Бә’зи Авропа өлкәләриндә Падшаһлыг залларынын бејнәлхалг тикинтиси
1 Сон онилликләр әрзиндә бир чох Авропа өлкәләриндә, о ҹүмләдән Шәрги Авропа өлкәләриндә Јеһованын Шаһидләринин фәалијјәтинә мәһдудијјәт гојулмушдур. Бир гајда олараг, мәһдудијјәтләр олдугҹа сәрт олмушдур. Ачыг шәкилдә јығынҹаг ҝөрүшләри кечирмәк чәтин, шәхси Падшаһлыг Залы әлдә етмәк исә тамамилә мүмкүн дејилди. Лакин сон илләрдә, “Рәбб бизим үчүн бөјүк ишләр етди; бунун үчүн севинирик” (Мәз. 126:3).
2 1983-ҹү илдән е’тибарән Јеһованын Шаһидләри үзәриндәки нәзарәт зәифләмәјә башлады. 1989-ҹу илдә онлар Полшада вә Маҹарыстанда, 1991-ҹи илдә исә, Русијада рәсми гејдијјатдан кечдиләр. Һәмин вахтдан, Русијада вә кечмиш Совет Иттифагы республикаларында сүр’әтли артым ҝедир. 1996-ҹы илин март ајындан 1998-ҹи илин октјабр ајына гәдәр Рәһбәрлик Шурасы, нәздиндә 11 Авропа өлкәси олан филиалларын сорғусуна ҝөрә 359 Падшаһлыг Залынын тикилмәсинә суда тәгдим едилмәсини бәјәниб.
3 Бу әлавә вәрәгә үзәриндәки шәкилләрә бахаркән, Јеһованын өз халгы үчүн етдији бөјүк вә мө’ҹүзәли ишләр үзәриндә дәриндән дүшүн (Мәз. 136:4). Бејнәлхалг гардашлығын етдији ианәләрин ән јахшы тәрздә сәрф олундуғуну, бунунла да Исанын Јәһја 13:35 ајәсиндә јазылан, “Әҝәр бир-биринизә гаршы мәһәббәтиниз олса, бундан һәр кәс Мәним шаҝирдләрим олдуғунузу биләҹәк” сөзләринин тәсдигләндијини дәрк етмәк неҹә дә хошдур!
4 Мәһдуд ресурслу өлкәләрдә Падшаһлыг Залларынын тикинтиси програмы дахилиндә јардым едилән Авропа өлкәләриндән бири Румынијадыр ки, орада 2000-ҹи илин ијул ајындан 36 Падшаһлыг Залы тикилмишдир. Украјнада 2001-ҹи илдә 61 Падшаһлыг Залы, 2002-ҹи илдә исә, даһа 76 Зал тикилмишдир. Демәк олар ки, бу Залларын һамысы стандарт лајиһә үзрә тикилмишдир. Падшаһлыг Залларынын фондуна көчүрүлән ианәләрин сајәсиндә Болгарыстанда, Македонијада, Молдавијада, Русијада, Сербија вә Черногорједә вә Хорватијада артыг јүзләрлә Заллар тикилмишдир.
5 Бә’зи өлкәләрдә һүгуги чәтинликләр уҹбатындан Падшаһлыг Заллары тикмәк асан дејил. Тикинтијә башлајана гәдәр чохлу мүхтәлиф мәсәләләри һәлл етмәк лазым ҝәлир, чох вахт исә бу просес олдугҹа узун чәкир. Бундан әлавә, Авропа өлкәләриндәки тикинтиләр, Африканын вә Ҹәнуби Американын бир чох һиссәләриндәки тикинтиләрдән олдугҹа баһа баша ҝәлир. Лакин мәһдуд ресурслу Авропа өлкәләриндә Јеһованын хидмәтчиләринин сајы ҝүнү-ҝүндән артдығы үчүн, даһа јүзләрлә Падшаһлыг Заллары лазымдыр!
6 Јени Залларын тикинтисинин тез бир заманда ҝенишләндијини ҝөрмәк неҹә дә хошдур! Падшаһлыг Залларынын тикинтисини кәнардан мүшаһидә едән инсанларын чоху тәәҹҹүбләнмишләр. Гардашларын, дөвләт мә’мурларынын ҝөстәришләринә һазырлыгла риајәт етмәләри онлардан бә’зиләриндә тәәссүрат јаратмышдыр.
7 Аллаһ, пејғәмбәри Ишајанын васитәсилә, бизим ҝүнләрдә халгы арасында баш верән артым барәдә габагҹадан демишдир: “Мән, Рәбб, вахт ҝәлинҹә буну тезләндирәҹәјәм” (Иш. 60:22). Сон он ил әрзиндә, Јеһова һәгигәтән дә Шәрги Авропада артымы ‘тезләндирмишдир’. Гој Јеһова бизим, Падшаһлыг Заллары фондуна ианә етмәк сә’јимизә бундан сонра да хејир-дуа версин вә бунунла да јени Залларын тикинтисини сүр’әтләндирсин! Белә олан һалда мәһдуд ресурслу өлкәләрдә даһа артыг Падшаһлыг Заллары јаранаҹаг, бу исә өз нөвбәсиндә, тәмиз ибадәтин Авропанын бир чох өлкәләриндә ҝенишләнмәсинә вә “јерин уҹларына гәдәр” бөјүк шаһидлик едилмәсинә көмәк едәҹәк (Һәв. иш. 13:47, И–93).
[3 сәһифәдәки шәкилләр]
Падшаһлыг Заллары комплекси, Москва, Русија
[4-6 сәһифәләрдәки шәкилләр]
Шәрги Авропада јени Падшаһлыг Заллары
Струмитса, Македонија
Дарувар, Хорватија
Битола, Македонија
Сокал, Лвов вилајәти, Украјна
Младост, Болгарыстан
Краснооктјабрски, Мајкоп рајону, Русија
Бачки-Петроватс, Сербија вә Черногорје
Пловдив, Болгарыстан
Тлумач, Ивано-Франковскаја вилајәти, Украјна
Рава-Русскаја, Лвов вилајәти, Украјна
Стара-Пазова, Сербија вә Черногорје
Зенитса, Боснија вә Һерсоговина
Сокал, Лвов вилајәти, Украјна
Жидачов, Лвов вилајәти, Украјна