НӘҺӘМЈА

1 Һәгали оғлу Нәһәмјанын*+ сөзләри: ијирминҹи илин* кислев* ајында мән Шуш*+ галасында идим. 2 О заман гардашларымдан бири, Һәнани+ Јәһудадан олан башга адамларла бирҝә ҝәлди. Мән онлардан әсирликдән гуртулуб өлкәјә гајытмыш јәһудиләрин+ вәзијјәти вә Јерусәлим барәдә һал-әһвал тутдум. 3 Онлар дедиләр: «Әсирликдән гајыдыб әјаләтдә јашајан јәһудиләр аҹынаҹаглы һалдадыр, рүсвајчылыг ичиндәдир.+ Јерусәлимин диварлары учуг-сөкүкдүр,+ дарвазалары јаныб күл олуб».+

4 Буну ешидәндә отуруб ағладым. Ҝүнләрлә јас сахладым, оруҹ тутдум+ вә ҝөјләрин Аллаһына дуа етдим. 5 Дедим: «Еј ҝөјләрин Аллаһы, еј әһдинә садиг галан, Сәни севиб әмрләринә риајәт едәнләрә мәһәббәт ҝөстәрән бөјүк вә зәһмли Аллаһ Јеһова!+ 6 Јалварырам, бу ҝүн гулунун Сәнин өнүндә етдији дуаны ешит, мәнә нәзәр сал, дуама гулаг ас. Гулларын исраиллиләрдән өтрү ҝеҹә-ҝүндүз Сәнә дуа едирәм,+ Исраил халгынын Сәнә гаршы етдији ҝүнаһлары етираф едирәм. Биз ҝүнаһ ишләмишик, мән дә, халгым да*.+ 7 Сәнин өнүндә рәзиллик етмишик,+ гулун Мусаја вердијин әмрләрә, гајда-ганунлара, һөкмләрә әмәл етмәмишик.+

8 Нә олар, гулун Мусаја дедијин бу сөзү хатырла: “Әҝәр хәјанәткарлыг етсәниз, сизи халглар арасына сәпәләјәҹәјәм.+ 9 Јох әҝәр Мәнә тәрәф дөнсәниз, әмрләримә табе олуб онлара әмәл етсәниз, јерин уҹгарларынадәк сәпәләнсәниз белә, сизи орадан топлајаҹағам,+ адым үчүн мәскән сечдијим јерә+ ҝәтирәҹәјәм”. 10 Ахы онлар Сәнин гулларын, Сәнин халгындыр. Сән онлары бөјүк гүдрәтинлә, гүввәтли голунла гуртардын.+ 11 Еј Јеһова, јалварырам, бу гулунун дуасыны вә Сәнин адына сидги-үрәкдән еһтирам едән гулларынын дуасыны ешит. Нә олар, бу ҝүн гулуна уғур вер, гој бу адамын мәнә рәһми ҝәлсин».+

О заман мән шаһын сагиси идим.+

2 Шаһ Артаксерксин+ һакимијјәтинин ијирминҹи или+, нисан* ајы иди. Шаһын һүзуруна шәраб ҝәтирилди вә мән һәмишә олдуғу кими, шәрабы шаһа узатдым.+ Әввәлләр мән һеч вахт шаһын һүзурунда кәдәрли олмамышдым. 2 Шаһ мәнә деди: «Хәстә олмағына, хәстә дејилсән. Бәс нијә чөһрән кәдәрлидир? Дејәсән, дәрдин вар». Буну ешитҹәк бәрк горхдум.

3 Шаһа дедим: «Шаһ сағ олсун! Кәдәрләнмәјим, нә едим? Ата-бабаларымын дәфн олундуғу шәһәр хараба галыб, дарвазалары јандырылыб».+ 4 Онда шаһ сорушду: «Диләјин нәдир?» Мән дәрһал ҝөјләрин Аллаһына дуа етдим.+ 5 Сонра шаһа дедим: «Еј шаһ, әҝәр мәсләһәт билирсәнсә, әҝәр бу гулун ҝөзүндә лүтф тапыбса, мәни Јәһудаја, ата-бабаларымын дәфн олундуғу шәһәрә ҝөндәр, ҝедим ораны бәрпа едим».+ 6 Онда шаһ мәндән сорушду: «Сәфәрин нә гәдәр чәкәр? Нә вахт гајыдарсан?» (Бу заман мәликә онун јанында әјләшмишди.) Мән истәдијим мөһләти+ шаһа билдирдим вә о, мәни ҝөндәрмәјә разы олду.+

7 Сонра шаһа дедим: «Әҝәр шаһ мәсләһәт билирсә, чајын*+ о тајындакы бөлҝәнин валиләри+ үчүн мәнә намәләр верилсин ки, Јәһудаја чатана гәдәр торпагларындан манеәсиз кечә билим. 8 Шаһын мешәсинә нәзарәт едән Асәф үчүн дә намә верилсин. Гој о, мәбәдин Гала+ дарвазаларынын, шәһәрин диварларынын+ вә евимин тикинтисиндә ишләдиләҹәк тирләр үчүн мәнә ағаҹ версин». Беләҹә, шаһ мәнә намәләри верди,+ чүнки Аллаһым мәнә јар иди.+

9 Мән чајын о тајындакы бөлҝәнин валиләринин јанына ҝедиб шаһын намәләрини онлара вердим. Шаһ мәнимлә бирҝә сәркәрдәләр вә атлылар да ҝөндәрмишди. 10 Һурунлу Санбалат+ вә әмуни+ мәмур Тубијјә+ бундан хәбәр тутду. Онлар биләндә ки, исраиллиләрин хејринә чалышан бир адам ҝәлиб, бәрк гәзәбләндиләр.

11 Нәһајәт, ҝәлиб Јерусәлимә чатдым, үч ҝүн орада галдым. 12 Ҝеҹә икән мән вә јанымдакы бир нечә адам галхдыг. Амма мән Аллаһымын Јерусәлимлә бағлы үрәјимә гојдуғу нијјәти һеч кимә ачмадым. Јанымда миндијим һејвандан башга һејван јох иди. 13 Ҝеҹә Вади дарвазасындан+ чыхдым вә Нәһәнҝ илан чешмәсинин гаршысындан кечиб Күл дарвазасына+ тәрәф ҝетдим. Јерусәлимин учурулмуш диварларыны, күлә чеврилмиш дарвазаларыны нәзәрдән кечирдим.+ 14 Сонра Булаг дарвазасынын+ јанындан кечиб Падшаһ һовузуна тәрәф ҝетдим. Лакин миндијим һејван бу јердән кечә билмәди. 15 Буна бахмајараг, мән јолума давам етдим. Ҝеҹә вахты вади+ бојунҹа јухары галхараг диварлары ҝөздән кечирдим, сонра ҝери гајыдыб Вади дарвазасындан ичәри ҝирдим.

16 Мәмурлар+ һара ҝетдијимдән вә нә етдијимдән хәбәрсиз идиләр. Јәһудиләрә, каһинләрә, әсилзадәләрә, мәмурлара вә иши ҝөрәҹәк адамлара һәлә һеч нә демәмишдим. 17 Ахырда онлара дедим: «Өзүнүз дә ҝөрүрсүнүз, неҹә аҹынаҹаглы вәзијјәтдәјик. Јерусәлим хараба галыб, дарвазалары јандырылыб. Ҝәлин Јерусәлимин диварларыны бәрпа едәк ки, бу рүсвајчылыгдан гуртулаг». 18 Сонра Аллаһымын мәнә јар олдуғуну+ вә шаһын мәнә дедији сөзләри онлара данышдым.+ Онлар: «Ҝәлин ишә башлајаг», — дејиб ҹанла-башла бу хејирли ишә һазырлашмаға башладылар.+

19 Һурунлу Санбалат, әмуни+ мәмур Тубијјә+ вә әрәб Гәшәм+ бундан хәбәр тутанда бизи лаға гојуб+ кин-күдурәтләрини ҝизләтмәдән дедиләр: «Бу нә ишдир тутурсунуз? Шаһа гаршы галхырсыныз?»+ 20 Мән исә онлара дедим: «Ҝөјләрин Аллаһы ишимизи аванд едәҹәк,+ Онун гуллары олан бизләр дуруб диварлары бәрпа едәҹәјик. Сизинсә Јерусәлимдә нә бир пајыныз, нә бир һаггыныз вар, бурада һеч бир изиниз јохдур».+

3 Баш каһин Әлјасиб+ вә онун каһин гардашлары Гојун дарвазасыны+ тикмәјә башлады, сонра ону һәср едиб+ гапыларыны гојдулар, Миаһ гүлләсинә+ вә Һәнанил гүлләсинә+ гәдәр һиссәни һәср етдиләр. 2 Онларын јанында әриһалылар+, онларын да јанында Имри оғлу Зәггур ишләјирди.

3 Һәснәә оғуллары Балыг дарвазасыны+ тикдиләр, тахта чәрчивә+ гојуб, гапыларыны, ҹәфтәләрини вә рәзәләрини јеринә тахдылар. 4 Онларын јанында Һәггуз оғлу Урјаһын оғлу Мәримут+ тәмир ишләри ҝөрүрдү. Онун јанында Мәшизабил оғлу Бәрхијанын оғлу Мәшуллам+, онун да јанында Бәәнна оғлу Садыг ишләјирди. 5 Онун јанында тәгуһлулар+ бәрпа иши ҝөрүрдү. Онларын әсилзадәләри исә тәјин олунмуш нәзарәтчиләрә табе олуб бу иши ҝөрмәји шәнләринә сығышдырмадылар.

6 Фасиһ оғлу Јуада вә Бәсуд оғлу Мәшуллам Гәдим шәһәр дарвазасыны+ бәрпа етдиләр, тахта чәрчивә гојуб, гапыларыны, ҹәфтәләрини вә рәзәләрини тахдылар. 7 Онларын јанында ҝибјонлу+ Мәлат вә мәрунутлу Јадун бәрпа ишләри ҝөрүрдү. Онлар чајын*+ о тајындакы бөлҝәнин валисинин табелијиндә олан Ҝибјон вә Миспаһдан+ идиләр. 8 Онларын јанында зәрҝәрләрдән бири олан Хәрај оғлу Үззиил ишләјирди. Онун јанында әтријјатчы Һәнанијјә бәрпа ишләри ҝөрүрдү. Онлар Јерусәлимдә Ҝениш дивара+ гәдәр јерә даш дөшәдиләр. 9 Онларын јанында Јерусәлим вилајәтинин бир јарысынын башчысы Хур оғлу Рәфај бәрпа ишләри ҝөрүрдү. 10 Онун јанында Һарумаф оғлу Јадај өз евинин гаршысында бәрпа иши ҝөрүрдү, онун јанында да Һәшбәнја оғлу Һәттуш ишләјирди.

