Маарифләндирән вә руһландыран филм!
1951-ҹи илин апрел ајы иди. Минләрлә Јеһованын Шаһидләрини аиләликҹә бир јерә топламыш, јүк вагонларына миндириб Сибирә сүрҝүн етмишдиләр. Гүдрәтли Совет һөкумәти онлары нәјә ҝөрә мәһв етмәјә чалышырды? Јеһованын Шаһидләри һәмин вәзијјәтдән неҹә сағ чыхмыш вә он илләр әрзиндә давам едән амансыз тә’гибләрә бахмајараг, онлар бу ҝүн нәјә ҝөрә инкишаф етмәкдәдирләр? Бу суалларын ҹавабыны, “Сынаглар заманы садиг галанлар. Јеһованын Шаһидләри Совет Иттифагында” адлы филмдә тапа биләрсиниз. Бу филмә бахын вә гој бу филм сизи, мүхтәлиф сынагларла гаршылашаркән Јеһоваја садиглијинизи горујуб сахламаға тәшвиг етсин!
Бу суаллара ҹаваб верә биләрсинизми? 1) Јеһованын Шаһидләри Русијада илк дәфә нә заман рәсми олараг танынмышлар? 2) Неҹә олду ки, Икинҹи Дүнја мүһарибәсиндән әввәл вә сонра минләрлә Јеһованын Шаһидләри Совет Иттифагы әразисиндә јашамалы олдулар? 3) Онларын иманлары марксизм-ленинизм фәлсәфәсинә нәдә зидд ҝедирди? 4) “Шимал әмәлијјаты” нәдән ибарәт иди вә бу әмәлијјатын васитәсилә Сталин нәјә наил олмаг истәјирди? 5) Сүрҝүн едилмиш Шаһидләри нә ҝөзләјирди вә сүрҝүндән гачынмаг үчүн онлара һансы үсулу тәклиф едирдиләр? 6) Сибирә апаран узун јол боју баҹы-гардашларымыз бир-бирләрини неҹә руһландырырдылар вә онлары мүшајиәт едән әсҝәрләр нәјә тәәҹҹүб едирдиләр? 7) Онлар Сибирдә һансы әзијјәтләрә таб ҝәтирмәли олдулар? 8) Гардашлар Јеһовадан алдыглары һансы руһани јардымы јүксәк гијмәтләндирирдиләр вә нәјә ҝөрә? 9) Нәјә ҝөрә гардашларымыз әдәбијјатлардан өтрү һәјатларыны тәһлүкәјә атмаға белә һазыр идиләр вә һаким даирәләрин гаршыдурмаларына бахмајараг, әдәбијјат әлдә етмәјә неҹә мүвәффәг олурдулар? 10) Аллаһын халгыны Хрушшовун дөврүндә тә’гиб етмәјә неҹә давам едирдиләр? 11) Һаким даирәләр Јеһованын Шаһидләринин ушагларынын иманыны һансы үсулларла сындырмаға чалышырдылар? 12) Тә’гиб олунмаларына даир гардашларын һансы ајдын анлајышлары варды? (2002-ҹи ил үчүн “Јеһованын Шаһидләринин иллик мәҹмуәси”, сәһ. 203, 204, рус.) 13) Аллаһын тәшкилаты үзәринә едилән күтләви һүҹумлар, неҹә тамамилә әкс нәтиҹәләрә ҝәтириб чыхарды? (2002-ҹи ил үчүн “Јеһованын Шаһидләринин иллик мәҹмуәси”, сәһ. 220, 221, рус.) 14) Кечмиш Совет Иттифагында јашајан Јеһованын Шаһидләринин һансы арзулары һәјата кечди? 15) Садиг галмагда гардашларымыза нә көмәк етди вә филмин сон кадрлары Јеремја 1:19 ајәсиндәки сөзләрин доғрулуғуну неҹә тәсдиг едир? 16) Сынаглар заманы кимин сәдагәтинин сәни хүсусилә руһландырдығыны сөјлә.