ӘЈЈУБ
1 Уз дијарында Әјјуб*+ адлы бир киши јашајырды. О, дүрүст, камил* инсан иди.+ Аллаһдан горхур, шәрдән узаг дурурду.+ 2 Әјјуб једди оғул, үч гыз атасы иди. 3 Онун једди мин баш гојуну, үч мин баш дәвәси, мин баш гарамалы, беш јүз улағы варды. Һәмчинин чохлу нөкәри варды. Бу киши Шәргдә ән нүфузлу адам иди.
4 Оғуллары һәрәси өз ҝүнүндә евләриндә зијафәт гурар вә баҹыларынын үчүнү дә өзләри илә јејиб-ичмәјә дәвәт едәрди. 5 Зијафәтләр баша чатанда Әјјуб оғулларыны пакламаг үчүн онлары јанына чағырарды. О, сәһәр тездән дурар вә «бәлкә, оғулларым ҝүнаһ едиб, үрәјиндә Аллаһа күфр сөјләјибләр» дејәрәк һәр бири үчүн јандырма гурбаны тәгдим едәрди.+ Әјјуб һәмишә белә едәрди.+
6 Бир ҝүн Аллаһ оғуллары*+ Јеһованын һүзуруна ҝәлди.+ Шејтан+ да онларын арасында иди.+
7 Јеһова Шејтандан сорушду: «Һарадан ҝәлирсән?» «Дүнјаны ҝәзиб-долашырдым»,+ — дејә Шејтан Јеһоваја ҹаваб верди. 8 Јеһова она деди: «Гулум Әјјуба фикир вердин? Дүнјада онун кими дүрүст, камил+, Аллаһдан горхан, шәрдән узаг дуран икинҹи адам јохдур». 9 Шејтан Јеһоваја ҹаваб верди: «Мәҝәр Әјјуб Аллаһдан елә-белә горхур?+ 10 Ҹаныны, евини, мал-мүлкүнү горујан* Сән дејилсән?+ Әлинин зәһмәтинә бәрәкәт вермисән,+ сүрүләри һәр јана јајылыб. 11 Амма әлини узадыб онун варына, јохуна тохун, о, дүз Сәнин үзүнә ләнәт едәҹәк». 12 Јеһова Шејтана деди: «Будур, онун һәр шејини сәнин ихтијарына верирәм. Тәкҹә өзүнә дәјмә!» Беләликлә, Шејтан Јеһованын һүзурундан чыхыб ҝетди.+
13 Ҝүнләрин бир ҝүнү Әјјубун оғуллары вә гызлары бөјүк гардашларынын евиндә јејиб-ичирди.+ 14 Бу заман нөкәрләриндән бири Әјјубун јанына ҝәлиб деди: «Өкүзләр ҹүт сүрүрдү, улаглар да онларын јанында отлајырды. 15 Бирдән сәбалылар һүҹум чәкиб онлары апарды, нөкәрләри исә гылынҹдан кечирди. Бирҹә мән гачыб гуртулдум, ҝәлдим сәнә хәбәр верим».
16 О, сөзүнү гуртармамыш башга бир нөкәр ҝәлиб деди: «Аллаһ ҝөјдән од јағдырды*, алов гојунлары вә чобанлары удду. Бирҹә мән гачыб гуртулдум, ҝәлдим сәнә хәбәр верим».
17 О, сөзүнү гуртармамыш башга бир нөкәр ҝәлиб деди: «Кәлданиләр+ үч дәстәјә бөлүнүб басгын етдиләр, дәвәләри ҝөтүрүб апардылар, нөкәрләри исә гылынҹдан кечирдиләр. Бирҹә мән гачыб гуртулдум, ҝәлдим сәнә хәбәр верим».
18 О, сөзүнү гуртармамыш башга бир нөкәр ҝәлиб деди: «Оғулларынла гызларын бөјүк гардашларынын евиндә јејиб-ичирдиләр. 19 Гәфләтән чөллүкдән туфан ҝәлди, еви һәр тәрәфдән ағушуна алды. Ев ҹаванларын үстүнә учду, онлар тәләф олдулар. Бирҹә мән гачыб гуртулдум, ҝәлдим сәнә хәбәр верим».
20 Әјјуб дуруб јахасыны ҹырды, сачыны гырхды вә јерә дөшәниб 21 деди:
«Анамын бәтниндән чылпаг чыхмышам,
Чылпаг да ҝедәҹәјәм.+
Верән дә Јеһовадыр,+ алан да Јеһовадыр.
Јеһованын адына алгыш олсун».
22 Бүтүн бунларын мүгабилиндә, Әјјуб нә ҝүнаһ етди, нә дә Аллаһы тәгсирләндирди.
2 Бир ҝүн јенә Аллаһ оғуллары+ Јеһованын һүзуруна ҝәлдиләр.+ Шејтан да онларын арасында Јеһованын һүзуруна ҝәлди.+
2 Јеһова Шејтандан сорушду: «Һарадан ҝәлирсән?» «Дүнјаны ҝәзиб-долашырдым»,+ — дејә Шејтан Јеһоваја ҹаваб верди. 3 Јеһова она деди: «Гулум Әјјуба фикир вердин? Дүнјада онун кими дүрүст, камил,*+ Аллаһдан горхан, шәрдән узаг дуран икинҹи адам јохдур. Наһагдан Мәни вадар едирсән ки, ону мәһв едим,+ һалбуки о, камиллијиндән дөнмүр».+ 4 Шејтан Јеһоваја ҹаваб верди: «Дәри әвәзинә дәри! Инсан ҹанындан өтрү һәр шејини верәр. 5 Әлини узадыб онун әтинә, сүмүјүнә тохун, о, дүз Сәнин үзүнә ләнәт едәҹәк».+
6 Онда Јеһова Шејтана деди: «Будур, о, сәнин ихтијарындадыр. Тәкҹә ҹанына дәјмә!» 7 Беләликлә, Шејтан Јеһованын һүзурундан чыхыб ҝетди вә Әјјубу тәпәдән-дырнағаҹан ағрыјан чибанларла+ вурду. 8 Әјјуб јараларыны гашымаг үчүн бир сахсы парчасы ҝөтүрүб күлүн ичиндә отурду.+
9 Ахырда арвады она деди: «Сән һәлә дә камил галмаг истәјирсән? Ләнәт ет Аллаһа, өл гуртар!» 10 «Лап сәфеһ гадынлар кими данышырсан. Дејирсән, Аллаһдан анҹаг јахшы шејләри гәбул едәк, пис шејләри гәбул етмәјәк?»+ — дејә Әјјуб ҹаваб верди. Бүтүн бунларын мүгабилиндә Әјјубун дилиндән она ҝүнаһ газандыран бир кәлмә сөз чыхмады.+
11 Әјјубун башына ҝәлмиш бу мүсибәтләри ешидән үч јолдашы — тәһмани Әлифәз+, шуһи+ Билдад+ вә нәһмати Сөфәр+ — һәр бири өз мәмләкәтиндән јола дүшүб ҝәлди. Онлар данышдылар ки, бирликдә Әјјубун јанына ҝедиб онун дәрдинә шәрик олсунлар вә она тәсәлли версинләр. 12 Бу кишиләр узагдан баханда Әјјубу танымадылар. Һөнкүр-һөнкүр ағлајыб јахаларыны ҹырдылар вә торпаг ҝөтүрүб башларына төкдүләр.+ 13 Једди ҝүн, једди ҝеҹә Әјјубла бирҝә јердә отурдулар. Һеч бири ағзыны ачыб сөз демәди, ахы ҝөрүрдүләр ки, онун дәрди бөјүкдүр.+
3 Сонра Әјјуб сөзә башлајыб доғулдуғу ҝүнә ләнәт јағдырды.+ 2 Әјјуб белә деди:
3 «Каш нә доғулдуғум ҝүн олајды,+
Нә дә “ана бәтнинә бир оғул дүшдү” дејилән ҝеҹә.
4 Каш о ҝүн зүлмәт олајды,
Аллаһ ҝөјдән она нәзәр салмајајды,
Ишыг үзү ҝөрмәјәјди.
5 Каш о ҝүн зүлмәтә гәрг олајды,
Үзәринә гара булуд енәјди,
Каш гаранлыг ону дәһшәтә салајды.
6 О ҝеҹә! Каш о ҝеҹәни зил гаранлыг бүрүјәјди,+
Каш илин ҝүнләри ичиндә она севинҹ нәсиб олмајајды,
Ајын ҝүнләри сырасына дүшмәјәјди.
7 Каш о ҝеҹә гысыр олајды,
Каш о вахт шәнлик сәси олмајајды.
9 Каш онун дан улдузлары сөнәјди,
Каш ишыға һәсрәт галајды,
Сүбһ шәфәгини ҝөрмәјәјди.
10 О, анамын бәтнинин гапыларыны бағламады,+
Әзаб-әзијјәти мәндән ҝизләтмәди.
11 Нијә доғулан кими өлмәдим?
Нијә ана бәтниндән чыханда өлмәдим?+
12 Нијә мәни гуҹаға* алдылар,
Нијә мәнә дөш вердиләр?
13 Инди раһатҹа узанмышдым,+
Јатырдым, динҹәлирдим,+
14 Тикдикләри виранә галмыш*
Дүнја падшаһлары илә, вәзирләрилә,
15 Евләрини ҝүмүшлә долдурмуш,
Гызыл топламыш рәһбәрләрлә.
16 Ахы нијә өлү доғулмуш,
Ишыг үзү ҝөрмәјән ушаглар кими олмадым?
17 Орада шәр адамларын аҹығы битир,
Тагәтсизләр динҹәлир,+
18 Мәһбуслар раһатлыг тапыр,
Онлары ишләдәнләрин сәсини ешитмирләр.
19 Орада кичик дә, бөјүк дә ејнидир,+
Гул ағасындан азаддыр.
20 Ахы нијә Аллаһ әзаб чәкәнә ишыг верир?
Нијә һәјаты аҹы оланы јашадыр?+
21 Нә үчүн өлүм арзулајанлар өлүм тапмыр?+
Ахы онлар дәфинә ахтармагдан чох буну ахтарырлар,
22 Гәбир тапанда хошбәхт олурлар,
Севиниб-шадланырлар.
23 Нијә Аллаһ һәр тәрәфдән сәдд гојдуғу инсана,
Јолу-изи итирмиш адама ишыг верир?+
25 Чүнки горхдуғум шеј башыма ҝәлиб,
Һүркдүјүм шеј габағыма чыхыб.
26 Раһатлығым, динҹлијим, сакитлијим јохдур,
Әзабларым гуртармыр ки гуртармыр».
4 Онда тәһмани Әлифәз+ сөзә башлады:
2 «Кимсә сәнә бир сөз демәк истәсә, һөвсәлән даралмаз ки?
Ахы ким суса биләр?
3 Дүздүр, сән чохларына нәсиһәт верәрдин,
Ҝүҹсүз голлара ҝүҹ верәрдин.
4 Кимсә бүдрәјәндә сөзүнлә галдырардын,
Тагәтсиз дизләрә гүввәт верәрдин.
5 Фәгәт инди өзүн бу һала дүшәндә таб ҝәтирмирсән,
Бәла сәнә тохунанда өзүнү итирирсән.
6 Мәҝәр Аллаһ хофу сәнә ҝүвәнҹ вермир?
Мәҝәр тәмиз һәјатын+ сәнә үмид вермир?
7 Бир хатырла: һансы тәгсирсиз инсан мәһв олуб?
Һарада ҝөрүнүб ки, әмәлисалеһ һәлак олсун?
8 Мән ҝөрмүшәм ки, фитнә-фәсад әкәнләр,
Бәдбәхтлик тохуму сәпәнләр әкдијини бичир.
9 Онлар Аллаһын нәфәси илә јох олур,
Гәзәбинин ани шиддәти илә мәһв олур.
10 Аслан нәрә чәкир, ҝәнҹ аслан нәрилдәјир,
Амма ҝүҹлү асланын да диши гырылыр.
11 Ов тапмајанда шир өлүр,
Балалары пәрән-пәрән дүшүр.
12 Мәнә ҝизлинҹә бир сөз чатды,
Гулағыма бир пычылты ҝәлди.
13 Инсанлар дәрин јухуда оларкән,
Ҝеҹә рөјаларында нараһат дүшүнҹәләр ичиндә икән
14 Ҹаныма јаман титрәмә дүшдү,
Сүмүкләримә ваһимә һопду.
15 Гаршымдан бир руһ кечди,
Түкләрим биз-биз олду.
16 О дајанды,
Амма симасыны ајырд едә билмәдим.
Ҝөзүмүн өнүндә бир сурәт вар иди.
Сүкунәт иди. Сонра сәс ешитдим:
17 “Фани инсан Аллаһдан адил ола биләрми?
Инсан Јарадандан пак ола биләрми?”
19 Ҝөр палчыг евләрдә јашајанларда,
Бүнөврәси торпаг оланларда,+
Ҝүвә кими тез әзиләнләрдә неҹә гүсур тапаҹаг!
20 Онлар сәһәрлә ахшам арасында мәһв олуб ҝедирләр,
Әбәдилик јох олурлар, һеч ким дә веҹинә алмыр.
21 Мәҝәр онлар ипләри бошалмыш чадыра бәнзәмир?
Онлар һикмәтсиз өлүрләр.
5 Чағыр ҝөрәк сәнә ҹаваб верән олаҹаг?
Һансы мүгәддәсә үз тутаҹагсан?
2 Сәфеһи һирс мәһв едәр,
Наданы пахыллыг өлдүрәр.
3 Мән сәфеһин көк салдығыны ҝөрмүшәм,
Амма онун јурду гәфләтән ләнәтләнир.
4 Оғуллары әмин-аманлыг тапмыр,
Шәһәр дарвазасында тапдаланыр,+ хилас едәнләри олмур.
5 Топладығы мәһсулу аҹлар јејир,
Тиканларын арасындан чәкиб апарырлар.
Варыны, јохуну тәлә гапыр.
6 Чүнки пис шеј торпагдан чыхмыр,
Дәрд-бәла јердән битмир.
7 Неҹә ки гығылҹым һаваја галхыр,
Инсан да әзаб чәкмәк үчүн доғулур.
8 Амма мән үзүмү Аллаһа тутардым,
Иддиамы Аллаһа билдирәрдим.
9 О ки бөјүк, ағласығмаз ишләр ҝөрүр,
Сајсыз-һесабсыз харигәләр јарадыр,
10 Јерә јағыш верир,
Тарлалара су ҝөндәрир,
11 Мәзлуму јүксәјә галдырыр,
Пәришан адама ниҹат верир.
12 О, һијләҝәрин фәндләрини позур ки,
Әлинин иши аванд олмасын.
13 О, ағыллылары елә өз фәндләри илә тутур ки,+
Фәрасәтли адамларын нијјәтини алт-үст етсин.
14 Онлар ҝүнүн ҝүнортасында гаранлыға дүшүрләр,
Ҝүнорта чағы кор кими ҝәзирләр, елә бил, ҝеҹәдир.
15 О, инсаны онларын дилинин гылынҹындан,
Јохсулу ҝүҹлүнүн әлиндән гуртарыр.
16 Беләҹә, мәзлум үчүн үмид вар,
Һагсызлығынса ағзы јумулуб.
17 Бах, Аллаһын тәнбеһ етдији бәндә хошбәхтдир!
Сән Гүдрәт Саһибинин тәрбијәсини рәдд етмә!
18 Чүнки О јаралајыр, амма јараны сарыјыр,
Парча-парча едир, амма әлләри илә сағалдыр.
19 Алты бәладан сәни гуртарар,
Једдинҹи бәла сәндән јан өтәр.
20 О, сәни гытлыг заманы өлүмүн пәнҹәсиндән,
Дөјүш вахты гылынҹын ағзындан алар.
21 Гамчылајан дилдән+ горунарсан,
Талан ҝәләндә горхмазсан.
22 Гырғына, аҹлыға ҝүләрсән,
Јердәки вәһши һејванлардан горхмазсан.
23 Тарландакы дашлар сәнә зәрәр вурмаз,
Вәһши һејван сәнинлә асајишдә јашар.
