Бејнәлхалг вә вилајәт конгресләри бизи Аллаһа иззәт вермәјә тәшвиг едир!

Артыг бу вахта гәдәр кечирилмиш “Аллаһа иззәт верин” адлы бејнәлхалг вә вилајәт конгресләри инсанлар үчүн бөјүк шаһидлик олмушдур. Бу мүһүм теократик һадисәләр Јеһованын адыны уҹалтмыш вә Онун исминә даһа јахшы иззәт вермәкдә бизә көмәк етмишдир (Мәз. 96:8). Аллаһ Өзүнүн һејрәтләндириҹи хүсусијјәтләрини әкс етдирән валеһедиҹи тәрздә хәлг етдији һәр бир шејә ҝөрә доғрудан да иззәтә лајигдир (Ејуб 37:14; Вәһј 4:11).

Ашағыдакы суаллардан вә конгресдә етдијиниз гејдләрдән истифадә едәрәк вилајәт конгресинин програмынын мүзакирәсинә һазырлашын. Бу мүзакирә октјабрын 20-дән башланан һәфтәдә кечириләҹәк.

1. Аллаһын јаратдығы ҹансыз варлыглар Онун иззәтини неҹә бәјан едирләр вә бу, инсанларын Аллаһа иззәт вермәләриндән нә илә фәргләнир? (Мәз. 19:1-3; “Аллаһын јаратдыглары Онун иззәтини бәјан едир” мә’рузәсиндән).

2. Исанын ҝөркәминин дәјишилмәси нәјин ин’икасы иди вә бу ин’икасын тәҹәссүмү мүасир мәсиһчиләри нәјә тәшвиг едир? (“Шөһрәтли иззәтин рө’јасы бизи фәалијјәт ҝөстәрмәјә тәшвиг едир!” адлы әсас мә’рузәдән).

3. Биз пејғәмбәр Даниелин малик олдуғу тәвазөкарлығы неҹә инкишаф етдирә биләрик вә бу бизә һансы фајданы ҝәтирәҹәк? (Дан. 9:2, 5; 10:11, 12; “Јеһованын иззәти тәвазөкар оланлара ашкар олур” мә’рузәсиндән).

4. а) Амос һаггындакы пејғәмбәрликдән Аллаһын һөкмләринин һансы үч ҹәһәтини өјрәнә биләрик? (Амос 1:3, 11, 13; 9:2-4, 8, 14). б) Амос 2:12 ајәсиндә тәсвир олунан хәбәрдаредиҹи нүмунәдән бу ҝүн Јеһованын Шаһидләри һансы практики ибрәт дәрсини ала биләрләр? (“Амосун пејғәмбәрлији. Бизим ҝүнләримиз үчүн онун әһәмијјәти” адлы мә’рузәләр силсиләсиндән).

5. а) Һәтта сәрхошлуг әламәтләри олмаса да, спиртли ичкиләрдән суи-истифадә етмәјин тәһлүкәләри һансылардыр? б) Спиртли ичкијә алудәлијин өһдәсиндән неҹә ҝәлмәк олар? (Марк 9:43; Ефес. 5:18; “Спиртли ичкиләрдән суи-истифадә. Бу тәләдән неҹә гачынмаг олар?” мә’рузәсиндән).

6. “Јахшы мәмләкәтә” бахын” адлы јени нәшрдән неҹә фајдаланырсыныз? (“Јахшы мәмләкәт” — ҝәләҹәкдә олаҹаг Ҹәннәтин сурәти” мә’рузәсиндән).

7. Јеһованын иззәтини һансы үч үсулла “ајна” кими әкс етдирә биләрик? (2 Кор. 3:18; “Јеһованын иззәтини ајналар кими әкс етдиририк” адлы мә’рузәләр силсиләсиндән).

8. Јерсиз нифрәтин сәбәби нәдир вә бизә гаршы ҝөстәрилән бу ҹүр нифрәтә бахмајараг, нөгсансызлығымызы горумагда бизә нә көмәк едә биләр? (Мәз. 109:1-3; “Јерсиз нифрәт едиләнләр” адлы мә’рузәдән).

9. Мәсиһин бөјүк олмаға даир нөгтеји-нәзәри неҹәдир вә мәсиһчи бу саһәдә нәдә инкишаф етмәли олдуғуну неҹә мүәјјән едә биләр? (Мат. 20:20-26; “Мәсиһин бөјүклүјә олан нөгтеји-нәзәрини инкишаф етдирин” мә’рузәсиндән).

10. Физики ҹәһәтдән јорғун олдуғумуза бахмајараг, руһани ҹәһәтдән мөһкәм дурмағымыза нә көмәк едә биләр? (“Јорғун оланлар, лакин һалдан дүшмәјәнләр” мә’рузәсиндән).

11. Шејтан јаланы һансы үсулларла јајыр вә Онун бизим иманымызы сарсытмаг ҹәһдләринә мүгавимәт ҝөстәрмәкдә Мүгәддәс Китабын һансы мәсләһәти көмәк едир? (Јәһ. 10:5; “Јадларын сәсин”дән горунун” мә’рузәсиндән).

12. а) Марк 10:14, 16 ајәләриндә тәсвир олунан Исанын нүмунәсини валидејнләр неҹә изләјә биләр? б) “Бөјүк Мүәллимдән өјрән” адлы јени китабда хошунуза ҝәлән нә олуб? (“Ушаглар бизим гијмәтли мирасымыздыр” мә’рузәсиндән).

13. Ҝәнҹләр Јеһоваја неҹә һәмд едирләр? (1 Тим. 4:12; “Ҝәнҹләр Јеһоваја неҹә һәмд едирләр?” мә’рузәсиндән).

14. “Мүгавимәтә бахмајараг, ҹәсарәтли шәһадәтлик” адлы драмдан һансы мәгамлар хүсусилә јадынызда галыб?

15. Биз а) Петер вә Јәһјанын (Һәв. иш. 4:10), б) Стефанын (Һәв. иш. 7:2, 52, 53), ҹ) Биринҹи әсрин мәсиһчи јығынҹағынын нүмунәсини неҹә тәглид едә биләрик? (Һәв. иш. 9:31; драмдан вә “Дурмадан хош хәбәри бәјан един” мә’рузәсиндән).

16. а) Биз Јеһоваја һансы үсулларла иззәт вермәк нијјәтиндәјик? б) “Аллаһа иззәт верин” адлы конгресләрдә өјрәндикләримизи тәтбиг едириксә, нәдә әмин ола биләрик? (Јәһ. 15:9, 10, 16; “Јеһованын иззәти үчүн даһа чох ‘мәһсул верин’” мә’рузәсиндән).

Конгресдә алдығымыз руһани нәсиһәтләр үзәриндә нә гәдәр чох фикирләшириксә, бир о гәдәр дә өјрәндикләримизи тәтбиг етмәк истәјирик (Филип. 4:8, 9). Бу, “һәр шеји Аллаһын иззәти үчүн” етмәк гәтијјәтиндә бизи мөһкәмләндирәҹәк (1 Кор. 10:31).