11 Һарим+ оғлу Мәлкијјә вә Фәһат-Муаб+ оғлу Һәшшуб диварын диҝәр һиссәсини вә Соба гүлләсини+ бәрпа едирди. 12 Онларын јанында Јерусәлим вилајәтинин диҝәр јарысынын башчысы Луһиш оғлу Сәллум гызлары илә бирликдә ишләјирди.

13 Вади дарвазасыны+ Һанун вә зәнаһлылар+ тәмир етдиләр, ону тикиб, гапыларыны, ҹәфтәләрини, рәзәләрини тахдылар. Һәмчинин Күл дарвазасына+ гәдәр мин гулаҹ* узунлуғунда диварлары бәрпа етдиләр. 14 Күл дарвазасыны исә Бејт-Һәкарим+ вилајәтинин башчысы Рәһаб оғлу Мәлкијјә тәмир етди, ону тикиб, гапыларыны, ҹәфтәләрини, рәзәләрини тахды.

15 Миспаһ+ вилајәтинин башчысы Көлһүз оғлу Сәлун Булаг дарвазасыны+ тәмир етди. О, дарвазаны вә дамыны тикди, гапыларыны, ҹәфтәләрини вә рәзәләрини тахды. Һәмчинин Падшаһ бағы+ үчүн олан Шелаһ* һовузунун+ диварларыны Давудун шәһәриндән+ енән Пилләкәнә+ гәдәр бәрпа етди.

16 Сәлундан сонра Бејт-Сур+ вилајәтинин бир јарысынын башчысы Әзбуг оғлу Нәһәмја ишләјирди. О, Давуд гәбиристанлығынын+ гаршысындан әввәлләр тикилмиш һовуза+ вә Иҝидләр евинә гәдәр бәрпа ишләри ҝөрүрдү.

17 Ондан сонра лавилиләрдән Бәнни оғлу Рәһум ишләјирди, онун јанында Гәјла+ вилајәтинин бир јарысынын башчысы Һәшбијјә өз вилајәтинин пајына дүшән һиссәни бәрпа едирди. 18 Һәшбијјәдән сонра онларын гардашлары ишләјирди. Онлара Гәјла вилајәтинин бир јарысынын башчысы Һәнадад оғлу Бәввај нәзарәт едирди.

19 Онун јанында Миспаһ башчысы Јешу+ оғлу Исәр ишләјирди. О, Истинад диварындакы+ Ҹәббәханаја чыхан јохушун гаршысындакы һиссәни бәрпа едирди.

20 Ондан сонра Зәббај+ оғлу Бәрух Истинад диварындан баш каһин Әлјасибин+ евинин ҝиришинә гәдәрки һиссәни ҹанла-башла бәрпа едирди.

21 Ондан сонра Һәггуз оғлу Урјаһын оғлу Мәримут+ Әлјасибин евинин ҝиришиндән евин ахырына гәдәрки һиссәни бәрпа едирди.

22 Ондан сонра Иордан+ бөлҝәсиндә* јашајан каһинләр бәрпа ишләри ҝөрүрдүләр. 23 Онлардан сонра Бинјаминлә Һәшшуб өз евләринин өнүндә бәрпа ишләри ҝөрүрдүләр. Онлардан сонра Әнанијјә оғлу Мәсејјәнин оғлу Әзрија өз евинин јанында бәрпа ишләри ҝөрүрдү. 24 Ондан сонра Һәнадад оғлу Бәнја Әзријанын евиндән Истинад диварына+ вә күнҹә гәдәрки һиссәни бәрпа едирди.

25 Ондан сонра Узај оғлу Пәлал Истинад диварынын вә Падшаһ сарајындан+ јүксәлән гүлләнин өнүндә бәрпа ишләри ҝөрүрдү. (Бу јухары гүллә Кешикчи һәјәтинә+ аид иди.) Пәлалдан сонра Фаруш+ оғлу Фәдај ишләјирди.

26 Офелдә+ јашајан мәбәд гуллугчулары+ шәргдәки Су дарвазасынын+ өнүнә вә дивардан бајыра чыхан гүлләјә гәдәрки һиссәни бәрпа едирди.

27 Онлардан сонра тәгуһлулар+ дивардан бајыра чыхан бөјүк гүлләнин өнүндән Офел диварынадәк һиссәни бәрпа едирдиләр.

28 Каһинләр Ат дарвазасындан+ јухарыда, һәр бири өз евинин гаршысында бәрпа ишләри ҝөрүрдү.

29 Онлардан сонра Иммир оғлу Садыг+ өз евинин өнүндәки һиссәни бәрпа едирди.

Ондан сонра Шәрг гапысынын+ ҝөзәтчиси Сәкәнја оғлу Шәмај бәрпа ишләри ҝөрүрдү.

30 Ондан сонра Шәләмја оғлу Һәнанијјә вә Салафын алтынҹы оғлу Һанун диҝәр һиссәни бәрпа едирди.

Ондан сонра Бәрхија оғлу Мәшуллам+ өз евинин* гаршысында бәрпа ишләри ҝөрүрдү.

31 Ондан сонра зәрҝәрләр иттифагынын үзвү Мәлкијјә Нәзарәт дарвазасынын гаршысында јерләшән мәбәд гуллугчуларынын+ вә таҹирләрин евинә гәдәр, еләҹә дә диварын күнҹүндәки үст отаға гәдәр бәрпа ишләри ҝөрүрдү.

32 Күнҹдәки үст отагла Гојун дарвазасы+ арасындакы һиссәни зәрҝәрләрлә таҹирләр бәрпа едирдиләр.

4 Дивары бәрпа етдијимизи ешидәндә Санбалатын+ ганы гаралды, о, гәзәбләнди вә јәһудиләри лаға гојмаға башлады. 2 О, гардашларынын вә Сәмәријјә ордусунун гаршысында деди: «Бу јәһудиләр, јазыглар нә едирләр? Олмаја, инанырлар ки, бу бојда ишин өһдәсиндән ҝәлә биләҹәкләр?! Гурбан кәсәҹәкләр? Буралары бир ҝүнүн ичиндә бәрпа едәҹәкләр? Мәҝәр дағынтыларын ичиндән чыхардыглары јанмыш дашлары әввәлки шәклә сала биләрләр?»+

3 Онун јанында дуран әмуни+ Тубијјә+ деди: «Тикдикләри дивара бир бахын! Үстүнә түлкү чыхса, дағылар».

4 Мән дедим: «Ешит, еј Аллаһымыз, ҝөр бизә неҹә һәгарәт едирләр.+ Бизә етдикләри ришхәндләрә гој өзләри дүчар олсунлар,+ талан малы кими јад өлкәјә апарылсынлар. 5 Онларын тәгсирләринә, ҝүнаһларына ҝөз јумма! Онлары әфв етмә!+ Чүнки бәнналары тәһгир едирләр».

6 Биз дивары тикмәјә давам етдик. Бүтүн шәһәр диварыны јарыја гәдәр галдырдыг. Ҹамаат үрәкдән чалышырды.

7 Санбалат, Тубијјә+, әрәбләр+, әмуниләр вә ашдодлулар+ ешидәндә ки, Јерусәлим диварынын бәрпасы ирәлиләјир, арадакы бошлуглар һөрүлүр бәрк һирсләндиләр. 8 Онлар Јерусәлимә һүҹум етмәк вә шәһәрдә иғтишаш јаратмаг үчүн әлбир олдулар. 9 Биз исә Аллаһымыза дуа етдик. Онлардан мүһафизә олунмаг үчүн ҝеҹә вә ҝүндүз нөвбә чәкмәјә ҝөзәтчи гојдуг.

10 Амма Јәһуда халгы дејирди: «Ишчиләр тагәтдән дүшүб, учуглар исә чохдур! Диварлары тикиб гуртара билмәјәҹәјик».

11 Дүшмәнләримиз дә бир јандан дејирди: «Онлар хәбәр тутана гәдәр, бизи ҝөрәнә гәдәр артыг онларын арасында оларыг, онлары өлдүрүб иши дајандырарыг».

12 Һәмчинин дүшмәнләримизин гоншулуғунда јашајан јәһудиләр һәр дәфә јанымыза ҝәләндә елә һеј дејирдиләр: «Дүшмәнләр һәр тәрәфдән үстүмүзә һүҹум чәкәҹәк».

13 Буна ҝөрә дә мән диварын архасында, ашағыда, ачыг јерләрдә нәсилләринә ҝөрә гылынҹлы, низәли, ох-каманлы адамлар гојдум. 14 Онларын горхуја дүшдүјүнү ҝөрәндә дәрһал әсилзадәләрә+, мәмурлара вә бүтүн ҹамаата дедим: «Онлардан горхмајын!+ Јеһованы, бөјүк вә зәһмли Аллаһы+ јада салын! Гардашларыныз, оғул-гызларыныз, арвадларыныз вә евләриниз үчүн вурушун!»

15 Дүшмәнләримизә хәбәр чатды ки, биз онларын гурдуғу фитнәдән аҝаһыг вә Аллаһ онларын нијјәтини боша чыхарыб. Бундан сонра һәр биримиз дивары тикмәјә гајытдыг. 16 О ҝүндән етибарән, адамларымын јарысы тикинтидә чалышыр,+ диҝәр јарысы исә зиреһ ҝејиниб әлиндә низә, галхан вә ох-каман тутурду. Башчылар+ јәһудиләрин архасында дуруб онлара дајаг олурдулар. 17 Јәһудиләр исә дивары тикирдиләр. Фәһләләр бир әли илә ишләјир, о бири әли илә низә тутурдулар. 18 Бәнналарын һәр бири белинә гылынҹ бағлајыб ишләјирди, шејпурчу+ исә мәним јанымда дајанмышды.

19 Мән әсилзадәләрә, мәмурлара вә бүтүн ҹамаата дедим: «Ишимиз бөјүкдүр. Һәрәмиз диварын бир тәрәфиндә ишләјирик, бир-биримиздән аралыјыг. 20 Буна ҝөрә дә шејпур сәси ешидән кими јанымыза јығышын. Аллаһымыз бизим үчүн вурушаҹаг!»+

21 Беләҹә, дан јери сөкүләндән улдузлар ҝөрүнәнәдәк јарымыз ишләјир, јарымыз да әлиндә низә тутурду. 22 О заман мән ҹамаата дедим: «Гој һәр кәс өз нөкәри илә ҝеҹәләр Јерусәлимдә галсын. Ҝеҹәләр кешијимизи чәксин, ҝүндүзләрсә ишләсин». 23 Нә мән, нә гардашларым, нә нөкәрләрим+, нә дә архамҹа ҝәлән кешикчиләр — һеч биримиз палтарымызы әјнимиздән чыхармырдыг, силаһы сағ әлимиздән јерә гојмурдуг.