24 Чадырынын саламат галаҹағындан архајын оларсан,
Өрүшүнү јохлајанда әскиклик тапмазсан.
25 Балаларын артыб чохалар,
Өвладларын јерин оту гәдәр олар.
26 Вахтында топланмыш дәрз кими,
Гәбрә ҝүмраһ ҝедәрсән.
27 Бу беләдир ки вар, биз буну арашдырмышыг,
Сән дә гулаг ас, өјрән».
6 Әјјуб белә ҹаваб верди:
2 «Каш дәрдим+ ағрыларымла бирҝә
Тәрәзијә гојулуб чәкиләјди!
3 Инди онлар дәнизләрин гумундан да ағырдыр,
Буна ҝөрә ағлыма ҝәләни данышырам.+
4 Гүдрәт Саһибинин охлары мәнә санҹылыб,
Руһум онларын зәһәрини ичир,+
Аллаһдан ҝәлән дәһшәтләр мәнә гаршы сәф гуруб.
5 Мәҝәр от оланда чөл ешшәји+ ангырар?
Јем оланда өкүз бөјүрәр?
6 Мәҝәр шит јемәји дузсуз јејәрләр?
Әмәкөмәҹи селијиндә дад олар?
7 Бунлара әл вурмарам.
Онлар јемәјими зәһәрләјир.
8 Каш диләјим јеринә јетәјди,
Каш Аллаһ арзуму чин едәјди!
9 Каш Аллаһ мәни әзәјди,
Әлини узадыб һәјатымы кәсәјди!+
10 Бу, мәни овундурарды.
Ағрыларым кәскин олса да, атылыб-дүшәрдим,
Ахы Мүгәддәс Аллаһын+ сөзүнү рәдд етмәмишәм.
11 Мәҝәр мәндә ҝүҹ галыб ки, ҝөзләјим?+
Ахырым неҹә олаҹаг ки, јашајым?
12 Мәҝәр мән дашданам?
Ја бәдәним дәмирдәндир*?
13 Бир архам, бир дајағым галмајыб,
Неҹә дәрдимә чарә гылым?
15 Гардашларым хаин чыхды,+ гыш сулары кими,
Гупгуру гурујан гыш сулары кими.
16 Бузлу палчыгдан буланырлар,
Әријән гар онларын ичиндә ҝөрүнмүр.
17 Јај ҝәләндә гурујур, итир,
Истиләр дүшәндә јох олурлар.
18 Мәҹралары дәјишир,
Сәһралыға ахыб јоха чыхырлар.
20 Онлара үмид бағладыглары үчүн утанырлар,
Ора јахынлашанда мәјус олурлар.
22 Мәҝәр сиздән нәсә истәмишәм?
Јохса мәндән өтрү варыныздан бәхшиш вермәји хаһиш етмишәм?
23 Мәни дүшмән әлиндән гуртармағы,
Залымлардан хилас етмәји истәмишәм?
24 Мәни баша салын, сусум,+
Сәһвими дејин, билим.
25 Дүз сөз һеч дә аҹы олмаз!+
Бәс сизин данлағыныз нәјә јарыјыр?+
26 Фикриниз мәним, бичарә адамын сөзләринә,+
Һаваја дедији сөзләрә дүзәлиш вермәкдир?
28 Инди мәнә бахын,
Сизә јалан данышмајаҹағам.
29 Бир дә фикирләшин, мәни дүз баша дүшүн,
Јенә фикирләшин, һәлә салеһлијимдән дөнмәмишәм.
30 Мәҝәр дилимдә һагсызлыг вар?
Ҝуја мән баша дүшмүрәм ки, нә исә дүз дејил?
7 Мәҝәр бу дүнјада фани инсанын һәјаты ағыр зәһмәт дејил?
Ҝүнләри муздурун ҝүнләриндән нә илә фәргләнир?+
2 О, гул кими көлҝәјә һәсрәтдир,
Муздуну ҝөзләјән муздур кимидир.+
3 Мәним дә нәсибим пуч ајлар олду,
Пајыма әзаблы ҝеҹәләр дүшдү.+
4 Јатанда: “Нә вахт дураҹағам?”+ — дејирәм,
Ҝеҹә узанырам, сүбһәдәк јеримдә гурдаланырам.
7 Унутма, һәјатым әсән күләкдир,+
Даһа хош ҝүн ҝөрмәјәҹәјәм.
8 Мәнә бахан ҝөзләр бир дә мәни ҝөрмәјәҹәк,
Ҝөзләрин мәни ахтараҹаг, мән исә олмајаҹағам.+
11 Буна ҝөрә сусмајаҹағам,
12 Мәҝәр мән дәнизәм, ја дәниз әждаһасыјам?
Нијә үзәримә кешикчи гојурсан?
13 Мән: “Јатағым мәни овундурар,
Јорған-дөшәјим дәрдимә шәрик олар”, — дејәркән
14 Мәни јухуларла горхудурсан,
Рөјаларла ваһимәјә салырсан.
15 Белә ки, боғулуб өлмәји,
Өлүмү бу вүҹудда јашамагдан үстүн тутурам.+
16 Безмишәм,+ даһа јашамаг истәмирәм,
Мәндән әл чәк, ҝүнләрим бухар* кимидир.+
17 Фани инсан нәдир ки, она мәһәл гојурсан,
Диггәтини ондан ајырмырсан,+
18 Һәр сәһәр ону јохлајырсан,
Һәр ан ону сынајырсан?+
19 Нә олар, нәзәрини үстүмдән ҝөтүр,
Мәнә удгунмаға маҹал вер.+
20 Еј бәшәри сејр едән,+ ҝүнаһым варса да, Сәнә нә зәрәри?
Нијә мәни Өзүнә һәдәф сечмисән?
Сәнә јүк олмушам?
21 Нә үчүн сәһвими бағышламырсан?
Нә үчүн тәгсиримдән кечмирсән?
Бир аздан торпаг алтда јатаҹағам,+
Мәни ахтараҹагсан, мән исә артыг олмајаҹағам».
8 Онда шуһи+ Билдад+ сөзә башлады:
2 «Нә вахтаҹан белә данышаҹагсан?+
Сөзләрин шиддәтли күләкдән башга бир шеј дејил!
3 Мәҝәр Аллаһ әдаләти позар?
Һеч Гүдрәт Саһиби салеһлији тәһриф едәр?
4 Јәгин оғулларын Она гаршы ҝүнаһ ишләјиб,
О да гијамларына ҝөрә онлары ҹәзаја мәһкум едиб.
5 Амма сән садәҹә Аллаһа сары дөнсәјдин,+
Гүдрәт Саһибиндән лүтф диләсәјдин,
6 Әҝәр сән доғрудан да пак, дүрүст адам олсајдын,+
О, сәнә диггәт јетирәрди,
Сәни лајигли јеринә гајтарарды.
7 Әввәлин пис олса да,
Ахырын јахшы оларды.+
8 Ҝәл өтән нәсилләрдән соруш,
Аталарынын ҝөрүб өјрәндији шејләрә нәзәр сал.+
9 Биз дүнән доғулмушуг, нә билирик ки?!
Бу дүнјада өмрүмүз бир көлҝәјә бәнзәјир.
10 Мәҝәр онлар сәни өјрәтмәзләр?
Билдикләрини сәнә данышмазлар?
11 Һеч батаглыг олмајан јердә гамыш* бој атар?
Су олмајан јердә гарғы бој атар?
12 О, тумурҹуғу үстүндә, кәсилмәмиш,
Башга отлардан әввәл гурујар.
13 Бах, Аллаһы јаддан чыхаранларын агибәти беләдир.
Аллаһсыз адамын үмиди итәҹәк,
14 Онун ҝүвәнҹи пучдур,
О, зәиф һөрүмчәк торуна бел бағлајыб.
15 О, евинә сөјкәнәр, ев учар,
Ондан тутар, о дағылар.
16 О, ҝүн алтында ширәли биткидир,
Бағында гол-будаг атыр.+
17 Көкләри даш галағына сармашыр,
Дашлар арасында јува ахтарыр.
18 Амма јериндән гопарылса,
Јери ону даныб: “Сәни танымырам”, — дејәр.+
19 О, беләҹә итиб ҝедәр+
Вә торпагдан башгалары битәр.
20 Аллаһ камил* адамы әсла рәдд етмәз,
Гәтијјән шәр адама дәстәк олмаз.
21 О, јенә сәнин додагларына ҝүлүш бәхш едәҹәк,
Дилиндән шаграг сәдалары әскик етмәјәҹәк.
22 Сәнә нифрәт едәнләр рүсвајчылыға бүрүнәҹәк,
Пис адамларын чадыры јыхылаҹаг».
9 Әјјуб белә ҹаваб верди:
2 «Мән билирәм бу, беләдир,
Фани инсан Аллаһла чәкишмәдә неҹә һаглы чыхар?+
4 Онун үрәјиндә һикмәт, голунда гүввәт вар,+
Ким Она инад ҝөстәриб сағ гала биләр?+
5 О, һеч кимин хәбәри олмадан дағлары силкәләјир,
Гәзәби илә онлары алт-үст едир.
6 Дүнјаны јериндән ојнадыр,
Сүтунларыны сарсыдыр.+
7 Ҝүнәшә әмр едир ки, ишыг сачмасын,
Улдузларын ишығыны өртүб мөһүрләјир.+
8 О Өзү ҝөјләри јајыр,+
Һүндүр далғаларын үзәри илә ҝедир.+
9 Ајиш, Кәсил, Кимаһ бүрҹләрини*,+
Ҹәнуб сәмасынын бүрҹләрини јарадан Одур.
10 О, мөһтәшәм, дәркедилмәз ишләр ҝөрүр,+
Сајсыз-һесабсыз харигәләр јарадыр.+
11 Јанымдан кечир, Ону ҝөрмүрәм,
Кечиб-ҝедир, Ону сечә билмирәм.
12 О ҝөтүрүб апаранда ким Она мане ола биләр?
Ким Она “нә едирсән?” дејә биләр?+
14 Беләдирсә, мән Она ҹаваб верәндә
Ҝәрәк һәр сөзүмү ҝөтүр-гој едим!
15 Лап һаглы олсајдым да, Она ҹаваб верә билмәздим.+
Һакимимдән* јалныз лүтф диләјәрдим.
16 Ону чағырсам, мәнә һај верәрми?
18 Нәфәс алмаға аман вермир,
Мәни зәггумла дојурур.
19 Сөһбәт ҝүҹдән ҝедирсә, Одур ҝүҹлү!+
Әдаләтдән ҝедирсә, О дејир: “Ким Мәндән һесабат тәләб едә биләр?”
20 Лап һаглы олсам да, дилим мәни иттиһам едәр,
Тәгсирим олмаса да, О, мәни тәгсиркар чыхарар.
21 Тәгсирсиз олсам да, өзүмдән архајын дејиләм,
Даһа јашамаг истәмирәм.
22 Нә фәрги. Буна ҝөрә дејирәм:
“О, тәгсирсизи дә мәһв едир, шәр адамы да”.
23 Әҝәр дашгын гәфил өлүм ҝәтирәрсә,
О, мәсумун бичарәлијинә ҝүләр.
24 Дүнја шәрин ихтијарына верилиб.+
Аллаһдыр һакимләрин ҝөзүнү бағлајан.
О дејилсә, бәс кимдир?
25 Ҝүнләрим чапардан да сүрәтлидир,+
Онлар өтүб-ҝедир, мән исә бир ҝүн ҝөрмәмишәм.
26 Гамыш гајыг кими үзүб-ҝедирләр,
Ов үстүнә шығыјан гартал кимидирләр.
27 “Дәрдими унудаҹағам,
Үзүм ҝүләҹәк, ејним ачылаҹаг” десәм дә,
28 Јенә ағрыларыма ҝөрә горхурам.+
Билирәм мәни тәгсирсиз сајмазсан.
29 Онсуз да тәгсирли чыхаҹағам.
Нијә бош-бошуна әлләширәм?+
30 Гар сују илә јујунсајдым,
Әлләрими ҝилабы* илә јусајдым,+
31 Онда мәни чалаја салардын,
Палтарларым да мәндән ијрәнәрди.
32 О, мәним кими инсан дејил ки, Она ҹаваб верим,
Мәһкәмәдә үз-үзә ҝәләк.+
33 Бир кәс јохдур ки, бизи мүһакимә етсин,
Бизә һаким олсун.
34 О, дәјәнәјини үстүмдән ҝөтүрсә,
Зәһми мәни горхутмаса,+
35 Чәкинмәдән Онунла данышарам.
Онунла данышмагдан горхмурам.
Дәрдими ачыб-төкәҹәјәм,
Јана-јана данышаҹағам.
2 Аллаһа дејәҹәјәм: “Мәни тәгсиркар чыхарма.
Ахы нијә мәнимлә чәкиширсән, де билим.
3 Мәҝәр зүлм етмәјин,
Өз зәһмәтинин бәһрәсинә+ хор бахмағын,
Писләрин мәсләһәтини бәјәнмәјин Сәнә хејри вар?
4 Мәҝәр Сәнин ҝөзүн инсан ҝөзүдүр?
Ја Сән фани инсан кими бахырсан?
5 Ҝүнләрин фани инсанын ҝүнләри,
Илләрин бәшәрин илләридир ки,+
6 Мәндә сәһв ахтарырсан?
Мәндә ҝүнаһ арајырсан?+
8 Сәнин әлләрин јаратды мәни, вүҹудума гурулуш верди,+
Инди дә мәни мәһв едирсән.
10 Мәҝәр мәни сүд кими төкүб,
Пендир кими бәркитмәдин?
11 Әти вә дәрини әјнимә ҝејиндирдин,
Мәни сүмүкләрлә, вәтәрләрлә тохудун.+
13 Амма үрәјиндә ҝизли нијјәт вар иди.
Билирәм, бунлар Сәндәндир.
14 Ҝүнаһ етмишдимсә, ҝөрәрдин,+
Тәгсиримдән кечмәздин.
15 Ҝүнаһкарамса, вај һалыма!
16 Башымы дикәлдәндә мәни аслан кими овлајырсан,+
Јенә дә мәнә гаршы ҝүҹүнү ҝөстәрирсән.
17 Әлејһимә јени шаһидләр чыхарырсан,
Мәнә гаршы гәзәбини артырырсан.
Әзабымын үстүнә әзаб ҝәлир.
18 Ахы нә үчүн мәни ана бәтниндән чыхартдын?+
Каш өләјдим, һеч ким мәни ҝөрмәзди,
19 Каш дүнјаја ҝәлмәз олајдым,
Бәтндән бирбаша гәбрә көчүрүләјдим”.
20 Мәҝәр өмрүмә чох галыб?+ Гој мәни раһат бурахсын,
Гој ҝөзләрини үстүмдән чәксин, бир азҹа үзүм ҝүлсүн+
21 Көчүб ҝетмәздән әввәл ҝедәр-ҝәлмәзә,+
Гаты гаранлыг дијарына,+
22 Зил гаранлыг,
Гаты зүлмәт, гармагарышыглыг дијарына.
Орада ишыг да гаранлыгдыр».
11 Нәһмати Сөфәр+ сөзә башлады:
2 «Бу гәдәр сөз неҹә ҹавабсыз галсын?
Мәҝәр чох данышмаг адама һагг газандырар?
3 Бош-бош сөһбәтләрин кимисә сусдура биләр?
Ришхәндинә ҝөрә кимсә сәни мәзәммәт етмәмәлидир?+
5 Бирҹә Аллаһ данышыб
Ағзыны сәнә гаршы ачајды!+
6 Онда сәни һикмәтин сирләриндән аҝаһ едәрди,
Ахы һикмәт чохшахәлидир.
Биләрдин ки, Аллаһ сәнин бәзи ҝүнаһларынын үстүндән кечиб.
7 Сән Аллаһын дәрин һикмәтини гавраја биләрсән?
Гүдрәт Саһиби барәдә һәр шеји билә биләрсән?
8 Бунлар ҝөјләрдән уҹадыр, сән нә едә биләрсән?
Мәзардан* дәриндир, сән нә билирсән?
9 Дүнјадан узун,
Дәниздән ҝенишдир.
