Унудулмаз тәәссүрат

ҺӘР ИЛ бүтүн дүнјада Јегованын Шаһидләри, өлкәләриндә кечирилән мәсиһчи ҝөрүшләринә — рајон вә вилајәт конгресләринә топлашырлар. Онлар бу конгресләрдә јарадыҹы програмдан вә достлуг үнсијјәтиндән руһани гүввә алырлар. Анҹаг бу ҝөрүшләрин әтрафда олан инсанлара унудулмаз тәәссүрат бағышлајан диҝәр хүсусијјәтләри дә вар.

Мәсәлән, Мозамбикдә 1999-ҹу илин ијул ајында, Јегованын минләрлә Шаһидләри “Аллаһын пејғәмбәрлик сөзү” адлы үч ҝүнлүк вилајәт конгресинин зәнҝин програмыны динләдиләр. Иштиракчылардан бир чоху конгресә биринҹи дәфә ҝәлмишдиләр. Онлара, јалныз хитабәт күрсүсүндән сөјләнилән мә’рузәләр дејил, һәмчинин әтрафда ҝөрдүкләри шејләр дә чох бөјүк тә’сир бағышлады.

Мапутудакы конгрес Залына ҝәлән гадынлардан бири деди: “Мән һәјатымда һәлә белә бир ҝөзәл јер ҝөрмәмишдим! Туалетләрдә сабун вә ҝүзҝүләр вар вә һәр јандан тәмизлик әтри ҝәлир. Әтрафда сакитлик һөкм сүрүр, далашган ушаглары да ҝөрмәк гејри-мүмкүндүр. Һеч ким һеч кими итәләмир! Ҹевинҹ ичиндә олан ҝәнҹләрин неҹә сөһбәт едиб бир-бирләрини руһландырдыгларыны ҝөрдүм. Һәмчинин мәни һамынын сәлигәли ҝејими дә валеһ етди. Ҝәлән дәфә конгресә өз ушагларымы да ҝәтирәҹәм вә бизимлә ҝәлсин дејә әрими дә дилә тутаҹағам”.

Јегованын Шаһидләринин дүзлүк, алиҹәнаблыг вә тәмизликләри әтрафдакы инсанларын диггәтини ҹәлб етмәјә билмәз. Бәс Шаһидләр диҝәрләриндән нәјә ҝөрә бу ҹүр фәргләнирләр? Она ҝөрә ки, онлар Мүгәддәс Китабдан өјрәндикләрини сәмимијјәтлә өз һәјатларында тәтбиг етмәјә чалышырлар. Јегованын Шаһидләринин, бу ил өлкәниздә кечән конгресләринә вә ја јерли Падшаһлыг Залларында һәр һәфтә олан ҝөрүшләринә нә үчүн сиз дә ҝәлмәјәсиниз? Онда бунларын һамысыны сиз өз ҝөзүнүзлә ҝөрә биләрсиниз.

[32-ҹи сәһифәдәки шәкил]

ЗАМБИЈА

[32-ҹи сәһифәдәки шәкил]

КЕНЈА

[32-ҹи сәһифәдәки шәкил]

МОЗАМБИК