5 Халгын киши вә гадынлары јәһуди гардашларындан дад етмәјә башладылар.+ 2 Бәзиләри дејирди: «Күлфәтимиз бөјүкдүр, оғлумуз, гызымыз чохдур. Јашамаг үчүн бизә тахыл лазымдыр». 3 Башгалары исә дејирди: «Гытлыг заманы тахыл алмаг үчүн тарлаларымызы, үзүм бағларымызы, евләримизи ҝиров гојуруг». 4 Бир башгалары: «Шаһа хәраҹ өдәмәк үчүн тарлаларымызы, үзүм бағларымызы ҝиров гојуб борҹа пул ҝөтүрмүшүк.+ 5 Ахы бизим дә ҹанымыз гардашларымызын ҹаны кими ҹандыр, өвладларымыз онларынкындан һеч дә әскик дејил. Амма биз оғул-гызларымызы көлә етмәк мәҹбуријјәтиндәјик. Гызларымыздан бир нечәси артыг көләдир.+ Әлимиздән исә һеч нә ҝәлмир. Тарлаларымыз, үзүм бағларымыз инди башгаларынын мүлкүдүр», — дејә шикајәт едирдиләр.

6 Онларын ҝилеј-ҝүзарыны, сөзләрини ешидәндә бәрк һирсләндим. 7 Ҝөтүр-гој етдикдән сонра әсилзадәләрә вә мәмурлара наразылығымы билдириб дедим: «Бу нә ишдир тутурсунуз? Һәр кәс гардашындан сәләм тәләб едир!»+

Сонра мән онлара ҝөрә бөјүк јығынҹаг топладым. 8 Онлара дедим: «Биз башга халглара сатылмыш јәһуди гардашларымызы имканымыз дахилиндә сатын алмышыг. Инди дә сиз өз гардашларынызы сатаҹагсыныз,+ биз дә онлары сатын алаҹағыг?» Онлар сусуб, бир сөз дејә билмәдиләр. 9 Мән онлара дедим: «Јахшы иш тутмурсунуз. Һеч Аллаһымыздан горхмурсунуз?+ Ахы нијә дүшмән халглар бизә тәнә етмәлидир? 10 Мән дә, гардашларым да, нөкәрләрим дә халга пул вә тахыл борҹ веририк. Амма риҹа едирәм, ҝәлин сәләмлә пул вермәјә сон гојаг.+ 11 Ҝүнү бу ҝүн онларын тарлаларыны, үзүм вә зејтун бағларыны, евләрини өзләринә гајтарын.+ Һәмчинин борҹ вердијиниз пулун, тахылын, тәзә шәрабын вә јағын јүздә бирини* онлара ҝери верин».

12 Онлар дедиләр: «Һәр шеји гајтараҹағыг, онлардан һеч нә истәмәјәҹәјик. Дедијин кими едәҹәјик». Онда каһинләри чағырдым вә тәгсиркарлары бу сөзә әмәл едәҹәкләринә анд ичдирдим. 13 Сонра јахамы силкәләјиб дедим: «Гој Аллаһ сөзүнүн үстүндә дурмајан һәр кәси ев-ешијиндән, мүлкүндән бу ҹүр силкәләјиб атсын. Гој о адамы бу ҹүр силкәләсин, һеч нәји галмасын». Ҹамаат бир ағыздан: «Амин!» — дејиб Јеһованы мәдһ етди. Онлар дедикләри кими етдиләр.

14 Бундан әлавә, шаһ Артаксерксин+ мәни Јәһуда торпағына вали+ тәјин етдији ҝүндән етибарән, он ики ил әрзиндә, јәни шаһын һакимијјәтинин ијирминҹи илиндән+ отуз икинҹи илинә+ гәдәр нә мән, нә дә гардашларым валијә чатан чөрәкдән јемәдик.+ 15 Мәндән әввәлки валиләр исә халгын чијнинә ағыр јүк гојмушдулар, һәр ҝүн онлардан чөрәк вә шәраб үчүн гырх ҝүмүш шекел* алырдылар. Валиләрин гуллугчулары да ҹамаата зүлм едирди. Мән исә Аллаһдан горхдуғум үчүн белә етмирдим.+

16 Үстәлик, диварын тикилмәсинә мән дә көмәк едирдим. Хидмәтчиләримин дә һамысы ишләјирди. Биз бир тарла белә, алмадыг.+ 17 Сүфрәмдә 150 нәфәр јәһуди вә мәмур, һабелә әтраф халглардан јанымыза ҝәләнләр јемәк јејирди. 18 Һәр ҝүн мәним үчүн 1 өкүз, 6 көк гојун вә гушлар һазырланырды. Һәмчинин он ҝүндән бир сүфрәмдә нөвбәнөв боллуҹа шәраб олурду. Анҹаг мән валиләрә чатан чөрәји тәләб етмирдим, онсуз да халг ағыр јүк алтында иди. 19 Еј Аллаһым, бу халг уғрунда ҝөрдүјүм ишләрә ҝөрә мәни јахшылыгла хатырла.+

6 Санбалат, Тубијјә+, әрәб Гәшәм+ вә диҝәр дүшмәнләримизә чатдырдылар ки, мән дивары бәрпа едиб+ гуртармышам, дивардакы бүтүн аралар һөрүлүб. (Һәрчәнд о вахт дарвазаларын гапы тајларыны һәлә тахмамышдым.)+ 2 Санбалатла Гәшәм дәрһал мәнә бу хәбәри јолладылар: «Ҝәл вахт тәјин едиб Унуһ+ вадисиндәки кәндләрдән бириндә ҝөрүшәк». Әслиндә, онларын мәгсәди мәнә пислик етмәк иди. 3 Мән онлара гасидләрлә бу ҹавабы ҝөндәрдим: «Чох ваҹиб ишлә мәшғулам, ҝәлә билмәрәм. Ишими гојуб сизин јаныныза ҝәлсәм, иш дајанар». 4 Онлар дүз дөрд дәфә мәнә ејни хәбәри ҝөндәрдиләр, мән дә һәр дәфә онлара ејни ҹавабы ҝөндәрдим.

5 Санбалат бешинҹи дәфә ејни хәбәрлә јаныма өз хидмәтчисини ҝөндәрди. Онун әлиндә мөһүрсүз намә вар иди. 6 Орада јазылмышды: «Халглар арасында сөз-сөһбәт ҝәзир ки, сән јәһудиләрлә бирҝә үсјан һазырлајырсан.+ Буну Гәшәм+ дә дејир. Дивары да мәһз буна ҝөрә тикирсән, дејиләнә ҝөрә онларын падшаһы олмаг истәјирсән. 7 Һәтта пејғәмбәрләр тәјин етмисән ки, сәнин барәндә бүтүн Јерусәлимдә: “Јәһудада падшаһ вар!” — дејиб ҹар чәксинләр. Бил ки, бүтүн бунлар падшаһа чатдырылаҹаг. Ҝәл ҝөрүшүб данышаг».

8 Онда мән она белә ҹаваб ҝөндәрдим: «Дедикләринин һеч бири доғру дејил, бунлары өзүндән ујдурурсан». 9 Бәли, онларын һамысы бизи горхутмаг истәјирди, онлар дејирдиләр: «Әлләри ишдән сојујаҹаг, иши гуртара билмәјәҹәкләр».+ Еј Аллаһым, голума ҝүҹ вер!+

10 Мән Меһитаб оғлу Дәлајын оғлу Шәмајын евинә ҝетдим. О, евинә гапанмышды. Мәнә деди: «Ҝәл вахт тәјин едиб Аллаһын евиндә, мәбәдин ичиндә ҝөрүшәк. Гапылары бағлајаг, чүнки сәни өлдүрмәјә ҝәләҹәкләр, ҝеҹә ҝәлиб сәни өлдүрәҹәкләр». 11 Мән исә дедим: «Һеч мәним кими адам гачар? Мәним кимиси мәбәдә ҝириб неҹә сағ галар?+ Әсла ҝирмәрәм!» 12 Онда баша дүшдүм ки, Шәмајы Аллаһ ҝөндәрмәјиб, мәним зәрәримә пејғәмбәрлик етмәк үчүн ону Тубијјә илә Санбалат+ тутуб. 13 Шәмајы муздла тутмушдулар ки, мәни горхудуб ҝүнаһа батырсынлар. Беләҹә, адымы ләкәләмәк үчүн әлләриндә әсас олсун вә мәни иттиһам етсинләр.

14 Еј Аллаһым, Тубијјәни+, Санбалаты, онларын әмәлләрини, ҝеҹә-ҝүндүз мәни горхутмаға чалышан гадын пејғәмбәр Нудијәни вә диҝәр пејғәмбәрләри унутма.

15 Беләликлә, елул* ајынын ијирми бешинҹи ҝүнүндә, әлли ики ҝүнә дивар бәрпа едилиб гуртарды.

16 Дүшмәнләримиз буну ешидәндә вә әтрафымыздакы халглар буну ҝөрәндә биабыр олдулар.+ Баша дүшдүләр ки, бу иш Аллаһымызын көмәјилә ҝөрүлүб. 17 О ҝүнләрдә Јәһуданын әсилзадәләри+ Тубијјәјә чохлу намә ҝөндәрир вә ондан намә алырдылар. 18 Јәһудада чох адам Тубијјәјә садиг галаҹағына анд ичмишди, чүнки о, Әраһ+ оғлу Сәкәнјанын күрәкәни иди вә онун оғлу Јәһукәнан Бәрхија оғлу Мәшулламын+ гызыны алмышды. 19 Үстәлик, јанымда онун барәсиндә јахшы шејләр данышырдылар. Мәнимсә сөзләрими она чатдырырдылар. Сонра да Тубијјә мәни горхутмаг үчүн намәләр ҝөндәрирди.+

7 Дивар һазыр олан кими+ гапылары јеринә тахдым.+ Сонра дарваза кешикчиләри+, мәзмур охујанлар+ вә лавилиләр+ тәјин етдим. 2 Гардашым Һәнани+ илә Гала+ рәиси Һәнанијјәни Јерусәлимә башчы гојдум. Чүнки Һәнанијјә чох етибарлы адам иди, онун кими Аллаһдан горхан+ адам аз тапыларды. 3 Мән онлара тапшырдым: «Ҝүн гызана гәдәр Јерусәлимин дарвазалары ачылмамалыдыр. Ахшам кешикчиләр һәлә нөвбә чәкәркән дарвазалары бағламалы, рәзәләри вурмалыдырлар. Јерусәлим сакинләрини дә кешикчи гојун, бәзиләри тәјин олундуғу јерләрдә, диҝәрләри исә өз евинин габағында кешик чәксин». 4 О вахт шәһәр ҝениш вә бөјүк иди, әһалиси исә аз иди,+ орада һәлә ев тикилмәмишди.