10 Әҝәр О ҝәлиб кимисә ҝөтүрсә, мәһкәмә гурса,
Ким Она мүгавимәт ҝөстәрә биләр?
11 Инсан кәләкбазлыг едәндә О, бундан аҝаһ олур.
Мәҝәр О, пислији ҝөрәндә диггәт јетирмәз?
12 Чөл ешшәјиндән инсан доғуланда
Ағылсыз адам да баша дүшәр.
13 Бирҹә сән үрәјини дүзәлдәјдин*,
Әлләрини Она ачајдын.
14 Әлиндә пислик варса, кәнара гој,
Гојма һагсызлыг чадырында мәскән салсын.
15 Онда үзүн ағ олар, башыны дик тутарсан,
Сарсылмазсан, горхмазсан.
16 Дәрд-сәри унударсан,
Ону ахыб ҝетмиш су кими хатырларсан.
17 Өмрүн ҝүндүздән дә ајдын олар,
Гаранлыг чағлар сүбһ шәфәгинә дөнәр.
18 Архајын оларсан, чүнки үмид вар,
Әтрафа ҝөз ҝәздириб, динҹ јатарсан.
19 Раһатҹа узанарсан, сәни горхудан олмаз,
Рәғбәтини газанмаг истәјән чох олар.
12 Әјјуб белә ҹаваб верди:
2 «Һә, башбилән сизсиниз,
Һикмәт дә елә сизинлә өләҹәк!
3 Мәним дә ағлым вар,
Сиздән әскик дејиләм.
Бунлары ким билмир ки?
Салеһ вә ејибсиз адам ҝүлүш һәдәфидир.
5 Дәрдсиз адам бәла барәдә дүшүнмүр,
Онун фикринҹә, һәлак сәбатсызлар үчүндүр.
6 Сојғунчунун чадырында динҹлик вар,+
Аллаһы гәзәбләндирәнләр,
Илаһларыны әлләриндә тутанлар раһат јашајыр.+
7 Ҝәл һејванлардан соруш, сәнә өјрәдәр,
Ҝөјдәки гушлардан соруш, онлар сәнә данышар.
8 Јерә диггәт вер*, о, сәнә ашылајар,
Дәниздәки балыглар сәнә анладар.
9 Бунлардан һансы бири билмир ки,
Буну Јеһованын әли едиб?
11 Дил јемәјин дадыны билдији кими,
Сөзүн дә хиридары гулаг дејилми?+
12 Мәҝәр һикмәт аһылларда дејил?+
Дәрракә узун өмүрлә ҝәлмир?
14 Онун јыхдығы бир даһа тикилмәз,+
О бағладыса, һеч кәс ача билмәз.
16 Гүдрәт дә, һикмәт дә Ондадыр,+
Алданан да, алдадан да Онундур.
17 О, мәсләһәтчиләри ајагјалын гојур,
Һакимләрин ағлыны алыр,+
18 Падшаһларын вурдуғу бухову бошалдыр,+
Белләринә кәмәр бағлајыр,
19 Каһинләри ајагјалын гојур,+
Сарсылмаз гүдрәт саһибләрини девирир.+
20 Етибарлы мәсләһәтчиләри сусдурур,
Ағсаггалларын ағлыны алыр.
21 Әсилзадәләрин үстүнә нифрәт јағдырыр,+
Ҝүҹлүләри зәиф едир.
22 Гаты гаранлығы ишыгландырыр,+
Зүлмәтдәки дәрин шејләри үзә чыхарыр.
23 Халгларын гүдрәтини артырыр ки, сонра мәһв етсин,
Үммәтләри бөјүдүр ки, сонра сүрҝүнә ҝөндәрсин.
24 Халгын башчыларынын зеһнини кор едир,
Онлары јолсуз-ризсиз харабазарда сәрҝәрдан едир.+
13 Бәли, бүтүн бунлары ҝөзүм ҝөрүб,
Гулағым ешидиб, дәрк едиб.
2 Сизин билдијинизи мән дә билирәм,
Һеч дә сиздән ҝери галмырам.
3 Амма мән Гүдрәт Саһиби илә данышмаг истәрдим,
Аллаһын өнүндә һаггымы мүдафиә едәрдим.+
4 Сиз исә мәнә гара јахырсыныз,
Һамыныз јарарсыз тәбибләрсиниз.+
5 Каш сусајдыныз,
Онда ағыллы иш ҝөрмүш олардыныз.+
6 Бирҹә мәним етиразларыма гулаг асын,
Дилимдән гопан јалварышлары динләјин.
7 Аллаһы мүдафиә етмәкдән өтрү һагсыз данышаҹагсыныз?
Ондан өтрү јалан сөјләјәҹәксиниз?
8 Она тәрәфкешлик едәҹәксиниз?
Аллаһын мүдафиәсинә галхаҹагсыныз?
9 Әҝәр О, сизи јохласа, орталыға нә чыхар?+
Јохса фани инсантәк Ону да алдадарсыныз?
10 Әҝәр алтдан-алтдан тәрәфҝирлик етсәниз,
О, сизи мүтләг тәнбеһ едәр.+
11 Мәҝәр Онун әзәмәти сизи горхутмаз?
Јахуд вәһми сизи бүрүмәз?
12 Сизин даһи дејимләриниз күлдүр,
Мүдафиәниз ҝил сипәр кими көврәкдир.
13 Сусун, гојун данышым,
Гој башыма нә ҝәлирсә, ҝәлсин!
14 Нәдән өтрү һәјатымы тәһлүкәјә атырам?
Нә үчүн өзүмү ода, алова атырам?
15 Лап мәни өлдүрсә дә, Ону ҝөзләјәҹәјәм,+
Онун өнүндә һаггымы мүдафиә едәҹәјәм.
17 Сөзүмү јахшы-јахшы динләјин,
Дедикләримә диггәт един.
18 Будур, мәһкәмәјә һазырам.
Билирәм ки, һаглыјам.
19 Ким мәнимлә чәкишәҹәк?
Инди суссам, өләрәм*.
20 Еј Аллаһ, мәним үчүн ики шеји ет,
Онда Сәндән ҝизләнмәрәм.
21 Ағыр әлини үзәримдән ҝөтүр,
Бир дә ки, гој вәһмин мәни басмасын.+
22 Ја Сән чағыр, мән ҹаваб верим,
Ја да изин вер мән данышым, Сән ҹаваб вер.
23 Нәдир тәгсирим, нәдир ҝүнаһым?
Асилијими, ҝүнаһымы ҝөстәр мәнә.
25 Күләјин совурдуғу јарпағы горхудаҹагсан?
Гуру саман чөпүнү говаҹагсан?
26 Әлејһимә ағыр иттиһамлар јазырсан,
Ҹаванлыг сәһвләримин ҹәзасыны чәкдирирсән.
27 Үстәлик, ајагларыма бухов вурурсан,
Бүтүн јолларымы арашдырырсан,
Ајаг гојдуғум јери ишарәләјирсән.
28 Бәли, адам* чүрүјүб-ҝедир,
Санки, ҝүвә јемиш палтардыр.
3 Сән ону мүшаһидә едирсән,
Ону чәкиб мәһкәмәјә ҝәтирирсән.+
4 Ким напакдан пак доғула биләр?+
Һеч ким!
5 Өмрү мүәјјән едилмишсә,
Демәли, ајларынын сајы Сәнин әлиндәдир.
Сән она һәдд гојмусан, ону кечә билмәз.+
6 Нәзәрини онун үстүндән ҝөтүр,
Һәлә ки муздуртәк ҝүнүнү баша вурмајыб, гој динҹәлсин.+
7 Һәтта ағаҹ үчүн үмид вар,
Кәсилсә, јенә ҹүҹәрәр,
Пөһрәләри ҹүҹәриб бој атар.
8 Көкү јердә гоҹалса да,
Көтүјү торпагда өлсә дә,
9 Сујун ијини дујан кими зоғ атар,
Ҹаван битки кими гол-будаг атар.
10 Инсан исә өлүр, аҹиз һалда јердә галыр,
Сон нәфәсини верир. Һаны о?+
11 Дәниздән сулар јох олур,
Чајларын сују азалыб гурујур.
12 Инсан да узаныр, бир дә галхмыр.+
Ҝөјләр јох оланадәк ојанмајаҹаг,
Кимсә ону јухудан ојатмајаҹаг.+
13 Каш мәни Мәзарда* ҝизләдәјдин,+
Гәзәбин сојујана гәдәр ҝизлиндә сахлајајдын,
Вахт тәјин едәјдин, сонра мәни јада салајдын.+
14 Инсан өлсә, бир дә јашармы?+
15 Сән чағыраҹагсан, мән һај верәҹәјәм,+
Әлләринин ишинин һәсрәтини чәкәҹәксән.
16 Амма инди һәр аддымымы сајырсан,
Анҹаг ҝүнаһымы ҝөрүрсән.
17 Тәгсирләрим бир торбада мөһүрләниб,
Сән сәһвләрими горујуб сахлајырсан.
18 Дағлар учуб дағылдығы кими,
Гајалар јериндән гопдуғу кими,
19 Сулар дашлары овдуғу кими,
Селләр торпағы јујуб апардығы кими,
Сән дә фани инсанын үмидини мәһв етдин.
20 Сән она үстүн ҝәлирсән, о јох олур,+
Ҝөркәмини дәјиширсән вә јола салырсан.
21 Оғуллары һөрмәт-иззәт газаныр, онун хәбәри јох,
Һөрмәтдән дүшүр, бунун фәргинә вармыр.+
22 Јалныз сағ икән ағры дујур,
Јалныз дири икән јас тутур».
15 Тәһмани Әлифәз+ белә ҹаваб верди:
2 «Һеч һикмәтли адам бош-бош дәлилләр ҝәтирәр,
Үрәјини јанлыш фикирләрлә долдурар?
3 Сөзлә тәнбеһ етмәк фајдасыздыр,
Данышмагла кар ашмаз.
4 Сән Аллаһ горхусуну гүввәдән салырсан,
Аллаһа сајғыны ҹылызлашдырырсан.
5 Ағзыны өјрәдән тәгсирләриндир,
Дилиндән һијләҝәрлик төкүлүр.
6 Сәни мәһкум едән мән дејиләм, өз дилиндир,
Өз додагларын әлејһинә данышыр.+
7 Олмаја, илк доғулан адам сәнсән?
Бәлкә, сән тәпәләрдән өнҹә доғулмусан?
8 Һеч Аллаһын сирләринә гулаг асырсан?
Бәлкә, һикмәт тәкҹә сәндәдир?
9 Сән нәји билирсән ки, биз билмирик?+
Нәји анлајырсан ки, биз анламырыг?
10 Арамызда ағсачлы да вар, аһыл да вар,+
Атандан јашлыдырлар.
11 Мәҝәр Аллаһын тәсәллиси,
Јумшаг дејилән сөзләр сәнә бәс еләмир?
12 Нијә үрәјин белә гүррәләнир?
Нијә ҝөзләриндән алов пүскүрүр?
13 Сән Аллаһын Өзүнә аҹыгланмысан,
Ағзындан бу ҹүр сөзләр чыхарырсан.
17 Гулаг ас, сәнә сөјләјим,
19 О аталар ки мәмләкәт јалныз онлара верилмишди,
Һеч бир јаделли араларына ҝирмәмишди.
20 Шәр адам, залым өмрү боју,
Она ајрылан илләр боју ишҝәнҹә чәкир.
21 Гулағында дәһшәт уғултусу сәсләнир,+
Динҹ дөврдә үстүнә сојғунчу ҝәлир.
22 Зүлмәтдән чыхаҹағына инанмыр,+
Ону гылынҹ ҝөзләјир.
23 Ора-бура вурнухуб чөрәк ахтарыр, дејир “һарададыр?”
Билир ки, зүлмәт ҝүнү башынын үстүнү кәсдириб.
24 Дәрд-губар ону горхудур,
Һүҹума һазыр дуран падшаһ кими ону мәғлуб едир.
25 О, әлини Аллаһа гаршы узадыб,
Гүдрәт Саһибини сајмыр*,
26 Галын, мөһкәм галханыны ҝөтүрүб,
Дикбашлыгла Онун үстүнә ҹумур,
27 Өзүнү ловға апарыр,
Гарны пиј бағлајыб.
28 О, јерлә јексан олаҹаг шәһәрләрдә,
Кимсәсиз галаҹаг евләрдә јашајыр.
Онлар даш галағына дөнәҹәк.
29 О варланмајаҹаг, вар-дөвләти артмајаҹаг,
Мал-мүлкү мәмләкәтә јајылмајаҹаг.
31 Гој о, бош шејләрә бел бағлајыб алданмасын,
Нәсиби јалныз пучлуг олаҹаг,
32 Ҝүнү ҝәлмәмиш бу баш верәҹәк.
Будаглары чичәк ачмајаҹаг,+
33 Мејнә кими гораларыны,
Зејтун ағаҹы кими чичәкләрини төкәҹәк.
34 Аллаһсызлар иҹмасында һәјат јохдур,+
Рүшвәтхорлуг чадырыны алов күл едәр.
35 Онлар бәлаја һамилә галыб шәр доғурлар,
Бәтнләринин бары мәкрдир».
16 Әјјуб белә ҹаваб верди:
2 «Бу ҹүр сөзләри чох ешитмишәм,
Сиз тәсәлли әвәзинә әзаб верирсиниз!+
3 Бу бош-бош сөзләрин сону олаҹаг?
Нә үчүн белә ҹаваб верирсиниз?
4 Мән дә сизин кими даныша биләрдим.
6 Данышсам да, ағрым кәсмир,+
Суссам да, нә тәфавүтү вар?
7 Инди О, мәни үзүр,+
Күл-күлфәтими гырыб-төкүб.
8 Будур шәһадәт — Сән әл атыб мәни тутдун,
Белә ки, бу ҹылыз бәдәним галхыб үзүмә дурду.
9 Аллаһын гәзәби мәни дидир, О, мәнә әдавәт бәсләјир,+
Мәнә дишләрини гыҹајыр.
Дүшмәнимин бахышлары мәни дәлиб-кечир.+
10 Онлар үстүмә ағызларыны ачыблар,+
Тәһгир едиб үзүмә шиллә вурурлар,
Дәстә-дәстә әлејһимә топлашырлар.+
11 Аллаһ мәни ҹаһыл-ҹуһула тәслим едир,
Пис адамларын әлинә атыр.+
14 Бәдәними дәлик-дешик едир,
Ҹәнҝавәр кими үстүмә јүјүрүр.
16 Ағламагдан јанагларым гызарыб,+
Ҝөз гапагларыма өлүм көлҝәси чөкүб.
17 Һәрчәнд әлимдә зоракылыг јохдур,
Дуам да пакдыр.
18 Еј торпаг, ганымын үстүнү өртмә!+
Гој фәрјадым динмәсин!
19 Будур, шаһидим ҝөјләрдәдир,
Мәндән өтрү шәһадәт верән уҹалардадыр.
21 Гој инсанла Аллаһ арасында кимсә һөкм чыхарсын,
Ики нәфәр арасында олдуғу кими.+
17 Ҝүҹүм түкәниб, ҝүнләрим сөнүб ҝедир,
Мәни гәбир ҝөзләјир.+
2 Ришхәндчиләр мәни дөврәјә алыб,+
Онларын дүшмәнчилији ҝөзүмүн габағындадыр.
3 Ҝиров верирәм, ҝөтүр, гој Сәндә галсын,
Сәндән башга ким әлими сыхыб мәнә замин дурар?+
4 Онларын үрәјини дәрракәнин үзүнә бағладын,+
Буна ҝөрә дә онлары јүксәлтмирсән.
5 Ушагларынын ҝөзләринин нуру сөнүр,
О исә достларыны пај ҝөтүрмәјә чағырыр.
7 Дәрддән ҝөзүм тор салыб,+
Бәдәним көлҝәдән фәргләнмир.
8 Дүрүст адамлар буна мат галыр.
Аллаһсызлар мәсумлары дилхор едир.
