МӘЛАКИ

1 Һөкм:

Јеһованын Мәлаки* пејғәмбәр васитәсилә Исраил барәдә дедији сөз.

2 Јеһова дејир: «Мән сизә мәһәббәт ҝөстәрдим».+

Сиз исә дејирсиниз: «Бизә мәһәббәтини неҹә ҝөстәрдин?»

«Мәҝәр Ејс Јагубун гардашы дејил?+ — бәјан едир Јеһова. — Анҹаг Мән Јагубу севдим, 3 Ејсә исә нифрәт етдим.+ Онун дағларыны виран етдим,+ мирасыны чөлдәки чаггаллара вердим».+

4 «Әдум* дејир: “Биз әзилдик, лакин гајыдыб виран галмыш јерләримизи бәрпа едәҹәјик”. Буна ҝөрә ордулар Аллаһы Јеһова дејир: “Онлар тикәҹәкләр, Мән јыхаҹағам. Ораја “пислик дијары”, онлара да “Јеһованын һәмишәлик мәһкум етдији халг” дејәҹәкләр.+ 5 Буну өз ҝөзүнүзлә ҝөрүб дејәҹәксиниз: “Гој Јеһова бүтүн Исраил дијары үзәриндә уҹа олсун!”»

6 «Еј адыма һәгарәт едән каһинләр, ордулар Аллаһы Јеһова сизә дејир: “Оғул атасына һөрмәт ҝөстәрир,+ нөкәр дә ағасына. Әҝәр Мән атајамса,+ һаны Мәнә һөрмәт?+ Әҝәр Мән ағајамса, һаны Мәнә еһтирам?”+

“Сиз исә: “Биз Сәнин адына неҹә һәгарәт етмишик ки?” — дејирсиниз”.

7 “Гурбанҝаһымда мурдар чөрәк тәгдим етмәклә”.

“Сиз сорушурсунуз: “Сәни неҹә ләкәләмишик ки?”

“Јеһованын сүфрәси+ һөрмәтә лајиг дејил”, — демәклә. 8 Сиз кор һејваны гурбан ҝәтириб дејирсиниз: “Бурада пис нә вар ки!” Һәмчинин ахсаг вә хәстә һејваны тәгдим едиб дејирсиниз: “Бурада пис нә вар ки!”».+

«Ону өз һөкмдарына апар, ҝөр сәндән разы галар? Ҝөр сәнә хош үз ҝөстәрәр?» — дејир ордулар Аллаһы Јеһова.

9 «Аллаһа јалварын ки, О, бизә лүтф ҝөстәрсин. Һеч бу ҹүр тәгдимәләрлә О, сизә хош үз ҝөстәрәр?» — дејир ордулар Аллаһы Јеһова.

10 «Сиз гапыларымы бағламаг истәмирсиниз*.+ Һеч гурбанҝаһымы да һавајы галамырсыныз.+ Мән сиздән наразыјам, — дејир ордулар Аллаһы Јеһова, — ҝәтирдијиниз бәхшишләр Мәнә хош дејил».+

11 «Ҝүндоғандан ҝүнбатанадәк халглар арасында Мәним адым уҹа олаҹаг.+ Һәр јердә адыма пак бәхшиш кими гурбан түстүсү галдырылаҹаг вә тәгдимәләр ҝәтириләҹәк, чүнки халглар арасында Мәним адым уҹа олаҹаг»,+ — дејир ордулар Аллаһы Јеһова.

12 «Сиз исә: “Јеһованын сүфрәси мурдардыр, онун үстүндәки мејвәләр дә, јемәкләр дә һөрмәтә лајиг дејил”,+ — дејәрәк ону* ләкәләјирсиниз.+ 13 Үстәлик: “Лап безмишик!” — дејиб нифрәтинизи ҝөстәрирсиниз», — дејир ордулар Аллаһы Јеһова. «Сиз оғурлуг, ахсаг вә хәстә һејванлары ҝәтирирсиниз. Сиз бу ҹүр һејванлары бәхшиш ҝәтирирсиниз! Буну сиздән неҹә гәбул едим?»+ — дејир Јеһова.

14 «Сүрүсүндә сағлам еркәк һејваны ола-ола, нәзир дејиб гүсурлу һејваны Јеһоваја гурбан ҝәтирән һијләҝәр адама ләнәт олсун! Ахы Мән әзәмәтли Падшаһам,+ — дејир ордулар Аллаһы Јеһова, — Мәним адым халглар арасында ваһимә доғураҹаг».+

2 «Еј каһинләр, бу әмр сизин үчүндүр.+ 2 Әҝәр сиз гулаг асмасаныз, адымы уҹалтмағы үрәјиниздә гәт етмәсәниз, үзәринизә ләнәт јағдыраҹағам,+ — дејир ордулар Аллаһы Јеһова, — хејир-дуанызы ләнәтә дөндәрәҹәјәм.+ Артыг хејир-дуанызы ләнәтә дөндәрмишәм, чүнки әмримә лагејдлик ҝөстәрирсиниз».

