Ағыллы чыхыш јолу

МӘРКӘЗИ Африкада јашајан үч ҝәнҹ онлара ән јахын әразидә кечирилән вилајәт конгресинә ҝетмәк истәјирдиләр. Бәс онлар неҹә ҝедәҹәкдиләр? Бунун үчүн кәлә-көтүр, тозлу-торпаглы јолларла 90 км мәсафәни гәт етмәк лазым иди, анҹаг һеч бир нәглијјатлары јох иди. Онлар бир нечә ҝүнлүјә үч велосипед тапмаг гәрарына ҝәлсәләр дә, мүнасиб ҝәләнини тапа билмирдиләр.

Јығынҹағын ағсаггалы онларын вәзијјәтини ҝөрүб өз велосипедини тәклиф етди. Велосипед көһнә олса да, ишләк вәзијјәтдә иди. Ағсаггал онлара әввәлләр өзүнүн, еләҹә дә башгаларынын конгресә неҹә ҝедиб чыхдыгларыны баша салды. О мәсләһәт ҝөрдү ки, үчү бир велосипеддән истифадә етсин. Бу садә чыхыш јолу кими ҝөрүнсә дә, баш сындырмаг лазым иди. Ҝөрәсән, үч нәфәр бир велосипеддән неҹә истифадә едәҹәкди?

Ҝүнүн гызмар вахтына дүшмәмәк үчүн гардашлар сүбһ тездән ҝөрүшүб әшјаларыны велосипедә јүкләдиләр. Бири велосипеди сүрүр, диҝәр ики нәфәр исә ити аддымларла онун архасынҹа ҝедирди. Тәхминән 500 метрдән сонра велосипеди сүрән дајаныб јүкләнмиш велосипеди ағаҹа сөјкәјирди. О, архадакы ики нәфәрин ҝөзүндән итмәмәјә чалышырды ки, јолдан өтән велосипеди оғурламасын. Велосипеди биринҹи сүрән гардаш јолуна пијада давам едирди.

Диҝәр ики нәфәр велосипедә чатанда, бири велосипедә минир, о бири исә өз нөвбәси чатана кими 500 метр јолу пијада ҝедирди. Беләликлә јахшы планлашдырдыглары вә гәтијјәтли олдуглары үчүн, бу үч нәфәр 90 километр әвәзинә тәхминән 60 километри пијада ҝетдиләр. Сәј ҝөстәрмәјә дәјәрди. Онлар конгресдә баҹы-гардашларла ҝөрүшдүләр вә руһани зијафәтдә иштирак етдиләр (Ганун. т. 31:12). Бәс сиз, бу ил вилајәт конгресиндә иштирак етмәк үчүн әлиниздән ҝәләни едәҹәксинизми?