10 Амма, бујурун, иттиһамларынызын давамыны ҝәтирин,
Анҹаг аранызда һикмәтли адам ҝөрмүрәм.+
12 Онлар: “Һәр ҝеҹәнин бир ҝүндүзү вар”, — дејәрәк
Ҝеҹәни ҝүндүзә чевирирләр.
Торпаг гурдуна: “Анам-баҹым сәнсән”, — дејәрәм.
15 Һаны үмидим?+
Ким ону ҝөрүр?
18 Шуһи Билдад+ белә ҹаваб верди:
2 «Бу сөзләриниз нә вахт гуртараҹаг?
Бир аз дәрракәниз олса, биз дә данышардыг.
4 Истәјирсән, һирсиндән өзүнү дидиб-парчала.
Мәҝәр сәнә ҝөрә дүнја унудулаҹаг,
Јохса гајалар јериндән гопаҹаг?
5 Бәли, шәр адамын ишығы сөнәҹәк,
Оҹағы алов сачмајаҹаг.+
6 Чадырында ишыг гаранлыға дөнәҹәк,
Чырағы сөнәҹәк.
7 Онун шух, ири аддымлары гысалыб.
Фәндләри онун өзүнү јыхаҹаг,+
8 Ајаглары ону торун үстүнә апараҹаг,
О, дүз торун ичинә дүшәҹәк.
9 Тәлә ону топуғундан гапаҹаг,
Ҹәлә ону тутаҹаг.+
10 Онун үчүн торпагда кәндир ҝизләдилиб,
Јолу үстүндә тәлә гојулуб.
11 Һәр јанда дәһшәт ону сәксәндирир,+
Аддымбааддым изләјир.
12 Тагәти кәсилир.
Бәла+ ону ахсадаҹаг.
13 Дәриси чүрүјүр,
Өлүмҹүл хәстәлик гол-гычыны удур,
15 Онун чадырында јадлар јашајаҹаг,
Јурдуна күкүрд төкүләҹәк.+
16 Алтында көкләри гурујаҹаг,
Үстүндә будаглары.
17 Јер үзүндә хатирәси галмајаҹаг,
Күчәдә, мәһәлләдә ады чәкилмәјәҹәк.
18 Ајдынлыгдан гаранлыға атылаҹаг,
Торпагдан говулаҹаг.
19 Елиндә нә өвлады, нә дә нәвә-нәтиҹәси галаҹаг,
Обасында бир кимсәси галмајаҹаг.
20 Онун фәлакәт ҝүнүндә гәрб сакинләри һејрәтләнәҹәк,
Шәрг сакинләрини дәһшәт бүрүјәҹәк.
21 Бәдәмәл адамын чадыры бах, бу көкә дүшүр,
Аллаһы танымајанын јурду бу ҝүнә галыр».
19 Әјјуб белә ҹаваб верди:
4 Туталым, мән сәһв етмишәм,
Бабалы өз бојнума.
5 Инди ки өзүнүзү үстүн тутурсунуз,
Алдығым тәнбеһә лајиг олдуғуму дејирсиниз,
6 Билин ки, мәни Аллаһ чашгынлыға салыб,
О, торуну үстүмә атыб, мәни овлајыб.
8 О, јолума сәдд чәкиб, аша билмирәм,
Јолларымы зүлмәтә бүрүјүб.+
9 О, шәрәфими әлимдән алыб,
Таҹы башымдан ҝөтүрүб.
10 О, мәни һәр тәрәфдән јыхыр ки, мәһв олум,
Үмидими ағаҹтәк көкүндән гопарыр.
11 Мәнә гаршы гәзәби алышыр,
Мәни өзүнә дүшмән саныр.+
12 Ордулары бирләшиб мәни мүһасирәјә алыр,
Чадырымын әтрафында дүшәрҝә салыр.
13 О, гардашларымы мәндән узаглашдырыб.
Таныш-билиш мәндән үз дөндәриб.+
15 Евимдәки гонаглар+ да, гарабашларым да мәни јад саныр,
Онларын ҝөзүндә јаделли олмушам.
16 Нөкәрими чағырырам, һај вермир,
Дил ачыб јалварырам ки, мәнә үрәји јансын.
17 Арвадым нәфәсимдән ијрәнир,+
Гардашларым үчүн үфунәт олмушам.
18 Ушаглар да мәнә хор бахыр,
Елә ки ајаға галхырам, мәни әлә салырлар.
21 Инсафыныз олсун, ај достларым, мәнә рәһм един,
Ахы мәнә Аллаһын әли дәјиб.+
23 Каш сөзләрим гәләмә алынајды,
Каш онлар китаба јазылајды!
24 Дәмир гәләмлә, гурғушунла
Гајаја һәкк олунуб әбәди галајды!
25 Мән билирәм ки, хиласкарым+ јашајыр,
О, сонра ҝәләҹәк, ҝәлиб јерин үзәринә галхаҹаг.
26 Дәрим беләҹә јох оландан сонра,
Һәлә сағ икән Аллаһы ҝөрәҹәјәм,
27 Ону ҝөрәҹәјәм,
Ону мәним ҝөзләрим ҝөрәҹәк, башгасынын јох!+
Руһум тәлатүм ичиндәдир.
28 Чүнки сиз: “Биз она зүлм едирик?” — дејирсиниз,+
Санки, бу зилләтә баис өзүмәм.
20 Нәһмати Сөфәр+ белә ҹаваб верди:
2 «Бунлар мәни тәшвишә салыб,
Дүшүнҹәләрим мәни раһат гојмур, данышмаға вадар едир.
3 Ешитдијим гынаг шәнимә тохунур,
Ағлым мәҹбур едир ки, ҹаваб верим.
6 Әзәмәти ҝөјләрә уҹалса да,
Башы булудлара дәјсә дә,
7 Өз нәҹиси кими әбәдилик јох олаҹаг,
Ону ҝөрәнләр: “О, һарададыр?” — дејә сорушаҹаглар.
8 Хәјал кими учуб-ҝедәҹәк, тапылмајаҹаг,
Ҝеҹә рөјасы кими говулаҹаг.
9 Нә ону ҝөрмүш ҝөз,
Нә дә мәканы ону бир даһа ҝөрмәјәҹәк.+
10 Өвладлары касыб-кусубдан лүтф диләјәҹәк,
Сәрвәтини өз әли илә ҝери верәҹәк.+
11 Бир вахтлар сүмүкләринә долмуш ҝәнҹлик гүввәси
Онунла бәрабәр торпаг алтында јатаҹаг.
12 Пислик ағзында шәрбәт дадса да,
Ону дилинин алтында ҝизләтсә дә,
13 Әзизләјиб бәсләсә дә,
Дамағында сахласа да,
14 Лоғмасы гарнында туршујаҹаг,
Ичиндә илан* зәһәринә дөнәҹәк.
15 Једији вар-дөвләти гусаҹаг,
Аллаһ гарнындан чыхараҹаг.
16 О, илан зәһәрини әмәҹәк,
Ҝүрзә ону чалыб өлдүрәҹәк.
17 Ҝөзләри бир даһа ҝур сулары,
Јағ, бал селләрини ҝөрмәјәҹәк.
18 Топладығы мал-мүлкү ҝери верәҹәк, јејә билмәјәҹәк,
Тиҹарәтдән газандығы вар-дөвләт она севинҹ ҝәтирмәјәҹәк.+
19 Чүнки касыб-кусубу әзиб-тапдалајыб,
Өзү тикмәдији еви әлә кечириб.
20 Гәлбиндә раһатлыг олмајаҹаг,
Вар-дөвләти ону гуртармајаҹаг.
21 Ашырыб јемәјә һеч нә галмајыб,
Она ҝөрә фираванлығы узун сүрмәјәҹәк.
22 Вар-дөвләти башындан ашанда раһатлығыны итирәҹәк,
Бәдбәхтлик вар гүввәсилә онун үстүнә ҝәләҹәк.
23 О, гарныны дојдуранда
Аллаһ шиддәтли гәзәбини онун үзәринә төкәҹәк,
Һиддәтини үзәринә јағдыраҹаг, ҝедиб бағырсагларына чатаҹаг.
24 О, дәмир силаһын габағындан гачанда
Мис камандан атылан охлар ону дәлиб-дешәҹәк.
26 Хәзинәси зүлмәтә нәсиб олаҹаг,
Һеч кимин јелләјиб алышдырмадығы од ону јандыраҹаг,
Чадырында сағ галанын вај һалына!
27 Ҝөјләр онун пахырыны ачаҹаг,
Јер она гаршы галхаҹаг.
28 Лејсан јағыш евини учуруб апараҹаг.
Бәли, Аллаһын гәзәб ҝүнүндә селләр ҹошаҹаг.
29 Будур шәр адамын Аллаһдан алдығы пај,
Будур Аллаһын она ајырдығы мирас».
21 Әјјуб белә ҹаваб верди:
2 «Мәнә јахшы-јахшы гулаг асын,
Онда мәнә тәсәлли вермиш оларсыныз.
3 Бир аз сәбир един, мән данышым,
Сонра лағ едәрсиниз.+
4 Мәҝәр мән шикајәтими инсана әрз едирәм?
Белә олсајды, һөвсәләм даралмазды?
5 Үзүмә бахын, мат галын,
Әлинизи ағзынызын үстүнә гојун.
6 Бу һагда дүшүнәндә өзүмә јер тапмырам,
Бүтүн бәдәним әсир.
8 Өвладлары даим ҝөзүнүн габағындадыр,
Нәвә-нәтиҹә ҝөрүр.
9 Евиндә әмин-аманлыг вар, горху-һүркүдән узагдыр,+
Аллаһ дәјәнәјилә ону вурмур.
10 Буғасы ҹүтләшир, тохуму һәдәр ҝетмир,
Инәји доғур, бала салмыр.
11 Оғуллары дәстә-дәстә чөлә гачыр,
Ушаглары атылыб-дүшүр.
12 Авазларыны гавалла, чәнҝлә гоша јүксәлдирләр,
Неј сәси алтында шадланырлар.+
13 Онлар фираван өмүр сүрүр,
Мәзара* да раһатҹа енирләр.
14 Амма Аллаһа дејирләр: “Биздән әл чәк!
Сәнин јолуну танымаг истәмирик.+
15 Гүдрәт Саһиби кимдир ки, Она гуллуг едәк?+
Ону танымагла нә газанаҹағыг?”+
16 Амма билирәм ки, онларын фираванлығы өз әлләриндә дејил.+
Шәр адамын дүшүнҹәси* мәндән узагдыр.+
17 Чох ҝөрмүсүнүз, писләрин чырағы сөнсүн?+
Бәлаја дүчар олсунлар?
Худавәнд гәзәбләниб онлары мәһв етсин?
18 Онлар нә вахтса күләјин говдуғу саман чөпү кими,
Гасырғанын совурдуғу чөр-чөп кими олублар?
19 Аллаһ адамын ҹәзасыны оғулларына сахлајаҹаг.
Амма гој Худавәнд онун өзүнә чәкдирсин ки, о, буну билсин.+
20 Гој о, мәһвини өз ҝөзләри илә ҝөрсүн,
Гүдрәт Саһибинин гәзәбини өзү ичсин.+
21 Чүнки өмрүнүн ајлары јарыда кәсилсә,+
Өлүб-ҝедәндән сонра она нә, өвладлары илә нә олаҹаг?
25 О бириси исә дәрд ичиндә,
Һәјатдан кам алмамыш өлүр.
28 Дејирсиниз: “Һаны әсилзадәнин еви?
Һаны шәр адамын чадыры, һаны онун мәскәни?”+
29 Јолчулардан сорагламадыныз?
Онларын мүшаһидәсини арашдырыб-өјрәнмәдиниз ки,
30 Фәлакәт ҝүнүндә шәр адама аман верилир,
Гәзәб ҝүнүндә о гуртулур?
31 Ким онун һәрәкәтини үзүнә вурар,
Әмәлләринин һејфини чыхар?
32 Бәли, о, гәбиристанлыға апарылаҹаг,
Гәбринин кешијиндә дураҹаглар.
34 Белә исә, бош тәсәллиниз нәјимә ҝәрәкдир?+
Сөзләриниз башдан-баша јаландыр!»
22 Тәһмани Әлифәз+ белә ҹаваб верди:
2 «Инсандан Аллаһа нә фајда?
Ағыллы адамын Она нә хејри?+
4 Һеч мөминлијинә ҝөрә Аллаһ сәнә ҹәза верәр?
Сәнинлә чәкишәр?
5 Мәҝәр бу, сәнин һәдсиз пислијинә ҝөрә дејил?
Битиб-түкәнмәјән тәгсирләринә ҝөрә дејил?+
6 Наһагдан гардашларындан ҝиров ҝөтүрүрсән,
Ҹамааты сојуб лүт гојурсан.+
7 Јорғун адамдан бир гуртум сују,
Аҹ адамдан бир тикә чөрәји әсирҝәјирсән.+
8 Торпаг ҝүҹлүнүн әлиндәдир,+
Орада севилиб-сечилмишләр јашајыр.
9 Сән исә дул гадынлары әлибош гајтардын,
Јетимләрин гол-ганадыны гырдын.
10 Буна ҝөрә әтрафына тәләләр дүзүлүб,+
Гәфил горху сәни сарсыдыр,
11 Буна ҝөрә зүлмәтдәсән, ҝөзүн ҝөрмүр,
Азғын сулар сәни гәрг едир.
12 Мәҝәр Аллаһ уҹа ҝөјләрдә дејил?
Улдузлара бах, ҝөр неҹә јүксәкдәдирләр.
13 Сән исә дејирсән: “Аллаһ нә билир?
Зүлмәтин архасындан О, неҹә мүһакимә едә биләр?
14 О, ҝөј гүббәси үзәриндә ҝәзишәндә
Булудлар Онун габағыны кәсир ки, ҝөрмәсин”.
15 Сән пис адамларын гојдуғу
Гәдим јолла ҝедәҹәксән?
16 Өлүм онлары вахтындан әввәл һаглајыб,
Бүнөврәләрини сел јујуб-апарыб.+
17 Аллаһа дејирдиләр: “Биздән әл чәк!
Гүдрәт Саһиби бизә нә едә биләр?”
18 Ҝәл ки онларын евини наз-немәтлә долдуран О олуб.
(Мәнсә белә пис фикирләрдән узағам.)
19 Салеһләр онларын мәһвини ҝөрүб севинәҹәк,
Мәсумлар онлара ҝүләҹәк:
20 “Дүшмәнләримиз гырылды,
Онлардан нә галдыса, јаныб күл олду”.
21 Ҝәл сән Аллаһы таны, онда раһатлыг тапарсан,
Хејир тапарсан.
22 Онун ағзындан чыхан гануну ешит,
Сөзләрини үрәјиндә+ сахла.
23 Гүдрәт Саһибинә тәрәф гајытсан, әввәлки фираванлығын гајыдар.+
Һагсызлығы чадырындан узаглашдырсан,
24 Гызыл күлчәләрини торпаға,
Офир гызылыны+ дашлы дәрәјә атсан,
25 Гүдрәт Саһиби сәнин гызылын,
Сәнин халис ҝүмүшүн олар.
26 Гүдрәт Саһиби сәнин севинҹин олар,
Башыны галдырыб Аллаһа бахарсан.
27 Она јалварарсан, сәни ешидәр,
Нәзирләрини јеринә јетирәрсән.
28 Нијјәтләрин баш тутар,
Јолуна нур әләнәр.
29 Лакин ловғалансан, рәзил оларсан.
Һәлим адамы исә О хилас едәр.
30 О, мәсуму гуртарар.
Әлин тәмиздирсә, сән дә мүтләг гуртуларсан».
23 Әјјуб белә ҹаваб верди:
2 «Бу ҝүн дә шикајәтим сәнҝимәјәҹәк.+
Аһ-вај етмәкдән тагәтим кәсилиб.
3 Каш Аллаһын јерини биләјдим,+
Онда бирбаша мәканына ҝедәрдим,+
4 Ишими һүзурунда әрз едәрдим,
Бүтүн дәлилләрими өнүнә дүзәрдим.
5 Онун вердији ҹавабы биләрдим,
Сөзләринин үзәриндә дүшүнәрдим.
6 Мәҝәр О, бөјүк гүдрәти илә мәнимлә чәкишәрди?