5 Аллаһым үрәјимә гојду ки, әсилзадәләри, мәмурлары вә халгы топлајыб адларыны нәсил шәҹәрәсинә јазым.+ О заман мән илк гајыданларын нәсил шәҹәрәсини тапдым. Орада јазылмышды:

6 «Бунлар сүрҝүндән гајыдан әјаләт сакинләридир. Онлары Бабил падшаһы Навуходоносор+ сүрҝүнә апармышды.+ Сонралар исә онлар Јерусәлимә вә Јәһудаја, һәр кәс өз шәһәринә гајытмышды.+ 7 Онлар Зәрубабил+, Јешу+, Нәһәмја, Әзрија*, Рами*, Нәһмани, Мәрдәһај, Билшән, Мисфарәс*, Бәгвај, Нәһум* вә Бәәннаһ илә бирҝә гајытмышдылар.

Исраилли кишиләрин сајы:+ 8 Фаруш өвладлары 2172 нәфәр; 9 Шәфәтај өвладлары 372 нәфәр; 10 Әраһ+ өвладлары 652 нәфәр; 11 Јешу вә Јуаб+ нәслиндән Фәһат-Муаб өвладлары+ 2818 нәфәр; 12 Елам өвладлары+ 1254 нәфәр; 13 Зәтту өвладлары 845 нәфәр; 14 Зәккај өвладлары 760 нәфәр; 15 Бәнја өвладлары 648 нәфәр; 16 Бәбај өвладлары 628 нәфәр; 17 Әзҹад өвладлары 2322 нәфәр; 18 Әдунигам өвладлары 667 нәфәр; 19 Бәгвај өвладлары 2067 нәфәр; 20 Адһин өвладлары 655 нәфәр; 21 Һизгијјә нәслиндән Атир өвладлары 98 нәфәр; 22 Һәшум өвладлары 328 нәфәр; 23 Бисај өвладлары 324 нәфәр; 24 Хариф өвладлары 112 нәфәр; 25 Ҝибјон+ өвладлары 95 нәфәр; 26 Бејтләһм вә Нәтуфаһ сакинләри 188 нәфәр; 27 Әнатут+ сакинләри 128 нәфәр; 28 Бејт-Әзмут сакинләри 42 нәфәр; 29 Кирјат-Јарим+, Кәфирә вә Биирот+ сакинләри 743 нәфәр; 30 Рама вә Ҝиба+ сакинләри 621 нәфәр; 31 Миһмас+ сакинләри 122 нәфәр; 32 Бејтел+ вә Ај+ сакинләри 123 нәфәр; 33 о бири Нәба сакинләри 52 нәфәр; 34 о бири Еламын нәслиндән оланлар 1254 нәфәр; 35 Һарим өвладлары 320 нәфәр; 36 Әриһа сакинләри 345 нәфәр; 37 Лод, Һәдид вә Унуһ+ сакинләри 721 нәфәр; 38 Сәнаһ сакинләри 3930 нәфәр.

39 Каһинләр+: Јешу нәслиндән Јадај өвладлары 973 нәфәр; 40 Иммир өвладлары 1052 нәфәр; 41 Фәшһур өвладлары+ 1247 нәфәр; 42 Һарим+ өвладлары 1017 нәфәр.

43 Лавилиләр+: Худав өвладларындан, Гәдмаил+ нәслиндән Јешу өвладлары 74 нәфәр. 44 Мәзмур охујан+ Асәф+ өвладлары 148 нәфәр. 45 Дарваза кешикчиләри+ олан Сәллум өвладлары, Атир өвладлары, Тәлмун өвладлары, Аггуб+ өвладлары, Хәтит өвладлары, Шубај өвладлары, ҹәми 138 нәфәр.

46 Мәбәд гуллугчулары+: Зиһа оғуллары, Һәсуф оғуллары, Тәбаут оғуллары, 47 Гируз оғуллары, Сија* оғуллары, Фәдун оғуллары, 48 Ләбән оғуллары, Һагаб оғуллары, Салмај оғуллары, 49 Һәнан оғуллары, Гиддил оғуллары, Гаһар оғуллары, 50 Рәја оғуллары, Рәсин оғуллары, Нагуд оғуллары, 51 Гәззәм оғуллары, Үзза оғуллары, Фасиһ оғуллары, 52 Бишај оғуллары, Мәуним оғуллары, Нәфишәсим* оғуллары, 53 Бағбуг оғуллары, Һагуф оғуллары, Хархур оғуллары, 54 Бәслит* оғуллары, Мәһид оғуллары, Хәрша оғуллары, 55 Бәргуз оғуллары, Сисар оғуллары, Тәмаһ оғуллары, 56 Нази оғуллары, Һатиф оғуллары.

57 Сүлејманын нөкәрләринин нәсли+: Сутај оғуллары, Сөфрәт оғуллары, Фәрид* оғуллары, 58 Јалаһ оғуллары, Дәргун оғуллары, Гиддил оғуллары, 59 Шәфәтај оғуллары, Хәттил оғуллары, Фүкрат-Һәззәбајим оғуллары, Амун* оғуллары. 60 Мәбәд гуллугчулары+ вә Сүлејманын нөкәрләринин нәслиндән оланлар, ҹәми 392 нәфәр.

61 Тәл-Мәлаһдан, Тәл-Һәршәдән, Кәррубдан, Әддундан вә Иммирдән ҝәлмиш, анҹаг мәншәләрини, һансы нәсилдән олдугларыны вә Исраил халгындан олуб-олмадыгларыны сүбут едә билмәјәнләр бунлардыр:+ 62 Дәлај өвладлары, Тубијјә өвладлары, Нагуд өвладлары, ҹәми 642 нәфәр. 63 Каһинләр нәслиндән: Һабај оғуллары, Һәггуз+ оғуллары, ҝиладлы Бәрзиллајын+ гызларындан арвад алыб онларын адыны ҝөтүрән Бәрзиллај оғуллары. 64 Бу адамлар һансы нәсилдән олдугларыны мүәјјән етмәк үчүн нәсилләринин адыны нәсил шәҹәрәләриндә ахтардылар, лакин тапмадылар. Буна ҝөрә дә каһинликдән мәһрум олдулар.+ 65 Вали*+ онлара деди ки, Урим вә Туммим* атан каһин+ олмајынҹа онлар сон дәрәҹә мүгәддәс јемәкләрдән+ јејә билмәзләр.

66 Бүтүн ҹамаатын сајы 42 360 нәфәр иди.+ 67 Бунлардан башга 7337 нәфәр гул-гарабаш+, 245 нәфәр киши вә гадын мүғәнни+ вар иди. 68 Онларын 736 аты, 245 гатыры, 69 һәмчинин 435 дәвәси вә 6720 ешшәји вар иди.

70 Нәсил башчыларындан бәзиләри ишин иҹрасы үчүн ианә вермишдиләр.+ Вали хәзинәјә 1000 гызыл дирһәм*, 50 каса, 530 каһин ҝејими+ вермишди. 71 Нәсил башчыларындан бәзиләри бу иш үчүн олан хәзинәјә 20 000 гызыл дирһәм вә 2200 ҝүмүш мина* ианә етмишдиләр. 72 Галан ҹамаат исә 20 000 гызыл дирһәм, 2000 ҝүмүш мина вә 67 каһин ҝејими вермишди.

73 Беләҹә, каһинләр, лавилиләр, дарваза кешикчиләри, мәзмур охујанлар+, халгын бир һиссәси, мәбәд гуллугчулары вә галан исраиллиләр өз шәһәрләриндә мәскунлашдылар.+ Једдинҹи ај башлајанда+ исраиллиләр артыг өз шәһәрләриндә јашајырдылар».+

8 Бүтүн халг бир нәфәр кими Су дарвазасынын+ гаршысындакы мејдана топлашды. Онлар мирзә Үзејирдән+ хаһиш етдиләр ки, Јеһованын Исраилә вердији Мусанын Төвратыны*+ ҝәтирсин. 2 Каһин Үзејир Төвраты иҹманын — кишиләрин, гадынларын вә ағлы кәсән ушагларын гаршысына ҝәтирди.+ Једдинҹи ајын биринҹи ҝүнү иди.+ 3 О, Су дарвазасынын гаршысындакы мејданда топлашмыш кишиләрин, гадынларын вә ағлы кәсән ушагларын өнүндә Төвраты сәһәр сүбһдән ҝүнортаја гәдәр уҹадан охуду.+ Бүтүн ҹамаат диггәтлә гулаг асырды.+ 4 Мирзә Үзејир бу тәдбирдән өтрү һазырланмыш тахта күрсүнүн үстүндә дурмушду. Онун сағ тәрәфиндә Мәттәсјаһ, Шәма, Әнај, Урјај, Хилгијјә, Мәсејјә, сол тәрәфиндә исә Фәдај, Мүсаил, Мәлкијјә+, Һәшум, Һәшбәдан, Зәкәријјә вә Мәшуллам дајанмышды.

5 Үзејир ҹамаатдан јүксәкдә дурмушду. Буна ҝөрә дә о, китабы ачанда ҹамаат буну ҝөрдү вә ајаға галхды. 6 Үзејир Улу Аллаһ Јеһованы мәдһ етди вә бүтүн халг: «Амин! Амин!»+ — дејиб әлләрини ҝөјә галдырды. Сонра үзүстә дүшүб Јеһоваја сәҹдә етдиләр. 7 Лавилиләрдән Јешу, Бәнни, Шәрбија+, Јәмин, Аггуб, Шәбтај, Һудја, Мәсејјә, Галит, Әзрија, Јузабад+, Һәнан вә Фәлај халга Төвраты изаһ едирдиләр,+ халг да ајаг үстә динләјирди. 8 Онлар Төвраты, Аллаһын китабыны уҹадан охујур, охудугларыны ајдын изаһ едир, мәнасыны ачыглајырдылар. Беләҹә, онлар халга охудугларыны баша салдылар.+

9 Бүтүн халг Төвратда јазыланлары динләдикҹә ағлајырды. Буна ҝөрә дә һәмин вахт вали олан Нәһәмја, каһин вә мирзә Үзејир+, еләҹә дә халгы өјрәдән лавилиләр бүтүн халга дедиләр: «Бу ҝүн Аллаһыныз Јеһова үчүн мүгәддәс ҝүндүр.+ Ҝөз јашы төкмәјин, ағламајын». 10 О деди: «Ҝедин, ләзиз јемәкләр јејин, шәрбәт ичин, һазырлыг ҝөрә билмәјәнләрә пај ҝөндәрин,+ ахы бу ҝүн Рәббимиз үчүн мүгәддәс ҝүндүр. Кәдәрләнмәјин, чүнки Јеһованын бәхш етдији севинҹ сизә галадыр». 11 Лавилиләр дә халгы сакитләшдирәрәк дејирдиләр: «Кәдәрләнмәјин, сакит олун, ахы бу ҝүн мүгәддәс ҝүндүр». 12 Беләҹә, халг јејиб-ичмәјә, пај ҝөндәрмәјә вә шәнлик етмәјә+ ҝетди. Чүнки дејиләнләри баша дүшмүшдүләр.+

13 Ертәси ҝүн халгын нәсил башчылары, каһинләр вә лавилиләр Төвраты даһа дәриндән анламаг үчүн мирзә Үзејирин јанына топлашдылар. 14 Онлар ҝөрдүләр ки, Јеһованын Муса васитәсилә вердији Төвратда белә јазылыб: једдинҹи ајда кечирилән бајрам ҝүнләриндә исраиллиләр чардагларда јашамалыдырлар.+ 15 Һәмчинин бүтүн шәһәрләрдә вә Јерусәлимин һәр тәрәфиндә ҹар чәкиб+ демәлидирләр: «Дағлара чыхыб зејтун, јағ ағаҹы, мәрсин, хурма вә башга сыхјарпаглы ағаҹларын будагларыны јығыб ҝәтирин вә јазылана ујғун олараг чардаг гурун».

