Көмәјә еһтијаҹ олан јердә хидмәт етмәјә һазырсанмы?
1 Тәблиғчи чатышмајан әразијә көчмәк һаггында һеч дүшүнмүсәнми? Әҝәр көмәк етмәк үчүн сәндән белә јерә көчмәји хаһиш етсәјдиләр, һәвари Павел кими, бу чағырыша һај верәрдинми? (Һәв. иш. 16:9, 10). Бир чох јығынҹагларда руһани ҹәһәтдән јеткин аиләләр аздыр, саһәләри ишләмәк үчүн пионерләрин көмәјинә еһтијаҹ вар, һәмчинин ағсаггаллар вә хидмәти көмәкчиләр дә тәләб олунур. Бизим саһәдә бу тәләбат һәтта бөјүк шәһәрләрдә дә мүшаһидә олунур. Бә’зән белә јығынҹағын саһәси ҝениш кәнд әразисинә сәпәләнмиш бир нечә јашајыш мәнтәгәләриндән ибарәт олур. Ән јахын Падшаһлыг Залы белә чох узагда јерләшә биләр. Иш тапмаг чох чәтиндир. Һава һәмишә јахшы олмур. Сән белә бир әразијә көчә биләрдинми? Буну неҹә уғурла һәјата кечирмәк олар?
2 Иман вә е’тибар тәләб олунур. Аллаһын ҝөстәришилә Ибрам доғма шәһәри Уру тәрк едәрәк, арвады, гардашы оғлу вә гоҹа атасы Тераһ илә бирликдә 1 000 километр узаглыгда јерләшән Харана јола дүшдү (Јар. 11:31, 32; Неһ. 9:7). Тераһын өлүмүндән сонра, Јеһова 75 јашлы Ибрама гоһумларыны вә Хараны тәрк етмәји вә ҝөстәрәҹәји јерә ҝетмәји әмр етди. Ибрам, Сарај вә Лут итаәткарлыг ҝөстәрәрәк јола дүшдүләр (Јар. 12:1, 4, 5). Әлбәттә, Ибрам евини даһа чох еһтијаҹ олан јердә хидмәт етмәк үчүн тәрк етмәмишди. Бәс она белә фәдакарлыг ҝөстәрмәјә нә көмәк етди?
3 Белә бир гәтијјәтли аддымы атмаға Ибрама иман вә е’тибар көмәк етди. О, һәјат тәрзини вә бахышларыны дәјишмәјә һазыр иди. Ибрам гоһумларынын тә’мин етдији тәһлүкәсизликдән имтина етмәли олду. Лакин о инанырды ки, Јеһова онун вә аиләсинин гејдинә галаҹагдыр. Бу ҝүн дә ејни тәрздә, бир чох баҹы вә гардашлар Јеһоваја е’тибар едирләр.
4 Гысамүддәтли тә’јинат. Тә’јин олунмамыш әразидә хидмәт етдијин үчүн Јеһованын хејир-дуасыны һисс етмисәнми? Мәсәлән, кечән ил Русијада тәхминән 600 груп тәблиғ етмәк үчүн тә’јин олунмамыш әразидә хидмәт етмишди. Ҹәми бир ил әрзиндә бу хидмәтдә 4 177 тәблиғчи иштирак етди. Бу тапшырығы јеринә јетирмәк үчүн бә’зиләри чох бөјүк мәсафәни гәт етмәли олмушду. Ҝөстәрилән сә’јләр өзләрини доғрултдуму?
5 Биз тәблиғчиләрдән чохлу миннәтдарлыг мәктублары алмышыг. Онларын бир нечәсинә нәзәр салаг: «Биз тәхминән 250 евдән ибарәт саһәдә тәблиғ етмәјә тә’јин олундуг. Әрази бөјүк олмаса да, ону әсаслы сурәтдә ишләдик... Орадан гајыданда бизи достҹасына јола салдылар вә јенидән ораја ҝәлмәјимизи хаһиш етдиләр. Ким исә һәтта ағлајырды. Јашадығымыз күчәнин сакинләринин, демәк олар ки, һамысы бизи јола салмаға чыхмышды. Үмумијјәтлә, биз чох бөјүк севинҹ әлдә етдик вә руһландыг, һәм дә чохлу тәзә достлар тапдыг». «Хидмәт етдијимиз заман чохлары мәктублашмаға разы олду. Бу үсулла биз 77 Мүгәддәс Китаб өјрәнмәсинә башладыг... Шәхсән мәним үчүн бу ики һәфтә гејри-мүәјјән, узун бир замана бәрабәрдир. Бу унудулмаз бир вахт иди, чүнки бу мүддәт әрзиндә мән Јеһоваја даһа чох ҝүвәнмәји, Онун рәһбәрлијинә е’тибар етмәји вә дуаларыма ҹаваб вердијини һисс етмәји өјрәндим». Тәблиғчиләрин әксәријјәти һесаб едир ки, еһтијаҹ олан әразидә һәтта гыса мүддәт әрзиндә тәблиғ етмәк, хидмәти даһа чох гијмәтләндирмәкдә онлара көмәк етмишди. Бу ҹүр хидмәт нөвүндә иштирак едәнләрлә сөһбәт етсән ҝөрәҹәксән ки, онлар руһани ҹанланма һисс етмишләр вә јәгин ки, белә бир имкан јаранарса, јенә дә узаг әразиләрә ҝетмәјә һазырдырлар.
