Аиләләр нәјә ҝөрә дағылыр?

«Фәрисејләр Исанын јанына ҝәлдиләр вә ону сынамаг үчүн сорушдулар: “Киши истәнилән сәбәбә ҝөрә арвадыны бошаја биләр?”» (Матта 19:3).

ИСА ПЕЈҒӘМБӘРИН ҝүнләриндә јашајан бәзи инсанлар никаһы горујуб сахламағын гејри-мүмкүн олдуғуну дүшүнүрдүләр вә буна ҹан атмағы лазым билмирдиләр. Елә нөвбәти сөзләри Иса Мәсиһ белә инсанлара үнванламышды: «Мәҝәр охумамысыныз ки, Јарадан башланғыҹдан онлары киши вә гадын олараг јарадыб вә белә дејиб: “Буна ҝөрә дә инсан өз ата-анасындан ајрылыб арвадына бағланаҹаг вә икиси бир бәдән олаҹаг”? Беләликлә, онлар артыг ики јох, бир бәдәндир. Буна ҝөрә дә Аллаһын бир бојундуругда бирләшдирдијини гој һеч кәс ајырмасын» (Матта 19:4—6)a. Ајдындыр ки, Аллаһ никаһын даими олмасыны истәјирди.

Бир чох өлкәләрдә гурулан аиләләрин тәхминән 40 фаизи бошанма илә нәтиҹәләнир. Демәк олармы ки, Аллаһын Кәламында буна даир верилән мәсләһәтләр артыг көһнәлиб? Бәлкә, проблем никаһ гурулушунун өзүндәдир?

Ҝәлин белә бир нүмунәјә бахаг: һәр ики аилә ејни моделдә машын алыр. Аиләнин бири автомобилини јахшы сахлајыр вә ону еһтијатла сүрүр; онларын автомобили саз вәзијјәтдә галыр. Диҝәр аилә исә автомобилинә јахшы бахмыр вә ону неҹә ҝәлди идарә едир. Мүәјјән вахтдан сонра машын хараб олур вә ону атмалы олурлар. Сизҹә, проблем нәдәдир: машында, јохса онун саһибиндә? Ајдындыр ки, әсас мәсулијјәт саһибин үзәринә дүшүр.

Ејнилә дә, бир чох аиләләрин дағылмасы о демәк дејил ки, никаһ гурулушунун өзүндә гүсур вар. Уғурлу олан милјонларла никаһлар бунун әксини сүбут едир. Белә никаһлар ајры-ајры инсанлара, аиләләрә вә ҹәмијјәтә хошбәхтлик вә сабитлик ҝәтирир. Лакин әҝәр никаһын даими олмасыны истәјириксә, машын кими, она да мүнтәзәм гајғы вә диггәт ҝөстәрмәк лазымдыр.

Фәрги јохдур, тәзә аилә гурмусунуз, јахуд чохдан, никаһы горумаға вә ону мөһкәмләндирмәјә даир Мүгәддәс Китабда јер алан мәсләһәтләр мүтләг сизә фајда ҝәтирәҹәк. Ҝәлин нөвбәти сәһифәләрдә онлардан бәзиләрини нәзәрдән кечирәк.

[Һашијә]