Дүнјада ән ҝениш јајылмыш китаб
“Мүгәддәс Китаб, тарихдә ән чох охунан китабдыр... Мүгәддәс Китабын нүсхәләри истәнилән һәр һансы китабдан чох јајылыб. Мүгәддәс Китаб, һәмчинин башга китаблардан даһа тез-тез вә даһа чох дилләрә тәрҹүмә едилиб” (“The World Book Encyclopedia”) 1.
КИТАБЛАРЫН чоху бир нөв инсанлара бәнзәјир. Онлар ишыг үзү ҝөрүр, шөһрәт газаныр вә азсајлы классик әсәрләри истисна етмәк шәртилә, гоҹалыр вә өлүр. Китабханалар чох вахт, көһнәлмиш, охунмамыш, әслиндә өлү вәзијјәтинә дүшмүш сајсыз-һесабсыз китаблар үчүн бир “мәзарлыг” кими хидмәт едир.
Лакин Мүгәддәс Китаб, классик әсәрләр арасында да гејри-адидир. Мүгәддәс Китабы 3 500 ил бундан әввәл јазмаға башласалар да, о һәлә дә өз дәјәрини итирмәјиб. Ҝениш јајылмасына ҝөрә, дүнјада мөвҹуд олан китабларын һамысыны өтүб кечирa. Һәр ил Мүгәддәс Китабын там вә ја гисмән 60 милјондан чох нүсхәси пајланыр. Дүзүм шрифти илә чыхан илк нәшр, тәхминән 1455-ҹи илдә алман ихтирачысы Јоһаннес Гутенбергин чап машынындан чыхмышдыр. О вахтдан бәри (там вә ја гисмән) дөрд милјарда јахын Мүгәддәс Китаб чап едилиб. Дини вә ја дини олмајан башга һеч бир китаб бу саја чата билмәз.
Мүгәддәс Китаб, һәмчинин тарихдә ән чох дилләрә тәрҹүмә едилән китабдыр. Мүгәддәс Китаб там вә ја гисмән 2 100-дән артыг дилә вә диалектә тәрҹүмә олунубb. Јер күрәсинин әһалисинин 90 фаиздән чоху Мүгәддәс Китабын һеч олмаса бир һиссәсини өз ана дилиндә охуја билир 2. Беләликлә, бу китаб дөвләт сәрһәдләрини ашмыш, ирги вә етник манеәләри дәф етмишдир.
Бәлкә дә садәҹә статистика сизи Мүгәддәс Китабы арашдырмаға тәшвиг етмир. Бунунла белә, Мүгәддәс Китабын јајылмасы вә тәрҹүмә едилмәси һагда олан рәгәмләр тә’сир бағышлајыр вә бүтүн дүнјада инсанларын она еһтијаҹ дујдуғуну сүбут едир. Ҝениш јајылмыш вә бүтүн бәшәр тарихиндә ән чох дилләрә тәрҹүмә олунан бир китаб, шүбһәсиз ки, сизин диггәтинизә лајигдир.
[Һашијәләр]
a Һесаб едилир ки, “Мао Тсзедунун әсәрләриндән ситатлар” адлы гырмызы ҹилдли брошүра, јајылмасына ҝөрә икинҹи јери тутур; онун тәхминән 800 милјон нүсхәси сатылыб вә ја пајланыбдыр (Quotations From the Works of Mao Tse-tung).
b Дилләрин сајынын статистикасы, Бирләшмиш Мүгәддәс Китаб Ҹәмијјәтләри тәрәфиндән дәрҹ олунан рәгәмләрә әсасланыр.
[6-ҹы сәһифәдә олан шәкил]
Гутенбергин Латын дилиндәки Мүгәддәс Китабы — дүзүм шрифти илә чап олунан илк китабдыр.