Әсла! О, мәни мүтләг динләјәрди.+
7 Орада әмәлисалеһ адам мәсәләсини Онунла һәлл едә биләр.
Мән дә һакимимдән һәмишәлик бәраәт алыб ҝедәрдим.
8 Амма шәргә ҝедирәм, орада јохдур,
Ҝери гајыдырам, Ону тапмырам.
9 О, солда чалышыр, амма Она баха билмирәм,
Саға дөнүр, јенә Ону ҝөрмүрәм.
10 О исә тутдуғум јолу јахшы билир.+
Онун сынағындан саф гызыл кими чыхарам.+
11 Мән Онун аддымларынын изијлә ҝетмишәм,
Онун јолуну тутмушам, азмамышам.+
12 Ағзындан чыхан әмрләри позмамышам,
Тәләб етдијиндән дә артығыны етмишәм.+
13 О гәт етдисә, ким Она әнҝәл ола биләр?+
Көнлү нә истәсә, ону да едәр.+
14 Мәнимлә бағлы нијјәтини ахырадәк јеринә јетирәҹәк.
Һәлә нә гәдәр белә ишләр ҝөрәҹәк!
15 Одур ки, Она ҝөрә раһатлығым итиб,
Ону дүшүнәндә мәни горху басыр.
16 Аллаһ ҹәсарәтими әлимдән алыб,
Гүдрәт Саһиби мәни горхуја салыб.
17 Анҹаг мәни нә гаранлыг,
Нә дә үзүмү өртән зүлмәт сусдура билиб.
24 Нијә Гүдрәт Саһиби һөкм вахтыны тәјин етмир?+
Нијә Ону таныјанлар Онун ҝүнүнү* ҝөрмүр?
2 Адамлар сәрһәд нишанларыны дәјишдирир,+
Гојун-гузулары оғурлајыб өз өрүшләринә апарыр.
3 Јетим-јесирин улағыны апарырлар,
Дул гадынын өкүзүнү ҝиров ҝөтүрүрләр.+
4 Касыб-кусубу итәләјиб јолдан салырлар.
Дүнјанын фағырлары ҝизләнмәјә мәҹбурдур.+
5 Касыблар чөл ешшәји+ кими јемәк ахтарыр,
Балалары үчүн чөл-бијабанда чөрәк ахтарыр.
6 Башгасынын тарласында мәһсул топламалы олурлар*,
Шәр адамын үзүмлүјүндә башаг јығырлар.
7 Ҝеҹә чылпаг јатырлар,+
Сојугда үстләрини өртмәјә һеч нәләри јохдур.
8 Дағларда јаған лејсандан исланырлар,
Далдаланаҹаг тапмајыб гајаја сығынырлар.
9 Шәр адамлар атасыз ушағы дөшдән ајырыр.+
Јохсулларын палтарыны ҝиров ҝөтүрүрләр.+
10 Онлары вадар едирләр ки, лүт, чылпаг,
Аҹ-јалаваҹ тахыл дәрзләри дашысынлар.
11 Ҝүнорта истидә бағ һасарлары арасында әлләширләр*,
Үзүмсыханда үзүм тапдалајыр, өзләри исә сусузлугдан јанырлар.+
12 Шәһәрдән өләнләрин зарылтысы ҝәлир,
Ағыр јараланмыш адамлар имдад диләјир,+
Аллаһ исә бүтүн бунлара мәһәл гојмур*.
Үзүнү өртүр.
16 Онлар гаранлыгда ев јарыр,
Ҝүндүз чөлә чыхмыр,
Ҝүн ишығындан гачыр.+
17 Сәһәр онлар үчүн зүлмәтә бәрабәрдир,
Ахы зүлмәтин дәһшәти онлара танышдыр.
18 Ди ҝәл, сел-су онлары сүрәтлә апарыр,
Торпаглары ләнәтләнәҹәк,+
Үзүм бағларына гајытмајаҹаглар.
20 Анасы ону унудаҹаг, торпаг гурду бәдәнини јејәҹәк,
Хатирәләрдән силинәҹәк.+
Һагсызлыг ағаҹтәк гырылыб-сынаҹаг.
21 Ҝүнаһкар адам сонсуз гадыны сојуб-талајыр,
Дул гадына һагсызлыг едир.
22 Аллаһ голузорлулары гүдрәти илә јыхаҹаг.
Јүксәлсәләр дә, онларын һәјатына зәманәт јохдур.
24 Гыса мүддәтә уҹалыр, сонраса јох олурлар.+
Ашағы салынырлар,+ һамы кими, онлары да јығырлар,
Сүнбүл кими кәсирләр.
25 Инди ким мәни јаланчы чыхара биләр?
Ким сөзүмү тәкзиб едә биләр?»
25 Шуһи Билдад+ белә ҹаваб верди:
2 «О, һөкмрандыр, О, зәһмлидир,
Одур ҝөјдә сүлһү бәргәрар едән.
3 Ким Онун гошунларыны саја биләр?
Нуру кимин үзәринә доғмаз?
4 Белә исә, фани инсан Аллаһын гаршысында һаглы чыха биләрми?+
5 Бах, һәтта ај парлаг дејил,
Онун ҝөзүндә улдузлар белә, пак дејил.
6 О ки галды торпаг гурду олан фани инсан,
Сохулҹандан фәргләнмәјән бәшәр оғлу!»
26 Әјјуб белә ҹаваб верди:
2 «Ҝүҹсүз адама әҹәб көмәк етдин!
Тагәтсиз голу әҹәб хилас етдин!+
3 Һикмәтсиз адама неҹә ҝөзәл мәсләһәт вердин!+
Ағыл-камалыны ортаја гојдун!
4 Бу сөзләри кимә дејирсән?
Кимдән тәб алыб бунлары дејирсән?
5 Өлүмүн дустаглары тир-тир титрәјир.
Онлар дәниздән, дәниздәки мәхлуглардан ашағыдадыр.
7 О, шимал сәмасыны бошлуғун үзәринә сәриб,+
Јери һечликдә асыб.
8 Сулары булудларына бүкүр ки,+
Булудлар ағырлыгдан јыртылмасын.
9 Булудлары тахтынын үзәринә јајараг+
Ону ҝөздән ҝизләдир.
10 Суларын сәтһиндә үфүг ҹызыр,+
Ишыгла гаранлыг арасында сәрһәд гојур.
11 Ҝөјүн сүтунлары силкәләнир,
Онун сәсиндән донуб галыр.
13 Нәфәсилә* ҝөјү ајдын едир,
Онун әли сүрүнән иланы әзир.
14 Бүтүн бунлар Онун ишләринин бир зәррәсидир,+
Онун һаггында ешитдијимиз зәиф бир пычылтыдыр!
Бәс онда мөһтәшәм ҝурултусуну ким анлаја биләр?»+
27 Әјјуб сөзүнә давам етди:
2 «Әдаләти мәнә чох ҝөрән,+ мәни инҹидән+
Гүдрәт Саһибинә, Аллаһа анд олсун!
3 Нә гәдәр ки нәфәсим ҝедиб-ҝәлир,
Бурнумда Аллаһын вердији руһ вар,+
4 Ағзымдан һеч бир һагсызлыг чыхмајаҹаг,
Дилим јалан данышмајаҹаг!
5 Әсла сизә һагг газандырмарам!
Мән сон нәфәсимәдәк садиг галаҹағам*!+
7 Гој дүшмәним пис адама,
Мәнә һүҹум едән ҝүнаһкара тај олсун.
8 Аллаһсыз адам мәһв оланда,+ Худавәнд ҹаныны аланда,
Үмиди нәјә галар?
9 Башына дәрд-бәла ҝәләндә
Аллаһ онун фәрјадыны ешидәҹәкми?+
10 Гүдрәт Саһиби онун севинҹи олаҹагмы?
О, Аллаһа ҝеҹә-ҝүндүз јалвараҹагмы?
11 Сизә Аллаһын гүдрәти һаггында билик верәҹәјәм*,
Гүдрәт Саһиби барәсиндә һеч нә ҝизләтмәјәҹәјәм.
12 Әҝәр һамыныз вәһјләр алмысынызса,
Онда нијә бош-бош данышырсыныз?
13 Пис адамын Аллаһдан алаҹағы пај,+
Зүлмкарын Гүдрәт Саһибиндән алаҹағы мирас будур.
14 Оғуллары чохалса да, гылынҹдан өләҹәк,+
Нәсли гарындолусу чөрәк јемәјәҹәк.
15 Ондан сонра сағ галанлар бәладан тәләф олаҹаг,
Дул галмыш арвадлары онлардан өтрү ағламајаҹаг.
16 Гум гәдәр ҝүмүш јығыб-топласа да,
Ҝил јығыны кими либасы үст-үстә јығса да,
17 Гој јығсын,
Онлары салеһ ҝејәҹәк,+
Ҝүмүшүнү мәсумлар бөлүшдүрәҹәк.
18 Тикдији ев мөһкәм дејил, санки, ҝүвә комасыдыр,
Ҝөзәтчи чардағы+ кимидир.
19 О, варлы-һаллы јатаҹаг, мәһсулу бичилмәјәҹәк,
Бир дә ҝөзүнү ачаҹаг ки, лүт-үрјан галыб.
20 Дәһшәт үстүнә сел кими ҝәләҹәк,
Ҝеҹә вахты туфан ону алыб апараҹаг.+
21 Шәрг күләји ону совураҹаг, о јох олаҹаг,
Ону јериндән сүпүрүб апараҹаг.+
28 Бәли, ҝүмүшүн мәдәни вар,
Гызылы сафлашдырмаг үчүн јер вар.+
2 Дәмир торпагдан чыхарылыр,
Мис гајалардан алыныр.+
3 Инсан гаранлығы мәғлуб едир,
Сонаҹан зүлмәтдә, гаранлыгда
Филиз ахтарыр.
4 Јурдлардан узагларда, инсан ајағы дәјмәмиш,
Хатырланмајан јерләрдә мәдән ачыр.
Бәзиләри кәндирдән салланыб ашағы енир.
5 Јерин үстүндә азугә јетишир,
Алты исә, санки, аловдан тәлатүмә ҝәлир*.
6 Орада дашларда ҝөј јагут,
Торпагда гызыл вар.
7 Оранын јолуну јыртыҹы гушлар билмәз,
Гара чалағанын ҝөзү ҝөрмәз,
8 Мәғрур һејванлар ораны тапдаламајыб,
Ораја ҝәнҹ асланын ајағы дәјмәјиб.
9 Инсан әли чахмагдашыны чапыр,
Дағлары јериндән ојнадыр.
10 Гајалыгда су архлары+ ачыр,
Ҝөзү һәр ҹүр гијмәтли дашы сезир.
11 Чајларын мәнбәјинә бәнд гојур,
Ҝизлини ашкара чыхарыр.
14 Дәрин сулар дејир: “Мәндә јохдур!”
Дәниз дә дејир: “Мәндә јохдур!”+
15 О, саф гызылла алынмаз,
Онун дәјәриндә ҝүмүш чәкилә билмәз,+
16 Офир гызылына,+
Дамарлы әгигә, ҝөј јагута сатылмаз.
17 Гызыл вә шүшә она тај ола билмәз,
Халис гызыл габа дәјишилмәз.+
18 Јанында мәрҹанын, дағ бүллурунун ады белә, чәкилмәз,+
Чүнки һикмәт мирваридән дә гијмәтлидир.
19 Куш топазы+ она тај ола билмәз,
Ону ән саф гызыла ала билмәзсән.
20 Бәс һикмәт һарадан ҝәлир?
Дәрракәнин мәнбәји һарадыр?+
21 О, бүтүн ҹанлыларын ҝөзүндән ҝизлидир,+
Ҝөјдә учан гушлардан да ҝизләдилиб.
22 Һәлак вә өлүм дејир:
“Гулағымыз анҹаг сорағыны ешидиб”.
23 Онун мәскәнини јалныз Аллаһ билир,
О билир ону неҹә тапмаг олар.+
24 Чүнки О, дүнјанын уҹгарларынадәк бахыр,
Сәма алтында һәр шеји ҝөрүр.+
25 О, күләјә+ ҝүҹ верәндә,
Сулары өлчәндә,+
26 Јағыша ганун гојанда,+
Гара булуда, шимшәјә јол ҹызанда,+
27 Һикмәти ҝөрдү, ону изаһ етди,
Ону һазырлады, ону сынады.
28 Инсана деди:
29 Әјјуб сөзүнә давам етди:
2 «Каш өтән чағларыма гајыда биләјдим,
Аллаһын мәни һифз етдији ҝүнләрә.
3 О вахтлар чырағы башымын үстүндә ишыг сачарды,
Онун нуру илә гаранлығы јарыб-кечәрдим.+
4 Һәјатымын ҹошгун чағларыны јашајырдым,
Чадырымда Аллаһын достлуғуну дујурдум,+
5 Гүдрәт Саһиби һәлә мәнимлә иди,
Балаларым* әтрафымда иди.
6 О вахтлар ајагларым гајмаг ичиндә иди,
Гајалардан мәнә јағ сүзүлүрдү.+
7 Шәһәр дарвазасына чыхардым,+
Мејданда әјләшәрдим.+
8 Ҹаванлар мәни ҝөрәндә јол верәрди,
Һәтта јашлылар ајаға дуруб дајанарды,+
9 Башчылар сусуб данышмазды,
Әлләри илә ағзыны јумарды.
10 Бәјләр дилини ударды,
Сәсләри чыхмазды.
11 Сөһбәтими ешидәнләр барәмдә хош сөзләр дејәрди,
Мәни ҝөрәнләр хејримә данышарды.
14 Мән салеһлији ҝејинирдим,
Әдаләтим мәнә әба кими, чалма кими иди.
15 Корлара ҝөз,
Топаллара ајаг идим,
17 Ҝүнаһкарын әнҝини әзәрдим,+
Овуну дишиндән дартыб алардым.
18 Дејәрдим: “Ҝүнләрим гум гәдәр олаҹаг,
Сон нәфәсими оҹағымда верәҹәјәм,+
19 Көкләрим сулара ҝедиб-чыхаҹаг,
Будагларымда шеһ ҝеҹәләјәҹәк.
20 Шөһрәтим солмајаҹаг,
Әлимдә каманым дөнә-дөнә атаҹаг”.
21 Инсанлар мәни интизарла динләјәрди,
Сусуб мәсләһәтими ҝөзләјәрди.+
22 Сөзүмүн үстүндән демәјә сөз тапмаздылар,
Сөзүм онларын гулағына хош ҝәләрди.
23 Јағышы ҝөзләјәнтәк мәни ҝөзләјәрдиләр,
Сөзләрими баһар јағышытәк ичәрдиләр.+
24 Үзләринә ҝүлүмсәјәндә ҝөзләринә инанмаздылар,
Үзүмүн нуру онлара архајынлыг верәрди*.
25 Башчы кими онлара јол ҝөстәрәрдим.
Мән гошунларынын ичиндә падшаһ кими,+
Јаслылара тәсәлли верән кими јашајырдым.+
30 Амма инди дүнәнки ушаглар һалыма ҝүлүр.+
Вахтилә онларын аталарыны сүрүмү горујан итләрин јанына гојмаздым.
2 Онларын ҝүҹү нәјимә лазым иди?
Онларда ҹан галмајыб,
3 Јохсуллуг, аҹлыг тагәтләрини кәсиб.
Виран галмыш, бәрбад олмуш
Гуру торпағы чејнәјирләр.
4 Коллугдан дузлу битки јығырлар,
Сүпүрҝә колунун көкләрини јејирләр.
5 Ҹамаат онлары ел арасындан говур,+
Оғру кими үстләринә чығырыр.
6 Онлар дәрә јамаҹларында,
Торпагдакы, гајалардакы ојугларда јашајырлар.
7 Коллугдан гышгырырлар,
Ҝиҹиткән алтында бир-биринә гысылырлар.
8 Ахмагларын, адсыз-сансыз адамларын оғуллары кими
Мәмләкәтдән говулурлар.
11 Чүнки Аллаһ јараг-јасағымы алды, мәни зәлил етди,
Онлар да габағымда азғынлашыблар.
