Сиз мирас алмаға үмид едә биләрсиниз
“ӘҜӘР сизин пајыныза мирас дүшдүјү барәдә “нотариусдан” билдириш вәрәгәси ҝәләрсә, еһтијатлы олун. Сиз маһир јаланчынын гурбаны ола биләрсиниз”.
Белә бир хәбәрдарлығы АБШ-ын Почт Мүфәттишлији Хидмәти өз Wеб-сајтында јерләшдирмишдир. Бу хәбәрдарлыға нә үчүн еһтијаҹ јаранмышдыр? Чүнки минләрлә инсанлар “гоһумларынын өлдүјүнә вә онлара мирас гојдугларына” даир мәктуб алмышлар. Нәтиҹәдә бир чохлары 30 доллар вә ја даһа артыг пул ҝөндәрмишләр ки, “мирас һаггында арајышы” әлдә едә билсинләр. Ҝуја һәмин арајышда мирасы алмаг үчүн инсанын өз һүгугларыны һарада вә неҹә ирәли сүрә биләҹәји изаһ едилирди. Онлары аҹы пешманчылыг ҝөзләјирди. Бүтүн үнван саһибләри ејни мөвзулу мәктублар алмышдылар, буна ҝөрә дә онларын һеч биринин нәји исә мирас алмаг үчүн реал шанслары јох иди.
Бу ҹүр һијләҝәрликләр инсанын мирас алмаг кими тәбии һиссләри илә ојнајыр. Бәли, Мүгәддәс Китаб мирас сахламағын гејдинә галан кәсләри тәгдир едир: “Јахшы адам оғулларынын оғулларына мирас бурахар” (Сүлејманын мәсәлләри 13:22). Һәтта Иса Мәсиһин өзү Дағүстү тәблиғиндә мәшһур вә гәлб исидән сөзләр демишдир: “Һәлимләр нә бәхтијардырлар! Чүнки јери мирас алаҹаглар” (Матта 5:5).
Исанын дедикләри, ондан чох әввәл јашамыш гәдим Исраил падшаһы Давудун јаздыгларыны хатырладыр: “Һәлимләр дүнјаны мирас алаҹаглар вә сүлһ боллуғунда ләззәт тапаҹаглар” (Мәзмур 37:11).
“Јери мирас алаҹаглар” — неҹә дә ҝөзәл вә’ддир! Бәс бунун инсанлары алдатмаг мәгсәдинә гуллуг едән даһа бир һијлә олмадығына әмин олмаг мүмкүндүрмү? Бәли, мүмкүндүр. Јер күрәси, Јеһованын ҝөзәл сурәтдә јаратдыгларынын бир һиссәси олдуғу үчүн, бир Јарадан вә Саһибкар кими ону кимә истәсә вермәк һүгугуна маликдир. Давуд падшаһын васитәсилә Јеһова Өз севимли Оғлу Иса Мәсиһә пејғәмбәрҹәсинә белә бир вә’д вермишдир: “Мәндән ирс олараг милләтләри истә, мүлк олараг јерин һәр тәрәфини сәнә верим” (Мәзмур 2:8, МКШ). Буна ҝөрә дә, һәвари Павел Исаны, Аллаһын ону “һәр шејин вариси тә’јин етдији” бир шәхс кими тәсвир едир (Ибраниләрә 1:2). Биз там әмин ола биләрик ки, Иса “һәлимләр јери мирас алаҹаглар” дејәркән кәләк ҝәлмирди. О, өз вә’дини јеринә јетирмәк үчүн кифајәт гәдәр сәлаһијјәтә саһибдир (Матта 28:18).
Ваҹиб бир суал јараныр: бу вә’д неҹә јеринә јетәҹәкдир? Адама елә ҝәлир ки, бу ҝүн тәҹавүзкар вә ловға инсанлар даһа чох мүвәффәгијјәт газаныр вә истәдикләринә наил ола билирләр. Белә һалда һәлимләрә нә галаҹагдыр? Бундан әлавә, Јер ҹидди еколожи проблемләр уҹбатындан әзијјәт чәкир, тамаһкар вә узағы ҝөрмәји баҹармајан инсанлар онун еһтијатларыны талан едирләр. Јер күрәсини лајигли мирас адландырмаг олармы? Зәһмәт олмаса, нөвбәти мәгаләни охујун. Орадан бу вә диҝәр ваҹиб суаллара ҹаваб тапаҹагсыныз.
[3-ҹү сәһифәдәки шәкил]
Доғруданмы, сиз мирас алаҹагсыныз?