МӘРСИЈӘЛӘР
א [Алеф]*
1 Аһ, бир вахтлар инсанла долу бу шәһәр инди тәк-тәнһа отуруб.+
Халглар ичиндә гәләбәлик шәһәр иди,+ инди дул гадына бәнзәјир.
Вилајәтләр ичиндә мәликә иди, инди көләлик едир.+
ב [Бет]
2 Ҝеҹәләр аҹы-аҹы ағлајыр,+ јанагларындан јаш сүзүлүр,
Ашигләриндән бири дә јанында дејил ки, ону овутсун.+
Дост-ашналары она хәјанәт едиб,+ она дүшмән кәсилиб.
ג [Гимел]
3 Јәһуданы гул кими зүлм-зилләт ичиндә сүрҝүнә апардылар.+
Јәһуда халглар арасында јашајаҹаг.+ Онун динҹлији јохдур.
Тәгибчиләри дар ҝүнүндә ону јахаладылар.
ד [Далет]
4 Сиона ҝедән јоллар јаслыдыр, бајрама ҝәлән јохдур.+
Шәһәр дарвазалары сыныб,+ каһинләр фәған едир.
Гызлары гүссә ичиндәдир, өзү дәрд-әләм чәкир.
ה [Һе]
5 Инди дүшмәнләри она ағалыг едир, јағылары гајғысыз јашајыр.+
Етдији чохлу ҝүнаһлара ҝөрә Јеһова она мөһнәт чәкдириб.+
Өвладлары дүшмән өнүндә әсирлијә ҝедиб.+
ו [Вав]
6 Сион гызынын ҹаһ-ҹалалы јох олуб.+
Әмирләри отлуг тапмајан марал кимидир,
Дүшмән өнүндә тагәтсиз јеријирләр.
ז [Зајн]
7 Гара ҝүнә дүшән, јурдундан дидәрҝин Јерусәлим
Гәдимдәки сәрвәтини јада салыр.+
Халгы дүшмән әлинә дүшәндә, дадына јетишән олмајанда+
Дүшмәнләри ҝөрдүләр, бәдбәхтлијиндән кам алдылар.+
ח [Хет]
8 Јерусәлим бөјүк ҝүнаһ етди,+
Буна ҝөрә мурдар бир шејә чеврилди,
Вахтилә она һөрмәт гојанлар инди ону уҹуз тутурлар, чүнки ејиб јерләрини ҝөрдүләр,+
О өзү дә инилдәјир,+ хәҹаләтлә үзүнү јана чевирир.
ט [Тет]
9 Мурдарлығы палтарынын әтәјинә һопуб.
О, сабаһыны фикирләшмәди,+
Сүгуту мүдһиш олду, тәсәлли верәни олмады.
Аһ, Јеһова, чәкдијим изтирабы ҝөр, бах, дүшмәним гүррәләнир.+
י [Јуд]
10 Дүшмәнләр онун сәрвәтинә әл узатды.+
О, мүгәддәс мәканына халгларын неҹә ҝирдијини ҝөрдү,+
Һалбуки Сән бу халглара иҹмана дахил олмағы гадаған етмишдин.
כ [Каф]
11 Бүтүн халг инилдәјир, чөрәк ахтарыр.+
Бир тикә чөрәкдән өтрү ҹамаат варыны-јохуну верир ки, тәки өлмәсин.
Һалымы ҝөр, еј Јеһова, санки, дүшкүн гадынам*.
ל [Ламед]
12 Еј јолдан өтәнләр, сизин веҹинизә дејил?
Бахын, ҝөрүн!
Јеһова гәзәб ҝүнүндә мәнә ситәм еләди.
Пајыма дүшән бу дәрди кимсә чәкибми?+
מ [Мем]
13 Јухарыдан сүмүкләримә од јағдырды,+ һәр бирини рам етди,
Ајагларымын алтына тор сәрди, мәни ҝери чәкилмәјә мәҹбур етди.
Мәни тәнһа гојду,
Ҝүнүм азар-безар ичиндә кечир.
נ [Нун]
14 Ҝүнаһларымы мәнә бојундуруг етди, онлары әлилә бир-биринә һөрдү.