16 Һәр кәс өз евинин дамында, һәјәтиндә, һәмчинин Аллаһын евинин һәјәтләриндә+, Су дарвазасынын+ вә Әфраим дарвазасынын+ мејданларында чардаг гурмаг үчүн ҝедиб будаг ҝәтирди. 17 Беләҹә, әсирликдән гајытмыш бүтүн ҹамаат чардаглар гуруб орада галды. Исраиллиләр үрәкдән севиниб-шадланырды,+ чүнки Нун оғлу Јушәнин+ дөврүндән бу ҝүнә кими исраиллиләр бу бајрамы белә кечирмәмишдиләр. 18 Бајрам једди ҝүн давам етди. Бајрамын биринҹи ҝүнүндән ахырынҹы ҝүнүнә гәдәр Аллаһын вердији Төврат китабы һәр ҝүн уҹадан охунурду.+ Сәккизинҹи ҝүн исә тәләб олундуғу кими, тәнтәнәли топланты кечирилди.+

9 Һәмин ајын ијирми дөрдүнҹү ҝүнүндә исраиллиләр бир јерә топлашдылар. Онлар чул ҝејиниб оруҹ тутдулар вә башларына торпаг сәпдиләр.+ 2 Мәншәҹә исраилли оланлар бүтүн јаделлиләрдән ајрылдылар+ вә дуруб һәм өз ҝүнаһларыны, һәм дә аталарынын тәгсирләрини етираф етдиләр.+ 3 Сонра ҝүнүн үч сааты* Аллаһлары Јеһованын вердији Төврат* китабыны ајаг үстә дурдуглары јердә уҹадан охудулар.+ Үч саат исә Аллаһлары Јеһоваја ҝүнаһларыны етираф етдиләр, Она сәҹдә гылдылар.

4 Јешу, Бәнни, Гәдмаил, Шәбани, Бүнни, Шәрбија+, Бәнни вә Кәнани лавилиләрин күрсүсүндә+ дуруб уҹа сәслә Аллаһлары Јеһоваја јалвардылар. 5 Лавилиләрдән Јешу, Гәдмаил, Бәнни, Һәшбәнја, Шәрбија, Һудја, Шәбани вә Фәтһи дедиләр: «Галхын! Аллаһыныз Јеһоваја әбәдијјән мәдһләр сөјләјин!+ Еј Аллаһ, гој шанлы адыны мәдһ етсинләр, о адыны ки вәсфинә һеч бир тәриф, һеч бир алгыш јетмәз.

6 Еј Јеһова, Сән тәксән.+ Ҝөјләри, ҝөјләрин ҝөјүнү, ҝөјләрин бүтүн ордусуну, јери вә үзәриндәки һәр шеји, дәнизләри вә ичиндәкиләри Сән јаратмысан. Онларын һамысыны јашадан Сәнсән, ҝөјләрин ордусу Сәнин һүзурунда сәҹдә гылыр. 7 Ибрамы+ сечиб кәлданиләрин Ур шәһәриндән+ чыхаран, она Ибраһим+ адыны верән Аллаһ Сәнсән, еј Јеһова. 8 Онун Сәнә гәлбән садиг олдуғуну ҝөрдүн.+ Онунла әһд бағладын ки, кәнаниләрин, һетләрин, амориләрин, фәризиләрин, јәбусиләрин вә ҝиргашиләрин торпағыны онун өвладларына* верәҹәксән.+ Сән сөзүнүн үстүндә дурдун, чүнки һагсан.

9 Ата-бабаларымызын Мисирдә чәкдији әзаб-әзијјәти ҝөрдүн,+ Гырмызы дәнизин саһилиндә фәрјадларыны ешитдин. 10 Фиронун, онун гуллугчуларынын вә бүтүн халгынын әлејһинә әламәт вә мөҹүзәләр ҝөстәрдин,+ чүнки ата-бабаларымыза вердикләри зүлмдән аҝаһ идин.+ О вахт адыны уҹалтдын, адын бу ҝүнә кими уҹадыр.+ 11 Онларын өнүндә дәнизи јардын, гуру јолла дәнизи кечдиләр.+ Онлары тәгиб едәнләри исә даш тәки азғын суларын дибинә атдын.+ 12 Ҝүндүзләр булуд сүтуну илә онлара бәләдчилик едирдин, ҝеҹәләрсә алов сүтуну илә јолларыны ишыгландырыб онлара јол ҝөстәрирдин.+ 13 Сина дағына ендин,+ онларла ҝөјләрдән данышдын.+ Онлара адил һөкмләр, етибарлы ганунлар, ҝөзәл гајдалар вә әмрләр вердин.+ 14 Онлара мүгәддәс шәнбәни бујурдун,+ гулун Муса васитәсилә ганун, әмрләр вә гајдалар вердин. 15 Ата-бабаларымыз аҹанда ҝөјләрдән чөрәк јетирдин,+ сусајанда гајадан су чыхардын.+ Онлара бујурдун ки, анд ичәрәк вәд етдијин торпаға ҝириб ора саһиб олсунлар.

16 Лакин ата-бабаларымыз гүррәләндиләр,+ дикбаш+ олдулар, Сәнин әмрләринә табе олмадылар. 17 Сәнә гулаг асмадылар,+ онларын арасында ҝөстәрдијин мөһтәшәм ишләрини хатырламадылар, дикбаш олдулар, Мисир көләлијинә гајытмаг үчүн өзләринә башчы сечдиләр.+ Амма Сән онлары тәрк етмәдин,+ чүнки Сән бағышлајан, рәһмли, мәрһәмәтли, сәбирли, мәһәббәти бол+ Аллаһсан. 18 Онлар өзләри үчүн төкмә дана дүзәлдиб “бизи Мисирдән чыхаран Аллаһымыз будур”+ дејәндә, Сәнә гаршы сајғысызлыг етмәкдән әл чәкмәјәндә 19 Сән мәрһәмәтинин бөјүклүјүнә ҝөрә онлары сәһрада тәрк етмәдин.+ Ҝүндүзләр булуд сүтуну онлара бәләдчилик едирди, ҝеҹәләрсә алов сүтуну јолларыны ишыгландырыб онлара јол ҝөстәрирди. Һеч вахт үстләриндән әскик олмурду.+ 20 Өз ҝөзәл руһунла онлара анлајыш вердин.+ Онлардан маннаны әсирҝәмәдин,+ сусајанда онлара су вердин.+ 21 Гырх ил сәһрада онлары бәсләдин,+ һеч нәдән корлуг чәкмәдиләр. Палтарлары сүзүлмәди,+ ајаглары шишмәди.

22 Мәмләкәтләри вә халгларын торпагларыны һиссә-һиссә бөлүшдүрүб онлара вердин.+ Онлар Һәшбун падшаһы Сиһунун,+ Башан падшаһы Огун+ торпагларына саһиб олдулар. 23 Өвладларыны ҝөјдәки улдузлар гәдәр чохалтдын.+ Сонра онлары ата-бабаларына вәд етдијин, ҝириб саһиб олаҹагларыны дедијин дијара ҝәтирдин.+ 24 Өвладлары ҝәлиб о торпаға саһиб олдулар.+ Оранын сакинләрини — кәнаниләри онлара табе етдин,+ орадакы падшаһлары вә халглары онлара тәслим етдин ки, онларла истәдикләри кими рәфтар етсинләр. 25 Онлар гала-шәһәрләри, бәрәкәтли торпағы фәтһ етдиләр,+ наз-немәтлә долу евләрә, газылмыш һовузлара, үзүм вә зејтун бағларына+, чохлу мејвә ағаҹларына саһиб олдулар. Халг дојунҹа јејир, бәсләнир, Сәнин бол кәрамәтиндән ләззәт алырды.

26 Лакин онлар Сәнин итаәтиндән чыхдылар,+ Сәнә гаршы үсјан етдиләр, вердијин Гануна арха чевирдиләр. Хәбәрдарлыг едәрәк онлары Сәнә тәрәф дөндәрмәјә чалышан пејғәмбәрләрини өлдүрдүләр, сајғысызлыг етмәкдән әл чәкмәдиләр.+ 27 Буна ҝөрә онлары һәр дәфә дүшмәнләринин әлинә верирдин,+ онлара зүлм чәкдирирдиләр.+ Дарда оланда Сәнә фәрјад едирдиләр, онлары ҝөјләрдән ешидирдин. Мәрһәмәтинин бөјүклүјүнә ҝөрә онлара хиласкар јетирирдин, халгыны дүшмән әлиндән гуртарырдылар.+

28 Елә ки әмин-аманлыға чыхырдылар, јенә Сәнин өнүндә пис ишләр ҝөрүрдүләр.+ Сән дә онлары дүшмән әлинә тәслим едирдин, дүшмән онларын үстүндә ағалыг едирди.+ Онда Сәнә тәрәф дөнүб имдад диләјирдиләр,+ Сән дә ҝөјләрдән фәрјадларыны ешидирдин, мәрһәмәтинин бөјүклүјүнә ҝөрә+ һәр дәфә онлары хилас едирдин. 29 Ганунуна тәрәф дөндәрмәк үчүн онлара хәбәрдарлыг едирдин. Онларса тәкәббүр ҝөстәриб әмрләринә табе олмурдулар,+ гајда-ганунларыны, һөкмләрини позуб ҝүнаһ едирдиләр. Һалбуки бу һөкмләрә әмәл едән һәјат тапар.+ Амма онлар инадла Сәнә арха чевирир, дикбашлыг едирдиләр, Сәнә гулаг асмырдылар. 30 Сән исә узун илләр боју онлара сәбир едир,+ руһунла, пејғәмбәрләрин васитәсилә онлара хәбәрдарлыг едирдин, анҹаг онлар гулаг асмырдылар. Ахырда онлары әтрафдакы халгларын әлинә вердин.+ 31 Лакин мәрһәмәтинин бөјүклүјүнә ҝөрә онлары атмадын, мәһв етмәдин.+ Чүнки Сән рәһмли вә мәрһәмәтли Аллаһсан.+

