝедиб ахшама гәдәр Јеһованын өнүндә ағладылар вә Јеһовадан сорушдулар: «Јенә дә сојдашларымыз бинјаминлиләрин үстүнә ҝедәк?»+ Јеһова: «Ҝедин», — деди.

24 Беләҹә, исраиллиләр икинҹи дәфә бинјаминлиләрин үстүнә ҝетдиләр. 25 Бинјаминлиләр бу сәфәр дә Ҝибаһдан чыхыб исраиллиләрлә дөјүшдүләр вә онлардан әли гылынҹлы 18 000 нәфәри өлдүрдүләр.+ 26 Онда бүтүн исраиллиләр јығышыб Бејтелә ҝетдиләр. Онлар Јеһованын өнүндә отуруб ағладылар+ вә һәмин ҝүн ахшама гәдәр оруҹ тутдулар,+ Јеһоваја јандырма гурбаны+ вә үнсијјәт гурбаны+ тәгдим етдиләр. 27 Сонра исраиллиләр Јеһоваја мүраҹиәт етдиләр.+ Чүнки Аллаһын Әһд сандығы о вахт орада иди. 28 О ҝүнләрдә Һарун оғлу Әлјазарын оғлу Фәнһас+ сандығын гаршысында хидмәт едирди. Онлар сорушдулар: «Сојдашларымыз бинјаминлиләрлә јенә дөјүшә чыхаг, јохса чыхмајаг?»+ Јеһова деди: «Ҝедин, сабаһ онлары сизә тәслим едәҹәјәм». 29 Онда исраиллиләр Ҝибаһын әтрафында пусгу гурдулар.+

30 Исраиллиләр үчүнҹү дәфә бинјаминлиләрин үстүнә ҝетдиләр. Бу дәфә дә онлар Ҝибаһын гаршысында дүзүлдүләр.+ 31 Бинјаминлиләр онларла дөјүшмәк үчүн шәһәрдән чыхдылар вә шәһәрдән араландылар.+ О бири дәфәләрдә олдуғу кими, онлар һүҹум едиб бири Бејтелә, о бири Ҝибаһа ҝедән јолда исраиллиләри гырмаға башладылар. Отуз исраиллинин мејити чөлүн дүзүндә сәрилиб галды.+ 32 Бинјаминлиләр дејирдиләр: «Кечән дәфәләрдә олдуғу кими онлары үстәләјирик».+ Исраиллиләр исә: «Ҝәлин ҝери чәкиләк, онлары шәһәрдән узаглашдырыб јоллара чыхардаг», — дедиләр. 33 Беләликлә, бүтүн исраиллиләр јерләриндән галхыб Баал-Тамарда дүзүлдүләр. Ҝибаһ әтрафында ҝизләнән исраиллиләр дә пусгудан чыхыб һүҹума кечдиләр. 34 Беләҹә, бүтүн Исраилдән 10 000 сечмә дөјүшчү Ҝибаһын габағына ҝәлди вә шиддәтли дөјүш башлады. Бинјаминлиләр билмирдиләр ки, фәлакәт онлары һаглајыб.

35 Јеһова бинјаминлиләри Исраилин өнүндә мәғлуб етди+ вә һәмин ҝүн исраиллиләр Бинјаминдә әли гылынҹлы 25 100 нәфәри гырдылар.+

36 Исраиллиләр бинјаминлиләрин өнүндән ҝери чәкиләндә бинјаминлиләр елә зәнн етдиләр ки, исраиллиләр бу дәфә дә мәғлуб олурлар.+ Исраиллиләр исә архајын идиләр. Ҝибаһын әтрафында пусгу гојдуглары үчүн мејданы бинјаминлиләрә вермишдиләр.+ 37 Пусгудакылар ҹәлд галхыб Ҝибаһа һүҹум етдиләр. Сонра сәпәләниб бүтүн шәһәри гылынҹдан кечирдиләр.

38 Исраиллиләр сөзләшмишдиләр ки, шәһәрин әтрафында пусгуда оланлар шәһәрдән галхан түстү илә онлара ишарә версинләр.

39 Исраиллиләр мејдандан гачанда бинјаминлиләр һүҹум едиб отуз исраиллини өлдүрдүләр.+ Бинјаминлиләр дејирдиләр: «Бундан габагкы дөјүшдә олдуғу кими, онлар јенә дә бизә мәғлуб олурлар».+ 40 Бу заман шәһәрдән ишарә олараг түстү галхмаға башлады. Бинјаминлиләр чеврилиб ҝөрдүләр ки, шәһәрин түстүсү ҝөјә бүләнд олуб. 41 Онда исраиллиләр ҝери дөндүләр. Бинјаминлиләри дәһшәт бүрүдү; онлар баша дүшдүләр ки, әҹәл онлары һаглајыб. 42 Она ҝөрә исраиллиләрин өнүндән гачыб сәһраја үз тутдулар, амма дөјүшчүләр онлары тәгиб етди. Шәһәрдән чыханлар да онлара гошулуб бинјаминлиләри гырмаға башлады. 43 Онлар һәр тәрәфдән бинјаминлиләри сыхышдырыб аман вермәдән говдулар вә Ҝибаһын гаршысында, шәһәрин шәрг тәрәфиндә онлары дармадағын етдиләр. 44 Нәтиҹәдә, 18 000 бинјаминли гырылды. Онларын һамысы маһир дөјүшчү иди.+

45 Бинјаминлиләр дөнүб сәһралыға, Риммун гајасына гачдылар.+ Исраиллиләр әсас јоллар бојунҹа онлардан 5000 нәфәри өлдүрдүләр. Сонра Ҝидома гәдәр онлары тәгиб едиб даһа 2000 нәфәри дә мәһв етдиләр. 46 О ҝүн үмумиликдә әли гылынҹлы 25 000 бинјаминли гырылды.+ Онларын һамысы маһир дөјүшчү иди. 47 Амма онларын алты јүзү сәһралыға, Риммун гајасына чәкилди вә дөрд ај гајада јашады.