Онлары бојнума кечирди, тагәтим кәсилди.
Јеһова мәни ҝүҹүм чатмајан инсанларын әлинә верди.+
ס [Самех]
15 Јеһова мәним иҝидләрими кәнара атды,+
Ҹаванларымы гырмаг үчүн мәнә гаршы орду топлады.+
Јеһова Јәһуда гызыны үзүмсыханда тапдалады.+
ע [Ајн]
16 Буна ҝөрә ағлајырам,+ ҝөз јашым сел кими ахыр,
Мәни овуданлар, мәнә тәскинлик верәнләр узаглардадыр.
Оғулларым чар-начар галыб, чүнки дүшмән гәләбә чалыб.
פ [Пе]
17 Сион әлләрини ачыб,+ она тәсәлли верән јохдур.
Јеһова Јагубун әтрафында оланлара она дүшмән кәсилмәји әмр едиб.+
Јерусәлим онлар үчүн ијрәнҹ бир шејә чеврилиб.+
צ [Тсаде]
18 Јеһова адилдир,+ мән Онун әмрләринә аси олмушам.+
Еј үммәтләр, динләјин, чәкдијим дәрд-ситәми ҝөрүн.
Гызларым, оғулларым әсирлијә ҝетди.+
ק [Коф]
19 Ашигләрими чағырдым, онларса мәнә хәјанәт етдиләр,+
Каһинләрим, ағсаггалларым өлмәмәк үчүн чөрәк ахтараркән+
Шәһәрдә тәләф олдулар.
ר [Рејш]
20 Еј Јеһова, бах, јаман дардајам,
Көнлүм виран галыб,
Бағрым ган олуб, чүнки асилик етмишәм.+
Бајырда гылынҹ ҹөвлан едир,+ евдә өлүм.
ש [Шин]
21 Ҹамаат аһ-наләми ешидир, амма тәсәлли верән јохдур.
Дүшмәнләрим мүсибәтими ешидиб.
Мәни бу һала салдығын үчүн севинирләр,+
Амма ҝүн ҝәләҹәк, дедијини едәҹәксән,+ онлар да мәним ҝүнүмә дүшәҹәк.+
ת [Тав]
22 Гој мәнфур әмәлләри Сәнин өнүндә дүзүлсүн, онлара гаршы амансыз ол,+
Неҹә ки ҝүнаһларыма ҝөрә мәнә гаршы амансыз олдун.
Аһ-зарым кәсилмир, үрәјим хәстә дүшүб.
א [Алеф]
2 Аһ, Јеһова гәзәбләнди, Сион гызыны гара булудларла өртдү!
Исраилин әзәмәтини ҝөјдән јерә атды.+
Гәзәб ҝүнүндә кәтилини јада салмады.+
ב [Бет]
2 Јеһова Јагубун мәскәнләрини мәһв етди, һеч биринә рәһми ҝәлмәди.
Гәзәбләниб Јәһуда гызынын галаларыны дағытды.+
Падшаһлығы да, башчылары+ да јерә вурду, алчалтды.+
ג [Гимел]
3 Гызғын гәзәби илә Исраилин бүтүн ҝүҹүнү мәһв етди,
Дүшмән ҝәләндә үстүмүздән сағ әлини чәкди.+
Гејзи һәр шеји јандырыб-јахан од кими Јагуба гаршы аловланырды.+
ד [Далет]
Гәзәбини аловтәк Сион гызынын чадырына јағдырды.+
ה [Һе]
5 Јеһова бизә дүшмән кәсилди.+
Исраили мәһв етди,
Галаларыны дағытды,
Истеһкамларыны јерлә јексан етди.
Јәһуда гызынын фәрјадыны, фәғаныны артырды.
ו [Вав]
6 Чардағыны бағчадакы кома кими учуртду.+
Бајрамына сон гојду.+
Јеһова Сионда бајрамы, шәнбәни унутдурду.