32 Еј улу, гүдрәтли, зәһмли Аллаһ! Сән әһдинә садиг галдын, мәһәббәт ҝөстәрдин.+ Инди, еј Аллаһымыз, Ашшур падшаһларынын+ дөврүндән бу ҝүнә гәдәр бизим чәкдијимиз, падшаһларымызын, башчыларымызын+, каһинләримизин+, пејғәмбәрләримизин+, ата-бабаларымызын, Өз халгынын чәкдији әзаб-әзијјәтә биҝанә јанашма. 33 Нәләр ҝәлмәјиб башымыза, амма бүтүн бунларда Сән һаглы олмусан, пис ишләр ҝөрән биз олмушуг,+ Сәнсә садиг давранмысан. 34 Падшаһларымыз, башчыларымыз, каһинләримиз, ата-бабаларымыз Сәнин Ганунуна әмәл етмәди, әмрләринә, хәбәрдарлыг етмәк үчүн вердијин өјүдләрә мәһәл гојмадылар. 35 Һәтта өз сәлтәнәтләриндә оланда, бәхш етдијин бол немәтләрдән ләззәт аланда, вердијин ҝениш, бәрәкәтли торпагда јашајанда белә, Сәнә гуллуг етмәдиләр,+ пис ишләриндән әл чәкмәдиләр. 36 Будур, бу ҝүн биз көләјик.+ Бары илә, бәрәкәти илә бәсләнмәк үчүн ата-бабаларымыза вердијин һәмин торпагда көләјик. 37 Бу торпағын бол мәһсулу ҝүнаһларымыза ҝөрә үзәримизә гојдуғун јаделли падшаһлара нәсиб олур.+ Онлар бизимлә, һејванларымызла истәдикләри кими рәфтар едирләр. Зүлм-зилләт ичиндәјик.

38 Бу сәбәбдән биз јазылы сурәтдә әһд бағлајыб үзәримизә өһдәчилик ҝөтүрүрүк.+ Бу әһд башчыларымызын, лавилиләрин вә каһинләримизин+ мөһүрү илә тәсдигләнир».

10 Әһди мөһүрләјиб+ тәсдигләјәнләр бунлар иди:

Һәгали оғлу вали Нәһәмја, Сидгијјә, 2 Сәрәјаһ, Әзрија, Әрәмја, 3 Фәшһур, Әмаријјә, Мәлкијјә, 4 Һәттуш, Шәбани, Мәллух, 5 Һарим+, Мәримут, Әбдија, 6 Дәнјал+, Ҝинәтун, Бәрух, 7 Мәшуллам, Әбијја, Мијәмин, 8 Мәази, Билҝәј вә Шәмај. Бунлар каһинләр иди.

9 Лавилиләр: Әзнија оғлу Јешу, Һәнадад оғулларындан Бәнја, Гәдмаил+ 10 вә гардашлары Шәбани, Һудја, Галит, Фәлај, Һәнан, 11 Микә, Рәһуб, Һәшбијјә, 12 Зәггур, Шәрбија+, Шәбани, 13 Һудја, Бәнни вә Бәнун.

14 Халгын башчылары: Фаруш, Фәһат-Муаб+, Елам, Зәтту, Бәнни, 15 Бүнни, Әзҹад, Бәбај, 16 Әдунијјә*, Бәгвај, Адһин, 17 Атир, Һизгијјә, Аззур, 18 Һудја, Һәшум, Бисај, 19 Хариф*, Әнатут, Нәбај, 20 Мәгфәш, Мәшуллам, Хәзир, 21 Мәшизабил, Садыг, Јәдва, 22 Фәлати, Һәнан, Әнај, 23 Һушә, Һәнанијјә, Һәшшуб, 24 Луһиш, Филһа, Шубиг, 25 Рәһум, Һәшбәнә, Мәсејјә, 26 Әхијјә, Һәнан, Әнан, 27 Мәллух, Һарим вә Бәәннаһ.

28 Ҹамаатын галан һиссәси: каһинләр, лавилиләр, дарваза кешикчиләри, мәзмур охујанлар, мәбәд гуллугчулары вә Аллаһын Ганунуна әмәл етмәк үчүн әтраф халглардан ајрыланлар,+ онларын арвадлары, оғуллары, гызлары, билик вә анлајыш саһиби олан һәр кәс* 29 гардашларына, халгын әсилзадәләринә гошулду. Онлар Аллаһын Өз гулу Муса васитәсилә вердији Гануна табе олаҹагларына вә Рәббимиз Јеһованын бүтүн әмрләринә, һөкмләринә, гајда-ганунларына дәгигликлә әмәл едәҹәкләринә анд ичиб ләнәт јүкү алтына ҝирдиләр. 30 Анд ичдик ки, нә әтраф халглара гыз верәҹәк, нә дә оғулларымыза онлардан гыз алаҹағыг.+

31 Әтраф халглар шәнбә ҝүнү сатмаға мал вә нөвбәнөв тахыл ҝәтирәндә биз нә шәнбә ҝүнүндә, нә дә башга мүгәддәс ҝүндә онлардан һеч нә алмајаҹағыг.+ Једдинҹи илдә торпағы динҹә гојаҹаг+ вә бүтүн борҹлары бағышлајаҹағыг.+

32 Бундан әлавә, Аллаһымызын евиндә ҝөрүлән хидмәт үчүн адамбашына һәр ил шекелин* үчдә бир һиссәсини вермәји өһдәмизә ҝөтүрдүк.+ 33 Бу пулу шәнбә ҝүнүндә+, тәзә ај мәрасимләриндә+ ҝәтирилән һүзур чөрәји+, даими тахыл тәгдимәси+ вә даими јандырма гурбанлары үчүн, еләҹә дә, бајрамлар+ вә мүгәддәс шејләр үчүн, Исраилин ҝүнаһларынын кәффарәси олараг ҝәтирилән ҝүнаһ гурбанлары+ вә Аллаһымызын евиндә ҝөрүлән бүтүн ишләр үчүн истифадә едәҹәјик.

34 Гануна әсасән, Аллаһымыз Јеһованын гурбанҝаһында одун јандырмаг үчүн һәр ил тәјин олунмуш вахтларда Аллаһымызын евинә одун ҝәтирмәкдән өтрү нәсилләринә ҝөрә каһинләрин, лавилиләрин вә халгын арасында пүшк атдыг.+ 35 Һәмчинин сөз вердик ки, һәр ил торпағымызын, һәр нөв мејвә ағаҹынын нүбарыны Јеһованын евинә ҝәтирәҹәјик.+ 36 Ганунда јазылдығы кими, илк оғулларымызы, һејванларымызын, мал-гарамызын, гојун-кечимизин илк баласыны Аллаһымызын евинә, орада хидмәт едән каһинләрин јанына ҝәтирәҹәјик.+ 37 Бундан әлавә, тахылын илк јармасыны+, бәхшишләри, һәр нөв ағаҹын мејвәсини+, тәзә шәрабы вә јағы+ Аллаһымызын евинин анбар отагларына*,+ каһинләрә ҝәтирәҹәјик. Һәмчинин торпағымызын мәһсулунун онда бирини лавилиләрә верәҹәјик.+ Чүнки әкин-бичин саһәләри олан шәһәрләримиздә ондабирләри онлар јығырлар.

38 Лавилиләр ондабирләри јығанда Һарун оғулларындан олан каһин онларын јанында олмалыдыр. Лавилиләр дә ондабирләрин онда бирини Аллаһымызын евинә, анбардакы отаглара апармалыдырлар.+ 39 Исраиллиләр вә лавилиләр тахыл, тәзә шәраб вә јағ+ бәхшишләрини анбардакы отаглара ҝәтирмәлидирләр.+ Чүнки мүгәддәс мәканын әшјалары орададыр, каһинләр, дарваза кешикчиләри, мәзмур охујанлар орада хидмәт едир. Биз Аллаһын еви илә бағлы хидмәтә лагејд јанашмајаҹағыг.+

11 О вахт халгын башчылары Јерусәлимдә јашајырды.+ Халгын галан һиссәси исә пүшк атды+ ки, һәр он нәфәрдән бири мүгәддәс Јерусәлим шәһәриндә, галан доггуз нәфәр исә о бири шәһәрләрдә јашасын. 2 Халг көнүллү олараг Јерусәлимә көчәнләрә хејир-дуа верди.

3 Јерусәлимдә јашајан Јәһуда әјаләтинин башчылары бунлардыр. (Галан исраиллиләр, каһинләр, лавилиләр, мәбәд гуллугчулары+ вә Сүлејманын нөкәрләринин өвладлары+ Јәһуданын диҝәр шәһәрләриндә, һәр кәс өз шәһәриндә, өз мүлкүндә јашајырды.+

4 Һәмчинин јәһудалылардан вә бинјаминлиләрдән бәзиләри Јерусәлимдә јашајырды.) Јәһуда башчылары: Фарәс нәслиндән+ Атајјаһ (Атајјаһ Үзијјәнин, Үзијјә Зәкәријјәнин, Зәкәријјә Әмаријјәнин, Әмаријјә Шәфәтајын, Шәфәтај Мәһлаилин оғлу иди), 5 Салеһ нәслиндән Мәсејјә (Мәсејјә Бәрухун, Бәрух Көлһүзүн, Көлһүз Хәзәјјанын, Хәзәјја Адајын, Адај Јәһјарибин, Јәһјариб Зәкәријјәнин оғлу иди). 6 Фарәс нәслиндән Јерусәлимдә 468 нәфәр баҹарыглы адам јашајырды.

7 Бинјамин башчылары: Саллу+ (Саллу Мәшулламын, Мәшуллам Јуәдин, Јуәд Фәдајын, Фәдај Голајын, Голај Мәсејјәнин, Мәсејјә Исаилин, Исаил Јашајын оғлу иди), 8 о ҹүмләдән Габбај вә Саллај, ҹәми 928 нәфәр. 9 Зәкри оғлу Јуил онларын нәзарәтчиси иди вә Һәссәнуһ оғлу Јәһуда шәһәр дарғасындан сонра икинҹи адам иди.

