Јадыныздадырмы?

«Ҝөзәтчи Гүлләси»нин сон сајлары хошунуза ҝәлдими? Елә исә ашағыдакы суаллара ҹаваб вермәјә чалышын:

• Аллаһ вә Онун нијјәтләри һаггында һәгигәт олан ‘пак дилдә’ неҹә сәлис даныша биләрик? (Сеф. 3:9)

Данышыг дилиндә олдуғу кими, ‘пак дилдә’ дә сәлис данышмаг үчүн бизә диггәтлә гулаг асмаг, сәлис данышанлары тәглид етмәк, Мүгәддәс Јазылардакы китабларын адларыны вә бәзи ајәләри әзбәрләмәк, өјрәндикләримизи тәкрар етмәк, сәслә охумаг, «грамматика»ны вә ја һәгигәтин сәһиһ сөзләрини өјрәнмәк, тәрәгги етмәк, өјрәнмәјә конкрет вахт тәјин етмәк вә пак дилдә «данышмаг» лазымдыр (15.8. сәһифә 21-25).

• «Үчгат ип» анлајышыны никаһа неҹә аид етмәк олар?

«Үчгат ип» ифадәси мәҹази мәна дашыјыр (Ваиз 4:12). Бу ифадә никаһа аид едиләндә о демәкдир ки, ипин икиси әрлә арваддыр вә онлар Јеһова Аллаһы тәмсил едән бир әсас иплә бирләшибләр. Аллаһла бир олмағын сајәсиндә әрлә арвад чәтинликләрин өһдәсиндән ҝәлмәк үчүн руһани ҝүҹ-гүввә әлдә едир вә аилә һәјатында хошбәхт олур (15.9. сәһифә 16).

• Ибраниләрә 6:2 (И-93) ајәсиндә һаггында данышылан ‘әлләр гојулушу’ нәјә аиддир?

Бу, мәсиһчи ағсаггалларын тәјин едилмәсинә јох, чох еһтимал ки, мүгәддәс руһун мөһтәшәм әнамларыны вермәк мәгсәдилә әлләрин гојулушуна аиддир (Һәв. иш. 8:14-17; 19:6) (15.9. сәһифә 32).

• Јығынҹағын нәзарәтчиләри башгаларына һөрмәт етдикләрини неҹә ҝөстәрирләр?

Мәсәлән, ағсаггал өзү етмәк истәмәдији иши ҝөрмәји башгаларындан хаһиш етмәјәҹәк. Һәмчинин о, хаһишләринин вә ҝөстәришләринин сәбәбини изаһ етмәклә башгаларына һөрмәт ҝөстәрир (15.10. сәһифә 22).

• Мәсиһчи ағсаггал исраилли чобанын узун чомаг вә дәјәнәкдән истифадә етмә тәрзиндән нә өјрәнә биләр?

Чобан сүрүсүнү отармаг үчүн узун чомаг вә дәјәнәкдән истифадә едирди. Гојунлар ағыла ҝириб-чыханда чобан онлары ‘дәјәнәјинин алтындан кечирәрәк’ сајырды (Лев. 27:32). Јығынҹағын чобанлары да онлара һәвалә олунмуш Аллаһын сүрүсүнү танымалы вә онун нә илә мәшғул олдуғундан хәбәрдар олмалыдырлар (15.11. сәһифә 9).