Мүсбәт әһвал-руһијјәни гору
1 Бир чох өлкәләрдә Падшаһлыг ишинин ҝениш вүс’әт алмасы барәдә охумаг неҹә дә севиндириҹидир! Лакин бә’зи јерләрдә тәблиғчиләр хош хәбәрә гаршы лагејдлик, һәтта ачыг әдавәтлә үзләширләр. Әҝәр сизин әразиниздә дә инсанлар хош хәбәрә белә мүнасибәт ҝөстәрирләрсә, о заман мүсбәт әһвал-руһијјәни неҹә горумаг олар? Бизи севинҹимиздән мәһрум едәҹәк вә ја шаҝирдләр һазырламаг ишиндә сә’јимизи зәифләдәҹәк мәнфи әһвал-руһијјәнин тә’сири алтына дүшмәмәк үчүн нә едә биләрик?
2 Мүсбәт әһвал-руһијјә сајәсиндә таразлығы горуја биләҹәјик. Һәтта шәраитимиз чәтин олдугда белә, јол вермәмәлијик ки, мәнфи фикирләр бахышымызы тутгунлашдырсын. Иса бизим үчүн ҝөзәл нүмунә гојуб. Демәк олар ки, онун тә’лимләрини чох аз адам гәбул етди. Бир чохлары онун дедикләринә гулаг асанда бүдрәјирдиләр. Иса иманы үчүн ҹидди имтаһан олан сынагларла растлашмышды. Дин рәһбәрләри онун ишини тәнгид атәшинә тутмуш вә ону өлдүрмәк үчүн суи-гәсд һазырлајырдылар. Исанын үзүнә түпүрүрдүләр, ону шилләләјир, әлә салыр, дөјүрдүләр, ахырда ону өлдүрдүләр. Лакин ҝөрдүјү иш она севинҹ ҝәтирирди. Нијә? О, Аллаһын тапшырығыны јеринә јетирмәјин ваҹиблијини анлајырды вә буна ҝөрә дә тәслим олмурду (Јәһ. 4:34; 13:17; Ибр. 12:2).
3 Хидмәтә дүзҝүн нөгтеји-нәзәри гору. Хидмәтимиздә мүсбәт әһвал-руһијјәни горумаг үчүн биз бир нечә амили јаддан чыхармамалыјыг. Јадда сахла ки, бир чохларынын ҝәтирдијимиз хәбәри гәбул етмәјәҹәји вә ја она лагејд јанашаҹағы габагҹадан дејилмишди (Мат. 13:14, 15). Һәвариләрә рәсми сурәтдә Исанын ады илә тәблиғ етмәјә гадаға гојулса да, онлар верилән тапшырығы сәдагәтлә јеринә јетирәрәк бичини давам етдирирдиләр (Һәв. иш. 5:28, 29; 6:7). Биз әввәлҹәдән билирик ки, бә’зи әразиләрдә бизи чох аз адам динләјәҹәк (Мат. 7:14). Әҝәр бир адам да бизә гулаг асырса, артыг бу севинмәк үчүн сәбәбдир. Јадда сахла ки, һәтта мүгавимәт ҝөстәрәнләрә белә хош хәбәри ешитмәк имканы верилмәлидир (Јез. 33:8). Бә’зи тә’гибчиләр әввәл-ахыр мүнасибәтләрини дәјишәрәк Јеһованын хидмәтчиләри олмушлар. Хидмәтә дүзҝүн јанашанда, һәтта аз адам бизи динләсә дә, ондан мәмнунлуг дујаҹағыг. Артыг гапы ағзында Падшаһлыг һаггында хош хәбәрлә дурмағымызын өзү белә шаһидликдир (Јез. 2:4, 5).
4 Мүсбәт әһвал-руһијјәдә олмамыз үчүн јахшы сәбәбләримиз вардыр. Үмумдүнја ишин чичәкләнмәси вә бөјүк мәшәггәтин јахын олдуғуна ишарә едән сүбутлар хидмәтимизи садигликлә давам етдирмәк үчүн һамымызы әлимиздән ҝәләни етмәјә тәшвиг етмәлидир (2 Пет. 3:11, 14). Сентјабр ајында хидмәтдә сә’јлә иштирак етмәклә өјрәндикләримизә ҝөрә миннәтдарлығымызы билдирә биләрик. Биз, һәмчинин истәјирик ки, јығынҹаға тәзә ҝәләнләр дә өјрәндикләрини мүсбәт әһвал-руһијјә илә тәтбиг етсинләр. Әҝәр сәнин Мүгәддәс Китабы өјрәндикләриндән кимсә тәблиғчи олмаг үчүн кифајәт гәдәр руһән инкишаф етмишсә, сентјабр ајы бу мәгсәдә чатмаг үчүн чох әлверишлидир.
5 Тәблиғчи вә ја пионер хидмәт етмәјимиздән асылы олмајараг, Јеһованын тәләбләринин ағыр јүк олмадығыны јадда сахласаг, бу бизим үчүн көмәк олаҹагдыр (1 Јәһ. 5:3). О бизә дајаг олаҹағыны вә’д едир (Ибр. 13:5, 6). Чатдырдығымыз хәбәрә олан е’тинасызлыг вә ја мүгавимәтләрә бахмајараг, мүсбәт әһвал-руһијјәни горумалы вә тәблиғи давам етдирмәлијик, чүнки буну Аллаһ истәјир (1 Тим. 2:3, 4).