10 Каһинләрдән: Јәһјариб оғлу Јадај, Јакин,+ 11 Сәрәјаһ (Сәрәјаһ Хилгијјәнин, Хилгијјә Мәшулламын, Мәшуллам Садығын, Садыг Мәрјутун, Мәрјут Аллаһын евиндә башчылардан бири олан Әхитубун+ оғлу иди) 12 вә онларын мәбәд ишләри илә мәшғул олан гардашлары, ҹәми 822 нәфәр; Адај (Адај Јәраһимин, Јәраһим Фәлалын, Фәлал Амсинин, Амси Зәкәријјәнин, Зәкәријјә Фәшһурун+, Фәшһур Мәлкијјәнин оғлу иди) 13 вә онун нәсил башчысы олан гардашлары, ҹәми 242 нәфәр; Амашшај (Амашшај Әзарилин, Әзарил Әхзәјин, Әхзәј Мәшилмутун, Мәшилмут Иммирин оғлу иди) 14 вә онун ҹәсур вә иҝид гардашлары, ҹәми 128 нәфәр. Онларын нәзарәтчиси нүфузлу бир аиләдән олан Зәбдиил иди.

15 Лавилиләрдән: Шәмај+ (Шәмај Һәшшубун, Һәшшуб Әзригәмин, Әзригәм Һәшбијјәнин, Һәшбијјә Бүннинин оғлу иди) 16 вә Аллаһын евинин бајыр ишләринә нәзарәт едән лавили башчылар Шәбтајла+ Јузабад+; 17 һәмчинин мәдһ нәғмәләринин ифасына рәһбәрлик едән вә дуа заманы алгыш сөјләјән+ Мәтәнјаһ+ (Мәтәнјаһ Микәнин, Микә Зәбдинин, Зәбди Асәфин+ оғлу иди), гардашлары арасында икинҹи олан Бағбуги, еләҹә дә Әбда (Әбда Шамунун, Шаму Галалын, Галал Јадитунун+ оғлу иди). 18 Мүгәддәс шәһәрдәки бүтүн лавилиләрин сајы 284 нәфәр иди.

19 Дарваза кешикчиләри: Аггуб, Тәлмун+ вә дарвазаларда кешик чәкән гардашлары, ҹәми 172 нәфәр.

20 Исраиллиләрин, каһинләрин, лавилиләрин јердә галанлары Јәһуданын диҝәр шәһәрләриндә идиләр, һәр кәс ирс алдығы мүлкдә јашајырды. 21 Мәбәд гуллугчулары+ Офелдә јашајырды.+ Онлара Зиһа илә Гишпа рәһбәрлик едирди.

22 Јерусәлимдәки лавилиләрә мәзмур охујан Асәф өвладларындан олан Уззи (Уззи Бәннинин, Бәнни Һәшбијјәнин, Һәшбијјә Мәтәнјаһын+, Мәтәнјаһ Микәнин оғлу иди) рәһбәрлик едирди. О, Аллаһын евиндәки ишләрә нәзарәт едирди. 23 Чүнки шаһ мәзмур охујанларла бағлы фәрман вермишди.+ Онларын ҝүндәлик тәләбатларынын өдәнилмәси үчүн дәјишмәз гајда вар иди. 24 Халгын бүтүн ишләриндә шаһа мәсләһәтчиси Фәтһи көмәк едирди. (Фәтһи Јәһуданын оғлу Зараһын нәслиндән олан Мәшизабилин оғлу иди.)

25 Тарлалары олан јашајыш јерләринә ҝәлинҹә, јәһудалыларын бир гисми Кирјат-Арбада+ вә әтраф шәһәрләрдә, Дибунда вә әтраф шәһәрләрдә, Јәкәбзилдә+ вә онун кәндләриндә јашајырды. 26 Һәмчинин Јешуда, Моладда+, Бејт-Фәләтдә+, 27 Һазар-Шуалда+, Биир-Сәбада вә онун әтраф шәһәрләриндә, 28 Сығлагда+, Мәһнада вә онун әтраф шәһәрләриндә, 29 Ејн-Риммунда+, Сораһда+, Јармутда, 30 Зәнаһда+, Әдулламда вә онларын кәндләриндә, Лаһиш+ вә онун әтраф торпагларында, Әзга+ вә әтраф шәһәрләрдә јашајырдылар. Онлар Биир-Сәбадан Һинном вадисинә+ гәдәр әразидә мәскунлашмышдылар.

31 Бинјаминлиләр Ҝибада,+ Миһмашда, Ајјада, Бејтелдә+ вә онун әтраф шәһәрләриндә, 32 Әнатутда+, Нубда+, Әнанијјәдә, 33 Һәзурда, Рамада+, Ҝитаимдә, 34 Һәдиддә, Сәбуимдә, Нәбалатда, 35 Лодда вә Унуһда+, сәнәткарлар вадисиндә јашајырдылар. 36 Јәһудада јашајан лавилиләрин бәзи бөлүкләри Бинјамин торпагларына көчүрүлдү.

12 Шәәлтиил оғлу Зәрубабил+ вә Јешу+ илә бирҝә гајыдан каһинләр вә лавилиләр бунлар иди: Сәрәјаһ, Әрәмја, Үзејир, 2 Әмаријјә, Мәллух, Һәттуш, 3 Сәкәнја, Рәһум, Мәримут, 4 Идду, Ҝинәтај, Әбијја, 5 Мијәмин, Мәдја, Билҝаһ, 6 Шәмај, Јәһјариб, Јадај, 7 Саллу*, Амог, Хилгијјә вә Јадај. Бунлар Јешунун вахтында каһинләрин вә гардашларынын башчылары иди.

8 Лавилиләр: Јешу, Бәнја, Гәдмаил+, Шәрбија, Јәһуда вә гардашлары илә һәмд нәғмәләринин ифасына рәһбәрлик едән Мәтәнјаһ+. 9 Гардашлары Бағбуги вә Унни кешик чәкән вахт* онларын гаршысында дурурду. 10 Јешу Јәһјәкимин, Јәһјәким Әлјасибин+, Әлјасиб Јуаданын+, 11 Јуада Јонатанын, Јонатан Јәдванын атасы иди.

12 Јәһјәкимин дөврүндә нәсил башчылары олан каһинләр бунлар иди: Сәрәјаһ+ нәслиндән Мәрјаһ, Әрәмја нәслиндән Һәнанијјә, 13 Үзејир+ нәслиндән Мәшуллам, Әмаријјә нәслиндән Јәһукәнан, 14 Маллухи нәслиндән Јонатан, Шәбани нәслиндән Јусиф, 15 Һарим нәслиндән+ Адна, Мәрјут нәслиндән Хилгај, 16 Идду нәслиндән Зәкәријјә, Ҝинәтун нәслиндән Мәшуллам, 17 Әбијја+ нәслиндән Зәкри, Минјамин нәслиндән (...)*, Муадај нәслиндән Пилтај, 18 Билҝаһ+ нәслиндән Шаму, Шәмај нәслиндән Јәһунатан, 19 Јәһјариб нәслиндән Мәттәнај, Јадај+ нәслиндән Уззи, 20 Саллај нәслиндән Галлај, Амог нәслиндән Абир, 21 Хилгијјә нәслиндән Һәшбијјә, Јадај нәслиндән Нәснаил.

22 Әлјасиб, Јуада, Јуһәнна вә Јәдванын+ дөврүндә, Фарс шаһы Даранын һакимијјәтинә гәдәр јашамыш лавилиләрин нәсил башчылары, еләҹә дә каһинләр гејдә алынды.

23 Лавили нәсил башчыларынын адлары Әлјасиб оғлу Јуһәннанын дөврүнә гәдәр салнамәләрә гејд едилди. 24 Лавили башчылар бунлар иди: Һәшбијјә, Шәрбија вә Гәдмаил+ оғлу Јешу+. Онларын гардашлары Аллаһ адамы Давудун ҝөстәришләринә ујғун олараг, Аллаһа һәмд вә тәрифләр сөјләмәк үчүн онларын гаршысында дурурду.+ Бир кешикчи дәстәси о бири кешикчи дәстәсинә мүвафиг дурурду. 25 Дарваза кешикчиләри бунлар иди: Мәтәнјаһ+, Бағбуги, Әбдија, Мәшуллам, Тәлмун вә Аггуб+. Онлар дарвазаларын јанындакы анбарларда кешик чәкирдиләр.+ 26 Бу адамлар Јозадаг оғлу Јешунун+ оғлу Јәһјәкимин, вали Нәһәмјанын, каһин вә мирзә Үзејирин+ дөврүндә хидмәт едирдиләр.

27 Јерусәлим диварынын тәнтәнәли ачылышыны севинҹлә, һәмд нәғмәләрилә, синҹ, чәнҝ вә телли аләтләрин мүшајиәти илә гејд етмәк үчүн һәр јердән Јерусәлимә лавилиләри тапыб ҝәтирдиләр.+ 28 Иордан вилајәтиндән, Јерусәлимин әтрафындан вә нәтуфаһлыларын кәндләриндән+ мәзмур охујанларын оғуллары* бир јерә топлашдылар. 29 Бејт-Ҝилгалдан+, Ҝиба+ вә Әзмут+ торпагларындан да ҝәләнләр вар иди, чүнки мәзмур охујанлар Јерусәлимин әтрафында өзләри үчүн кәндләр салмышдылар. 30 Каһинләрлә лавилиләр өзләрини, халгы, шәһәр дарвазаларыны вә диварыны пак етдиләр.+

31 Сонра мән Јәһуда башчылары илә диварын үстүнә чыхдым. Һәмчинин Аллаһа һәмд охумаг үчүн ики бөјүк дәстә ајырдым вә онлары мүшајиәт едән адамлар тәјин етдим. Дәстәләрдән бири диварын үстү илә сағ тәрәфә, Күл дарвазасына+ сары ҝетди. 32 Онларын ардынҹа ҝедәнләр бунлар иди: Һушијјә, Јәһуда башчыларынын јарысы, 33 Әзрија, Үзејир, Мәшуллам, 34 Јәһуда, Бинјамин, Шәмај, Әрәмја. 35 Әлләриндә кәрәнај тутан+ каһин оғулларындан бир нечәси дә онларын ардынҹа ҝедирди. Зәкәријјә (Зәкәријјә Јонатанын, Јонатан Шәмајын, Шәмај Мәтәнјаһын, Мәтәнјаһ Микајын, Микај Зәггурун, Зәггур Асәфин+ оғлу иди) онларын арасында иди. 36 Онун гардашлары, әлләриндә Аллаһ адамы Давудун мусиги аләтләри+ олан Шәмај, Әзарил, Милалај, Гилалај, Мәај, Нәснаил, Јәһуда вә Һәнани дә онларын ардынҹа ҝедирди. Онларын өнүндә мирзә Үзејир+ ҝедирди. 37 Онлар Булаг дарвазасыны+ кечиб Давуд шәһәринин+ Пилләкәни+ илә галхдылар вә Давуд евинин үст тәрәфиндәки диварла үзүјухары ҝедәрәк шәргдәки Су дарвазасына+ ҝәлдиләр.