Шиддәтли гәзәби илә падшаһы вә каһини рәдд етди.+
ז [Зајн]
7 Јеһова гурбанҝаһыны рәдд етди,
Мүгәддәс мәканындан үз чевирди,+
Галаларынын диварларыны дүшмәнә тәслим етди.+
Онлар Јеһованын евиндә бајрам ҝүнүндәки кими гышгырыб-бағырдылар.+
ח [Хет]
8 Јеһова Сион гызынын диварыны учурмағы гәт етди.+
Өлчү ипини узатды.+
Дағыдыб-сөкдү, әл сахламады.
Сәдди, дивары матәмә бүрүјүб.
Икисинин дә тагәти кәсилиб.
ט [Тет]
9 Дарвазалар јерә чөкүб.+
О, ҹәфтәләри гырыб, сындырыб.
Падшаһ да, әјанлар да халгларын арасына сәпәләниб.+
Гануна әмәл едән јохдур, пејғәмбәрләрә Јеһовадан вәһј ҝәлмир.+
י [Јуд]
10 Сион гызынын ағсаггаллары јердә отуруб, диниб-данышмыр.+
Башларына тоз-торпаг төкүрләр, чула бүрүнүбләр.+
Јерусәлим гызлары башларыны јерә дикибләр.
כ [Каф]
11 Ағламагдан ҝөзләримин нуру ҝедиб,+
Көнлүм виран галыб,
Халгымын гырылдығыны,
Шәһәр мејданларында ушагларын, көрпәләрин һушуну итирдијини+ ҝөрәндә ҹијәрим дағланыр.+
ל [Ламед]
12 Онлар јаралы адамлар кими, шәһәр мејданларында һушуну итирир,
Аналарынын гуҹағында ҹан верирләр.
Аналарындан сорушурлар: «Һаны јемәк, һаны ичмәк?»+
מ [Мем]
13 Еј Јерусәлим гызы, сәнә нәји мисал чәким?
Сәни нәјә бәнзәдим?
Еј бакирә Сион гызы, сәни кимлә мүгајисә едим ки, тәскинлик тапасан?
Чүнки јаран дәрја кими бөјүкдүр.+ Ким сәнә шәфа верә биләр?+
נ [Нун]
14 Пејғәмбәрләрин сәнин үчүн јалан, пуч вәһјләр алды.+
Сәнин ҝүнаһыны ифша етмәдиләр, етсәјдиләр, әсир ҝетмәздин.+
Әксинә, сәнин үчүн јалан вәһјләр алыб, алдадыҹы һөкмләр бәјан етдиләр.+
ס [Самех]
15 Јолдан өтәнләр сәнә бахыб ришхәндлә әлләрини бир-биринә вурурлар,+
Јерусәлим гызына тәәҹҹүблә фит чалырлар,+ башларыны јырғалајыб дејирләр:
«“Гәнирсиз ҝөзәл, дүнјанын ифтихары” дедикләри шәһәр будур?»+
פ [Пе]
16 Онлар үстүнә ағызларыны ачыблар.
Фит чалырлар, дишләрини гыҹајыб дејирләр: «Ону дири-дири уддуг.+
Бу ҝүнүн һәсрәтиндә идик.+ Нәһајәт ки, ҝәлиб чатды. Бу ҝүнү дә ҝөрдүк!»+
ע [Ајн]
Мәһв етди, рәһми ҝәлмәди.+
Дүшмәнләрини сәнин һалына севиндирди. Јағыларыны ҝүҹләндирди.
צ [Тсаде]
18 Еј Сион гызынын диварлары, халгын үрәји Јеһоваја фәрјад едир.
Гој ҝөз јашлары ҝеҹә-ҝүндүз сел кими ахсын.
Сакитләшмә, ҝөзүндә јаш гурумасын.
ק [Коф]
19 Галх! Ҝеҹәләр, нөвбәләр башлајанда налә чәк,
Сутәк үрәјини Јеһованын дәрҝаһына бошалт.
Күчә тинләриндә аҹындан һушуну итирән+
Өвладларындан өтрү әлләрини Она ач.
ר [Рејш]
20 Бах, еј Јеһова, амансыз рәфтар етдијин халгын һалыны ҝөр.