12 Сағ тәрәфдән дәстә илә үстүмә ҝәлирләр,
Мәни гачаг едирләр,
Јолумда өлүм сәдләри гојурлар.
14 Елә бил, дивардакы ири јарыгдан чыхырлар,
Виранәлијин ортасында пејда олурлар.
15 Дәһшәт мәни чулғајыб,
Санки, ләјагәтими күләк совуруб апарыр,
Гуртулушум булуд кими тез кечиб-ҝедир.
18 Шиддәтиндән палтарым корланыб*,
Јахалыг кими мәни боғур.
19 Аллаһ мәни палчыға батырыб,
Тоз кими, күл кими олмушам.
20 Сәндән имдад диләјирәм, амма ҹаваб вермирсән,+
Дуруб дајанмышам, Сән исә һеј мәнә бахырсан.
21 Мәнә гаршы рәһмсиз олмусан,+
Әлинин бүтүн ҝүҹү илә һүҹум едирсән.
22 Мәни галдырыб күләклә совурурсан,
Туфанын ичиндә чалхалајырсан*.
23 Билирәм ки, мәни өлүмә,
Һамынын ҝедәҹәји евә јоллајаҹагсан.
24 Амма гара ҝүнүндә имдад диләјән, тапданыб-әзилмиш инсана+
Һеч ким әл галдырмаз.
25 Мәҝәр мән дара дүшәнләр үчүн ағламырдым?
Мәҝәр касыблардан өтрү үрәјим ағрымырды?+
26 Јахшылыг ҝөзләдијим јердә јаманлыг ҝәлди,
Ишыг ҝөзләјәркән зүлмәт ҝәлди.
27 Тәлатүм ичиндәјәм, раһатлығым јохдур,
Гара ҝүнләрлә үзләшдим.
28 Ҝүнәш шәфәг сачмыр, гәм-гүссә ичиндә ҝәзирәм,+
Ҹамаат арасында галхыб гышгырырам, имдад диләјирәм.
29 Мән чаггаллара гардаш олмушам,
Дәвәгушу+ балаларына јолдаш олмушам.
31 Чәнҝим анҹаг ағы дејир,
Нејим ағлајыр.
31 Ҝөзләримлә әһд бағламышам,+
Бир гыза пис ҝөзлә неҹә баха биләрәм?+
2 Белә етсәм, Аллаһ мәнә һансы пајы верәр?
Уҹалардакы Гүдрәт Саһиби һансы мирасы верәр?
3 Мәҝәр һагсызларын башына бәла ҝәлмир?
Бәдбәхтлик бәдәмәл адамлара үз вермир?+
4 Мәҝәр О, мәним јолларымы ҝөрмүр?+
Мәҝәр һәр аддымымы сајмыр?
5 Һеч мән јалан јолунда* аддымламышам?
Һијлә-кәләк далынҹа гачмышам?+
7 Әҝәр ајағым һагг јолундан чыхыбса,+
Үрәјим ҝөзләримин ардынҹа ҝедибсә,+
Әлим чиркаба булашыбса,
8 Гој сәпдијим тохуму башгасы јесин,+
Әкдијим көкүндән гопарылсын*.
9 Әҝәр бир гадынын торуна дүшмүшәмсә,+
Гоншумун гапысыны пусмушамса,+
10 Гој арвадым башгасынын дәнини үјүтсүн,
Онун јанына јад кишиләр ҝирсин.+
11 Ахы бу, абырсыз һәрәкәт оларды,
Мәһкәмәлик иш сајыларды.+
12 Бу, мәһведиҹи јанғын оларды,+
Мәһсулуму көкүнәдәк јандыран алов оларды.
13 Әҝәр гул-гарабашымын шикајәтини рәдд едиб,
Һагсызлыг етмишәмсә,
14 Аллаһла үз-үзә дајананда нә едәрәм?
Мәни һагг-һесаба чәкәндә нә ҹаваб верәрәм?+
15 Мәҝәр ана бәтниндә мәни јарадан онлары да јаратмајыб?+
Һәр биримизә бәтндә гурулуш верән О дејил?+
16 Әҝәр касыба истәдијини вермәмишәмсә,+
Дул гадынын ҝөзүнү кәдәрә гәрг етмишәмсә,+
17 Тикәми тәк јејиб
Јетимә вермәмишәмсә+
18 (Һәрчәнд ҝәнҹлијимдән бәри она аталыг етмишәм,
Ушаглығымдан бәри дул гадыны ганадым алтына алмышам),
19 Әҝәр үстүнү өртмәјә бир шеји олмајан касыбы,
Әјин-башы олмадығындан тәләф оланы ҝөрүб јан кечмишәмсә,+
20 О, гојунларымын јуну илә исинәндә
Мәнә алгыш охумајыбса,+
21 Шәһәр дарвазасында+ мәндән көмәк уман* јетимә
Јумруг ҝөстәриб һәдәләмишәмсә,+
22 Гој голум чијнимдән гопуб дүшсүн,
Әлим дирсәкдән гырылсын.
23 Ахы Аллаһын бәласындан горхурдум.
Онун әзәмәти гаршысында дура билмәздим.
24 Әҝәр гызыла ҝүвәнмишәмсә,
Јахуд саф гызыла: “Архам сәнсән”,+ — демишәмсә,
25 Әҝәр вар-дөвләтимин чохлуғу илә,+
Мал-мүлкүмүн чохлуғу илә фәхр етмишәмсә,+
26 Әҝәр парлајан ҝүнәшә,
Фүсункарлыгла ҝәрдиш едән аја баханда+
27 Көнлүм ҝизлиҹә алданыбса,
Әлимлә онлара өпүш ҝөндәриб ситајиш етмишәмсә,+
28 Бу да мәһкәмәлик иш оларды,
Чүнки ҝөјдәки Аллаһы данмыш олардым.
31 Мәҝәр чадырымдакы адамлар
“Онун вердији јемәкдән дојмајан тапылармы?” демирдиләр?+
32 Бир гәриб дә ҝеҹә күчәдә галмазды,+
Гапым јолчуларын үзүнә ачыг иди.
34 Олмаја, ҹамаатын фикриндән горхдуғум үчүн,
Ел нифрәтиндән дәһшәтә ҝәлдијим үчүн
Сусмушам, гапыдан бајыра чыхмамышам?
35 Каш мәни бир динләјән олајды!+
Сөзүмүн ахырында имза гојардым.
Гој Гүдрәт Саһиби мәнә һај версин!+
Каш рәгибим бүтүн иддиасыны бир сәнәдә јазајды!
36 Ону чијнимдә ҝәздирәрдим,
Таҹ кими башыма гојардым.
37 Аддымбашы Она һесабат верәрдим,
Һүзуруна алныачыг, шаһзадә кими ҝәләрдим.
38 Әҝәр торпағым мәнә ҝөрә фәрјад едибсә,
Шырымлары бирҝә ағлајыбса,
39 Әҝәр мәһсулуну һавајы јемишәмсә,+
Торпаг саһибләрини чар-начар гојмушамса,+
40 Онда гој буғда јеринә гангал,
Арпа әвәзинә алаг* јетирсин».
Бурада Әјјубун сөзләри битир.
32 Беләҹә, бу үч киши даһа ҹаваб вермәди, чүнки Әјјуб өз салеһлијинә әмин иди.+ 2 Амма Рам нәслиндән бузи+ Бәрәкил оғлу Әлиһу бәрк гәзәбли иди. О, Әјјуба чох һирсләнмишди, чүнки Әјјуб Аллаһы јох, өзүнү һаглы чыхармаға чалышырды.+ 3 Әјјубун үч јолдашына да бәрк гәзәбләнмишди, чүнки онлар Әјјуба дүзҝүн ҹаваб верә билмәмиш, Аллаһ һагда наһаг сөзләр сөјләмишдиләр.+ 4 Әлиһу онлардан јашҹа кичик иди, буна ҝөрә Әјјуба сөз демәк үчүн дуруб ҝөзләјирди.+ 5 Ҝөрәндә ки, бу үч нәфәрин даһа демәјә сөзү јохдур, гәзәбдән алышыб-јанды. 6 Беләликлә, бузи Бәрәкил оғлу Әлиһу сөзә башлады:
«Мән ҹаванам,
Сиз исә аһыл јашдасыныз.+
Буна ҝөрә һөрмәт едиб сәсими чыхармадым,+
Билдикләрими данышмаға ҹүрәт етмирдим.
7 Дедим: “Гој јаш данышсын,
Гој узун өмүр һикмәт өјрәтсин”.
8 Лакин инсана дәрракә верән ондакы руһдур,
Гүдрәт Саһибинин нәфәсидир.+
9 Ағыл тәкҹә јашда дејил,
Дүзҝүнлүјү анҹаг аһыллар анламыр.+
10 Буна ҝөрә дејирәм: “Мәнә гулаг асын,
Мән дә билдикләрими сөјләјим”.
12 Диггәт кәсилдим,
Һеч бириниз Әјјубун сәһв олдуғуну ҝөстәрә билмәдиниз,
Онун дәлилләринә ҹаваб верә билмәдиниз.
13 Буна ҝөрә дә: “Биз һикмәт саһибијик,
Ону тәкзиб едән инсан дејил, Аллаһдыр”, — демәјин!
14 Онун сөзләри мәнә јөнәлмәмишди,
Она ҹавабым да сизин дәлилләринизлә олмајаҹаг.
15 Онлар чашыб галыб, ағызларыны јумублар,
Демәјә сөз тапмырлар.
16 Ҝөзләдим, даһа данышмадылар,
Лал-динмәз дурублар, ҹаваб вермирләр.
17 Мән дә сөзүмү дејәҹәјәм,
Билдикләрими сөјләјәҹәјәм.
18 Чүнки синәм сөзлә долудур,
Ичимдәки руһ мәни вадар едир.
19 Ағзы бағлы шәраб кимидир ичим,
Тәзә тулуг кими инди партлајаҹаг.+
20 Гој бир кәлмә дејим, раһатланым,
Ағзымы ачыб данышым.
21 Һеч кимин тәрәфини тутмајаҹағам,+
Һеч бир инсана јалтагланмајаҹағам,
22 Мән јалтаглыг нәдир билмирәм.
Белә етсәм, Јарадан мәни дәрһал јох едәр!
33 Инди исә, Әјјуб, мәни динлә,
Сөзләримә гулаг ас.
2 Ағзымы ачаҹағам,
Дилим данышаҹаг.
3 Сөзләрим үрәјимин дүзлүјүндән хәбәр верир,+
Дилим билдикләрими дүз данышаҹаг.
5 Баҹарырсанса, мәнә ҹаваб вер,
Дәлилләрини ҝәтир, чых гаршыма.
6 Бах, Аллаһын өнүндә мән дә, сән дә ејнијик,
Мән дә ҝилдән дүзәлдилмишәм.+
7 Буна ҝөрә мәндән горхма,
Сөзләрим ағыр олуб сәни әзмәсин.
8 Анҹаг дедикләрин гулағымдадыр,
Сөзләрини инди дә ешидирәм.
9 Дејирсән: “Мән пакам, тәгсирсизәм,+
Тәмизәм, гәбаһәтим јохдур.+
10 Лакин Аллаһ мәнә гаршы бәһанә ахтарыр,
Мәни Өзүнә дүшмән саныр.+
11 Ајагларыма бухов вурурсан,
Бүтүн јолларымы арашдырырсан”.+
12 Бу јердә сән һагсызсан, будур сәнә ҹавабым:
Аллаһ фани инсандан гат-гат үстүндүр!+
13 Нијә Ондан шикајәтләнирсән?+
Сәнин һеч бир сөзүнә ҹаваб вермәдији үчүн?+
14 Һеч ким мәһәл гојмаса да,
Аллаһ бир кәрә дејир, ики кәрә дејир
15 Ҝеҹә јухуда, рөјада,+
Инсан дәрин јухуја ҝедәндә,
Јатағында ујујанда.
16 О вахт онун гулағыны ачыр,+
Она нәсиһәтини ашылајыр ки,
17 Инсаны пис әмәлдән дөндәрсин,+
Тәкәббүрдән узаг сахласын.+
19 Һәм дә јатағында чәкдији ағрылар,
Сүмүкләриндә кәсилмәјән сызылтылар инсана нәсә өјрәдир.
20 Бүтүн варлығы илә чөрәкдән икраһ едир,
Ләзиз тәамы белә, рәдд едир.+
21 Әти әријиб јох олур,
Сүмүкләри үзә чыхыр.
22 Ҹаны гәбрә,
Һәјаты өлүм ҝәтирәнләрә јахынлашыр.
23 Бир гасид*,
Мининин ичиндән бир һавадар
Инсана әмәлисалеһлији өјрәдәрсә,
24 Аллаһ она лүтф ҝөстәриб дејәр:
“Ону гәбирдән гуртар!+
Мән фидјә тапмышам!+
26 О јалварар,+ Аллаһ ону гәбул едәр.
О, севинҹ һајгыртысы илә Аллаһын ҹамалына бахар,
Аллаһ да фани инсаны јенидән Өз доғрулуғуна говушдурар.
28 О, ҹанымы гуртарды, гәбрә дүшмәјә гојмады,+
Һәјат нуру ҝөрәҹәјәм”.
29 Бәли, Аллаһ бүтүн бунлары
Инсан үчүн ики дәфә, үч дәфә едир ки,
30 Ону гәбирдән гајтарсын,
Һәјат нуру илә ишыгландырсын.+
31 Диггәт вер, Әјјуб, бир гулаг ас!
Сүкут ејлә, гој сөзүмә давам едим.
32 Ҝәл ки демәјә сөзүн варса, де мәнә.
Даныш, сәни һаглы чыхармаг истәјирәм.
33 Амма сөзүн јохдурса, мәни динлә,
Сүкут ејлә, гој сәнә һикмәт ашылајым».
34 Сонра Әлиһу деди:
2 «Еј һикмәтлиләр, сөзүмү динләјин,
Еј билик саһибләри, мәнә гулаг асын.
3 Дил јемәјин дадыны дујдуғу кими,
Сөзүн дә хиридары гулагдыр.
4 Ҝәлин арамызда арашдыраг,
Нәјин доғру, нәјин јахшы олдуғуна гәрар верәк.
6 Лајиг олдуғум һөкм барәдә һеч јалан данышараммы?
Тәгсирим јохдур, амма јарам сағалмаздыр”.+
7 Әјјуб кимиси вармы?
О, ришхәндләри су кими гуртум-гуртум ичир.
8 О, бәдәмәл адамларла јолдашлыг едир,
Башына шәр адамлар топлашыб.+
9 Чүнки о дејир: “Аллаһы разы салмаг
Инсана хејир ҝәтирмәз”.+
10 Инди мәнә гулаг асын, еј агилләр!
11 О, инсана әмәлләринә ҝөрә,
Тутдуғу јола ҝөрә әвәз верәҹәк.+
13 Ким дүнјаны Она әманәт едиб?
Ким бүтүн дүнјаны Онун ихтијарына вериб?
14 Әҝәр инсанлара ҝөзүнү зилләјиб,
Онларын руһуну, нәфәсини ҝөтүрәрсә,+
15 Һамысы мәһв олар,
Бүтүн бәшәр торпаға гајыдар.+
16 Дәрракәниз варса, бунлара диггәт јетирин,
Сөзүмә диггәтлә гулаг асын.
17 Һеч әдаләт дүшмәни дә ағалыг едәр?
Ихтијар саһиби салеһдирсә, ону мүһакимә едәрсиниз?
18 Падшаһа: “Јарамазсан”,
Әсилзадәјә: “Шәр адамсан”, — дејәрсиниз?+
19 Аллаһ башчылара үзҝөрәнлик етмир,
Варлы илә касыб арасында фәрг гојмур.+
Чүнки һамысыны Онун әлләри јарадыб.+
20 Онлар бир ҝөз гырпымында,+ һәтта ҝеҹә јарысы+ өлә биләрләр.
Онлар силкәләнир вә көчүб ҝедирләр.
Гүдрәт саһибләри дә инсан әли дәјмәдән јерләриндән ҝөтүрүлүрләр.+
21 Аллаһ инсанын јолларына бахыр,+
Атдығы һәр аддымы ҝөрүр.
