Јер үзүндә ән бәхтијар халг
1 “Аллаһы Јеһова олан халг нә бәхтијардыр!” (Мәз. 144:15, ЈД). Бу сөзләр Јеһованын Шаһидләрини јер үзүндә ән хошбәхт инсанлар кими тәсвир едир. Јеҝанә һәгиги вә дири Јеһова Аллаһа хидмәт етмәк ән севиндириҹи ишдир. О өзү “мүбарәк [“бәхтијар”, ЈД] Аллаһ” олдуғу үчүн, онун хидмәтчиләри дә бәхтијардыр (1 Тим. 1:11). Ибадәтимизин һансы саһәләри бизә хошбәхтлик ҝәтирир?
2 Бәхтијар олмаг үчүн сәбәбләр. Иса әмин етди ки, “руһани тәләбатларыны дәрк едәнләр” бәхтијардырларә (Мат. 5:3). Бу тәләбат, Мүгәддәс Китабы мүнтәзәм сурәтдә өјрәнмәк вә бүтүн мәсиһчи јығынҹагларында иштирак етмәк кими ишләрин һесабына тә’мин едилир. Аллаһын Кәламындан өјрәндијимиз һәгигәт бизи дини јаланлардан вә јанлыш фикирләрдән азад едиб (Јәһ. 8:32). Мүгәддәс Јазылар бизә, һәмчинин ән ҝөзәл һәјат јолуну ҝөстәрир (Иш. 48:17). Бунун сајәсиндә, бәхтијар гардашлығымыз арасында зөвг верән мәсиһчи үнсијјәтинә маликик (1 Салон. 2:19, 20; 1 Пет. 2:17).
3 Аллаһын јүксәк мә’нәви нормаларына риајәт етмәкдән бөјүк мәмнунлуг дујуруг, чүнки билирик ки, бу бизи горујур вә Јеһованы бәхтијар едир (Сүл. мәс. 27:11). Бир гәзет мүхбири гејд етмишдир: “Ҹидди нормаларына бахмајараг, Јеһованын Шаһидләри бәдбәхт адамлара охшамырлар. Әксинә, [онларын сырасындан] неҹә ки, ҹаванлар еләҹә дә јашлылар гејри–ади раһатлыг дујур вә севинҹ тәзаһүр етдирирләр”. Бәс хошбәхтлијимизә шәрик олмагда башгаларына неҹә көмәк едә биләрик?
4 Хошбәхтлик әлдә етмәкдә башгаларына көмәк ет. Бу дүнјада бир чох инсанлар өзләрини бәдбәхт һисс едир вә ҝәләҹәјә бәдбинҹәсинә бахырлар. Биз исә парлаг үмидә маликик, чүнки билирик ки, бир заман кәдәр кечмишдә галаҹаг (Вәһј 21:3, 4). Бу сәбәбдән, әлдә етдијимиз үмидлә вә Јеһоваја бәсләдијимиз инамла бөлүшә биләҹәјимиз инсанлары ахтарыб тапараг хидмәтдә сә’јлә иштирак едирик (Һез. 9:4).
5 Бир пионер баҹы дејир: “Инсанлара Јеһова вә Онун һәгигәти һаггында билик әлдә етмәкдә көмәк ҝөстәрмәкдән мәмнунедиҹи иш јохдур”. Ҝәлин, инсанлары Мүгәддәс Китаб өјрәнмәси башламаға тәшвиг етмәк үчүн әлимиздән ҝәләни едәк. Јеһоваја хидмәт етмәк вә бу ишдә иштирак етмәкдә башгаларына да фәдакарлыгла көмәк ҝөстәрмәк ән бөјүк бәхтијарлыг ҝәтирир (Һәв. иш. 20:35).