Ахы нијә аналар бәтнләриндән чыхан балаларыны, дүнјаја ҝәтирдикләри көрпәләри јесин?+
Нијә каһинләр, пејғәмбәрләр Јеһованын мүгәддәс мәканында гәтлә јетирилсин?+
ש [Шин]
21 Ҹаванларын, гоҹаларын мејити күчәләрә сәрилиб,+
Гызларым, оғланларым гылынҹдан кечирилиб.+
Сән гәзәб ҝүнүндә гырдын, өлдүрдүн, рәһм етмәдин.+
ת [Тав]
22 Бајрам ҝүнүнә+ чағырырмыш кими, һәр тәрәфдән ваһимә, дәһшәт ҝәтирдин.
Јеһованын гәзәб ҝүнүндә һеч ким гуртула билмәди, ҹаныны гуртармады.+
Дүнјаја ҝәтирдијим, боја-баша чатдырдығым өвладлары дүшмәним тәләф етди.+
א [Алеф]
3 Онун гәзәб дәјәнәјинин ҹәфасыны чәкән бәндә мәнәм.
2 О, мәни дидәрҝин салыб, мәни ишыгда јох, зүлмәтдә јеридир.+
3 Бүтүн ҝүнү әли мәнә гаршыдыр.+
ב [Бет]
4 Ҹисмими әритди, дәрими чүрүтдү,
Сүмүкләрими гырды.
5 Мәни мүһасирәјә алды, зәһәрли отларла,+ ҹәфа илә дөврәјә алды.
6 Чохдан өлүб ҝедәнләр кими мәни зүлмәтләрдә отурдуб.
ג [Гимел]
7 Әтрафыма дивар чәкиб ки, гача билмәјим.
Мәни ағыр мис гандалларла гандаллајыб.+
8 Фәрјад едиб имдад диләјәндә дуаларымы рәдд едир.+
9 Јолларымы јонулмуш дашларла кәсиб.
Ризләрими долашдырыб.+
ד [Далет]
10 Пусгуја јатан ајытәк, ширтәк мәни ҝүдүр.+
12 Јајыны ҝәрди, мәни охуна һәдәф сечди.
ה [Һе]
13 Чәкиб охданындан ох атды, бөјрәјимә саплады.
14 Халглар мәни мәзһәкәјә гојур, бүтүн ҝүнү дилләриндә долашан нәғмәјәм.
15 О, мәнә зәггәтун једирди, мәни јовшанла дојурду.+
ו [Вав]
17 Сән динҹлијими әлимдән алмысан. Јадымда јахшы бир шеј галмајыб.
18 Дедим: «Ҹаһ-ҹалалым солуб, Јеһовадан үмидим кәсилиб».
ז [Зајн]
19 Чәкдијим ҹәфаны, сәфил һалымы унутма,+ јовшан једијими, зәһәр ичдијими јаддан чыхарма.+
20 Билирәм ки, мәни јада салаҹагсан, дадыма јетәҹәксән.+
21 Бу, һәмишә јаддашымдадыр, одур ки, сәбир едиб Сәни ҝөзләјәҹәјәм.+
ח [Хет]
23 Һәр сәһәр тәзәләнир.+ Онун вәфасы сонсуздур.+
24 Дедим: «Јеһова нәсибимдир.+ Ону ҝөзләјәҹәјәм».+
ט [Тет]
25 Јеһова Она үмид бағлајана,+ Она үз тутана гаршы хејирхаһдыр.+
26 Инсан үчүн јахшысы будур ки, динмәз-сөјләмәз дуруб Јеһовадан ниҹат ҝөзләсин.+
27 Ҝәнҹлик чағында бојундуруғуну дашымаг инсанын хејринәдир.+
י [Јуд]
28 Әҝәр Аллаһ бу јүкү онун үстүнә гојубса, гој тәк-тәнһа отурсун, сусуб динмәсин.+
29 Гој үзүгојлу торпаға дүшсүн.+ Онун үчүн һәлә үмид вар.+
30 Ону вурана үзүнү чевирсин. Тәһгирләрә сонадәк дөзсүн.