22 Елә бир гаранлыг, елә бир зүлмәт јохдур ки,
Бәдәмәл адам орада ҝизләнә билсин.+
23 Аллаһ һеч кимә вахт тәјин етмир ки,
Онун һүзуруна мәһкәмәјә ҝәлсин.
24 О, ҝүҹлүләри сорғу-суалсыз јыхыр,
Онларын јеринә башгасыны гојур.+
26 Шәр әмәлләринә ҝөрә онлары
Һамынын ҝөзү габағында вурур.+
27 Чүнки Ондан дөндүләр, ардынҹа ҝетмәдиләр,+
Јолларындан һеч биринә мәһәл гојмадылар.+
28 Јохсулу вадар едирләр ки, Она фәрјад етсин.
Мәзлумун аһ-наләси Онун гулағына чатыр.+
29 Аллаһ сүкут едәндә ким Ону иттиһам едә биләр?
Үзүнү халгдан, ја инсандан ҝизләдәндә ким Ону ҝөрә биләр?
31 Ким Аллаһа дејә биләр:
“Тәгсирим олмаја-олмаја ҹәза чәкдим.+
32 Бәлкә, нәсә ҝөзүмдән јајыныб, Сән мәнә өјрәт.
Пис иш ҝөрмүшәмсә, бир дә ҝөрмәрәм”?
33 Сән Онун һөкмүнү рәдд едирсәнсә, неҹә сәнә истәдијин мүкафаты версин?
Өзүн гәрар вер, мән јох.
Нә билирсәнсә, бујур, мәнә даныш.
34 Агилләр мәнә дејәҹәк,
Мәни динләјән һәр мүдрик адам дејәҹәк:
35 “Әјјуб авам-авам данышыр,+
Сөзләриндә мәна јохдур”.
36 Шәр адамлар кими данышдығы үчүн
Гој Әјјуб ахырадәк сынансын*.
37 Чүнки ҝүнаһынын үстүнә гијам әлавә едир,+
Ришхәндлә гаршымызда чәпик вурур,
Һеј Аллаһа гаршы данышыр».+
35 Сонра Әлиһу деди:
2 «Јәни сән һаглы олдуғуна о гәдәр әминсән ки,
“Мән Аллаһдан һаглыјам”,+ — дејирсән?
3 “Сәнин үчүн нә фәрги?*
Ҝүнаһ етсәјдим, ҝуја нәсә дәјишәҹәкди?”+ — дејирсән.
4 Сәнә дә, јанындакы јолдашларына+ да
Мән ҹаваб верәҹәјәм.
5 Сәмаја нәзәр сал,
Башынын үстүндәки булудлара бах.+
6 Ҝүнаһ етсән, Она нә зијанын олар?+
Тәгсирләрини чохалтсан, Она нә етмиш оларсан?+
7 Јахуд салеһ олсан, Она нә вермиш оларсан?
О, сәндән нә алар?+
8 Пислијин анҹаг өзүн кими бир бәндәјә зәрәр вурар,
Салеһлијиндән дә бәшәр оғлу хејир ҝөрәр.
9 Инсанлар зүлм әлиндән налә чәкир,
Голузорлунун ағалығындан дад едирләр.+
14 О ки галмышды Ону ҝөрмәдијиндән шикајәтләнмәјинә!+
Сәнин ишин Онун өнүндәдир, сәбир елә, ҝөзлә.+
15 Чүнки О, һирслә һагг-һесаб чәкмәјиб,
Сәнин бу бојда ағылсызлығына да фикир вермәјиб.+
16 Әјјуб исә ағзыны бош-бошуна ачыр,
Һеј авам-авам данышыр».+
36 Әлиһу сөзүнә давам етди:
2 «Бир аз сәбир елә, мән сәнә изаһ едәҹәјәм,
Аллаһын леһинә дејиләси сөзүм вар.
3 Билдијим шејләри әтрафлы сөјләјәҹәјәм,
Јараданымын адил олдуғуну бәјан едәҹәјәм,+
4 Сөзләримдә гәтијјән јалан јохдур.
Бах, камил билик Саһиби+ өнүндәдир.
5 Аллаһ гүдрәтлидир,+ һеч кими рәдд етмәз,
Һикмәти дәриндир.
8 Әҝәр онлар буховлансалар,
Бәдбәхтлик ипләри онлары сарыса,
9 Онлара әмәлләрини,
Тәкәббүрләриндән доған асиликләрини билдирәр.
10 Онларын гулагларыны өјүдләринә сары ачар,
Онлары пис јолдан дөнмәјә сәсләјәр.+
11 Әҝәр Она гулаг асыб гуллуг едәрләрсә,
Өмрүнүн ҝүнләрини фираванлыг ичиндә баша вурарлар,
Илләри шад-хүррәм кечәр.+
12 Јох әҝәр гулаг асмасалар, гылынҹа туш ҝәләрләр,+
Ҹәһаләт ичиндә өлүб ҝедәрләр.
13 Аллаһсызлар үрәјиндә кин сахлајар.
Аллаһ онлары буховлајанда имдад диләмәзләр.
15 Мәзлуму исә Аллаһ дардан гуртарыр,
Зүлм-зилләт чәкәндә гулағыны ити едир*.
16 Сәни бәдбәхтлијин пәнҹәсинә вермир,+
Һүдудсуз ҝенишлијә чыхарыр,+
Сәни овундурур, өнүндә долу сүфрә ачыр.+
17 Һөкм вериләндә, әдаләт бәргәрар оланда,
Шәр адамлара чыхарылан һөкмү ҝөрәндә раһатлыг тапаҹагсан.+
18 Амма бах, гәзәб сәни бәдхаһлыға сүрүкләмәсин,+
Бөјүк рүшвәт сәни јолдан чыхармасын.
19 Чарпышмағын, фәрјадларын
Сәни дәрд-губардан горујармы?+
20 Инсанын өз јериндән јох олдуғу заманы,
Ҝеҹәни арзулама.
21 Өзүнү ҝөзлә, шәрә мејил салмајасан,
Буну әзабдан үстүн тутмајасан.+
22 Бах! Аллаһ гүдрәтилә уҹадыр,
Онун кими нәсиһәтчи вармы?
25 Бәшәр бу ишләри ҝөзү илә ҝөрүр,
Фани инсан бунлары узагдан сејр едир.
27 О, су дамлаларыны јухары галдырыр,+
Онлар Онун думанындан јағыша чеврилирләр.
28 Сонра булудлар јағышы јерә төкүр,+
Онлар бәшәр үзәринә ҝур-ҝур јағыр.
29 Булудларын неҹә јајылдығыны,
Онун чадырындан чахан илдырымы ким дәрк едә биләр?+
30 Бах, шимшәјини онун үзәринә јајыб,+
Дәнизин дибини өртүб.
32 Шимшәји овҹунда ҝизләдир,
Һәдәфинә доғру атыр.+
33 Илдырым Онун ҹарчысыдыр,
Һәтта һејванлар кимин* ҝәлдијини хәбәр верир.
37 Буна ҝөрә үрәјим чырпыныр,
Бәрк дөјүнүр.
2 Онун сәсинин ҝурултусуна,
Ағзындан чыхан илдырыма гулаг ас!
3 Ону сәма алтында ачыб бурахыр,
Шимшәјини+ јерин дөрд тәрәфинә ҝөндәрир.
Лејсана: “Ҝур-ҝур јағ!” — дејир.+
7 Бүтүн бәшәрин ишини дајандырыр ки,
Һамы Онун ишләрини өјрәнсин.
8 Вәһши һејванлар өз јувасына ҝирир,
Орада галыр.
11 Булудлары рүтубәтлә јүкләјир,
Шимшәјини булудлара јајыр.+
12 Булудлар јөнәлтдији сәмтә бурулурлар,
Јер үзүндә Онун әмрини иҹра едирләр.+
15 Билирсән, Аллаһ булудлара неҹә нәзарәт едир?
Шимшәји онларын арасындан неҹә чахдырыр?
16 Булудлар сәмада неҹә сүзүр?+
Бунлар камил билик Саһибинин харигәләридир!+
17 Ҹәнуб күләји јер үзүнә сүкунәт ҝәтирәндә
Палтарларын нә үчүн гызыр?+
18 Сәрт мис ҝүзҝүјә бәнзәјән сәманы
Онунла бирликдә дөјүб јаја биләрсән?+
19 Сөјлә, Она нә дејәк?
Гаранлыгдајыг, сөз тапа билмирик.
20 Мәҝәр Она дејилмәлидир ки, мәним Она сөзүм вар?
Инсан елә бир ваҹиб шеј дејиб ки, Она чатдырылсын?+
22 Шималдан гызылы шәфәгләр сачыр.
Аллаһын еһтишамы+ һејрәт доғурур.
24 Буна ҝөрә гој инсанлар горхсун Ондан!+
О, өзүнү ағыллы сајанлары бәјәнмир».+
38 Сонра Јеһова гасырғанын ичиндән+ Әјјуба деди:
3 Инди киши кими белини гурша,
Мән сорушаҹағам, сән дә Мәнә де.
4 Мән дүнјанын тәмәлини гојанда сән һарада идин?+
Билирсәнсә, сөјлә.
5 Бәлкә, билирсән, ким она өлчү вериб,
Өлчү ипини әтрафына ким чәкиб?
6 Тәмәли нәјин үзәриндә дурур?
Онун ҝушә дашыны ким гојуб?+
7 Дан улдузлары+ бирҝә севиниб-шадлананда,
Аллаһ оғулларынын*+ һамысы һајгырыб алгыш охујанда сән һарада идин?
8 Дәниз күкрәјиб бәтндән чыханда
Онун ағзына ким бәнд гојду?+
9 Мән булудлары она ҝејиндирәндә,
Ону зүлмәт гаранлыға бәләјәндә,
10 Онун үчүн сәрһәд ҹызанда,
Гапылары, ҹәфтәләри гојанда,+
11 “Бура гәдәр ҝәл, о тәрәфә кечмә,
Мәғрур далғаларынын һәдди бурадыр”,+ — дејәндә сән һарада идин?
12 Һеч өмрүндә сәһәрә әмр вермисән?
Һеч сүбһ шәфәгинә јерини өјрәтмисән ки,+
13 Јери уҹгарларындан тутуб силкәләсин,
Писләри орадан атсын?+
14 Јер мөһүр алтындакы ҝил кими дәјишир,
Онун ҹизҝиләри, палтар ҹизҝиләри кими ајдын ҝөрүнүр.
15 Шәр адамынса ишығы әлиндән алыныр,
Јухары галхан әли кәсилир.
16 Һеч дәнизин гајнагларына енмисән?
Дәрин сулары тәдгиг етмисән?+
18 Бәс јерин әнҝинлијини дәрк етмисән?+
Бүтүн бунлары билирсәнсә, даныш.
19 Ишығын мәканы һансы тәрәфдәдир?+
Бәс гаранлығын мәканыны таныјырсан?
20 Белә ки, ону дијарына апарасан,
Евинин јолуну анлајасан.
21 Јәни о заман доғулмушдун?
Илләрин о гәдәр чохдур ки, бунлары биләсән?
22 Һеч гар+ анбарларына ҝирмисән?
Долу+ анбарларыны ҝөрмүсән?
23 Мән онлары мүсибәт ҝүнү үчүн,
Дөјүш вә мүһарибә ҝүнү үчүн сахлајырам.+
25 Ким селләрә арх,
Ҝурулдајан гара булуда јол чәкиб ки,+
26 Инсан јашамајан торпаглара,
Инс-ҹинс олмајан чөлләрә јағыш јағдырсын,+
27 Дағылмыш, виран галмыш јерләри дојдуруб,
Битки ҹүҹәртсин?+
29 Ҝөјдән ҝәлән шахтаны ким доғуб?
Буз кимин бәтниндән чыхыб?+
30 Белә ки, үмманын сәтһи буз бағлајыр,
Сулар, санки, даш алтында ҝизләнир.+
32 Сән бүрҹү өз вахтында чыхара биләрсән?
Ајиш бүрҹүнә*, онун оғулларына бәләдчи ола биләрсән?
34 Сел-сулар сәни өртсүн дејә,
Сәсини булудлара галдыра биләрсән?+
35 Шимшәкләри ҝөндәрә биләрсән?
Онлар ҝәлиб сәнә: “Бурадајыг!” — дејәрләр?
37 Булудлары сајмаға кимин һикмәти чатар?
Ҝөјдәки су күпләрини ким ашыра биләр?+
38 О заман торпаг леһмә олуб ахыр,
Палчыг топалары бир-биринә јапышыр.
39 Сән аслан үчүн ов овлаја биләрсән?
Ҝәнҹ асланларын гарныны дојура биләрсән?+
40 О вахт ки онлар јуваларында јерә јатыр,
Јуваларында пусгу гурур.
39 Сән дағ кечиләринин+ доғдуғу вахты билирсән?
Маралларын доғдуғуну ҝөрмүсән?+
2 Ајларынын нә вахт тамам олдуғуну һесабламысан?
Доғаҹаглары вахты билирсән?
3 Онлар јерә чөкүб балалајыр,
Ағрыдан азад олурлар.
4 Балалары ҝүҹләнир, чөлләрдә бөјүјүрләр,
Ҝедирләр вә онларын јанына гајытмырлар.
5 Бәс чөл ешшәјинин ипини ким ачыб?+
Чөл ешшәјини ким асудә бурахыб?
6 Чөлләри она мәскән вердим,
Шоран дүзләри она јурд етдим.
7 О, шәһәрдәки сәс-күјә ҝүлүр,
Ону гованын сәсини ешитмир.
8 Отлаг тапмаг үчүн тәпәләри ҝәзир,
Јашыл от ахтарыр.
9 Һеч чөл өкүзү сәнә гуллуг едәр?+
Һеч о, төвләндә ҝеҹәләјәр?
10 Һеч о, сәнин ардынҹа вадидә торпаг шумлајар?
Шырымдан чыхмасын дејә, ону иплә тута биләрсән?
11 Ҝүҹ-гүввәтинә ҝүвәниб
Ағыр ишини она тапшырарсан?
12 Тахылыны ҝәтириб
Хырманына јығаҹағына әмин ола биләрсән?
13 Бахма ки, дәвәгушу шән-шән ганадларыны чырпыр,
Һеч онун ганады, пәрләри лејләјинкинә тај ола биләр?+
14 О, јумурталарыны јерә гојур,
Гумда исидир.
15 Амма унудур ки, онлар ајаг алтда галыб сынар,
Онлары чөл һејванлары тапдалајар.
16 Балаларына гаршы рәһмсиздир, елә бил, өҝејдирләр,+
Горхмур ки, зәһмәти һәдәр ҝедәр.
17 Чүнки Аллаһ һикмәти ондан әсирҝәјиб,
Она дәрракәдән пај вермәјиб.
18 Амма ајаға галхыб ганадларыны чырпаркән
Ата да, атлыја да ҝүләр.
19 Бәс ата гүввәти сән вермисән?+
Бојнуна далғаланан јалы сән тахмысан?
20 Ону чәјирткә кими һоппандыра биләрсән?
Онун мәғрур фынхыртысы ваһимә доғурур.+
22 Горхуја ҝүлүр, һеч нәдән һүркмүр,+
Гылынҹ габағындан ҝери чәкилмир.
23 Низә уҹу, мизраг парылдајыр,
Охдан она дәјиб ҹинҝилдәјир.
24 Ҹошур, ирәли шығыјыр,
Шејпур сәсини ешидәндә дура билмир*.
25 Шејпур чалынанда ҹошуб кишнәјир,
Дөјүш гохусуну узагдан дујур,
Сәркәрдәләрин нәрәсини, дөјүш һарајыны ешидир.+
26 Мәҝәр шаһин сәнин ағлын сајәсиндә һавада сүзүр,
Ганадыны ҹәнуба ҝәрир?
27 Гартал сәнин әмринлә јүксәкләрә учур,+
Јувасыны јүксәкликдә гурур?+
28 О, јалчын гајада ҝеҹәләјир,
Истеһкамы сылдырым гајададыр.
