Әхлаг нормаларына риајәт етмәк
2001-ҹи илин сонунда Мозамбикин дөвләт радиосунда нөвбәти е’лан сәсләнди:
“Республиканын президенти Јеһованын Шаһидләринин Мапутудакы филиалына баш чәкмишдир. О, Јеһованын Шаһидләрини, аиләдә әхлаг нормаларыннын риајәт олунмасына вә јеткин јашлы инсанларын савад әлдә етмәсинә јөнәлдилмиш фәалијјәтләрини ҝүҹләндирмәјә чағырды. Бу тә’лим артыг тәхминән 10 мин адама көмәк етмишдир. Президент Чиссанонун дедији кими, белә тәшәббүс тә’рифәлајигдир, чүнки өлкәмизин маариф саһәсиндә һәлә дә гаршылашдығы проблемләрин һәлл олунмасында көмәк едәрәк, ҹәмијјәтә фајда ҝәтирир”.
Сонра һәмин е’ланда президентин мә’рузәсиндән бир парча сәсләнди: “Фәрәһләндириҹидир ки, бир чохлары башгаларына јазмағы вә охумағы өјрәтмәк марағындадырлар. Бу ҝөстәрир ки, әһалинин инкишаф етмиш тәбәгәләринин нүмајәндәләри савадсызлығы арадан галдырмагда бизә көмәк етмәк истәјирләр. Буна ҝөрә дә чох истәрдим ки, Јеһованын Шаһидләри инсанлара истәнилән дилдә савад вермәк фәалијјәтләрини ҝенишләндирсинләр. Башлыҹасы одур ки, инсанлар савадлы олсунлар, үнсијјәтдә олмагда чәтинлик чәкмәсинләр вә тәһсилә мараглары артсын”.
Мозамбикдә Јеһованын Шаһидләри, инсанлара Мүгәддәс Китабы сәрбәст охумағы өјрәтмәк мәгсәдилә, 850 јердә тәдрис курслары кечирирләр. Бундан башга, һәр һәфтә пулсуз олараг евләрдә 50 минә јахын Мүгәддәс Китаб өјрәнмәси кечирирләр. Бүтүн бунлар, һал-һазырда 234 өлкәни әһатә едән вә Мүгәддәс Китаба әсасланан үмумдүнја маарифләндирмә ишинин бир һиссәсидир (Матта 24:14). Әҝәр әразиниздә јашајан Јеһованын Шаһидләринә мүраҹиәт етсәниз, онларын хидмәтләриндән сиз дә фајдалана биләрсиниз.