כ [Каф]
31 Чүнки Јеһова бизи һәмишәлик атмајаҹаг.+
32 Дәрд версә дә, бөјүк мәһәббәтинә ҝөрә мәрһәмәт дә ҝөстәрәҹәк.+
33 Чүнки бәшәр өвладына ҹәфа вермәк, дәрд чәкдирмәк Онун үрәјинҹә дејил.+
ל [Ламед]
34 Дүнјадакы мәһбуслары ајаглар алтында әзмәк,+
35 Һагг-Тааланын һүзурунда инсанын һаггыны тапдаламаг,+
36 Мәһкәмәдә кимәсә кәләк ҝәлмәк—
Белә шејләр Јеһоваја ағыр ҝедир.
מ [Мем]
37 Јеһова бујурмаса, ким сөз дејиб сөзүнү ҝерчәкләшдирә биләр?
38 Һагг-Тааланын дилиндән
Хејирлә бәрабәр шәр чыхмаз.
39 Ҝүнаһынын аҹысыны чәкән инсан нијә шикајәтләнир?+
נ [Нун]
40 Ҝәлин јолларымызы јохлајыб-арашдыраг,+ ҝәлин Јеһоваја ҝери гајыдаг.+
41 Ҝәлин сидги-үрәкдән Аллаһа үз тутаг, әлимизи ҝөјләрә ачыб дејәк:+
42 «Ҝүнаһ ишләдик, асилик етдик.+ Сән бизи бағышламадын.+
ס [Самех]
44 Булудлардан сәдд чәкдин ки, дуаларымыз дәрҝаһына јетишмәсин.+
45 Халглар арасында бизи төр-төкүнтүјә, зибилә дөндәрмисән».
פ [Пе]
46 Бүтүн дүшмәнләримиз үстүмүзә ағзыны ачыр.+
47 Бизә дәһшәт, тәлә, мәһв, һәлак нәсиб олду.+
48 Гырылан әзиз халгыма ҝөрә ҝөзүм булаг кими чағлајыр.+
ע [Ајн]
49 Ҝөз јашларым дурмадан ахыр, дајанмыр,+
50 Јеһова ҝөјләрдән ашағы баханадәк,+ һалымызы ҝөрәнәдәк ҝөз јашларым динмәјәҹәк.
51 Шәһәримин гызларынын дәрдини+ ҝөрән бу ҝөзләрим ҹаныма әзаб верир.
צ [Тсаде]
52 Јағыларым наһагдан мәни гуштәк овладылар.
53 Һәјатымы чухурда сүкута гәрг етдиләр, мәни дашгалаг етдиләр.
54 Сулар мәни өртдү, дедим: «Ахырым чатды!»
ק [Коф]
55 Еј Јеһова, чухурун дибиндән адыны чағырдым.+
56 Ешит сәсими, Сәндән имдад диләјирәм, гуртулуш истәјирәм, гулағыны бағлама.
57 Сәни чағырдығым ҝүн мәнә јахынлашдын, «горхма» дедин.
ר [Рејш]
58 Сән һаггымы мүдафиә етдин, еј Јеһова, һәјатымы гуртардын.+
59 Еј Јеһова, мәнә едилән һагсызлығы ҝөрдүн. Нә олар, мәним үчүн һаггы бәргәрар ет.+
60 Мәндән алдыглары интигамы, мәнә гаршы гурдуглары фитнә-фәсады ҝөрдүн.
ש [Син] јахуд [Шин]
61 Еј Јеһова, онларын тәнәләрини, мәнә гурдуглары гәсди,+
62 Әлејһдарларымын сөзләрини, ҝүн боју далымҹа етдикләри пычапычлары ешитдин.
63 Онлара нәзәр сал, отуруб-дуруб маһны охујур, мәни лаға гојурлар.
ת [Тав]
64 Еј Јеһова, онлара әмәлләринин әвәзини верәҹәксән.
65 Онлары ләнәтләјиб дашүрәкли едәҹәксән.
66 Еј Јеһова, Сән онлары гәзәблә тәгиб едиб ҝөјләр алтындан јох едәҹәксән.