6 Тәблиғчиләр чатышмајан әразидә хидмәт етмәк үчүн гыса мүддәтли тә’јинаты гәбул етсән, јахшы бир мәгсәдә наил оларсан. Ҝәләҹәкдә өлкәнин башга һиссәсинә көчмәк үчүн ‘отуруб мәсрәфләри һесабламагда’ сәнин даһа чох тәҹрүбән олаҹаг (Лука 14:28).
7 Јеһованын нијјәтинә әсасән, сон ҝәлмәздән әввәл Мүждә «бүтүн дүнјада тәблиғ олунаҹагдыр» (Мат. 24:14). Бунлары нәзәрә алараг, әҝәр шәраит имкан верирсә, јашајыш јерини дәјишәрәк, көмәјә еһтијаҹ олан јерә көчмәјә һазырсанмы? Көмәјә исә чох јердә еһтијаҹ вардыр.
8 Көмәјә даһа чох еһтијаҹ олан јерә көчмәк. Әҝәр сән доғрудан да көчмәк һаггында дүшүнүрсәнсә, хидмәти комитәдән һансы шәһәрләрдә тәблиғчијә еһтијаҹ олдуғуну соруш. Хидмәти комитә офис васитәсилә сәнә бу барәдә мә’лумат верәҹәк. Тәгаүдә чыхмысанмы? Стабил ҝәлир мәнбәјин вармы? Хидмәт саһәсиндә ишләмәјә һазырсанмы? Компүтердә ишләмәји баҹарырсанмы? Даландар, бәрбәр, чәкмәчи ишләјәрәк өзүнү доландыра биләрсәнми? Бүтүн аилә илә бирликдә башга јерә көчмәк һаггында дүшүнмүсәнми? Әҝәр өзүнүн көчмәк имканын јохдурса, аилә үзвләриндән узаг јердә хидмәт етмәк истәјәнә көмәк едә биләрсәнми?
9 Әҝәр дуа едәрәк дүшүндүкдән сонра еһтијаҹ чох олан јерә көчмәк имканынын олдуғуну ҝөрүрсәнсә, буну аилә үзвләри вә јығынҹағын ағсаггаллары илә мүзакирә ет. Сонра мәктуб јазыб, ағсаггаллара вер ки, филиала ҝөндәрмәздән әввәл она зәманәт мәктубуну әлавә етсинләр.
10 Мәктубда нәји гејд етмәк лазымдыр? Јашыны, вәфтиз олундуғун тарихи, јығынҹагда малик олдуғун мәс’улијјәтләрини, аилә вәзијјәтини вә һәмчинин һәдди-бүлуға чатмамыш ушагларынын олуб-олмадығыны. Шәраитиндән асылы олараг, һансы бөлҝәләрдә хидмәт етмәк истәдијини гејд ет. Мәсәлән, исти, рүтубәтли вә ја дағлыг јерләрдә јашаја, јахуд шахталы гыша таб ҝәтирә биләрсәнми? Башга һансы дилләри билирсән? Офис һәмин әразијә бахан јығынҹагла әлагә сахламаға сәнә көмәк едәҹәк.
11 Сән фәал вә чалышган тәблиғчисәнми? Шәраитин сәнә көчмәјә имкан верирми? Әҝәр беләдирсә, о заман өз шәхси тәҹрүбәндә Јеһованын, Она инанараг фәдакарлыг руһу нүмајиш етдирәнләрә неҹә даима бол-бол хејир-дуа вердијинин шаһиди ол! (Мәз. 34:8; Мал. 3:10).