48 Исраиллиләр бинјаминлиләрин шәһәринә гајытдылар вә инсандан тутмуш һејванадәк бүтүн шәһәри гылынҹдан кечирдиләр. Онлар һәмчинин јоллары үстүндәки бүтүн шәһәрләрә од вуруб јандырдылар.

21 Исраиллиләр: «Һеч биримиз бинјаминлиләрә гыз вермәјәҹәјик», — дејә Миспаһда+ анд ичмишдиләр.+ 2 Халг Бејтелә ҝәлиб+ ахшамадәк Аллаһын гаршысында отурду, ағлајыб аһ-вај еләди. 3 Онлар дејирдиләр: «Еј Исраилин Аллаһы Јеһова, нијә Исраилдә белә бир шеј баш верди? Нә үчүн бу ҝүн Исраилин бир гәбиләси әскилди?» 4 Ертәси ҝүн ҹамаат тездән дуруб јандырма гурбаны вә үнсијјәт гурбаны+ ҝәтирмәк үчүн орада гурбанҝаһ тикди.

5 Сонра Исраил халгы деди: «Исраил гәбиләләриндән Јеһованын өнүндәки топлантымыза ким ҝәлмәмишди?» Онлар анд ичмишдиләр ки, Миспаһа, Јеһованын өнүнә ким ҝәлмәсә, һөкмән өлдүрүләҹәк. 6 Исраиллиләр өз сојдашлары бинјаминлиләрлә баш верәнләрә ҝөрә һејифсиләнирдиләр. Онлар дејирдиләр: «Бу ҝүн Исраилдән бир гәбилә гопарылды. 7 Бәс онлардан сағ галанлар үчүн һарадан арвад тапаг? Ахы онлара гыз вермәмәк үчүн Јеһоваја анд ичмишик».+

8 Онлар сорушдулар: «Исраил гәбиләләриндән Миспаһа, Јеһованын өнүнә ким ҝәлмәмишди?»+ Мәлум олду ки, топланты дүшәрҝәсинә Јабеш-Ҝиладдан һеч ким ҝәлмәмишди. 9 Халгы сајаркән ҝөрдүләр ки, Јабеш-Ҝиладдан һеч кәс јохдур. 10 Иҹма 12 000 ән иҝид адамы ҝөндәриб әмр етди: «Ҝедин, Јабеш-Ҝилад әһлини гадынлы-ушаглы гылынҹдан кечирин.+ 11 Белә едәрсиниз: бүтүн кишиләри вә киши әли дәјмиш гадынларын һамысыны мәһв един». 12 Јабеш-Ҝилад әһли арасында киши әли дәјмәмиш 400 гыз тапдылар. Онлары Кәнан торпағына, Шилодакы+ дүшәрҝәјә ҝәтирдиләр.

13 Бүтүн иҹма Риммун гајасындакы бинјаминлиләрә хәбәр ҝөндәриб+ онлары барышыға чағырды. 14 Онда бинјаминлиләр ҝери гајытдылар. Исраиллиләр Јабеш-Ҝиладдан сағ галмыш гызлары онлара вердиләр,+ лакин һамысына гыз чатмады. 15 Халг бинјаминлиләрдән өтрү мәјус олду,+ чүнки Јеһова Исраил гәбиләләри арасында парчаланма салмышды. 16 Иҹма ағсаггаллары деди: «Бәс галан бинјаминлиләр үчүн неҹә арвад тапаг? Ахы Бинјаминдәки бүтүн гадынлар һәлак олуб». 17 Онлар дедиләр: «Бинјаминдән сағ галанлара ирс верилмәлидир ки, Исраилин бүтөв бир гәбиләси итиб-батмасын. 18 Анҹаг биз онлара гыз верә билмәрик, чүнки Исраил халгы: “Бинјаминә гыз верәнә ләнәт олсун”, — дејә анд ичиб».+

19 Сонра онлар дедиләр: «Бејтелдән шималда, Бејтелдән Сиһама ҝедән јолун шәргиндә, Ләбнадан ҹәнубда јерләшән Шилода+ һәр ил Јеһоваја бајрам кечирилир». 20 Онлар бинјаминлиләрә тапшырдылар: «Ҝедин үзүм бағларында ҝизләнин. 21 Шило гызлары рәгс етмәјә ҝәләндә бағлардан чыхын. Гој һәр кәс Шило гызларындан бирини тутуб Бинјамин торпағына гајытсын вә өзүнә арвад етсин. 22 Әҝәр онларын аталары, јахуд гардашлары үстүмүзә шикајәтә ҝәлсәләр, биз дејәҹәјик: “Бизим хатиримизә онлары бағышлајын. Чүнки мүһарибәдә әсир алдығымыз гызлар һамысына чатмады.+ Сиз дә онлара гыз верә билмәздиниз, чүнки ҝүнаһа батардыныз”».+

23 Бинјаминлиләр елә дә етдиләр. Һәр бири рәгс едән гызларын арасындан өзүнә бир гыз гачыртды. Сонра онлар өз торпагларына гајытдылар, шәһәрләри бәрпа едиб+ орада јашадылар.

24 Онда исраиллиләр дағылышдылар, һәр кәс өз гәбиләсинә, өз аиләсинә гајытды. Һәр бири өз јурдуна дөндү.

25 О дөврдә Исраилдә падшаһ јох иди.+ Һәр кәс өз билдијини едирди.