3 «Бахын, сизин уҹбатыныздан сәпдијиниз тохуму тәләф едәҹәјәм,+ бајрамларынызда ҝәтирдијиниз гурбанларын пејинини сифәтинизә чырпаҹағам. Сиз пејин ичинә атылаҹагсыныз. 4 Онда биләҹәксиниз ки, Лави илә бағладығым әһд гүввәдә галсын дејә, Мән бу әмри сизә вермишәм»,+ — дејир ордулар Аллаһы Јеһова.

5 «Онунла һәјат вә сүлһ әһди бағладым. Бунлары она вердим ки, Мәнә еһтирам бәсләсин. О да Мәнә һәмишә еһтирам бәсләјирди. Бәли, адым ону ваһимәјә салырды. 6 Һәгигәт гануну дилиндә иди,+ ағзындан јаманлыг чыхмазды. О, сүлһ вә салеһлик ичиндә јолумла ҝедирди*+ вә чохларыны сәһв јолдан гајтармышды. 7 Каһинин ағзы елми горумалыдыр, ҹамаат гануну онун дилиндә ахтармалыдыр.+ Ахы о, ордулар Аллаһы Јеһованын елчисидир.

8 Лакин сиз јолдан чыхдыныз. Сизә ҝөрә ганун чохларыны бүдрәтди*.+ Лави әһдини поздунуз,+ — дејир ордулар Аллаһы Јеһова, — 9 мадам ки сиз јолларымла ҝетмәдиниз вә ганунла бағлы мәсәләләрдә ајры-сечкилик етдиниз+, Мән дә сизи бүтүн халгын гаршысында алчалдыб рәзил едәҹәјәм».

10 «Мәҝәр һамымызын атасы бир дејил?+ Бизи бир Аллаһ јаратмајыб? Онда нијә бир-биримизә хәјанәт едиб+ ата-бабаларымызын әһдинә ләкә вуруруг? 11 Јәһуда хаинлик едир, Исраилдә вә Јерусәлимдә мәнфур ишләр ҝөрүлүр. Јәһуда Јеһованын әзиз тутдуғу мүгәддәслијинә* ләкә вурду,+ јад аллаһын гызыны алды.+ 12 Јеһова кимлијиндән асылы олмајараг, белә едән һәр кәси, о ҹүмләдән ордулар Аллаһы Јеһоваја бәхшиш тәгдим едәни Јагубун чадырларындан јох едәҹәк».+

13 «Сиз бир шеј дә едирсиниз, буна ҝөрә Јеһованын гурбанҝаһындан аһ-зар әскилмир, ора ҝөз јашларындан исланыб. Одур ки, даһа бәхшишләринизә фикир вермирәм, әлиниздән нәсә алмаг Мәнә хош дејил.+ 14 Сорушурсунуз: “Нијә?” Она ҝөрә ки, ҹаванлыгда евләндијин арвадынла сәнин аранда Јеһова Өзү шаһиддир. О гадын сәнин јолдашын, әһд кәсдијин арвадындыр, сән исә она хәјанәт етдин.+ 15 Аранызда белә етмәјән бир кәс вар иди, онда бир аз Аллаһын руһу галмышды. О нә истәјирди? Аллаһдан өвлад истәјирди. Сиз дә руһунузу горујун вә ҹаванлыгда евләндијиниз арвадыныза хәјанәт етмәјин. 16 Чүнки Мән бошанмаја нифрәт едирәм,+ — дејир Исраилин Аллаһы Јеһова, — зоракы адама* нифрәт едирәм, — дејир ордулар Аллаһы Јеһова, — руһунузу горујун вә хәјанәт етмәјин.+

17 Сиз сөзләринизлә Јеһованы тәнҝә ҝәтирмисиниз+ вә сорушурсунуз: “Нә етдик ки, О тәнҝә ҝәлди?” “Пислик едән һәр кәс Јеһованын ҝөзүндә јахшыдыр, Аллаһ беләләрини хошлајыр”,+ јахуд “һаны әдаләт Аллаһы?” — демәклә Ону тәнҝә ҝәтирмисиниз».

3 Ордулар Аллаһы Јеһова дејир: «Будур, елчими ҝөндәрирәм, о, өнүмдә јол һазырлајаҹаг.+ Ахтардығыныз Рәбб гәфләтән мәбәдинә ҝәләҹәк.+ Јолуну севинҹлә ҝөзләдијиниз әһд елчиси дә ҝәләҹәк. О, мүтләг ҝәләҹәк!»

2 «Онун ҝәләҹәји ҝүнә ким таб ҝәтирәр? Зүһур едәндә ким давам ҝәтирәр? Чүнки о, әридиҹинин оду, ҹамашырчынын ҝилабысы*+ кими олаҹаг. 3 О, ҝүмүшү әридиб тәмизләјән адам кими отуруб+ Лави оғулларыны тәмизләјәҹәк. Онлары гызылтәк, ҝүмүштәк сафлашдыраҹаг вә онлар Јеһоваја салеһликлә бәхшишләр тәгдим едән халг олаҹаг. 4 Әввәлки дөврләрдә, кечмиш илләрдә олдуғу кими, Јәһуданын вә Јерусәлимин бәхшиши Јеһоваја хош олаҹаг.+

5 Сизи мүһакимә етмәк үчүн јаныныза ҝәләҹәјәм. Ҹадуҝәри,+ зинакары, јаландан анд ичәни,+ муздура фырылдаг ҝәләни,+ дула, јетимә зүлм едәни+ вә гәрибдән көмәјини әсирҝәјәни* дәрһал мәһкум едәҹәјәм.+ Бу адамлар Мәндән горхмурлар», — дејир ордулар Аллаһы Јеһова.

