Онларын гурбаны олма!

Мүгәддәс Китаб хәбәрдар едир: “Пис адамлар вә сахтакарлар... алдадыб алданараг, ҝетдикҹә даһа бетәр олаҹаглар” (2 Тим. 3:13). Бу ҹүр сахтакарлар јалныз иман мәсәләсиндә алдатмаға чалышмыр, һәмчинин баҹы-гардашларын әлиачыглығындан да мадди хејир әлдә етмәк истәјирләр. Вахташыры олараг “Бизим Падшаһлыг Хидмәтимиз”дә мүвафиг хәбәрдарлыгларын верилмәсинә бахмајараг, филиал, сәјаһәт едән фырылдагчыларын чәтинлик чәкдикләрини сөјләјиб, пул вә әшја алараг алдатдыглары гардашлардан мә’луматлар алмаға давам едир. Чох вахт сахтакарлар вәсаитсиз галдыгларыны, гидаја вә ҝери евә гајытмаг үчүн пула еһтијаҹ дујдугларыны сөјләјирләр. Әксәр һалларда онлар Јеһованын Шаһидләри дејилләр, садәҹә өзләрини бу ҹүр гәләмә верирләр.

Әҝәр танымадығын бир шәхс јахынлашыб, мадди јардыма еһтијаҹ дујдуғуну сөјләјәрсә, һәмин шәхс һаггында мә’лумат әлдә етмәк мүдриклик оларды вә әксәр һалларда бу ишлә ағсаггалларын мәшғул олмасы јахшы оларды. Чох вахт һәгигәт јолунда олдуғу мүддәти, өтән конгресдә олуб-олмадығыны, һәмчинин сонунҹу нәшрләрлә нә гәдәр јахындан таныш олдуғуну сорушмагла инсанын һәгигәти сөјләмәдијини мүәјјән етмәк олар. Зәнҝ вуруб һәмин адам һаггында мә’лумат әлдә етмәк үчүн, һәр-һалда онун ҝетдији јығынҹагдакы ағсаггаллардан биринин фамилијасыны өјрәнмәк олар. Ҝөзләнилмәдән јардыма еһтијаҹы олан әсл баҹы-гардашлар, һамынын мүдафиәсинә хидмәт едән бу ҹүр јохланыша е’тираз етмәмәлидирләр. Ады чәкилән ағсаггала зәнҝ вурмаг лазымдыр. Беләликлә сахтакарлар ифша олунаҹаглар.

Һансыса шәһәрдә јашајан ағсаггалы таныдығыны сөјләјән инсанын сөзләри һеч бир шеј сүбут етмир. Сәјаһәт едәрәк вә мүхтәлиф јығынҹаглара ҝәләрәк, сахтакарлар бә’зән гардашларын фамилијасыны вә јығынҹагларын адыны өјрәнирләр. Онларын сөзләри чох инандырыҹы ҝөрүнсә дә, бу сөзләрин доғру олуб-олмадығыны јохла. Онларын гурбаны олма!