א [Алеф]
4 Пар-пар јанан гызылын, саф алтунун парылтысы неҹә дә тутгунлашды!+
Мүгәддәс дашлар+ күчәләрә сәпәләнди.+
ב [Бет]
2 Сионун саф гызыл гәдәр дәјәрли, әзиз оғуллары
Дулусчу әлиндән чыхан
Сахсы күпләрә тај тутулду.
ג [Гимел]
ד [Далет]
4 Сусузлугдан сүдәмәр көрпәләрин дили дамағына јапышыб,
Ушаглар чөрәк үчүн јалварыр,+ амма бир тикә дә чөрәк верән јохдур.+
ה [Һе]
5 Бир вахтлар ләзиз тәамларла бәсләнәнләр инди аҹындан күчәләрә сәрилиб.+
Ал либаслар ичиндә боја-баша чатанлар инди күл топаларына сарылыб.+
ו [Вав]
6 Халгымын чәкдији ҹәза Сәдумун ҝүнаһына ҝөрә чәкдији ҹәзадан бөјүкдүр.+
Сәдум бир ан ичиндә алт-үст олмушду, көмәјинә чатан олмамышды.+
ז [Зајн]
7 Сионун нәзириләри+ гардан тәмиз, сүддән ағ иди,
Вүҹудлары мәрҹандан гырмызы иди. Онлар ҹилаланмыш ҝөј јагута бәнзәјирдиләр.
ח [Хет]
8 Инди исә көмүрдән дә гарадырлар,
Күчәдә, бајырда танынмаз олублар.
Дәриләри сүмүкләринә јапышыб,+ ағаҹтәк гупгуру гурујуб.
ט [Тет]
9 Гылынҹа гурбан ҝедәнләр аҹындан өләнләрдән хошбәхтдир,+
Јемәјә һеч нә тапмадығы үчүн ҹанында ҹан галмајан, гырылан адамлардан бәхтијардыр!
י [Јуд]
10 Үрәјијуха аналар өз әлләри илә балаларыны биширди.+
Халгымын мүсибәтли ҝүнүндә көрпәләр аналара јас јемәји олду.+
כ [Каф]
Сионда од галајыб. Од онун тәмәлләрини јандырыб-јахыр.+
ל [Ламед]
12 Дүнјанын падшаһлары, јерин сакинләри инанмазды ки,
Јағылар, дүшмәнләр Јерусәлим дарвазасындан ичәри ҝирәр.+
מ [Мем]
13 Пејғәмбәрләрин ҝүнаһларына ҝөрә, каһинләрин тәгсирләринә ҝөрә бу баш верди.+
Онлар шәһәрин ортасында салеһ адамларын ганыны төкүрдүләр.+
נ [Нун]
14 Күчәләрдә кор кими долашырлар.+
Гана булашыблар,+
Палтарларына һеч ким тохуна билмир.
ס [Самех]
15 Гышгырыб онлара дејирләр: «Узаг дурун! Бизә тохунмајын! Мурдарсыныз! Рәдд олун! Рәдд олун!»
Онлар евсиз-ешиксиздирләр, сәрҝәрдан доланырлар.
Халглар дејирләр: «Онлар бурада бизимлә гала билмәз.+
פ [Пе]
16 Јеһова онлары пәрән-пәрән салыб.+
Бир дә онлара лүтф ҝөстәрмәјәҹәк.
Һеч ким каһинләрә һөрмәт гојмајаҹаг,+ ағсаггаллара сајғы ҝөстәрмәјәҹәк».+
ע [Ајн]
17 Индинин өзүндә дә бош јерә көмәк ҝөзләјирик, ҝөзләмәкдән ҝөзләримизин көкү саралыб.+
Бизи гуртара билмәјән халгдан көмәк умдуг, көмәк ҝөзләдик.+
צ [Тсаде]
18 Һәр аддымымызы изләјирләр,+ мејданларда ҝәзә билмирик.
Ахырымыз чатыб, өмрүмүз битиб, сонумуз ҝәлиб.
ק [Коф]
19 Тәгибчиләр ҝөјдәки гарталлардан итидир.+
Дағларда бизи тәгиб етдиләр, сәһрада бизә пусгу гурдулар.