6 «Мән Јеһовајам. Мән дәјишмирәм*.+ Буна ҝөрә сиз мәһв олмадыныз, еј Јагуб оғуллары. 7 Ата-бабаларынызын дөврүндән бәри ганунларымы позурсунуз, онлара әмәл етмирсиниз.+ Дөнүн, Мәнә тәрәф дөнүн, Мән дә сизә тәрәф дөнәрәм»,+ — дејир ордулар Аллаһы Јеһова.

Сиз дејирсиниз: «Неҹә дөнәк?»

8 «Һеч бәндә Аллаһы талајар? Амма сиз Мәни чапыб-талајырсыныз».

Сиз дејирсиниз: «Сәни неҹә талајырыг ки?»

«Ондабирләри, ианәләри вермирсиниз. 9 Сизә ләнәт олсун*, чүнки һамыныз, бүтүн халг Мәни талајыр. 10 Бүтүн ондабирләри анбара ҝәтирин ки,+ евимдә азугә олсун.+ Бујурун, Мәни бунунла сынајын, — дејир ордулар Аллаһы Јеһова, — ҝөрүн ҝөјләрин гапыларыны сизин үчүн ачырам,+ ја јох, башыныздан бәрәкәт төкүрәм, ја јох».+

11 «Гојмарам зијанвериҹи торпағынызын мәһсулуну тәләф етсин, бағларда мејнәниз үзүмсүз галсын»,+ — дејир ордулар Аллаһы Јеһова.

12 «Бүтүн халглар сизә бәхтәвәр дејәҹәк,+ чүнки өлкәниз зөвг-сәфа дијары олаҹаг», — дејир ордулар Аллаһы Јеһова.

13 «Мәнә гаршы ағыр сөзләр дединиз», — дејир Јеһова.

Сиз исә сорушурсунуз: «Сәнә гаршы нә демишик ки?»+

14 «Сиз дединиз: “Аллаһа гуллуг етмәк әбәс имиш.+ Онун өнүндә борҹумузу јеринә јетирдик, ордулар Аллаһы Јеһованын гаршысында гәмли-гәмли ҝәздик, амма нә хејри? 15 Будур, гүрурлу адамлары бәхтәвәр сајырыг. Шәр иш ҝөрәнләр дә фираван јашајыр,+ Аллаһы сынајыр, амма ҹәзасыз галырлар”».

16 О вахт Јеһовадан горханлар бир-бирилә данышырды, һәр кәс јолдашы илә данышырды. Јеһова да диггәтлә гулаг асырды. Јеһовадан горханлар вә Онун адыны дүшүнәнләр*+ һаггында Онун өнүндә хатирә китабы јазылды.+

17 Ордулар Аллаһы Јеһова дејир: «Һәрәкәтә кечдијим ҝүн онлар Мәним мәхсуси мүлкүм олаҹаглар.+ Итаәткар оғлуна шәфгәт ҝөстәрән ата кими, онлара шәфгәт ҝөстәрәҹәјәм.+ 18 Сиз јенә салеһ адамла шәр адам арасында,+ Аллаһа гуллуг едәнлә етмәјән арасында фәрги ҝөрәҹәксиниз».

4 Ордулар Аллаһы Јеһова дејир: «Будур, күрәтәк јанан о ҝүн ҝәлир.+ Бүтүн гүррәлиләр вә шәр әмәл саһибләри саман кими олаҹаг. Гаршыдан ҝәлән о ҝүн онлары јандырыб мәһв едәҹәк, онлардан нә көк, нә будаг галаҹаг. 2 Адыма еһтирам бәсләјән сизләрин үзәринә исә һагг ҝүнәши доғаҹаг, онун шәфәгләри шәфалы олаҹаг. Сиз бәсләнмиш бузовлар кими атылыб-дүшәҹәксиниз».

3 «Сиз писләри тапдалајаҹагсыныз. Бу ишләри ҝөрдүјүм ҝүн онлар ајагларыныз алтында тоз кими олаҹаглар», — дејир ордулар Аллаһы Јеһова.

4 «Гулум Мусаја Һурибдә бүтүн Исраил үчүн вердијим Гануну, һөкмләри вә әмрләри хатырлајын.+

5 Јеһованын мөһтәшәм вә мүдһиш ҝүнү+ ҝәлмәздән габаг Илјас пејғәмбәри+ јаныныза ҝөндәрәҹәјәм. 6 О, аталарын үрәјини оғуллара,+ оғулларын үрәјини аталарына тәрәф јөнәлдәҹәк ки, Мән ҝәлиб дүнјаны вурмајым вә дүнја дармадағын олмасын».