Охуҹуларын суаллары

• Јалныз кичик мәбләғдә пула гумар ојнамаг мүнасибдирми?

Гумар ојунлары Аллаһын Кәламында әтрафлы мүзакирә едилмәсә дә, ачыг-ајдын ҝөстәрилир ки, пулла ојнанылан ојунларын һамысы Мүгәддәс Китабын принсипләринә зиддирa. Мисал үчүн, һамы е’тираф едир ки, пулла ојнанылан ојунлар тамаһкарлыг ојадыр. Бу фактын өзү мәсиһчиләр үчүн әсаслы сәбәбдир. Чүнки Мүгәддәс Китабда дејилир ки, “тамаһкарлар” Аллаһын Падшаһлығыны мирас алмајаҹаглар вә тамаһкарлыг бүтпәрәстликлә ејни дәрәҹәдә иттиһам едилир (1 Коринфлиләрә 6:9, 10; Колослулара 3:5).

Гумар ојунлары һәмчинин шөһрәтпәрәстлик һисси вә сағлам олмајан рәгибчилик руһу, јахуд удмаг кими ҝүҹлү истәк ојадыр. Һәвари Павел: “Шөһрәтпәрәст олмајаг, бир-биримизи һирсләндирмәјәк, бир-биримизә пахыллыг етмәјәк” дејәндә мәһз бу барәдә хәбәрдарлыг едирди (Галатијалылара 5:26). Бундан әлавә, гумар ојунлары бә’зиләриндә талејә инам ојадыр. Ојунчулар, ојунун нәтиҹәсинә тә’сир етмәјә чалышараг мүхтәлиф мөвһумата истинад едирләр. Онлар, ‘Тале бүтүнә сүфрә гуран вә Гисмәт бүтүнә гарышдырылмыш шәраб долдуран’ дөнүк исраиллиләри хатырладырлар (Ишаја 65:11).

Ким исә дүшүнә биләр ки, сакит шәраитдә гоһумларла вә ја јахын достларла карт, јахуд столүстү ојунлар ојнајаркән ортаја кичик мәбләғдә пул гојмаг садәҹә зәрәрсиз әјләнҹәдир. Аз мәбләғдә пула гумар ојнајанлардан чоху өзүнү тамаһкар, шөһрәтпәрәст, рәгабәтчи вә ја мөвһуматчы сајмыр. Лакин гумар ојнајан кәсләр дүшүнмәлидирләр ки, онларын бу мәшғулијјәти онларла ојнајан кәсләрә неҹә тә’сир едир? Һәрис ојунчуларын әксәријјәти, онларын өзләринин е’тираф етдикләри кими, садәҹә олараг мараг үчүн ортаја кичик мәбләғдә пул гојмагдан башламышлар (Лука 16:10). Зәрәрсиз әјләнҹә сајылан бир шеј онлары чох кәдәрли нәтиҹәләрә ҝәтириб чыхармышдыр.

Бу, сөһбәт хүсусилә дә ушаглардан ҝетдикдә доғру чыхыр. Чох ушаглар кичик мәбләғдә пул уданда һәвәсләнирләр, бу исә онлары ортаја даһа бөјүк мәбләғдә пул гојмаға тәшвиг едир (1 Тимотејә 6:10). Гумар ојунларына мејл етмәин јаратдығы проблемләрлә мәшғул олан Аризона тәшкилаты узун мүддәт сүрән мүшаһидәнин нәтиҹәләрини АБШ-да дәрҹ етдирмишдир. Һәмин мә’луматда дејилирди ки, гумар ојунларына алудә оланларын әксәријјәти “идман јарышларынын нәтиҹәләри барәдә кичик мәбләғдә пула мәрҹ едәрәк вә ја достлары вә гоһумлары илә карт ојнајараг” ушаглыгдан ојнамаға башламышлар. Башга бир мә’луматда дејилир ки, “ушаглар гумар ојунларына евдә, адәтән аилә үзвләри вә достлары арасында карт ојнамагла башлајырлар”. Сонра һәмин мә’луматда гејд едилир ки, “гумар ојнајан ушагларын отуз фаизи он бир јашларына чатмамыш ојнамаға башламышлар”. Патоложи ојунчуларын вә гумар ојунларына гејри-ади һәвәс ҝөстәрәнләрин проблемләринә һәср едилмиш мүшаһидәјә әсасән, јенијетмәләрин чоху өз мәшғулијјәтләри үчүн пулу ҹинајәткар вә ја әхлагсыз әмәлләрә әл атараг тапырлар. Илк бахышдан зәрәрсиз ҝөрүнән бир шејин неҹә дә фәлакәтли нәтиҹәләри олур!

Онсуз да чохлу тәләләр гуран вә инсанлары ширникләндирән дүнјада јашадығымыз үчүн, нәјә ҝөрә өзүмүзү лазымсыз јерә даһа бир тәһлүкәјә дүчар едәк? (Сүлејманын мәсәлләри 27:12). Истәр ушагларын иштиракы илә, истәрсә дә онларсыз, бөјүк вә ја кичик мәбләғдә олсун, пула ојнамаг руһанилијә тәһлүкә јарадыр. Буна ҝөрә дә пулла ојнамаг јерсиздир. Јахшы оларды ки, столүстү ојунлар вә ја әјләнҹә үчүн карт ојнајан мәсиһчиләр ојунларыны јалныз кағыз үзәриндә һесаб апармагла мәһдудлашдырсынлар, ја да үмумијјәтлә һесабсыз, садәҹә олараг мәзә үчүн ојнасынлар. Өзләринин, достларынын вә аилә үзвләринин руһанилијини дүшүнән мүдрик мәсиһчиләр, һәтта кичик мәбләғдә олса белә пулла ојнамырлар.

[Һашијә]