38 Һәмд охујан о бири дәстә әкс истигамәтә ҝедирди, мән дә башчыларын јарысы илә бирликдә онларын ардынҹа ҝедирдим. Онлар диварын үстү илә Соба гүлләсини+, Ҝениш дивары+, 39 Әфраим дарвазасыны+, Гәдим шәһәр дарвазасыны+, Балыг дарвазасыны+, Һәнанил гүлләсини+, Миаһ гүлләсини вә Гојун дарвазасыны+ кечиб Кешикчи дарвазасында дајандылар.

40 Нәһајәт, һәмд охујан һәр ики дәстә Аллаһын евинин гаршысында дајанды. Мән вә мәнимлә олан мәмурларын јарысы, 41 әлләриндә кәрәнај олан каһинләр — Әлјаким, Мәсејјә, Минјамин, Микај, Илјәнај, Зәкәријјә вә Һәнанијјә, 42 һәмчинин Мәсејјә, Шәмај, Әлјазар, Уззи, Јәһукәнан, Мәлкијјә, Елам вә Исәр орада дајандыг. Мәзмур охујанлар Изрәһјанын рәһбәрлији алтында уҹа сәслә охујурдулар.

43 О ҝүн чохлу гурбанлар кәсилди, шадлыг олду,+ чүнки Аллаһ халга бөјүк севинҹ бәхш етмишди. Гадынлар да, ушаглар да севинирди.+ Јерусәлимдән галхан севинҹ сәдалары узагларда ешидилирди.+

44 О ҝүн бәхшишләр+, нүбарлар+ вә ондабирләр сахланылан анбарлара+ анбардарлар тәјин олунду.+ Бу анбарлара Ганунда каһинләр вә лавилиләр+ үчүн тәләб олунан пајлар, јәни шәһәрләрин әтрафындакы торпаглардан јығылан мәһсуллар топланаҹагды.+ Каһинләр вә лавилиләр хидмәт етдијинә ҝөрә бүтүн Јәһуда севинҹ ичиндә иди. 45 Каһинләрлә лавилиләр ибадәтлә вә паклама иши илә бағлы вәзифәләрини иҹра етмәјә башладылар. Мәзмур охујанлар да, дарваза кешикчиләри дә Давудун вә оғлу Сүлејманын вердији ҝөстәришә әсасән өз вәзифәләрини иҹра етмәјә башладылар. 46 Чүнки гәдимдә, Давудун вә Асәфин вахтында мәзмур охујанлара, Аллаһа мәдһ нәғмәләри, һәмдләр охујанлара рәһбәрлик едәнләр вар иди.+ 47 Зәрубабилин+ вә Нәһәмјанын вахтында бүтүн Исраил халгы мәзмур охујанлара+ вә дарваза кешикчиләринә+ онларын ҝүндәлик тәләбатыны өдәмәк үчүн пај верирди. Халг лавилиләрә дә пај ајырырды,+ лавилиләр исә, өз нөвбәсиндә, Һарунун оғулларына пај ајырырды.

13 Һәмин ҝүн халга Мусанын китабы охунду.+ Китабда јазылмышды ки, әмуниләр вә муабиләр+ һеч вахт Аллаһын иҹмасына дахил ола билмәзләр.+ 2 Чүнки онлар исраиллиләри су илә, чөрәклә гаршыламамыш, әксинә, онлара ләнәт јағдырмаг үчүн Бәләми муздла тутмушдулар.+ Лакин Аллаһымыз ләнәти хејир-дуаја чевирмишди.+ 3 Халг Төвратда* јазылан бу сөзләри ешидән кими бүтүн јаделлиләри исраиллиләрдән ајырмаға башлады.+

4 Бундан габаг Аллаһымызын евинин анбар отагларына*+ Тубијјәнин+ гоһуму каһин Әлјасиб+ нәзарәт едирди. 5 О, бөјүк бир анбар отағыны Тубијјәнин ихтијарына вермишди. Әввәлләр орада тахыл тәгдимәси, күндүр, әшјалар, еләҹә дә лавилиләр, мәзмур охујанлар вә дарваза кешикчиләри үчүн ајрылан тахылын, тәзә шәрабын, јағын+ онда бири, һәмчинин каһинләр үчүн верилән бәхшишләр сахланылырды.+

6 Бу һадисәләр баш верәндә мән Јерусәлимдә дејилдим, чүнки Бабил һөкмдары Артаксерксин+ һакимијјәтинин отуз икинҹи илиндә+ һөкмдарын јанына ҝетмишдим. Бир мүддәт сонра ҝери гајытмаг үчүн ондан изин истәдим. 7 Сонра Јерусәлимә гајытдым вә Әлјасибин+ ҝөрдүјү пис әмәлдән хәбәр тутдум. О, Аллаһын евинин һәјәтиндә Тубијјәјә+ анбар отағы вермишди. 8 Бу, мәним һеч хошума ҝәлмәди. Буна ҝөрә дә Тубијјәнин бүтүн әшјаларыны отагдан бајыра тулладым. 9 Сонра тапшырдым ки, анбар отагларыны тәмизләсинләр. Аллаһын евинин әшјаларыны, тахыл тәгдимәсини вә күндүрү јенидән ора гојдум.+

10 Һәмчинин өјрәндим ки, лавилиләрин пајлары+ верилмәдијинә ҝөрә+ хидмәт едән лавилиләр вә мәзмур охујанлар чыхыб өз торпагларына ҝедибләр.+ 11 Мән мәмурлары+ тәнбеһ едиб дедим: «Нә үчүн Аллаһын еви диггәтсиз галыб?»+ Сонра лавилиләри топладым вә онлары јенидән өз ишләринин башына гојдум. 12 Бүтүн Јәһуда халгы да тахылын, тәзә шәрабын вә јағын онда бирини+ анбар отагларына ҝәтирди.+ 13 Сонра мән анбар отагларынын нәзарәтини каһин Шәләмјаја, мирзә Садыға, лавили Фәдаја һәвалә етдим вә Мәтәнјаһ оғлу Зәггурун оғлу Һәнаны онлара көмәкчи гојдум. Чүнки бу адамлар етибарлы адамлар кими танынырды. Онларын вәзифәси гардашларына пај бөлүшдүрмәк иди.

14 Еј Аллаһым, мәни јадындан чыхартма.+ Сәнин евин үчүн, евиндәки хидмәтләрин иҹрасы үчүн сәдагәтлә чалышдығымы хатириндән силмә.+

15 О вахтлар ҝөрдүм ки, Јәһудада халг шәнбә ҝүнү үзүмсыханда үзүм тапдалајыр,+ улаглара тахыл, шәраб, үзүм, әнҹир вә диҝәр маллар јүкләјиб Јерусәлимә ҝәтирир.+ Мән онлара хәбәрдарлыг етдим ки, бир дә һәмин ҝүн һеч нә сатмасынлар*. 16 Јерусәлимдә јашајан сурлулар балыг вә ҹүрбәҹүр маллар ҝәтириб шәнбә ҝүнү шәһәрдә јәһудалылара сатырдылар.+ 17 Онда мән Јәһуда әсилзадәләрини тәнбеһ едиб дедим: «Бу нә ишдир тутурсунуз? Нијә шәнбә ҝүнүнү мурдарлајырсыныз? 18 Мәҝәр Аллаһымызын бүтүн бу бәлалары бизим вә бу шәһәрин башына ҝәтирмәсинә сәбәб ата-бабаларынызын елә бу әмәлләри олмајыб? Инди сиз шәнбә ҝүнүнү мурдарлајараг Аллаһын Исраилә гаршы гәзәбини даһа да аловландырырсыныз».+

19 Һәлә шәнбә башламамыш, Јерусәлимин дарвазалары үзәринә көлҝә дүшәркән мән дарвазалары бағлатдырдым вә шәнбә гуртарана гәдәр ачмамағы әмр етдим. Бир нечә нөкәрими дарвазаларын ағзына гојдум ки, шәнбә ҝүнү шәһәрә һеч бир јүк ҝәтирилмәсин. 20 Буна ҝөрә дә таҹирләр вә ҹүрбәҹүр маллар ҝәтириб сатанлар бир-ики дәфә Јерусәлимдән кәнарда ҝеҹәләмәли олдулар. 21 Онда мән онлара хәбәрдарлыг едиб дедим: «Нијә бүтүн ҝеҹәни диварын өнүндә кечирирсиниз? Бир дә белә етсәниз, сизи говаҹағам!» О вахтдан онлар даһа шәнбә ҝүнү ҝәлмәдиләр.

22 Мән лавилиләрә тапшырдым ки, шәнбә ҝүнүнү мүгәддәс тутмаг+ үчүн һәмишә өзләрини пакласынлар вә ҝәлиб дарвазаларда кешик чәксинләр. Еј Аллаһым, буна ҝөрә дә мәни јахшылыгла хатырла, бөјүк мәһәббәтинә ҝөрә мәнә рәһм ет.+

23 Һәмчинин о ҝүнләрдә ашдодлулардан+, әмуниләрдән вә муабиләрдән+ арвад алан јәһудиләри ҝөрдүм.+ 24 Онларын ушагларынын јарысы Ашдод дилиндә вә башга халгларын дилиндә данышырды. Һеч бири јәһуди дилини билмирди. 25 Мән онлары тәнбеһ едиб ләнәтләдим, бир нечә кишини дөјүб+ сачыны јолдум. Онлары Аллаһа анд ичдириб дедим: «Нә онларын оғулларына гыз верин, нә дә өзүнүзә вә оғулларыныза онлардан гыз алын.+ 26 Мәҝәр Исраил падшаһы Сүлејман да бунлара ҝөрә ҝүнаһа батмамышды? Халглар ичиндә онунтәк падшаһ јох иди.+ О, Аллаһын севимли бәндәси иди.+ Аллаһ ону бүтүн Исраил үзәриндә падшаһ гојмушду. Јаделли арвадлар һәтта ону да ҝүнаһа батырдылар.+ 27 Сиз дә јаделли арвадлар алараг Аллаһа хәјанәт етдиниз. Бу ҹүр мәнфур һәрәкәтә, белә бир биабырчылыға неҹә јол вердиниз?»+

28 Баш каһин Әлјасибин+ оғлу Јуаданын+ оғулларындан бири һурунлу Санбалатын+ күрәкәни иди. Буна ҝөрә мән ону говдум.

29 Еј Аллаһым, онлары јадда сахла, онлар каһинлији, каһинләрлә вә лавилиләрлә бағланан әһди+ мурдарлајыблар.

30 Мән онлары бүтүн јаделлиләрин тәсириндән тәмизләдим, каһинләрлә лавилиләрин һәр бирини өз ишинә гојдум.+ 31 Онлара тәјин олунмуш вахтда одун+ вә мәһсулун нүбарыны ҝәтирмәји тапшырдым.

Еј Аллаһым, мәни јахшылыгла хатырла.+