30 Балалары гуртум-гуртум ган ичир,
Һарада леш олса, о да орададыр».+
40 Сонра Јеһова Әјјуба деди:
2 «Инсан Гүдрәт Саһибиндә нөгсан тапа биләрми?
Онунла мүбаһисә едә биләрми?+ Гој Аллаһы гынајан буна ҹаваб версин».+
3 Онда Әјјуб Јеһоваја деди:
4 «Мән һечәм.+
Сәнә нә ҹаваб верим?
Әлими ағзымын үстүнә гојурам.+
5 Бир кәрә данышдым, даһа ҹавабым јох,
Ики кәрә данышдым, даһа сөзүм јохдур».
6 Јеһова гасырғанын ичиндән+ Әјјуба деди:
7 «Дур, киши кими белини гурша,
Мән сорушаҹағам, сән дә Мәнә де.+
8 Сән әдаләтимә шәкк едәҹәксән?
Өзүнә һагг газандырмаг үчүн Мәни иттиһам едәҹәксән?+
10 Бујур, шан-шәрафәтлә өзүнү бәзә,
Әзәмәтә, ҹалала бүрүн.
11 Гәзәбинин аловуну пүскүрт,
Гүрурлу адамлара бах, онлары ашағы сал.
12 Гүрурлу адамлара бах, онларын гүруруну сындыр,
Писләри јериндәҹә тапдала.
13 Онларын һамысыны торпаға басдыр,
Онлары зүлмәт јердә бағла.
14 Онда Мән дә гәбул едәрәм* ки,
Сағ әлин сәни гуртармаға габилдир.
15 Бах, сәни јаратдығым кими, беһемоту* да Мән јаратмышам,
О, өкүзтәк јашыл от јејир.
16 Сән онун сағрысында ҝүҹә,
Гарын әзәләләриндәки гүввәтә бах!
17 Гујруғуну сидр ағаҹытәк бәрк едир.
Буд әзәләләри бир-биринә һөрүлүб.
18 Онун сүмүкләри мис бору,
Ајаглары дөјмә дәмир чубугдур.
19 Аллаһын јаратдыгларынын башында дурур,
Тәкҹә јараданы хәнҹәрилә она јахынлаша биләр.
20 Дағлар барыны она верир,
Орада бүтүн чөл һејванлары ојнашыр.
21 Иннаб ағаҹларынын алтында узаныр,
Батаглыгда, гамышларын арасында ҝизләнир.
22 Иннаб ағаҹлары онун үстүнә көлҝә салыр,
Дәрәдәки говаг ағаҹлары ону дөврәјә алыр.
23 Чај күкрәсә дә, горхмаз,
Иордан чајы+ дашыб үстүнә ҝәлсә дә, өзүнә архајындыр.
24 Ҝөзләри ачыг икән ким ону тута биләр?
Ким гармагла онун бурнуну дешә биләр?
2 Бурун пәрәләринә ип кечирә биләрсән?
Чәнәсини гармагла дешә биләрсән?
3 О, сәндән аман диләјәрми?
Сәнинлә мүлајим данышармы?
4 Даим гулун олмаг үчүн
Сәнинлә әһд бағлајармы?
5 Гушла ојнадығын кими, онунла ојнаја биләрсәнми?
Балаҹа гызларыны әјләндирмәк үчүн ону нохталаја биләрсәнми?
6 Балыгчылар ону нәјәсә дәјишәрләр?
Таҹирләрин арасында бөлүшдүрәрләр?
7 Сән онун дәрисинә гармаг,+
Башына балыгчы мизрағы санҹа биләрсән?
8 Сән бир она тохун, ҝөр нә олур!
Бу дөјүшү һеч вахт унутмазсан, бир дә белә етмәзсән.
9 Ону рам етмәк арзусу хамхәјалдыр,
Адиҹә ҝөркәминдән сәни ваһимә басар.
10 Һеч ким ҹүрәт едиб ону гызышдырмаз.
Белә исә, Мәним гаршымда ким дура биләр?+
11 Ким Мәнә нәсә вериб ки, Мән дә әвәзини верим?+
Сәма алтында һәр шеј Мәнимдир.+
12 Онун әзаларындан,
Онун гүввәтиндән, гәдд-гамәтиндән данышаҹағам.
13 Үстүндәки өртүјү ким ҝөтүрә биләр?
Ким ачыг чәнәсинин арасына ҝирә биләр?
14 Ким ағзынын тајларыны ачмаға ҹүрәт едәр?
Горхунҹдур онун дишләри.
15 Белиндә сыра-сыра пулҹуглар дүзүлүб*,
Бирликдә мөһкәм-мөһкәм басылыб.
16 Елә сыхдырлар ки,
Араларындан һава белә, кечмәз.
17 Бири о биринә јапышыб,
Бир-биринә битишиб, ајырмаг олмур.
18 О фынхыранда ишыг сачыр,
Ҝөзләри, санки, сүбһ шәфәгидир.
19 Ағзындан шимшәк чахыр,
Гығылҹымлар сачылыр.
20 Бурун пәрәләриндән түстү чыхыр,
Санки, күләшлә галанмыш күрәдир.
21 Нәфәсиндән көмүрләр одланыр,
Ағзындан алов пүскүрүр.
22 Бојнунда ҝүҹ-гүввәт вар,
Гаршысына тәлаш јајыр.
23 Бәдәнинин гатлары битишикдир,
Сәртдир, дәмир кимидир, тәрпәтмәк олмур.
24 Үрәји бәркдир даш кими,
Дәјирманын алт дашы кими.
25 О галханда һәтта ҝүҹлүләр горхур,
Зәрбәләри һејрәт доғурур.
26 Гылынҹ, низә, мизраг, ох
Она дәјсә, кар еләмәз.+
27 Дәмир онун үчүн ади күләшдир,
Мис онун үчүн чүрүк одундур.
28 О, охдан гачмаз,
Сапанд дашы онун гаршысында саман чөпүдүр.
29 Онун ҝөзүндә дәјәнәк дә саман чөпүдүр,
О, мизрағын выјылтысына ҝүлүр.
31 Үмманы газан кими гајнадыр,
Дәнизи мәлһәм күпүтәк чалхалајыр.
32 Архасынҹа изи ишылдајыр,
Үмман ағсачлы ҝөрүнүр.
33 Јер үзүндә тајы-бәрабәри јохдур,
Горхубилмәз мәхлугдур.
34 Бүтүн мәғрур һејванларын үзүнә дик бахыр.
О, бүтүн нәһәнҝ һејванларын шаһыдыр».
42 Онда Әјјуб Јеһоваја деди:
2 «Инди билдим ки, Сән һәр шејә гадирсән,
Гәт етдијин елә бир шеј јохдур ки, ҝерчәкләшдирә билмәјәсән.+
3 Сән дедин: “Кимдир бу, авам-авам данышыб, нијјәтимин үстүнә көлҝә салан?”+
Мән надан-надан данышдым,
Билмәдијим, һејрәтамиз шејләрдән бәһс етдим.+
4 Дедин: “Инди гулаг ас, Мән данышаҹағам,
Мән сорушаҹағам, сән дә Мәнә де”.+
5 Гулағым Сәнин сорағыны алмышды,
Инди исә Сәни ҝөзүм ҝөрүр.
7 Јеһова Әјјубла данышыб гуртарды. Сонра Јеһова тәһмани Әлифәзә деди:
«Сәнә вә сәнин ики јолдашына+ бәрк гәзәбләнмишәм. Чүнки сиз гулум Әјјубдан фәргли олараг, Мәним барәмдә һәгигәти данышмадыныз.+ 8 Инди једди буға, једди гоч ҝөтүрүб гулум Әјјубун јанына ҝедин вә өзүнүздән өтрү јандырма гурбаны тәгдим един. Гулум Әјјуб да сиздән өтрү дуа едәҹәк.+ Мән онун хаһишини гәбул едәҹәјәм вә ахмаглыг етдијинизә ҝөрә, гулум Әјјубдан фәргли олараг, Мәним барәмдә һәгигәти данышмадығыныза ҝөрә сизә ҹәза вермәјәҹәјәм».
9 Тәһмани Әлифәз, шуһи Билдад вә нәһмати Сөфәр ҝедиб Јеһованын дедикләрини јеринә јетирдиләр. Јеһова да Әјјубун дуасыны гәбул етди.
10 Әјјуб јолдашларындан өтрү дуа етдикдән+ сонра Јеһова ону әзабдан гуртарды+ вә она әввәлки фираванлығыны гајтарды. Јеһова онун вар-дөвләтини әввәлкиндән икигат артырды.+ 11 Әјјубун бүтүн баҹы-гардашлары, кечмиш достлары+ јанына ҝәлиб сүфрәсиндә әјләшдиләр. Онлар онун дәрдинә шәрик олуб, Јеһованын изни илә Әјјубун башына ҝәлмиш бәлалардан өтрү она тәсәлли вердиләр. Онларын һәр бири Әјјуба бир парча ҝүмүш вә гызыл үзүк бәхш етди.
12 Беләҹә, Јеһова Әјјуба өмрүнүн сонракы илләриндә әввәлкиндән чох хејир-бәрәкәт верди.+ Онун он дөрд мин гојуну, алты мин дәвәси, мин ҹүт мал-гарасы вә мин диши ешшәји олду.+ 13 Әјјубун јенидән једди оғлу вә үч гызы олду.+ 14 О, биринҹи гызына Јәмимә, икинҹисинә Гәзијә, үчүнҹүсүнә исә Гәрәнһәффиг ады гојду. 15 Бүтүн мәмләкәтдә Әјјубун гызларына ҝөзәлликдә тај јох иди. Аталары онлара да гардашлары илә бәрабәр мирас верди.
16 Бундан сонра Әјјуб јүз гырх ил јашады вә дөрд нәслә гәдәр нәвә-нәтиҹә ҝөрдү. 17 Әјјуб узун өмүр сүрдү вә һәјатдан дојмуш һалда вәфат етди.
Тәхмини мәнасы: әдавәт һәдәфи.
Јахуд ејибсиз.
Бу ифадә ибрани дилиндә мәләкләрлә әлагәдар ишләдилир. Лүғәтдә «Аллаһын Оғлу» ифадәсинә бах.
Һәрфән: чәпәрә алан.
Диҝәр вариант: шимшәк чахдырды.
Јахуд ејибсиз.
Еһтимала ҝөрә, тимсаһ, јахуд башга ири, ҝүҹлү су һејваныдыр.
Јахуд диз үстүнә.
Диҝәр вариант: өзләри үчүн бош, кимсәсиз јерләр тикмиш.
Јахуд елчиләриндә.
Һәрфән: мисдәндир.
Тохуҹу дәзҝаһында иплик сарынан узунсов овал гуту.
Ибр. шеол. Лүғәтә бах.
Һәрфән: руһум.
Һәрфән: нәфәс.
Һәрфән: папирус.
Јахуд ејибсиз.
Јахуд Аллаһы мәһкәмәјә вермәк истәсә.
Еһтимала ҝөрә, Ајиш Бөјүк Ајы бүрҹү, Кәсил Орион бүрҹү, Кимаһ исә Буға бүрҹүндәки Үлкәр улдузларыдыр.
Еһтимала ҝөрә, дәниз әждаһасы.
Диҝәр вариант: мәһкәмәдә рәгибимдән.
Јахуд поташ. Ағаҹ күлүндән алынан маддә.
Јахуд нәфәсими; һәјатымы. Лүғәтдә «руһ» сөзүнә бах.
Ибр. шеол. Лүғәтә бах.
Јахуд һазырлајајдын.
Диҝәр вариант: јерлә даныш.
Јахуд нәфәси. Лүғәтдә «руһ» сөзүнә бах.
Диҝәр вариант: беләси варса, ағзымы ачмадан өләрәм.
Һәрфән: о. Еһтимал ки, Әјјуб.
Диҝәр вариант: дәрилир.
Ибр. шеол. Лүғәтә бах.
Мәҹази мәнада өлүмүн көләлијинә ишарә едир.
Һәрфән: мүгәддәсләринә.
Јахуд Гүдрәт Саһибиндән үстүн олмаг истәјир.
Јахуд гүдрәтими. Һәрфән: бујнузуму.
Диҝәр вариант: јухусуз ҝөзләримлә Худавәндә бахырам.
Ибр. шеол. Лүғәтә бах.
Јахуд чухура.
Ибр. шеол. Лүғәтә бах.
Диҝәр вариант: натәмиз.
Јахуд дәһшәтли өлүмүн.
Һәрфән: он дәфә.
Јахуд тәһгир етдиниз.
Јахуд гоһум-әгрәбам.
Јахуд Адәм.
Кобра.
Ибр. шеол. Лүғәтә бах.
Јахуд мәсләһәти; фитнәси.
Диҝәр вариант: мәнә зүлм етмәк үчүн.
Јахуд хошдур.
Јәни Онун һөкм ҝүнүнү.
Диҝәр вариант: тарлада јем топламалы олурлар.
Диҝәр вариант: јағ сыхырлар.
Диҝәр вариант: Аллаһ һеч кими тәгсирли чыхармыр.
Ибр. шеол. Лүғәтә бах.
Јахуд пак.
Ибр. шеол. Лүғәтә бах.
Һәрфән: һәлак јери.
Һәрфән: раһабы.
Јахуд күләклә.
Јахуд тәмизлијими горујуб-сахлајаҹағам.
Диҝәр вариант: сизә Аллаһын әли илә билик верәҹәјәм.
Диҝәр вариант: онлар мәскәнләриндән чәпик чалыб бу адама лағ едәҹәкләр, ону фитә басаҹаглар.
Ҝөрүнүр, сөһбәт газынты ишләриндән ҝедир.
Һәрфән: дириләр өлкәсиндә.
Јахуд нөкәрләрим.
Диҝәр вариант: үзүмүн нуруну тутгунлашдырмаздылар.
Диҝәр вариант: һеч кимдән көмәк дә алмырлар.
Диҝәр вариант: шиддәтли әзабдан ҝөркәмим дәјишиб.
Диҝәр вариант: мәни әзиб јох едирсән.
Диҝәр вариант: гыздырмадан.
Диҝәр вариант: фырылдагчыларла гоша.
Јахуд нәслимин көкү кәсилсин.
Диҝәр вариант: шәһәр дарвазасында тәрәфдарларымы ҝөрәндә.
Јахуд пис ијли алаг оту.
Јахуд чухурдан.
Јахуд мәләк.
Јахуд сағлам.
Диҝәр вариант: бу, мәнә хејир ҝәтирмәди.
Диҝәр вариант: Атам, гој Әјјуб сынансын.
Чох ҝүман ки, Аллаһа мүраҹиәт едилир.
Јахуд јаланы.
Диҝәр вариант: падшаһлары тахта чыхарар.
Мәбәдләрдә ҹинси әлагә үчүн истифадә едилән кишиләр.
Диҝәр вариант: битир.
Јахуд гулағыны ачыр.
Диҝәр вариант: ким Онун јолуну тәнгид едә биләр?; Ким јолуна ҝөрә Онунла һагг-һесаб чәкә биләр?
Диҝәр вариант: халглары мүдафиә едир.
Диҝәр вариант: нәјин.
Јәни ҝүнәшин шәфәги.
Бу ифадә ибрани дилиндә мәләкләрлә әлагәдар ишләдилир. Лүғәтдә «Аллаһын Оғлу» ифадәсинә бах.
Јахуд өлүм көлҝәсинин.
Диҝәр вариант: шимшәк.
Еһтимала ҝөрә, Буға бүрҹүндәки Үлкәр улдузларыдыр.
Еһтимала ҝөрә, Орион бүрҹү.
Еһтимала ҝөрә, Бөјүк Ајы бүрҹү.
Диҝәр вариант: Онун.
Диҝәр вариант: инсанын дахилинә.
Диҝәр вариант: ағыла.
Диҝәр вариант: инана билмир.
Јахуд сәни тәрифләјәрәм.
Ибрани дилиндә беһемот адланан бу һејван, ҝүман ки, беҝемотдур.
Еһтимал ки, тимсаһ.
Диҝәр вариант: сыра-сыра дүзүлән пулҹуглары онун гүрурудур.
Тахыл дөјән аләт.