ר [Рејш]
20 Нәфәсимиз, Јеһованын мәсһ олунмушу+ онларын ири чаласында әсирдир.+
Бизсә дејирдик: «Онун көлҝәси алтында халглар арасында јашајаҹағыг».
ש [Син]
21 Еј Уз дијарында јашајан Әдум гызы,+ севин, шадлан.
Амма ҹам сәнә дә өтүрүләҹәк,+ сән дә сәрхош олуб ејиб јерләрини ачаҹагсан.+
ת [Тав]
22 Ҝүнаһынын ҹәзасы битди, еј Сион гызы.
О, бир дә сәни сүрҝүнә апармајаҹаг.+
Амма, еј Әдум гызы, Аллаһ тәгсиринә нәзәр јетирәҹәк.
Ҝүнаһларыны ашкара чыхараҹаг.+
5 Еј Јеһова, башымыза ҝәләнләри јада сал.
Бах, рүсвајчылығымызы ҝөр.+
2 Ирсимиз јаделлиләрин әлинә кечиб, евләримиз јадлара нәсиб олуб.+
3 Атасыз галмышыг, јетимик. Аналарымыз дул галмыш гадына бәнзәјир.+
4 Өз сујумузу, өз одунумузу пулла алырыг.+
5 Тәгибчиләр аз галыб бизи јахаласынлар,
Әлдән дүшмүшүк, нәфәс дәрмәјә маҹалымыз јохдур.+
6 Бир гарын чөрәкдән өтрү Мисирә,+ Ашшура+ әл ачмышыг.
7 Ата-бабаларымыз ҝүнаһ етдиләр. Амма инди онлар јохдурлар, ҝүнаһларынын јүкүнү биз дашыјырыг.
8 Нөкәрләр бизә ағалыг едир. Бизи онларын әлиндән алан јохдур.
9 Чөллүкдә ҹөвлан едән гылынҹ үзүндән һәјатымызы ода атыб евә чөрәк ҝәтиририк.+
10 Аҹлыгдан әзаб чәкирик,+ дәримиз соба кими алышыб-јаныр.
11 Сиондакы гадынлары, Јәһуда шәһәрләриндәки гызлары рүсвај етдиләр*.+
12 Башчылар әлиндән асылды,+ ағсаггаллара һөрмәт гојулмады.+
13 Ҝәнҹләр әлдәјирманы дашыјыр, ушаглар одун јүкләри алтында сәндәләјир.
14 Даһа ағсаггаллар шәһәр дарвазасында отурмур,+ ҹаванлар маһны чалмыр.+
15 Үрәјимиздән севинҹ јох олуб, артыг рәгс етмирик, јас тутуруг.+
16 Таҹымыз башымыздан дүшүб. Ҝүнаһ етмишик, вај һалымыза!
17 Бу сәбәбдән үрәјимиз хәстә дүшүб.+
Бу шејләрә ҝөрә ҝөзүмүзүн нуру ҝедиб.+
18 Чүнки Сион дағы виран галыб,+ орада түлкүләр ҝәзиб-долашыр.
19 Сән исә, еј Јеһова, әбәдијјән тахтда отураҹагсан.
Тахтын нәсилләр боју дураҹаг.+
20 Ахы нијә бизи һәмишәлик унутмусан? Нијә бу гәдәр вахтдыр бизи тәрк етмисән?+
21 Еј Јеһова, јенә бизи Өзүнә чәк, ҹанла-башла ҝәләрик.+
Әввәлки ҝүнләримизи гајтар.+
22 Амма Сән бизи тамамилә рәдд етдин.
Бизә гаршы јаман гәзәблисән.+
1—4 фәсилләрдәки мәрсијәләр орижинал ибрани мәтниндә әлифба сырасы илә јазылмышдыр.
Бу, Јерусәлимин шәхсләндирилмиш образыдыр.
Диҝәр вариант: вүҹудуму сүстләшдирди.
Ибр. хесед. Лүғәтдә «хесед» сөзүнә бах.
Јахуд зорладылар.